ຈົດບັນຊີ 18:21 - ພຣະຄຳພີສັກສິ21 “ເຮົາໄດ້ມອບໜຶ່ງສ່ວນສິບຂອງທຸກໆສິ່ງ ທີ່ຊາວອິດສະຣາເອນຖວາຍແກ່ເຮົາໃຫ້ຊາວເລວີ. ອັນນີ້ເປັນຄ່າຕອບແທນວຽກການທີ່ພວກເຂົາຮັບຜິດຊອບເບິ່ງແຍງຮັກສາຫໍເຕັນບ່ອນຊຸມນຸມ. Uka jalj uñjjattʼäta |
ຈົດບັນຊີ 18:21
26 Jak'a apnaqawi uñst'ayäwi
ຂໍຮ່ວມກັບບັນດາຜູ້ນຳຂອງພວກຂ້ານ້ອຍໃນທີ່ນີ້ ພາຍໃຕ້ຄຳສາບແຊ່ງອັນມີໂທດຮ້າຍແຮງ ຖ້າພວກຂ້ານ້ອຍຝ່າຝືນຂໍ້ຕົກລົງນີ້ ຂໍສາບານວ່າພວກຂ້ານ້ອຍຈະດຳເນີນຊີວິດຕາມກົດບັນຍັດ ຊຶ່ງພຣະເຈົ້າໄດ້ມອບໃຫ້ຜ່ານທາງໂມເຊ ຜູ້ຮັບໃຊ້ຂອງພຣະເຈົ້າ; ວ່າພວກຂ້ານ້ອຍຈະກະທຳຕາມສິ່ງທັງໝົດທີ່ອົງພຣະຜູ້ເປັນເຈົ້າ ພຣະເຈົ້າຂອງພວກຂ້ານ້ອຍໄດ້ສັ່ງ; ແລະວ່າພວກຂ້ານ້ອຍຈະຢຶດຖືກົດບັນຍັດ ແລະຂໍ້ກຳນົດຕ່າງໆຂອງພຣະອົງ.
ທຸກໆປີໃດ ພວກຂ້ານ້ອຍຈະນຳເຂົ້າໜົມທີ່ບໍ່ໄດ້ຈີ່ ຊຶ່ງເຮັດຈາກພືດຜົນເປັນເມັດທີ່ເກັບກ່ຽວແຕ່ຕົ້ນປີພ້ອມທັງເຫຼົ້າອະງຸ່ນ, ນໍ້າມັນໝາກກອກເທດ ແລະໝາກໄມ້ຊະນິດຕ່າງໆມາໃຫ້ປະໂຣຫິດຖວາຍໃນວິຫານຂອງພຣະເຈົ້າ. ພວກຂ້ານ້ອຍຈະນຳໜຶ່ງສ່ວນສິບຂອງພືດຜົນຈາກໄຮ່ນາ ແລະໜຶ່ງສ່ວນສິບຂອງພືດຜົນຈາກດິນແດນຂອງພວກຂ້ານ້ອຍມາໃຫ້ຊາວເລວີ.
ພວກປະໂຣຫິດທີ່ສືບເຊື້ອສາຍມາຈາກອາໂຣນຈະໄປກັບຊາວເລວີ ເມື່ອເກັບເອົາໜຶ່ງສ່ວນສິບນັ້ນ; ແລະເພື່ອຮັບໃຊ້ໃນວິຫານຂອງພຣະເຈົ້າຂອງພວກຂ້ານ້ອຍ ໃຫ້ຊາວເລວີຖວາຍໜຶ່ງສ່ວນສິບຈາກສິ່ງຂອງຂອງພວກຕົນ ຊຶ່ງໄດ້ມາຈາກໜຶ່ງສ່ວນສິບທັງໝົດນີ້ ໃຫ້ແກ່ຄັງຂອງວິຫານຂອງພຣະເຈົ້າຂອງພວກຂ້ານ້ອຍເໝືອນກັນ.
ໃນເວລານັ້ນ ພວກເຂົາໄດ້ຊອກຫາຜູ້ຮັບຜິດຊອບບ່ອນມ້ຽນເຄື່ອງຂອງ ທີ່ຄົນນຳມາບໍລິຈາກສຳລັບພຣະວິຫານ ຊຶ່ງປະກອບດ້ວຍໜຶ່ງສ່ວນສິບ, ຜົນລະປູກເທື່ອທຳອິດຂອງພືດຜົນເປັນເມັດ ແລະໝາກໄມ້ສຸກເທື່ອທຳອິດໃນຕົ້ນປີ. ຄົນເຫຼົ່ານີ້ແມ່ນຮັບຜິດຊອບຮວບຮວມເຄື່ອງປູກຂອງຝັງ ຈາກໄຮ່ນາໃກ້ຄຽງໃນເມືອງຕ່າງໆທີ່ນຳມາບໍລິຈາກ ສຳລັບພວກປະໂຣຫິດແລະຊາວເລວີ ຕາມທີ່ກົດບັນຍັດໄດ້ກຳນົດໄວ້. ປະຊາຊົນຊາວຢູດາທັງໝົດຕ່າງກໍພໍໃຈນຳພວກປະໂຣຫິດແລະຊາວເລວີ
ເພິ່ນໄດ້ອະນຸຍາດໃຫ້ໂຕບີຢາໃຊ້ຫ້ອງໃຫຍ່ຫ້ອງໜຶ່ງ ຊຶ່ງແຕ່ກ່ອນໄດ້ໃຊ້ມ້ຽນເຄື່ອງຖວາຍໂດຍສະເພາະເຊັ່ນ: ພືດຜົນເປັນເມັດກັບເຄື່ອງຫອມ, ເຄື່ອງໃຊ້ປະຈຳພຣະວິຫານ, ເຄື່ອງຖວາຍຕ່າງໆສຳລັບບັນດາປະໂຣຫິດ ແລະໜຶ່ງສ່ວນສິບຂອງພືດຜົນເປັນເມັດ, ເຫຼົ້າອະງຸ່ນ ແລະນໍ້າມັນໝາກກອກເທດທີ່ໄດ້ຖວາຍໃຫ້ຊາວເລວີ, ໃຫ້ພວກນັກຮ້ອງ ແລະໃຫ້ພວກຄົນເຝົ້າຍາມ.
ຈົ່ງນຳໜຶ່ງສ່ວນສິບເຕັມຈຳນວນມາທີ່ວິຫານຂອງເຮົາ ເພື່ອວ່າໃນທີ່ນັ້ນຈະມີອາຫານຢ່າງເຕັມບໍຣິບູນ. ຈົ່ງລອງເຮັດຢ່າງນັ້ນກັບເຮົາເບິ່ງ ພຣະເຈົ້າຢາເວອົງຊົງຣິດອຳນາດຍິ່ງໃຫຍ່ກ່າວວ່າ ແລະພວກເຈົ້າຈະເຫັນວ່າ ເຮົາຈະໄຂປະຕູສະຫວັນ ແລະຖອກເທພຣະພອນນາໆຊະນິດ ຈົນບໍ່ມີຫ້ອງໃສ່ໄວ້ໃນເຮືອນຂອງພວກເຈົ້າ.
Anuncios ukanaka