ຈົດບັນຊີ 16:38 - ພຣະຄຳພີສັກສິ

³⁸ ໝໍ້ຂາງ​ເຫຼົ່ານີ້​ບໍຣິສຸດ ເມື່ອ​ໄດ້​ຖວາຍ​ຕໍ່ໜ້າ​ພຣະເຈົ້າຢາເວ​ທີ່​ແທ່ນບູຊາ. ສະນັ້ນ ຈົ່ງ​ເອົາ​ໝໍ້ຂາງ​ຈາກ​ຜູ້​ທີ່​ຖືກ​ຂ້າ​ຕາຍ ເພາະ​ການບາບ​ຂອງ​ພວກເຂົາ​ເຫຼົ່ານີ້​ໄປ​ຊຸບ​ຕີ​ເປັນ​ແຜ່ນ​ບາງໆ​ສຳລັບ​ປົກ​ແທ່ນບູຊາ ເພື່ອ​ຈະ​ເປັນ​ໝາຍສຳຄັນ​ແກ່​ປະຊາຊົນ​ອິດສະຣາເອນ.”

ຈົດບັນຊີ 16:38 Jak'a apnaqawi uñst'ayäwi

1 ກະສັດ 2:23

ແລ້ວ​ກະສັດ​ໂຊໂລໂມນ​ກໍ​ສາບານ​ໂດຍ​ພຣະເຈົ້າຢາເວ​ຢ່າງ​ໜັກແໜ້ນ​ວ່າ, “ຖ້າ​ຂ້ານ້ອຍ​ບໍ່​ຂ້າ​ອາໂດນີຢາ​ຍ້ອນ​ລາວ​ກ້າ​ຂໍຮ້ອງ​ຢ່າງ​ນີ້ ກໍ​ໃຫ້​ພຣະເຈົ້າ​ສັງຫານ​ຂ້ານ້ອຍ​ສາ​ເຖີດ

ສຸພາສິດ 1:18

ແຕ່​ຄົນ​ຢ່າງ​ນັ້ນ ກຳລັງ​ຫ້າງ​ແຮ້ວ​ໃສ່​ຕົນເອງ​ເປັນ​ແຮ້ວ​ຊຶ່ງ​ຈະ​ຂ້າ​ພວກ​ເຂົາເອງ.

ສຸພາສິດ 20:2

ຈົ່ງ​ຢ້ານ​ກະສັດ​ໂກດຮ້າຍ​ດັ່ງ​ຢ້ານ​ໂຕສິງ​ຮ້ອງ​ແຜດສຽງ ເຮັດ​ໃຫ້​ເພິ່ນ​ໂກດຮ້າຍ​ກໍ​ສໍ່າກັບ​ຂ້າ​ຕົວ​ຕາຍ.

ສຸພາສິດ 8:36

ຄົນ​ທີ່​ບໍ່​ພົບ​ເຮົາ​ນັ້ນ ກໍ​ທຳຮ້າຍ​ຕົນເອງ ຄົນ​ທີ່​ກຽດຊັງ​ເຮົາ​ກໍ​ຮັກ​ຄວາມຕາຍ​ເທົ່ານັ້ນ.”

ເຢເຣມີຢາ 44:7

ສະນັ້ນ ບັດນີ້ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ພຣະເຈົ້າ​ຂອງ​ຊາດ​ອິດສະຣາເອນ​ຈຶ່ງ​ຖາມ​ວ່າ ເປັນຫຍັງ​ພວກເຈົ້າ​ຈຶ່ງ​ກະທຳ​ສິ່ງ​ອັນ​ຊົ່ວຊ້າ​ເຫຼົ່ານີ້​ໃສ່​ພວກເຈົ້າ​ເອງ. ພວກເຈົ້າ​ຢາກ​ນຳ​ການທຳລາຍ​ມາ​ສູ່​ພວກ​ຜູ້ຊາຍ, ພວກ​ແມ່ຍິງ, ພວກ​ເດັກນ້ອຍ, ເພື່ອ​ບໍ່​ໃຫ້​ປະຊາຊົນ​ຂອງ​ພວກເຈົ້າ​ຜູ້ໃດ​ຜູ້ໜຶ່ງ​ເຫຼືອ​ຢູ່​ບໍ?

ເອເຊກຽນ 14:8

ເຮົາ​ຈະ​ຕໍ່ສູ້​ພວກເຂົາ. ເຮົາ​ຈະ​ເຮັດ​ໃຫ້​ເປັນ​ໝາຍສຳຄັນ ແລະ​ເປັນ​ສຸພາສິດ. ເຮົາ​ຈະ​ຕັດ​ພວກເຂົາ​ອອກ​ຈາກ​ຊຸມນຸມ​ປະຊາຊົນ​ຂອງເຮົາ ເພື່ອ​ພວກເຈົ້າ​ຈະ​ໄດ້​ຮູ້ວ່າ​ເຮົາ​ແມ່ນ​ພຣະເຈົ້າຢາເວ.

ຮາບາກຸກ 2:10

ແຕ່​ເລ້ກົນ​ຂອງ​ພວກເຈົ້າ​ນັ້ນ ໄດ້​ນຳ​ຄວາມ​ອັບອາຍ​ຂາຍໜ້າ​ມາ​ສູ່​ຄອບຄົວ; ການ​ທີ່​ພວກເຈົ້າ​ໄດ້​ທຳລາຍ​ຊົນຊາດ​ຕ່າງໆ ກໍ​ເທົ່າກັບ​ການ​ນຳ​ເອົາ​ຄວາມ​ຈິບຫາຍ​ມາ​ສູ່​ພວກເຈົ້າ​ເອງ​ເທົ່ານັ້ນ.

ຈົດບັນຊີ 16:37

“ຈົ່ງ​ບອກ​ເອເລອາຊາ​ລູກຊາຍ​ຂອງ​ປະໂຣຫິດ​ອາໂຣນ ໃຫ້​ເອົາ​ຖ່ານໄຟ​ຢູ່​ໃນ​ໝໍ້ຂາງ​ທອງສຳຣິດ ຈາກ​ຄົນ​ທີ່​ຖືກ​ໄຟ​ເຜົາຜານ​ນັ້ນ​ໄປ​ຖອກຖິ້ມ​ບ່ອນ​ອື່ນ ເພາະ​ເປັນ​ໝໍ້ຂາງ​ບໍຣິສຸດ.

ຈົດບັນຊີ 16:39

ສະນັ້ນ ປະໂຣຫິດ​ເອເລອາຊາ​ຈຶ່ງ​ເອົາ​ໝໍ້ຂາງ​ເຫຼົ່ານັ້ນ ມາ​ຕີ​ເປັນ​ແຜ່ນ​ບາງໆ​ສຳລັບ​ປົກຄຸມ​ແທ່ນບູຊາ.

ຈົດບັນຊີ 16:40

ແຜ່ນ​ນີ້​ເປັນ​ສິ່ງ​ເຕືອນ​ຊາວ​ອິດສະຣາເອນ​ວ່າ ຢ່າ​ໃຫ້​ຜູ້ໃດ​ຜູ້ໜຶ່ງ​ທີ່​ບໍ່ແມ່ນ​ລູກຫລານ​ຂອງ​ອາໂຣນ​ມາ​ໃກ້​ແທ່ນບູຊາ ເພື່ອ​ເຜົາ​ເຄື່ອງຫອມ​ຖວາຍ​ຕໍ່ໜ້າ​ພຣະເຈົ້າຢາເວ. ບໍ່​ດັ່ງນັ້ນ ເຂົາ​ຈະ​ຖືກ​ທຳລາຍ​ເໝືອນ​ດັ່ງ​ໂກຣາ ແລະ​ພັກພວກ​ຂອງຕົນ. ເອເລອາຊາ​ກໍໄດ້​ເຮັດ​ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ຜ່ານ​ທາງ​ໂມເຊ​ທຸກປະການ.

ຈົດບັນຊີ 17:10

ແລະ​ພຣະເຈົ້າຢາເວ​ໄດ້​ກ່າວ​ຕໍ່​ໂມເຊ​ວ່າ, “ຈົ່ງ​ເອົາ​ໄມ້ຄ້ອນເທົ້າ​ຂອງ​ອາໂຣນ ໄປ​ວາງ​ໄວ້​ຕໍ່ໜ້າ​ຫີບ​ພັນທະສັນຍາ ເພື່ອ​ຮັກສາ​ໄວ້​ເປັນ​ສິ່ງ​ເຕືອນໃຈ​ຊາວ​ອິດສະຣາເອນ​ຜູ້​ກະບົດ​ຕໍ່​ເຮົາ​ວ່າ ພວກເຂົາ​ຈະ​ເຊົາ​ຈົ່ມຮ້າຍ​ຕໍ່​ເຮົາ ເພື່ອ​ພວກເຂົາ​ຈະ​ບໍ່​ຕາຍ.”

ຈົດບັນຊີ 26:10

ພື້ນດິນ​ໄດ້​ຍະ​ກືນກິນ​ພວກເຂົາ ແລະ ພວກເຂົາ​ໄດ້​ຕາຍໄປ​ພ້ອມ​ກັບ​ໂກຣາ ຕະຫລອດ​ທັງ​ພັກພວກ 250 ຄົນ​ໃນ​ຕອນ​ທີ່​ຖືກ​ໄຟ​ເຜົາຜານ​ນັ້ນ. ສິ່ງ​ນີ້​ໄດ້​ເກີດຂຶ້ນ​ເພື່ອ​ເຕືອນ​ປະຊາຊົນ​ທັງຫລາຍ.

1 ໂກຣິນໂທ 10:11

ເຫດການ​ທັງໝົດ​ເຫຼົ່ານີ້ ໄດ້​ເກີດຂຶ້ນ​ແກ່​ບັນພະບຸລຸດ​ຂອງ​ພວກເຮົາ ກໍ​ເພື່ອ​ເປັນ​ຕົວຢ່າງ​ໃຫ້​ແກ່​ຜູ້​ອື່ນ ແລະ​ໄດ້​ບັນທຶກ​ເຫດການ​ທັງໝົດ​ນີ້​ໄວ້ ເພື່ອ​ເຕືອນ​ສະຕິ​ພວກເຮົາ ຊຶ່ງ​ຢູ່​ໃນ​ຍຸກ​ສຸດທ້າຍ​ທີ່​ກຳລັງ​ຈະ​ມາ​ເຖິງ.

2 ເປໂຕ 2:6

ພຣະເຈົ້າ​ໄດ້​ລົງໂທດ​ເມືອງ​ໂຊໂດມ​ແລະ​ເມືອງ​ໂກໂມຣາ​ໃຫ້​ເປັນ​ເຖົ່າ ໂດຍ​ທຳລາຍ​ໃຫ້​ຈິບຫາຍ​ດ້ວຍ​ໄຟ ເພື່ອ​ເປັນ​ຕົວຢ່າງ​ແກ່​ຄົນ​ບໍ່​ນັບຖື​ພຣະເຈົ້າ​ໃນ​ຂັ້ນ​ຕໍ່ໄປ.