ຈົດບັນຊີ 18:31 - ພຣະຄຳພີສັກສິ

³¹ ພວກເຈົ້າ​ແລະ​ຄອບຄົວ​ຈະ​ເອົາ​ໄປ​ກິນ​ບ່ອນ​ໃດ​ບ່ອນ​ໜຶ່ງ​ກໍໄດ້ ເພາະວ່າ​ແມ່ນ​ຄ່າຈ້າງ​ສຳລັບ​ວຽກງານ​ທີ່​ພວກເຈົ້າ​ໄດ້​ເຮັດ​ໃນ​ຫໍເຕັນ​ບ່ອນ​ຊຸມນຸມ.

ຈົດບັນຊີ 18:31 Jak'a apnaqawi uñst'ayäwi

ຈົດບັນຊີ 18:30

ເມື່ອ​ພວກເຈົ້າ​ໄດ້​ຖວາຍ​ສ່ວນ​ທີ່ດີ​ທີ່ສຸດ​ແລ້ວ ພວກເຈົ້າ​ກໍ​ຮັກສາ​ສ່ວນ​ທີ່​ເຫຼືອ​ນັ້ນ​ໄວ້​ໄດ້ ເໝືອນກັນ​ກັບ​ຊາວ​ສວນ​ໄດ້​ຮັກສາ​ສິ່ງ​ທີ່​ເຫຼືອ​ໄວ້ ຫລັງຈາກ​ທີ່​ພວກເຂົາ​ໄດ້​ຖວາຍ​ແລ້ວ.

ຈົດບັນຊີ 18:32

ພວກເຈົ້າ​ບໍ່ມີ​ຄວາມຜິດ​ໃນ​ຂອງ​ຖວາຍ ເມື່ອ​ພວກເຈົ້າ​ກິນ​ສ່ວນ​ທີ່​ໄດ້​ຮັບ​ນັ້ນ. ແຕ່​ຢ່າ​ເຮັດ​ໃຫ້​ຂອງ​ຖວາຍ​ທີ່​ຊາວ​ອິດສະຣາເອນ​ຖື​ວ່າ​ບໍຣິສຸດ​ນັ້ນ​ເປັນ​ມົນທິນ ໂດຍ​ກິນ​ສ່ວນໃດ​ສ່ວນໜຶ່ງ​ກ່ອນ​ຖວາຍ​ສ່ວນ​ທີ່ດີ​ທີ່ສຸດ ຖ້າ​ພວກເຈົ້າ​ຫາກ​ຂືນ​ເຮັດ ພວກເຈົ້າ​ຈະ​ໄດ້​ຮັບ​ໂທດ​ເຖິງ​ຕາຍ.”

ມັດທາຍ 10:10

ຢ່າ​ເອົາ​ຖົງ​ໄປ​ໃສ່​ເຄື່ອງ​ຂອງ​ຕາມ​ທາງ ຫລື​ເຄື່ອງນຸ່ງຫົ່ມ​ໄປ ຫລື​ເກີບ ຫລື​ໄມ້ເທົ້າ​ໄປ​ນຳ, ເພາະ​ຄົນງານ​ກໍ​ສົມຄວນ​ໄດ້​ຮັບ​ອາຫານ​ກິນ.”

ລູກາ 10:7

ຈົ່ງ​ຢູ່​ໃນ​ເຮືອນ​ຫລັງ​ນັ້ນ ກິນ​ແລະ​ດື່ມ​ຕາມ​ທີ່​ເຂົາ​ມີ​ຢູ່. ດ້ວຍວ່າ, ຄົນງານ​ກໍ​ຄວນ​ຈະ​ໄດ້​ຮັບ​ຄ່າ​ແຮງງານ​ຂອງຕົນ ຢ່າ​ຍ້າຍ​ຈາກ​ເຮືອນ​ນີ້​ເຂົ້າ​ໄປ​ຢູ່​ເຮືອນ​ອື່ນ.

2 ໂກຣິນໂທ 12:13

ເພາະວ່າ, ເຈົ້າ​ທັງຫລາຍ​ເສຍປຽບ​ຕໍ່​ຄຣິສຕະຈັກ​ອື່ນໆ​ໃນ​ຂໍ້​ໃດ​ແດ່? ເວັ້ນໄວ້​ແຕ່​ໃນ​ຂໍ້​ນີ້ ຄື​ເຮົາ​ບໍ່ໄດ້​ເປັນ​ພາລະ​ອັນ​ໜັກ​ແກ່​ພວກເຈົ້າ ການ​ຜິດ​ນັ້ນ​ຂໍ​ໃຫ້​ອະໄພ​ໂທດ​ແກ່​ເຮົາ​ແດ່ທ້ອນ.

ຄາລາເຕຍ 6:6

ຄົນ​ທີ່​ຮັບ​ພຣະທຳ​ຄຳສອນ​ແລ້ວ ຈົ່ງ​ແບ່ງ​ສິ່ງ​ທີ່​ດີ​ທຸກຢ່າງ​ໃຫ້​ແກ່​ຜູ້​ທີ່​ສັ່ງສອນ​ຕົນ.