ຈົດບັນຊີ 17:8 - ພຣະຄຳພີສັກສິ

⁸ ວັນ​ຕໍ່ມາ ເມື່ອ​ໂມເຊ​ໄດ້​ເຂົ້າ​ໄປ​ໃນ​ຫໍເຕັນ ເພິ່ນ​ຈຶ່ງ​ໄດ້​ເຫັນ​ວ່າ​ໄມ້ຄ້ອນເທົ້າ​ຂອງ​ອາໂຣນ ຊຶ່ງ​ເປັນ​ຂອງ​ເຜົ່າເລວີ​ນັ້ນ​ອອກ​ດອກ​ຄື: ດອກຈູມ, ດອກບານ ແລະ​ມີ​ໝາກອາມອນ​ສຸກ​ຄ້າຍໆ​ໝາກບົກ​ຕິດ​ຢູ່​ດ້ວຍ

ຈົດບັນຊີ 17:8 Jak'a apnaqawi uñst'ayäwi

ປະຖົມມະການ 40:10

ແລະ​ມີ​ສາມ​ງ່າ. ໃນທັນໃດ ງ່າ​ເຫຼົ່ານັ້ນ​ກໍ​ປົ່ງ​ໃບ, ດອກ​ກໍ​ບານ ແລະ​ມີ​ພົ້ວ​ໝາກອະ​ງຸ່ນ​ສຸກ​ຢູ່​ເຕັມ​ງ່າ.

ເພງ^ສັນລະເສີນ 110:2

ຈາກ​ພູເຂົາ​ຊີໂອນ, ພຣະອົງ​ຈະ​ແຜ່​ອຳນາດ​ແຫ່ງ​ກະສັດ ໂດຍ​ກ່າວ​ວ່າ, “ຈົ່ງ​ປົກຄອງ​ສັດຕູ​ຂອງເຈົ້າ.”

ຍອດເພງ 2:3

ຕົ້ນໝາກຈອງ​ເກີດ​ຢູ່​ທ່າມກາງ​ຕົ້ນໄມ້​ປ່າ​ສັນໃດ ຄົນຮັກ​ຂອງນ້ອງ​ກໍ​ປະປົນ​ຢູ່​ກັບ​ຊາຍ​ອື່ນ​ສັນນັ້ນ. ຂ້ອຍ​ມັກ​ມາ​ນັ່ງ​ພັກ​ເຊົາ​ຢູ່​ໃຕ້​ຮົ່ມ​ຂອງມັນ ແລະ​ໝາກ​ຂອງມັນ​ກໍ​ຫວານ​ແລະ​ຣົດຊາດ​ກໍ​ແຊບ.

ເອຊາຢາ 4:2

ເມື່ອ​ວັນ​ນັ້ນ​ມາ​ເຖິງ ພຣະເຈົ້າຢາເວ​ຈະ​ເຮັດ​ໃຫ້​ພືດພັນ ແລະ​ຕົ້ນໄມ້​ຢູ່​ໃນ​ດິນແດນ​ໃຫຍ່​ຂຶ້ນ​ແລະ​ສວຍງາມ. ປະຊາຊົນ​ຊາວ​ອິດສະຣາເອນ​ທັງໝົດ​ທີ່​ຍັງ​ມີ​ຊີວິດ​ເຫລືອຢູ່ ຈະ​ຊື່ນຊົມ​ຍິນດີ​ໃນ​ຜົນລະປູກ​ທີ່​ເກີດ​ໃນ​ດິນແດນ.

ເອເຊກຽນ 17:24

ຕົ້ນໄມ້​ທຸກ​ຕົ້ນ​ທີ່​ນັ້ນ​ຈະ​ຮູ້​ວ່າ​ເຮົາ​ຄື​ພຣະເຈົ້າຢາເວ. ເຮົາ​ໄດ້​ຕັດ​ຕົ້ນ​ສູງ​ລົງ ແລະ​ເຮັດ​ໃຫ້​ຕົ້ນ​ຕໍ່າ​ສູງ​ຂຶ້ນ. ເຮົາ​ເຮັດ​ໃຫ້​ຕົ້ນໄມ້​ໃບຂຽວ​ຫ່ຽວແຫ້ງ​ຕາຍໄປ ເຮັດ​ໃຫ້​ຕົ້ນໄມ້​ຫ່ຽວແຫ້ງ​ໄປ​ມີ​ໃບຂຽວ​ຂຶ້ນໃໝ່. ເຮົາ​ຄື​ພຣະເຈົ້າຢາເວ​ໄດ້​ກ່າວ​ດັ່ງນີ້ແຫຼະ. ເຮົາ​ຈະ​ເຮັດ​ຕາມ​ທີ່​ເຮົາ​ໄດ້​ກ່າວ​ນັ້ນ​ທຸກປະການ.”’

ເອເຊກຽນ 19:12

ແຕ່​ມື​ຜູ້​ໂກດຮ້າຍ​ໄດ້​ຫລົກ​ຮາກ​ມັນ​ຖິ້ມ​ເສຍ ທັງ​ໄດ້​ໂຍນ​ມັນ​ຖິ້ມ​ລົງ​ສູ່​ພື້ນດິນ​ດ້ວຍ. ລົມ​ທິດ​ຕາເວັນອອກ​ເຮັດ​ໃຫ້​ໝາກ​ຫ່ຽວແຫ້ງ​ໄປ ກິ່ງ​ກໍ​ຫ່ຽວແຫ້ງ​ຕາຍ​ຖືກ​ເຜົາ​ໄຟ​ຖິ້ມ​ຈົນກ້ຽງ.

ເອເຊກຽນ 19:14

ໄຟ​ໄດ້​ໄໝ້​ເຄືອໃຫຍ່​ຂອງ​ເຄືອ​ອະງຸ່ນ ຈຶ່ງ​ໄໝ້​ລຸກ​ລາມ​ໄປ​ເຖິງ​ງ່າ​ແລະ​ໝາກ​ດ້ວຍ ງ່າ​ຕ່າງໆ​ຂອງ​ມັນ​ນັ້ນ​ຈະ​ບໍ່​ເຂັ້ມແຂງ​ຕໍ່ໄປ ມັນ​ຈະ​ບໍ່ໄດ້​ເປັນ​ຄ້ອນເທົ້າ​ແຫ່ງ​ຣາຊາ​ອີກ​ແລ້ວ. ນີ້ແຫລະ ຄື​ບົດເພງ​ລະບາຍ​ຄວາມທຸກໃຈ; ຄົນ​ຈະ​ຮ້ອງເພງ​ນີ້​ຫລົບໄປ​ຫລົບມາ.

ຈົດບັນຊີ 16:5

ແລ້ວ​ເພິ່ນ​ກໍໄດ້​ບອກ​ໂກຣາ​ແລະ​ພັກພວກ​ຂອງ​ລາວ​ວ່າ, “ໃນ​ມື້ອື່ນ​ເຊົ້າ ພຣະເຈົ້າຢາເວ​ຈະ​ສຳແດງ​ໃຫ້​ພວກເຮົາ​ເຫັນ​ວ່າ​ຜູ້ໃດ​ເປັນ​ຂອງ​ພຣະອົງ ພຣະອົງ​ຈະ​ໃຫ້​ຜູ້​ທີ່​ເປັນ​ຂອງ​ພຣະອົງ ຄື​ຜູ້​ທີ່​ພຣະອົງ​ໄດ້​ເລືອກ​ນັ້ນ ຫຍັບ​ເຂົ້າ​ໃກ້​ພຣະອົງ​ທີ່​ແທ່ນບູຊາ.

ຈົດບັນຊີ 17:5

ແລ້ວ​ໄມ້ຄ້ອນເທົ້າ​ຂອງ​ໃຜ​ທີ່​ເຮົາ​ໄດ້​ເລືອກ​ເອົາ ກໍ​ຈະ​ອອກ​ດອກ. ດ້ວຍ​ວິທີ​ນີ້ ເຮົາ​ຈະ​ເຮັດ​ໃຫ້​ຊາວ​ອິດສະຣາເອນ​ເຊົາ​ຈົ່ມຮ້າຍ​ໃສ່​ພວກເຈົ້າ.”

ຈົດບັນຊີ 17:9

ໂມເຊ​ໄດ້​ເອົາ​ໄມ້ຄ້ອນເທົ້າ​ທັງໝົດ​ອອກ​ຈາກ​ຕໍ່ໜ້າ​ພຣະເຈົ້າຢາເວ ໄປ​ໃຫ້​ຊາວ​ອິດສະຣາເອນ​ທັງໝົດ​ເບິ່ງ. ພວກເຂົາ​ໄດ້​ເຫັນ​ເຫດການ​ທີ່​ເກີດຂຶ້ນ ແລະ​ຫົວໜ້າ​ຂອງ​ແຕ່ລະເຜົ່າ ຈຶ່ງ​ຮັບ​ເອົາ​ໄມ້ຄ້ອນເທົ້າ​ຂອງ​ໃຜ​ລາວ​ຄືນ.

ເຮັບເຣີ 9:4

ໃນ​ຫ້ອງ​ນັ້ນ ມີ​ແທ່ນ​ຄຳ​ສຳລັບ​ເຜົາ​ເຄື່ອງຫອມ ມີ​ຫີບ​ຫຸ້ມຫໍ່​ດ້ວຍ​ຄຳ​ທຸກ​ດ້ານ​ສຳລັບ​ໃສ່​ພັນທະສັນຍາ ຢູ່​ໃນ​ຫີບ​ນັ້ນ​ມີ​ຂັນ​ຄຳ​ໃສ່​ມານາ​ໄວ້ ມີ​ໄມ້​ຄ້ອນເທົ້າ​ຂອງ​ອາໂຣນ​ທີ່​ປົ່ງ​ຍອດ ແລະ​ມີ​ແຜ່ນ​ຫີນ​ຈາລຶກ​ພັນທະສັນຍາ​ແລ້ວ.