ຈົດບັນຊີ 16:47 - ພຣະຄຳພີສັກສິ

⁴⁷ ອາໂຣນ​ກໍໄດ້​ປະຕິບັດ​ຕາມ​ນັ້ນ ເພິ່ນ​ໄດ້​ເອົາ​ໝໍ້ຂາງ​ທີ່​ມີ​ຖ່ານໄຟ​ລຸກ​ແດງ​ຢູ່ ແລ່ນ​ໄປ​ທ່າມກາງ​ປະຊາຊົນ. ເມື່ອ​ເຫັນ​ວ່າ​ໂຣກ​ລະບາດ​ຮ້າຍແຮງ​ໄດ້​ແຜ່​ກວ້າງ​ອອກ​ໄປ​ຫລາຍ​ແລ້ວ ເພິ່ນ​ກໍ​ເອົາ​ເຄື່ອງຫອມ​ໂຮຍ​ໃສ່​ເທິງ​ຖ່ານ ແລະ​ເຮັດ​ພິທີ​ຊຳລະ​ມົນທິນ​ໃຫ້​ປະຊາຊົນ.

ຈົດບັນຊີ 16:47 Jak'a apnaqawi uñst'ayäwi

ເພງ^ສັນລະເສີນ 106:29

ພວກເຂົາ​ເຮັດ​ໃຫ້​ພຣະເຈົ້າຢາເວ​ໂກດຮ້າຍ​ໂດຍ​ກະທຳ​ຜິດ ແລະ​ພະຍາດ​ອັນ​ຮ້າຍແຮງ​ກໍໄດ້​ລະບາດ​ເຂົ້າ​ໄປ​ໃນ​ທ່າມກາງ​ພວກ​ເຂົາເຈົ້າ.

ຈົດບັນຊີ 16:46

ແລະ​ໂມເຊ​ບອກ​ອາໂຣນ​ວ່າ, “ຈົ່ງ​ເອົາ​ໝໍ້ຂາງ​ໄປ​ໃສ່​ຖ່ານໄຟ​ໃນ​ແທ່ນບູຊາ ແລະ​ເອົາ​ເຄື່ອງຫອມ​ໂຮຍ​ໃສ່​ເທິງ​ເພື່ອ​ເຮັດ​ພິທີ​ຊຳລະ​ປະຊາຊົນ​ໄວໆ. ພຣະເຈົ້າຢາເວ​ໂກດຮ້າຍ ແລະ​ເຮັດ​ໃຫ້​ໂຣກ​ລະບາດ​ເກີດຂຶ້ນ​ແລ້ວ.”

ຈົດບັນຊີ 16:48

ໂຣກ​ລະບາດ​ຮ້າຍແຮງ​ຈຶ່ງ​ຢຸດ​ເຊົາ ແລະ​ເພິ່ນ​ໄດ້​ຢືນ​ຂຶ້ນ​ລະຫວ່າງ​ຄົນ​ເປັນ​ແລະ​ຄົນຕາຍ.

ຈົດບັນຊີ 25:13

ຄື​ລາວ​ຕະຫລອດ​ທັງ​ເຊື້ອສາຍ​ຂອງ​ລາວ​ຈະ​ໄດ້​ເປັນ​ປະໂຣຫິດ​ຮັບໃຊ້​ເຮົາ​ສືບໆໄປ ເພາະວ່າ​ລາວ​ໄດ້​ຈັດການ​ຢ່າງ​ເດັດຂາດ​ກັບ​ທຸກໆ​ຄົນ​ທີ່​ກະບົດ​ຕໍ່​ເຮົາ ແລະ​ໄດ້​ເຮັດ​ໃຫ້​ເຮົາ​ຍົກໂທດ​ປະຊາຊົນ​ອິດສະຣາເອນ ເພາະ​ພວກເຂົາ​ໄດ້​ເຮັດ​ບາບ.”

ມັດທາຍ 5:44

ແຕ່​ເຮົາ​ບອກ​ເຈົ້າ​ທັງຫລາຍ​ວ່າ, ຈົ່ງ​ຮັກ​ສັດຕູ​ຂອງ​ເຈົ້າ ແລະ​ພາວັນນາ​ອະທິຖານ​ເພື່ອ​ຜູ້​ທີ່​ຂົ່ມເຫັງ​ເຈົ້າ,

ໂຣມ 12:21

ຢ່າ​ໃຫ້​ຄວາມຊົ່ວ​ໄດ້​ຊະນະ​ເຈົ້າ ແຕ່​ຈົ່ງ​ຊະນະ​ຄວາມຊົ່ວ​ດ້ວຍ​ຄວາມດີ.