ຈົດບັນຊີ 17:10 - ພຣະຄຳພີສັກສິ

¹⁰ ແລະ​ພຣະເຈົ້າຢາເວ​ໄດ້​ກ່າວ​ຕໍ່​ໂມເຊ​ວ່າ, “ຈົ່ງ​ເອົາ​ໄມ້ຄ້ອນເທົ້າ​ຂອງ​ອາໂຣນ ໄປ​ວາງ​ໄວ້​ຕໍ່ໜ້າ​ຫີບ​ພັນທະສັນຍາ ເພື່ອ​ຮັກສາ​ໄວ້​ເປັນ​ສິ່ງ​ເຕືອນໃຈ​ຊາວ​ອິດສະຣາເອນ​ຜູ້​ກະບົດ​ຕໍ່​ເຮົາ​ວ່າ ພວກເຂົາ​ຈະ​ເຊົາ​ຈົ່ມຮ້າຍ​ຕໍ່​ເຮົາ ເພື່ອ​ພວກເຂົາ​ຈະ​ບໍ່​ຕາຍ.”

ຈົດບັນຊີ 17:10 Jak'a apnaqawi uñst'ayäwi

ເພງ^ສັນລະເສີນ 57:4

ຂ້ານ້ອຍ​ຖືກ​ປິດລ້ອມ​ໂດຍ​ເຫຼົ່າ​ສັດຕູ ຜູ້​ເປັນ​ດັ່ງ​ໂຕສິງ​ທີ່​ກັດກິນ​ມະນຸດ. ແຂ້ວ​ມັນ​ນັ້ນ​ຄ້າຍ​ຄື​ຫອກ​ແລະ​ລູກສອນ ລີ້ນ​ມັນ​ຄ້າຍ​ຄື​ກັບ​ດາບ​ອັນ​ຄົມໆ.

ອົບພະຍົບ 16:32

ໂມເຊ​ກ່າວ​ວ່າ, “ພຣະເຈົ້າຢາເວ​ສັ່ງ​ພວກເຮົາ​ຮັກສາ​ມານາ​ບາງສ່ວນ​ໄວ້ ໃຫ້​ເຊື້ອສາຍ​ຂອງ​ພວກເຮົາ​ເບິ່ງ ເພື່ອ​ພວກເຂົາ​ຈະ​ໄດ້​ເຫັນ​ອາຫານ ທີ່​ພຣະອົງ​ໄດ້​ໃຫ້​ພວກເຮົາ​ກິນ​ຢູ່​ໃນ​ຖິ່ນ​ແຫ້ງແລ້ງ​ກັນດານ ຄາວ​ເມື່ອ​ພຣະອົງ​ໄດ້​ນຳພາ​ພວກເຮົາ​ອອກ​ມາ​ຈາກ​ປະເທດ​ເອຢິບ.”

ອົບພະຍົບ 16:34

ເພື່ອ​ກະທຳ​ຕາມ​ທີ່​ພຣະເຈົ້າຢາເວ​ສັ່ງ​ໄວ້​ກັບ​ໂມເຊ ອາໂຣນ​ຈຶ່ງ​ເອົາ​ໄຫ​ມານາ ມາ​ວາງ​ໄວ້​ຕໍ່ໜ້າ​ຫີບ​ພັນທະສັນຍາ ເພື່ອ​ຈະ​ເກັບຮັກສາ​ໄວ້.

ເອຊາຢາ 1:2

ພຣະເຈົ້າຢາເວ​ໄດ້​ກ່າວ​ວ່າ, “ໂອ ຈັກກະວານ​ແລະ​ແຜ່ນດິນ​ໂລກ​ເອີຍ ຈົ່ງ​ຟັງ​ສິ່ງ​ທີ່​ເຮົາ​ກຳລັງ​ກ່າວ ພວກ​ເດັກນ້ອຍ​ທີ່​ເຮົາ​ລ້ຽງ​ມາ​ຈົນ​ໃຫຍ່​ໄດ້​ກະບົດ​ຕໍ່ສູ້​ເຮົາ.

ໂຮເສອາ 10:9

ອົງພຣະ​ຜູ້​ເປັນເຈົ້າ​ກ່າວ​ວ່າ, “ປະຊາຊົນ​ອິດສະຣາເອນ​ບໍ່ໄດ້​ຢຸດ​ເຮັດ​ບາບ​ຕໍ່ສູ້​ເຮົາ ຕັ້ງແຕ່​ຄາວ​ທີ່​ພວກເຂົາ​ໄດ້​ເຮັດ​ບາບ​ທີ່​ເມືອງ​ກີເບອາ. ດັ່ງນັ້ນ ສົງຄາມ​ຈຶ່ງ​ຕາມ​ທັນ​ພວກເຂົາ​ທີ່​ກີເບອາ.

ຈົດບັນຊີ 14:5

ແລ້ວ​ໂມເຊ​ແລະ​ອາໂຣນ​ກໍ​ຂາບລົງ​ດິນ​ຕໍ່ໜ້າ​ປະຊາຊົນ​ທັງໝົດ.

ຈົດບັນຊີ 16:21

“ຈົ່ງ​ຖ່ອຍໜີ​ຈາກ​ປະຊາຊົນ​ເຫຼົ່ານີ້ ເຮົາ​ຈະ​ທຳລາຍ​ພວກເຂົາ​ດຽວ​ນີ້.”

ຈົດບັນຊີ 16:38

ໝໍ້ຂາງ​ເຫຼົ່ານີ້​ບໍຣິສຸດ ເມື່ອ​ໄດ້​ຖວາຍ​ຕໍ່ໜ້າ​ພຣະເຈົ້າຢາເວ​ທີ່​ແທ່ນບູຊາ. ສະນັ້ນ ຈົ່ງ​ເອົາ​ໝໍ້ຂາງ​ຈາກ​ຜູ້​ທີ່​ຖືກ​ຂ້າ​ຕາຍ ເພາະ​ການບາບ​ຂອງ​ພວກເຂົາ​ເຫຼົ່ານີ້​ໄປ​ຊຸບ​ຕີ​ເປັນ​ແຜ່ນ​ບາງໆ​ສຳລັບ​ປົກ​ແທ່ນບູຊາ ເພື່ອ​ຈະ​ເປັນ​ໝາຍສຳຄັນ​ແກ່​ປະຊາຊົນ​ອິດສະຣາເອນ.”

ຈົດບັນຊີ 16:40

ແຜ່ນ​ນີ້​ເປັນ​ສິ່ງ​ເຕືອນ​ຊາວ​ອິດສະຣາເອນ​ວ່າ ຢ່າ​ໃຫ້​ຜູ້ໃດ​ຜູ້ໜຶ່ງ​ທີ່​ບໍ່ແມ່ນ​ລູກຫລານ​ຂອງ​ອາໂຣນ​ມາ​ໃກ້​ແທ່ນບູຊາ ເພື່ອ​ເຜົາ​ເຄື່ອງຫອມ​ຖວາຍ​ຕໍ່ໜ້າ​ພຣະເຈົ້າຢາເວ. ບໍ່​ດັ່ງນັ້ນ ເຂົາ​ຈະ​ຖືກ​ທຳລາຍ​ເໝືອນ​ດັ່ງ​ໂກຣາ ແລະ​ພັກພວກ​ຂອງຕົນ. ເອເລອາຊາ​ກໍໄດ້​ເຮັດ​ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ຜ່ານ​ທາງ​ໂມເຊ​ທຸກປະການ.

ຈົດບັນຊີ 17:11

ໂມເຊ​ກໍ​ເຮັດ​ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ທຸກປະການ.

ຈົດບັນຊີ 17:4

ຈົ່ງ​ນຳ​ໄມ້ຄ້ອນເທົ້າ​ເຫຼົ່ານີ້​ໄປ​ທີ່​ຫໍເຕັນ​ບ່ອນ​ຊຸມນຸມ ແລະ​ວາງ​ລົງ​ຕໍ່ໜ້າ​ຫີບ​ພັນທະສັນຍາ​ບ່ອນ​ທີ່​ເຮົາ​ພົບ​ກັບ​ເຈົ້າ.

ຈົດບັນຊີ 17:9

ໂມເຊ​ໄດ້​ເອົາ​ໄມ້ຄ້ອນເທົ້າ​ທັງໝົດ​ອອກ​ຈາກ​ຕໍ່ໜ້າ​ພຣະເຈົ້າຢາເວ ໄປ​ໃຫ້​ຊາວ​ອິດສະຣາເອນ​ທັງໝົດ​ເບິ່ງ. ພວກເຂົາ​ໄດ້​ເຫັນ​ເຫດການ​ທີ່​ເກີດຂຶ້ນ ແລະ​ຫົວໜ້າ​ຂອງ​ແຕ່ລະເຜົ່າ ຈຶ່ງ​ຮັບ​ເອົາ​ໄມ້ຄ້ອນເທົ້າ​ຂອງ​ໃຜ​ລາວ​ຄືນ.

ຈົດບັນຊີ 20:9

ແລ້ວ​ໂມເຊ​ກໍ​ອອກ​ໄປ​ແລະ​ຖືເອົາ​ໄມ້ຄ້ອນເທົ້າ​ທີ່​ຢູ່​ຕໍ່ໜ້າ​ພຣະເຈົ້າຢາເວ ຕາມ​ທີ່​ພຣະອົງ​ໄດ້​ສັ່ງ​ໄວ້.

ຈົດບັນຊີ 4:18

“ຢ່າ​ປ່ອຍ​ໃຫ້​ຕະກຸນ​ໂກຮາດ​ຕ້ອງ​ຖືກ​ຂ້າ

1 ໂກຣິນໂທ 10:10

ພວກເຈົ້າ​ຢ່າ​ຈົ່ມ ດັ່ງ​ທີ່​ບາງຄົນ​ໃນ​ພວກ​ນັ້ນ​ໄດ້​ຈົ່ມ ແລະ​ພວກເຂົາ​ກໍ​ຖືກ​ທຳລາຍ​ດ້ວຍ​ເພັດຊະຄາດ.

ເອເຟໂຊ 5:6

ຢ່າ​ໃຫ້​ຜູ້ໃດ​ຫລອກລວງ​ພວກເຈົ້າ​ດ້ວຍ​ຄຳ​ເວົ້າ​ອັນ​ໄຮ້​ປະໂຫຍດ ເພາະ​ຄວາມຜິດ​ໃນ​ສິ່ງ​ເຫຼົ່ານີ້​ແຫຼະ ທີ່​ພຣະເຈົ້າ​ຊົງ​ຄຽດຮ້າຍ​ຄົນ​ທີ່​ບໍ່​ເຊື່ອຟັງ​ພຣະອົງ.

ພຣະບັນຍັດສອງ 9:24

ຕັ້ງແຕ່​ມື້​ທີ່​ຂ້າພະເຈົ້າ​ໄດ້​ຮູ້ຈັກ​ພວກເຈົ້າ ພວກເຈົ້າ​ໄດ້​ກະບົດ​ຕໍ່ສູ້​ພຣະເຈົ້າຢາເວ​ຕະຫລອດ​ມາ.

ພຣະບັນຍັດສອງ 9:7

ຢ່າ​ລືມ​ຈັກເທື່ອ​ວ່າ ພວກເຈົ້າ​ໄດ້​ເຮັດ​ໃຫ້​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ໂກດຮ້າຍ​ໃນ​ຖິ່ນ​ແຫ້ງແລ້ງ​ກັນດານ​ຢ່າງ​ໃດ. ຕັ້ງແຕ່​ມື້​ທີ່​ພວກເຈົ້າ​ໄດ້​ອອກ​ມາ​ຈາກ​ປະເທດ​ເອຢິບ ເຖິງ​ມື້​ທີ່​ພວກເຈົ້າ​ມາ​ຮອດ​ທີ່​ນີ້ ພວກເຈົ້າ​ໄດ້​ກະບົດ​ຕໍ່ສູ້​ພຣະເຈົ້າຢາເວ.

ເຮັບເຣີ 9:4

ໃນ​ຫ້ອງ​ນັ້ນ ມີ​ແທ່ນ​ຄຳ​ສຳລັບ​ເຜົາ​ເຄື່ອງຫອມ ມີ​ຫີບ​ຫຸ້ມຫໍ່​ດ້ວຍ​ຄຳ​ທຸກ​ດ້ານ​ສຳລັບ​ໃສ່​ພັນທະສັນຍາ ຢູ່​ໃນ​ຫີບ​ນັ້ນ​ມີ​ຂັນ​ຄຳ​ໃສ່​ມານາ​ໄວ້ ມີ​ໄມ້​ຄ້ອນເທົ້າ​ຂອງ​ອາໂຣນ​ທີ່​ປົ່ງ​ຍອດ ແລະ​ມີ​ແຜ່ນ​ຫີນ​ຈາລຶກ​ພັນທະສັນຍາ​ແລ້ວ.

1 ຊາມູເອນ 2:12

ພວກ​ລູກຊາຍ​ຂອງ​ເອລີ​ເປັນ​ຄົນ​ຂີ້ໂກງ; ພວກເຂົາ​ບໍ່​ເອົາໃຈໃສ່​ນັບຖື​ພຣະເຈົ້າຢາເວ

1 ຊາມູເອນ 30:22

ແຕ່​ພວກ​ຄົນ​ບໍ່​ດີ​ແລະ​ມັກ​ກໍ່ເລື່ອງ​ບາງຄົນ​ທີ່​ໄດ້​ໄປ​ກັບ​ດາວິດ​ນັ້ນ​ເວົ້າ​ໃຫ້​ດາວິດ​ວ່າ, “ພວກເຮົາ​ຈະ​ບໍ່​ເອົາ​ສິ່ງຂອງ​ທີ່​ກູ້​ຄືນມາ​ໄດ້​ນັ້ນ ແບ່ງປັນ​ໃຫ້​ພວກເຂົາ​ຈັກຢ່າງ ຍ້ອນ​ພວກເຂົາ​ບໍ່ໄດ້​ໄປ​ນຳ​ພວກເຮົາ. ຈົ່ງ​ໃຫ້​ພວກເຂົາ​ເອົາ​ລູກ​ເມຍ​ຄືນ ແລະ​ໜີໄປ​ເສຍ.”