ຈົດບັນຊີ 15:9 - ພຣະຄຳພີສັກສິ

⁹ ໃຫ້​ນຳ​ເຄື່ອງ​ມາ​ຖວາຍ​ພ້ອມ​ງົວເຖິກ ມີ​ແປ້ງເຂົ້າ​ຢ່າງດີ​ສາມ​ກິໂລກຼາມ ປົນ​ກັບ​ນໍ້າມັນ​ໝາກກອກເທດ​ສອງ​ລິດ

ຈົດບັນຊີ 15:9 Jak'a apnaqawi uñst'ayäwi

1 ຂ່າວຄາວ 21:23

ອາໂຣນາ​ຕອບ​ວ່າ, “ຂ້າແດ່​ພະຣາຊາ ຈົ່ງ​ເອົາ​ໄປ​ເຖີດ ແລະ​ກະທຳ​ຕາມ​ທີ່​ທ່ານ​ປະສົງ. ທີ່​ນີ້​ມີ​ງົວ​ເພື່ອ​ເຜົາ​ທີ່​ເທິງ​ແທ່ນບູຊາ ແລະ​ມີ​ໄມ້​ຟືນ​ທີ່​ລານ​ເພື່ອ​ໃຊ້​ເປັນ​ຟືນ​ເຜົາ ພ້ອມ​ທັງ​ມີ​ເຂົ້າ​ເພື່ອ​ໃຊ້​ເປັນ​ເຄື່ອງ​ຖວາຍບູຊາ​ດ້ວຍ. ຂ້ານ້ອຍ​ຂໍ​ມອບ​ໃຫ້​ທ່ານ​ທັງໝົດ.”

ເນເຫມີຢາ 10:33

ພວກ​ຂ້ານ້ອຍ​ຈະ​ຈັດຫາ​ໄວ້​ສຳລັບ​ການ​ນະມັດສະການ​ໃນ​ພຣະວິຫານ ດັ່ງນີ້: ເຂົ້າຈີ່​ສັກສິດ, ພືດຜົນ​ເປັນເມັດ​ທີ່​ຖວາຍ​ປະຈຳວັນ, ສັດ​ຫລາຍ​ໂຕ​ທີ່​ຕ້ອງ​ເຜົາບູຊາ​ແຕ່ລະວັນ, ເຄື່ອງ​ຖວາຍບູຊາ​ສັກສິດ​ສຳລັບ​ວັນ​ຊະບາໂຕ, ສຳລັບ​ວັນ​ເດືອນ​ຂຶ້ນ​ໃໝ່ ແລະ​ສຳລັບ​ວັນ​ອື່ນໆ, ເຄື່ອງ​ຖວາຍບູຊາ​ສັກສິດ​ອື່ນໆ, ເຄື່ອງ​ຖວາຍບູຊາ​ເພື່ອ​ລຶບລ້າງ​ບາບ​ຂອງ​ຊາດ​ອິດສະຣາເອນ ແລະ​ສິ່ງ​ອື່ນໆ​ອີກ ທີ່​ຈຳເປັນ​ສຳລັບ​ພຣະວິຫານ.

ເອເຊກຽນ 42:13

ຊາຍ​ຄົນ​ນັ້ນ​ໄດ້​ກ່າວ​ແກ່​ຂ້າພະເຈົ້າ​ວ່າ, “ອາຄານ​ທັງສອງ​ຫລັງ​ນີ້​ສັກສິດ. ບັນດາ​ປະໂຣຫິດ​ທີ່​ເຂົ້າ​ໄປ​ຢູ່​ຊ້ອງໜ້າ​ພຣະເຈົ້າຢາເວ ກິນ​ເຄື່ອງ​ຖວາຍ​ອັນ​ສັກສິດ​ບໍຣິສຸດ​ຢູ່​ໃນ​ຕຶກ​ເຫຼົ່ານັ້ນ. ເພາະ​ຫ້ອງ​ຕ່າງໆ​ນັ້ນ​ສັກສິດ ບັນດາ​ປະໂຣຫິດ​ຈະ​ວາງ​ເຄື່ອງ​ຖວາຍ​ອັນ​ສັກສິດ​ທີ່ສຸດ​ໄວ້​ໃນ​ທີ່ນັ້ນ ເຊັ່ນ: ເຄື່ອງ​ຖວາຍ​ພືດຜົນ​ເປັນເມັດ​ກັບ​ເຄື່ອງ​ຖວາຍ​ສຳລັບ​ລຶບລ້າງ​ບາບ ຫລື​ເຄື່ອງ​ຖວາຍ​ເພື່ອ​ຊົດໃຊ້​ແທນຄືນ.

ເອເຊກຽນ 46:11

ໃນ​ວັນ​ກິນລ້ຽງ​ຫລື​ວັນ​ສະຫລອງ​ຕ່າງໆ ໃຫ້​ຖວາຍ​ພືດຜົນ​ເປັນເມັດ​ສິບເຈັດ​ລິດ​ເຄິ່ງ ພ້ອມ​ກັບ​ງົວເຖິກ ຫລື​ແກະເຖິກ​ໂຕໜຶ່ງ ແລະ​ພ້ອມ​ກັບ​ລູກແກະ​ແຕ່ລະໂຕ​ນັ້ນ ສຸດແລ້ວແຕ່​ຜູ້​ຢາກ​ຖວາຍ. ໃຫ້​ຖວາຍ​ນໍ້າມັນ​ໝາກກອກເທດ​ສາມ​ລິດ ພ້ອມ​ກັບ​ພືດຜົນ​ເປັນເມັດ​ສິບເຈັດ​ລິດ​ເຄິ່ງ.

ເອເຊກຽນ 46:15

ສ່ວນ​ລູກແກະ, ແປ້ງເຂົ້າ ແລະ​ນໍ້າມັນ​ໝາກກອກເທດ​ນີ້ ຕ້ອງ​ນຳ​ມາ​ຖວາຍ​ແກ່​ອົງພຣະ​ຜູ້​ເປັນເຈົ້າ​ທຸກໆເຊົ້າ​ຕະຫລອດໄປ.”

ເອເຊກຽນ 46:5

ພ້ອມ​ແກະເຖິກ​ໂຕ​ນີ້ ໃຫ້​ເພິ່ນ​ນຳ​ເອົາ​ພືດຜົນ​ເປັນເມັດ​ມາ​ຖວາຍ​ສິບເຈັດ​ລິດ​ເຄິ່ງ; ແລະ​ພ້ອມ​ລູກແກະເຖິກ​ແຕ່ລະໂຕ ໃຫ້​ນຳ​ສິ່ງ​ທີ່​ເຈົ້າຊາຍ​ເຫັນ​ສົມຄວນ​ມາ​ຖວາຍ​ກໍໄດ້. ສຳລັບ​ແປ້ງ​ສິບເຈັດ​ລິດ​ເຄິ່ງ​ນັ້ນ ໃຫ້​ຖວາຍ​ນໍ້າມັນ​ໝາກກອກເທດ​ສາມ​ລິດ​ພ້ອມ.

ເອເຊກຽນ 46:7

ພ້ອມ​ງົວເຖິກ​ແລະ​ແກະເຖິກ​ແຕ່ລະໂຕ​ນັ້ນ ໃຫ້​ນຳ​ເອົາ​ພືດຜົນ​ເປັນເມັດ​ມາ​ຖວາຍ​ສິບເຈັດ​ລິດ​ເຄິ່ງ ແລະ​ພ້ອມ​ລູກແກະເຖິກ​ແຕ່ລະໂຕ​ນັ້ນ ໃຫ້​ນຳ​ສິ່ງ​ທີ່​ເຈົ້າຊາຍ​ເຫັນ​ສົມຄວນ​ມາ​ຖວາຍ​ກໍໄດ້. ໃຫ້​ຖວາຍ​ນໍ້າມັນ​ໝາກກອກເທດ​ສາມ​ລິດ ພ້ອມ​ກັບ​ພືດຜົນ​ເປັນເມັດ​ສິບເຈັດ​ລິດ​ເຄິ່ງ.

ໂຢເອນ 1:9

ໃນ​ວິຫານ​ຂອງ​ພຣະເຈົ້າຢາເວ​ບໍ່ມີ​ເຂົ້າ​ເຫຼົ້າ​ອະງຸ່ນ​ຖວາຍ​ເລີຍ ປະໂຣຫິດ​ໄວ້ທຸກ ບໍ່ມີ​ເຄື່ອງ​ຖວາຍ​ແກ່​ພຣະເຈົ້າຢາເວ.

ໂຢເອນ 2:14

ພຣະເຈົ້າຢາເວ ພຣະເຈົ້າ​ຂອງ​ເຈົ້າ​ອາດ​ປ່ຽນໃຈ ແລະ​ອວຍພອນ​ໃຫ້​ມີ​ພືດຜົນ​ຢ່າງ​ສົມບູນ​ກໍໄດ້. ແລ້ວ​ເຈົ້າ​ກໍ​ຈະ​ໄດ້​ຖວາຍບູຊາ​ແກ່​ພຣະອົງ ຄື​ຖວາຍ​ເຂົ້າ​ແລະ​ເຫຼົ້າ​ອະງຸ່ນ​ດ້ວຍ.

ລະບຽບ^ພວກເລວີ 14:10

ໃນ​ວັນ​ທີ​ແປດ ລາວ​ຈະ​ຕ້ອງ​ນຳ​ສິ່ງຂອງ​ເຫຼົ່ານີ້​ມາ​ຄື: ແກະເຖິກ​ສອງ​ໂຕ ແລະ​ລູກ​ແກະແມ່​ອາຍຸ​ໜຶ່ງ​ປີ​ໂຕໜຶ່ງ​ທີ່​ມີ​ສຸຂະພາບ​ດີ​ແລະ​ບໍ່ມີຕຳໜິ, ແປ້ງ​ປົນ​ນໍ້າມັນ​ໝາກກອກເທດ​ສອງ​ກິໂລກຼາມ ແລະ​ນໍ້າມັນ​ໝາກກອກເທດ​ເຄິ່ງ​ລິດ.

ລະບຽບ^ພວກເລວີ 6:14

ລະບຽບ​ການ​ດັ່ງ​ຕໍ່ໄປນີ້ ແມ່ນ​ສຳລັບ​ຖວາຍ​ພືດຜົນ​ເປັນເມັດ. ປະໂຣຫິດ​ທີ່​ສືບ​ເຊື້ອສາຍ​ມາ​ຈາກ​ຄອບຄົວ​ອາໂຣນ​ຈະ​ເປັນ​ຜູ້​ເຮັດ​ພິທີ​ຖວາຍ​ພືດຜົນ​ເປັນເມັດ​ຕໍ່ໜ້າ​ພຣະເຈົ້າຢາເວ ທາງ​ດ້ານ​ໜ້າ​ຂອງ​ແທ່ນບູຊາ.

ລະບຽບ^ພວກເລວີ 7:37

ສະນັ້ນ ທັງໝົດ​ນີ້​ຈຶ່ງ​ແມ່ນ​ລະບຽບ​ການ​ສຳລັບ​ເຜົາ​ເຄື່ອງ​ຖວາຍບູຊາ, ຖວາຍ​ພືດຜົນ​ເປັນເມັດ, ຖວາຍ​ເພື່ອ​ລຶບລ້າງ​ບາບ, ຖວາຍ​ເພື່ອ​ຊົດໃຊ້​ແທນຄືນ, ຖວາຍ​ສຳລັບ​ການ​ສະຖາປະນາ ແລະ​ຖວາຍ​ເພື່ອ​ຄວາມ​ສາມັກຄີທຳ.

ຈົດບັນຊີ 15:10

ພ້ອມ​ທັງ​ເຫຼົ້າ​ອະງຸ່ນ​ສອງ​ລິດ. ກິ່ນ​ຫອມຫວນ​ຂອງ​ເຄື່ອງ​ບູຊາ​ນັ້ນ ຈຶ່ງ​ເປັນ​ທີ່​ພໍໃຈ​ພຣະເຈົ້າຢາເວ.

ຈົດບັນຊີ 15:8

ເມື່ອ​ຖວາຍ​ງົວເຖິກ​ໂຕໜຶ່ງ​ແກ່​ພຣະເຈົ້າຢາເວ​ຕາມ​ພິທີ​ຖວາຍ​ບູຊາ​ດ້ວຍ​ໄຟ ຫລື​ຖວາຍ​ບູຊາ​ທີ່​ສືບ​ເນື່ອງ​ມາ​ຈາກ​ຜົນ​ສຳເລັດ​ໃນ​ການ​ບະບົນ​ໄວ້ ຫລື​ຕາມ​ພິທີ​ຖວາຍ​ເພື່ອ​ຄວາມ​ສາມັກຄີທຳ​ກໍດີ

ຈົດບັນຊີ 28:12

ສຳລັບ​ເຄື່ອງ​ຖວາຍ​ພືດຜົນ​ເປັນເມັດ​ນັ້ນ ໃຫ້​ຖວາຍ​ແປ້ງເຂົ້າ​ປົນ​ກັບ​ນໍ້າມັນ​ໝາກກອກເທດ​ຄື: ງົວເຖິກ​ໂຕໜຶ່ງ​ຕໍ່​ແປ້ງເຂົ້າ​ສາມ​ກິໂລກຼາມ; ແກະເຖິກ​ໂຕໜຶ່ງ ຕໍ່​ແປ້ງເຂົ້າ​ສອງ​ກິໂລກຼາມ;

ຈົດບັນຊີ 28:14

ການ​ຖວາຍ​ເຫຼົ້າ​ອະງຸ່ນ​ນັ້ນ ໃຫ້​ເຮັດ​ດັ່ງນີ້: ເຫຼົ້າ​ອະງຸ່ນ​ສາມ​ລິດ​ຕໍ່​ງົວເຖິກ​ໂຕໜຶ່ງ; ເຫຼົ້າ​ອະງຸ່ນ​ສອງ​ລິດ​ຕໍ່​ແກະເຖິກ​ໂຕໜຶ່ງ ແລະ​ເຫຼົ້າ​ອະງຸ່ນ​ໜຶ່ງ​ລິດ ຕໍ່​ລູກແກະເຖິກ​ໜຶ່ງ​ໂຕ. ອັນ​ນີ້​ແມ່ນ​ລະບຽບ​ສຳລັບ​ການ​ເຜົາ​ຖວາຍບູຊາ​ຂອງ​ວັນ​ທຳອິດ​ໃນ​ແຕ່ລະ​ຕົ້ນ​ເດືອນ​ຕະຫລອດ​ປີ.

ຈົດບັນຊີ 29:6

ໃຫ້​ຖວາຍ​ສິ່ງ​ເຫຼົ່ານີ້​ຕື່ມ​ໃສ່​ເຄື່ອງ​ບູຊາ​ດ້ວຍ​ໄຟ​ປະຈຳ​ສຳລັບ​ວັນ​ທີ​ໜຶ່ງ​ຂອງ​ເດືອນ ພ້ອມ​ກັບ​ພືດຜົນ​ເປັນເມັດ ແລະ​ເຄື່ອງ​ບູຊາ​ດ້ວຍ​ໄຟ​ປະຈຳວັນ​ພ້ອມ​ກັບ​ພືດຜົນ​ເປັນເມັດ ແລະ​ຖວາຍ​ເຫຼົ້າ​ອະງຸ່ນ. ກິ່ນ​ຫອມຫວນ​ຂອງ​ອາຫານ​ທີ່​ຖວາຍບູຊາ​ນັ້ນ ຈຶ່ງ​ເປັນ​ທີ່​ພໍໃຈ​ພຣະເຈົ້າຢາເວ.

1 ຊາມູເອນ 1:24

ຫລັງຈາກ​ເດັກນ້ອຍ​ເຊົາ​ນົມ​ແລ້ວ ນາງ​ຈຶ່ງ​ຕຽມ​ເອົາ​ງົວເຖິກ​ອາຍຸ​ສາມ​ປີ​ໜຶ່ງ​ໂຕ, ແປ້ງເຂົ້າ​ສິບ​ກິໂລກຼາມ ແລະ​ເຫຼົ້າ​ອະງຸ່ນ​ໜຶ່ງ​ຖົງ​ໜັງ ແລ້ວ​ນາງ​ກໍ​ພາ​ລູກ​ທີ່​ຍັງ​ນ້ອຍ​ຢູ່​ນັ້ນ ໄປ​ທີ່​ວິຫານ​ຂອງ​ພຣະເຈົ້າຢາເວ​ທີ່​ເມືອງ​ຊີໂລ.