ຈົດບັນຊີ 16:9 - ພຣະຄຳພີສັກສິ

⁹ ພວກເຈົ້າ​ຖື​ເປັນ​ເລື່ອງ​ເລັກນ້ອຍ​ຊັ້ນບໍ ທີ່​ພຣະເຈົ້າ​ຂອງ​ຊາດ​ອິດສະຣາເອນ​ໄດ້​ຕັ້ງ​ພວກເຈົ້າ​ໄວ້​ຕ່າງຫາກ​ຈາກ​ຊຸມຊົນ ເພື່ອ​ວ່າ​ພວກເຈົ້າ​ຈະ​ໄດ້​ເຂົ້າ​ໃກ້ຊິດ​ພຣະອົງ ແລະ​ເຮັດ​ພິທີ​ຕ່າງໆ​ຢູ່​ໃນ​ຫໍເຕັນ​ສັກສິດ​ຂອງ​ພຣະເຈົ້າຢາເວ ພ້ອມ​ທັງ​ເຮັດ​ໜ້າທີ່​ຮັບໃຊ້​ຊຸມຊົນ​ດ້ວຍ.

ຈົດບັນຊີ 16:9 Jak'a apnaqawi uñst'ayäwi

ປະຖົມມະການ 30:15

ນາງ​ເລອາ​ຈຶ່ງ​ຕອບ​ວ່າ, “ເຈົ້າ​ເອົາ​ຜົວ​ຂອງຂ້ອຍ​ໄປ​ແລ້ວ​ຍັງ​ບໍ່​ພຽງພໍ​ບໍ? ບັດນີ້ ເຈົ້າ​ຍັງ​ຈະ​ພະຍາຍາມ​ເອົາ​ໝາກເຂືອ​ລູກຊາຍ​ຂອງຂ້ອຍ​ໄປ​ອີກ.” ຣາເຊັນ​ເວົ້າ​ວ່າ, “ຖ້າ​ເຈົ້າ​ເອົາ​ໝາກເຂືອ​ໃຫ້​ຂ້ອຍ ຄືນ​ນີ້ ຂ້ອຍ​ຈະ​ໃຫ້​ຢາໂຄບ​ໄປ​ນອນ​ນຳ​ເຈົ້າ.”

2 ຊາມູເອນ 7:19

ແຕ່​ເຖິງ​ປານນັ້ນ ອົງພຣະ​ຜູ້​ເປັນເຈົ້າ ພຣະເຈົ້າ​ເອີຍ ບັດນີ້​ພຣະອົງ​ຍັງ​ກະທຳ​ຫລາຍ​ເພີ່ມຕື່ມ​ອີກ ໂດຍ​ໄດ້​ສັນຍາ​ໄວ້​ກ່ຽວກັບ​ເຊື້ອສາຍ​ຂອງ​ຂ້ານ້ອຍ​ໃນ​ພາຍຂ້າງໜ້າ. ຂ້າແດ່​ອົງພຣະ​ຜູ້​ເປັນເຈົ້າ ພຣະເຈົ້າ​ເອີຍ ພຣະອົງ​ໃຫ້​ຜູ້ໜຶ່ງ​ໄດ້​ຮູ້​ເຫັນ​ເລື່ອງ​ນີ້.

2 ຂ່າວຄາວ 35:3

ເພິ່ນ​ຍັງ​ໄດ້​ແນະນຳ​ຊາວ​ເລວີ ຄູສອນ​ຂອງ​ຊາດ​ອິດສະຣາເອນ ຜູ້​ທີ່​ໄດ້​ຊຳລະ​ຕົວ​ໃຫ້​ບໍຣິສຸດ​ແກ່​ພຣະເຈົ້າຢາເວ​ວ່າ, “ຈົ່ງ​ເອົາ​ຫີບ​ອັນ​ບໍຣິສຸດ​ເຂົ້າ​ໄປ​ໄວ້​ໃນ​ວິຫານ​ທີ່​ເຈົ້າ​ໂຊໂລໂມນ​ລູກຊາຍ​ຂອງ​ດາວິດ​ກະສັດ​ແຫ່ງ​ອິດສະຣາເອນ​ໄດ້​ສ້າງ​ຂຶ້ນ. ພວກເຈົ້າ​ບໍ່​ຕ້ອງ​ເອົາ​ໄປ​ທີ່ນັ້ນ​ທີ່ນີ້​ອີກ​ຕໍ່ໄປ, ແຕ່​ໃຫ້​ພວກເຈົ້າ​ບົວລະບັດ​ຮັບໃຊ້​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ແລະ​ປະຊາຊົນ​ອິດສະຣາເອນ​ຂອງ​ພຣະອົງ.

ເນເຫມີຢາ 12:44

ໃນ​ເວລາ​ນັ້ນ ພວກເຂົາ​ໄດ້​ຊອກ​ຫາ​ຜູ້​ຮັບຜິດຊອບ​ບ່ອນ​ມ້ຽນ​ເຄື່ອງຂອງ ທີ່​ຄົນ​ນຳ​ມາ​ບໍລິຈາກ​ສຳລັບ​ພຣະວິຫານ ຊຶ່ງ​ປະກອບ​ດ້ວຍ​ໜຶ່ງສ່ວນສິບ, ຜົນລະປູກ​ເທື່ອ​ທຳອິດ​ຂອງ​ພືດຜົນ​ເປັນເມັດ ແລະ​ໝາກໄມ້​ສຸກ​ເທື່ອ​ທຳອິດ​ໃນ​ຕົ້ນປີ. ຄົນ​ເຫຼົ່ານີ້​ແມ່ນ​ຮັບຜິດຊອບ​ຮວບຮວມ​ເຄື່ອງປູກ​ຂອງຝັງ ຈາກ​ໄຮ່​ນາ​ໃກ້ຄຽງ​ໃນ​ເມືອງ​ຕ່າງໆ​ທີ່​ນຳ​ມາ​ບໍລິຈາກ ສຳລັບ​ພວກ​ປະໂຣຫິດ​ແລະ​ຊາວ​ເລວີ ຕາມ​ທີ່​ກົດບັນຍັດ​ໄດ້​ກຳນົດ​ໄວ້. ປະຊາຊົນ​ຊາວ​ຢູດາ​ທັງໝົດ​ຕ່າງ​ກໍ​ພໍໃຈ​ນຳ​ພວກ​ປະໂຣຫິດ​ແລະ​ຊາວ​ເລວີ

ເອຊາຢາ 7:13

ດັ່ງນັ້ນ ເອຊາຢາ​ຈຶ່ງ​ກ່າວ​ວ່າ, “ເຊື້ອວົງ​ຂອງ​ກະສັດ​ດາວິດ​ເອີຍ ບັດນີ້​ຈົ່ງ​ຟັງ​ເທີ້ນ. ການ​ທີ່​ເຈົ້າ​ທຳລາຍ​ຄວາມ​ອົດທົນ​ຂອງ​ມະນຸດ​ນັ້ນ​ບໍ່​ພຽງພໍ​ບໍ? ບັດນີ້ ເຈົ້າ​ຍັງ​ຈະ​ຕ້ອງ​ທຳລາຍ​ຄວາມ​ອົດກັ້ນ​ຂອງ​ພຣະເຈົ້າ​ອີກ​ບໍ?

ເອເຊກຽນ 34:18

ມີ​ບາງ​ໂຕ​ໃນ​ພວກເຈົ້າ​ຈະ​ບໍ່​ພໍໃຈ​ກິນ​ຫຍ້າ​ຢ່າງດີ​ທີ່ສຸດ; ພວກເຈົ້າ​ຢຽບຢໍ່າ​ຫຍ້າ​ທີ່​ຕົນ​ບໍ່​ກິນ ພວກເຈົ້າ​ດື່ມ​ນໍ້າໄສ ແລ້ວ​ກໍ​ກວນ​ນໍ້າ​ທີ່​ຍັງເຫລືອ​ໃຫ້​ຂຸ່ນ

ເອເຊກຽນ 44:16

ແມ່ນ​ພວກເຂົາ​ເທົ່ານັ້ນ ທີ່​ຈະ​ໄດ້​ເຂົ້າ​ໄປ​ໃນ​ພຣະວິຫານ​ຂອງເຮົາ, ຮັບໃຊ້​ທີ່​ແທ່ນບູຊາ​ຂອງເຮົາ ແລະ​ນຳພາ​ການ​ນະມັດສະການ​ໃນ​ພຣະວິຫານ.

ຈົດບັນຊີ 1:53

ສ່ວນ​ພວກ​ເລວີ​ນັ້ນ ພວກເຂົາ​ຈະ​ຕ້ອງ​ຕັ້ງ​ຄ້າຍ​ອ້ອມຮອບ​ຫໍເຕັນ​ສັກສິດ​ແຫ່ງ​ພັນທະສັນຍາ​ໄວ້ ເພື່ອ​ຈະ​ບໍ່ມີ​ໃຜ​ເຂົ້າ​ມາ​ໃກ້ ແລະ​ກໍ່​ເຫດ​ໃຫ້​ມີ​ຄວາມ​ໂກດຮ້າຍ​ຕໍ່​ຊຸມຊົນ​ອິດສະຣາເອນ​ໄດ້. ໃຫ້​ພວກ​ເລວີ​ເຝົ້າຮັກສາ​ຫໍເຕັນ​ສັກສິດ​ແຫ່ງ​ພັນທະສັນຍາ​ໄວ້.”

ຈົດບັນຊີ 16:13

ທ່ານ​ໄດ້​ນຳ​ພວກເຮົາ​ອອກ​ມາ​ຈາກ​ດິນແດນ​ທີ່​ອຸດົມສົມບູນ​ໃນ​ປະເທດ​ເອຢິບ ເພື່ອ​ຈະ​ຂ້າ​ພວກເຮົາ​ໃນ​ຖິ່ນ​ແຫ້ງແລ້ງ​ກັນດານ​ນີ້​ຍັງ​ບໍ່​ພໍ​ບໍ? ທ່ານ​ຍັງ​ຈະ​ມາ​ຕັ້ງ​ຕົວ​ເປັນ​ນາຍ​ເໜືອ​ຫົວ​ເຮົາ​ອີກ​ບໍ?

ຈົດບັນຊີ 16:8

ໂມເຊ​ບອກ​ໂກຣາ​ອີກ​ວ່າ, “ຟັງ​ໃຫ້​ດີ ພວກເຈົ້າ ຊາວ​ເລວີ​ເອີຍ

ຈົດບັນຊີ 3:6

“ຈົ່ງ​ນຳ​ເຜົ່າເລວີ​ອອກ​ມາ​ຂ້າງ​ໜ້າ ແລະ​ແຕ່ງຕັ້ງ​ພວກເຂົາ​ໃຫ້​ເປັນ​ຜູ້ຮັບໃຊ້​ປະໂຣຫິດ​ອາໂຣນ.

ຈົດບັນຊີ 3:9

ຄວາມ​ຮັບຜິດຊອບ​ຢ່າງ​ດຽວ​ທີ່​ຊາວ​ເລວີ​ມີ​ນັ້ນ ແມ່ນ​ຮັບໃຊ້​ອາໂຣນ​ແລະ​ພວກ​ລູກຊາຍ​ຂອງ​ລາວ.

ກິດຈະການ 13:2

ຂະນະທີ່​ພວກ​ພີ່ນ້ອງ​ກຳລັງ​ນະມັດສະການ​ອົງພຣະ​ຜູ້​ເປັນເຈົ້າ ແລະ​ຖືສິນ​ອົດອາຫານ​ຢູ່​ນັ້ນ ພຣະວິນຍານ​ບໍຣິສຸດເຈົ້າ​ໄດ້​ບອກ​ກັບ​ພວກເພິ່ນ​ວ່າ, “ຈົ່ງ​ຄັດ​ເອົາ​ບາຣະນາບາ​ກັບ​ໂຊໂລ​ໄວ້​ໃຫ້​ເຮົາ ສຳລັບ​ພາລະກິດ​ທີ່​ເຮົາ​ໄດ້​ເອີ້ນ​ໃຫ້​ພວກເຂົາ​ເຮັດ​ນັ້ນ.”

1 ໂກຣິນໂທ 4:3

ສຳລັບ​ເຮົາ​ແລ້ວ ການ​ທີ່​ພວກເຈົ້າ ຫລື​ມະນຸດ​ຄົນ​ໃດ ຈະ​ຕັດສິນ​ເຮົາ​ນັ້ນ ຖື​ວ່າ​ເປັນ​ເລື່ອງ​ເລັກນ້ອຍ, ເຖິງ​ແມ່ນ​ວ່າ ເຮົາ​ເອງ​ກໍ​ບໍ່ໄດ້​ຕັດສິນ​ຕົວ​ເຮົາ.

ພຣະບັນຍັດສອງ 10:8

ໃນ​ເວລາ​ນັ້ນ ພຣະເຈົ້າຢາເວ​ໄດ້​ແຕ່ງຕັ້ງ​ພວກ​ຜູ້ຊາຍ​ໃນ​ເຜົ່າເລວີ ໃຫ້​ເປັນ​ຜູ້​ຮັບຜິດຊອບ​ຫີບ​ພັນທະສັນຍາ​ຂອງ​ພຣະເຈົ້າຢາເວ ຢືນຢູ່​ຕໍ່ໜ້າ​ພຣະເຈົ້າຢາເວ​ໃຫ້​ຮັບໃຊ້​ພຣະອົງ ເພື່ອ​ໃຫ້​ກ່າວ​ຄຳອວຍພອນ​ໃນ​ນາມ​ຂອງ​ພຣະອົງ​ຈົນເຖິງ​ທຸກ​ວັນ​ນີ້.

1 ຊາມູເອນ 18:23

ສະນັ້ນ ພວກ​ຂ້າຣາຊການ​ຈຶ່ງ​ໄປ​ເວົ້າ​ກັບ​ດາວິດ​ແລະ​ລາວ​ຕອບ​ວ່າ, “ມັນ​ເປັນ​ກຽດ​ອັນ​ສູງສົ່ງ​ສຳລັບ​ຄົນ​ຍາກຈົນ​ທີ່​ບໍ່ມີ​ຄວາມ​ສຳຄັນ​ຫຍັງ​ດັ່ງ​ຂ້ອຍ ທີ່​ຈະ​ໄດ້​ເປັນ​ລູກ​ເຂີຍ​ຂອງ​ກະສັດ.”