ຈົດບັນຊີ 18:19 - ພຣະຄຳພີສັກສິ

¹⁹ ເຄື່ອງ​ຖວາຍ​ພິເສດ​ທັງໝົດ​ເປັນ​ບໍຣິສຸດ​ທີ່​ຊາວ​ອິດສະຣາເອນ​ໄດ້​ນຳ​ມາ​ຖວາຍ​ແກ່​ພຣະເຈົ້າຢາເວ ເປັນ​ຂອງ​ເຈົ້າ​ແລະ​ພວກ​ລູກ​ຊາຍ​ຍິງ​ຂອງ​ເຈົ້າ​ທຸກຍຸກ​ທຸກສະໄໝ​ສືບໄປ. ອັນນີ້ ແມ່ນ​ພັນທະສັນຍາ​ຂອງ​ເກືອ​ອັນ​ປ່ຽນແປງ​ບໍ່ໄດ້​ຕໍ່ໜ້າ​ພຣະເຈົ້າຢາເວ​ສຳລັບ​ເຈົ້າ​ແລະ​ເຊື້ອສາຍ​ຂອງ​ເຈົ້າ.”

ຈົດບັນຊີ 18:19 Jak'a apnaqawi uñst'ayäwi

2 ກະສັດ 12:16

ເງິນ​ທີ່​ໄດ້​ມາ​ຈາກ​ເຄື່ອງ​ຖວາຍ​ໃນ​ການ​ຊຳລະຄືນ ແລະ​ໄດ້​ຈາກ​ເຄື່ອງ​ຖວາຍ​ໃນ​ການ​ລຶບລ້າງ​ບາບ​ນັ້ນ ບໍ່ແມ່ນ​ເງິນ​ທີ່​ນຳມາ​ຖວາຍ​ໃນ​ວິຫານ​ຂອງ​ພຣະເຈົ້າຢາເວ; ເງິນ​ສ່ວນ​ນີ້​ເປັນ​ຂອງ​ພວກ​ປະໂຣຫິດ.

2 ຂ່າວຄາວ 13:5

“ຈົ່ງ​ຟັງ​ຂ້າພະເຈົ້າ​ໃຫ້​ດີ ພວກທ່ານ​ບໍ່​ຮູ້​ບໍ​ວ່າ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ໄດ້​ເຮັດ​ພັນທະສັນຍາ ອັນ​ບໍ່ມີ​ວັນ​ລຶບລ້າງ​ໄດ້​ກັບ​ດາວິດ ໂດຍ​ໄດ້​ມອບ​ໃຫ້​ເພິ່ນ​ກັບ​ເຊື້ອສາຍ​ຂຶ້ນ​ເປັນ​ກະສັດ​ປົກຄອງ​ຊາດ​ອິດສະຣາເອນ​ຕະຫລອດໄປ?

2 ຂ່າວຄາວ 31:4

ນອກຈາກນີ້​ອີກ ກະສັດ​ຍັງ​ບອກ​ປະຊາຊົນ​ໃນ​ນະຄອນ​ເຢຣູຊາເລັມ ໃຫ້​ນຳ​ເຄື່ອງ​ຖວາຍ​ຊຶ່ງ​ໄດ້​ກຳນົດ​ໄວ້​ສຳລັບ​ພວກ​ປະໂຣຫິດ​ແລະ​ຊາວ​ເລວີ​ນັ້ນ​ມາ ເພື່ອ​ພວກເຂົາ​ຈະ​ໄດ້​ອຸທິດ​ເວລາ​ທັງໝົດ​ໃສ່​ການ​ປະຕິບັດ ຕາມ​ກົດບັນຍັດ​ຂອງ​ພຣະເຈົ້າຢາເວ.

ອົບພະຍົບ 29:27

ເມື່ອ​ມີ​ການ​ສະຖາປະນາ​ປະໂຣຫິດ ຊີ້ນ​ໜ້າເອິກ​ແລະ​ຂາໜ້າ​ຂອງ​ແກະເຖິກ ທີ່​ຈັດ​ເອົາ​ໄວ້​ສຳລັບ​ການ​ສະຖາປະນາ ຈົ່ງ​ໃຫ້​ຖວາຍ​ແກວ່ງໄປ​ແກວ່ງມາ​ຊຶ່ງ​ເປັນ​ເຄື່ອງ​ບູຊາ​ແກວ່ງໄປ​ແກວ່ງມາ ແລະ​ໃຫ້​ປະ​ໄວ້​ຕ່າງຫາກ​ສຳລັບ​ພວກ​ປະໂຣຫິດ.

ເອເຊກຽນ 43:24

ສັດ​ທັງສອງ​ນັ້ນ​ຕ້ອງ​ໃຫ້​ມີ​ສຸຂະພາບ​ດີ​ແລະ​ບໍ່ມີຕຳໜິ. ບັນດາ​ປະໂຣຫິດ​ຈະ​ໂຮຍ​ເກືອ​ໃສ່​ມັນ ແລະ​ເຜົາ​ເປັນ​ເຄື່ອງ​ບູຊາ​ຖວາຍ​ຕໍ່ໜ້າ​ພຣະເຈົ້າຢາເວ.

ລະບຽບ^ພວກເລວີ 2:13

ຈົ່ງ​ເອົາ​ເກືອ​ໃສ່​ພືດຜົນ​ເປັນເມັດ​ທຸກໆ​ຊະນິດ​ທີ່​ນຳ​ມາ​ຖວາຍ​ນັ້ນ ເພາະວ່າ​ເກືອ​ເປັນ​ເຄື່ອງໝາຍ​ແຫ່ງ​ພັນທະສັນຍາ ລະຫວ່າງ​ເຈົ້າ​ກັບ​ພຣະເຈົ້າ. (ເຈົ້າ​ຕ້ອງ​ເອົາ​ເກືອ​ໃສ່​ເຄື່ອງ​ຖວາຍ​ທຸກ​ຊະນິດ).

ລະບຽບ^ພວກເລວີ 21:22

ຄົນ​ຢ່າງ​ນັ້ນ​ອາດ​ກິນ​ອາຫານ​ທີ່​ໄດ້​ຖວາຍ​ແກ່​ພຣະເຈົ້າ​ຂອງເຂົາ​ແລ້ວ​ໄດ້ ຄື: ທັງ​ອາຫານ​ທີ່​ຖວາຍ​ແລ້ວ​ຢ່າງ​ບໍຣິສຸດ​ແລະ​ຢ່າງ​ບໍຣິສຸດ​ທີ່ສຸດ;

ລະບຽບ^ພວກເລວີ 7:14

ລາວ​ຈະ​ຕ້ອງ​ເອົາ​ເຂົ້າຈີ່​ສ່ວນ​ໜຶ່ງ​ຂອງ​ແຕ່ລະ​ຊະນິດ ຖວາຍ​ແກ່​ພຣະເຈົ້າຢາເວ; ສ່ວນ​ນີ້​ຈະ​ເປັນ​ຂອງ​ປະໂຣຫິດ​ຜູ້​ເອົາ​ເລືອດ​ສັດ​ໄປ​ຊິດ​ໃສ່​ແທ່ນບູຊາ.

ຈົດບັນຊີ 18:11

ນອກຈາກນີ້​ອີກ ເຄື່ອງ​ຖວາຍ​ພິເສດ​ອື່ນໆ​ທີ່​ຊາວ​ອິດສະຣາເອນ​ຖວາຍ​ແກ່​ເຮົາ ຈະ​ເປັນ​ຂອງ​ເຈົ້າ. ເຮົາ​ຍົກ​ໃຫ້​ເປັນ​ຂອງ​ເຈົ້າ, ພວກ​ລູກຊາຍ​ຂອງ​ເຈົ້າ ແລະ​ລູກສາວ​ຂອງ​ເຈົ້າ​ທຸກຍຸກ​ທຸກສະໄໝ​ສືບໄປ. ສະມາຊິກ​ທຸກໆ​ຄົນ​ໃນ​ຄອບຄົວ​ຂອງ​ເຈົ້າ ທີ່​ບໍ່​ເປັນ​ມົນທິນ​ກິນ​ຂອງ​ຖວາຍ​ນັ້ນ​ໄດ້.

ຈົດບັນຊີ 18:8

ພຣະເຈົ້າຢາເວ​ໄດ້​ກ່າວ​ແກ່​ອາໂຣນ​ວ່າ, “ຈົ່ງ​ຈົດຈຳ​ໄວ້​ວ່າ​ເຮົາ​ໄດ້​ມອບ​ເຄື່ອງ​ຖວາຍ​ພິເສດ​ທຸກສິ່ງ​ທີ່​ບໍ່ໄດ້​ເຜົາບູຊາ ທີ່​ຊາວ​ອິດສະຣາເອນ​ໄດ້​ຖວາຍ​ແກ່​ເຮົາ​ໃຫ້​ແກ່​ເຈົ້າ. ເຮົາ​ໄດ້​ມອບ​ສິ່ງ​ນັ້ນ​ທັງໝົດ​ໃຫ້​ເປັນ​ສ່ວນແບ່ງ​ແກ່​ເຈົ້າ ແລະ​ເຊື້ອສາຍ​ຂອງ​ພວກເຈົ້າ​ຕະຫລອດໄປ.

ຈົດບັນຊີ 31:29

ຈົ່ງ​ມອບ​ສ່ວນ​ນີ້​ໃຫ້​ປະໂຣຫິດ​ເອເລອາຊາ ຕາມ​ພິທີ​ຖວາຍ​ເຄື່ອງ​ອຸດໜູນ​ພິເສດ​ແກ່​ພຣະເຈົ້າຢາເວ.

ຈົດບັນຊີ 31:41

ສະນັ້ນ ໂມເຊ​ຈຶ່ງ​ໄດ້​ມອບ​ເຄື່ອງ​ຖວາຍ​ພິເສດ​ແກ່​ພຣະເຈົ້າຢາເວ​ນີ້ ໃຫ້​ປະໂຣຫິດ​ເອເລອາຊາ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໂມເຊ.

ພຣະບັນຍັດສອງ 12:26

ຈົ່ງ​ນຳ​ເອົາ​ເຄື່ອງ​ຖວາຍ​ແລະ​ເຄື່ອງ​ຖວາຍ​ຕ່າງໆ ທີ່​ພວກເຈົ້າ​ໄດ້​ສັນຍາ​ວ່າ​ຈະ​ຖວາຍ, ໃຫ້​ຖື​ໄປ​ຍັງ​ສະຖານທີ່​ທີ່​ພຣະເຈົ້າຢາເວ​ໄດ້ເລືອກ​ໄວ້.

ພຣະບັນຍັດສອງ 12:6

ໃນ​ທີ່ນັ້ນ ພວກເຈົ້າ​ຕ້ອງ​ເຜົາ​ສັດ​ຖວາຍບູຊາ​ດ້ວຍ​ໄຟ ຖວາຍ​ເຄື່ອງ​ບູຊາ​ຕ່າງໆ, ຖວາຍ​ໜຶ່ງສ່ວນສິບ​ກັບ​ເຄື່ອງ​ຖວາຍ​ອື່ນໆ, ເຄື່ອງ​ທີ່​ໄດ້​ສັນຍາ​ຖວາຍ, ເຄື່ອງ​ຖວາຍ​ຕາມ​ໃຈ​ສະໝັກ ແລະ​ລູກຫົວປີ​ຂອງ​ງົວ​ແລະ​ຂອງ​ແກະ​ທຸກ​ໂຕ.