ຈົດບັນຊີ 15:29 - ພຣະຄຳພີສັກສິ

²⁹ ໃຫ້​ທຸກຄົນ​ທີ່​ໄດ້​ເຮັດ​ບາບ​ໂດຍ​ບໍ່ຕັ້ງໃຈ​ປະຕິບັດ​ຕາມ​ລະບຽບການ​ດຽວກັນນີ້ ບໍ່​ວ່າ​ຄົນ​ນັ້ນ​ຈະ​ເປັນ​ຊາວ​ອິດສະຣາເອນ​ໂດຍ​ກຳເນີດ ຫລື​ຄົນ​ຕ່າງດ້າວ​ທີ່​ມາ​ອາໄສ​ຢູ່​ນຳ​ພວກ​ຕົນ​ກໍຕາມ.

ຈົດບັນຊີ 15:29 Jak'a apnaqawi uñst'ayäwi

1 ກະສັດ 8:41

ເມື່ອ​ຄົນ​ຕ່າງດ້າວ​ຜູ້ໜຶ່ງ​ຢູ່​ໃນ​ດິນແດນ​ທີ່​ຫ່າງໄກ​ໄດ້ຍິນ​ຊື່ສຽງ​ຂອງ​ພຣະອົງ ແລະ​ໄດ້ຍິນ​ເຖິງ​ສິ່ງ​ຍິ່ງໃຫຍ່​ທີ່​ພຣະອົງ​ໄດ້​ເຮັດ​ຕໍ່​ປະຊາຊົນ​ຂອງ​ພຣະອົງ ແລ້ວ​ເຂົ້າ​ມາ​ນະມັດສະການ ແລະ​ພາວັນນາ​ອະທິຖານ​ຕໍ່​ພຣະອົງ​ທີ່​ວິຫານ​ນີ້

ອົບພະຍົບ 12:49

ກົດລະບຽບ​ອັນ​ດຽວກັນ​ນີ້​ໃຫ້​ໃຊ້​ສຳລັບ​ຄົນ​ອິດສະຣາເອນ​ແຕ່​ກຳເນີດ ແລະ​ສຳລັບ​ຄົນ​ຕ່າງດ້າວ​ຜູ້​ທີ່​ອາໄສ​ຢູ່​ນຳ​ພວກເຈົ້າ​ຄື​ກັນ.”

ລະບຽບ^ພວກເລວີ 16:29

ລະບຽບການ​ດັ່ງ​ກ່າວ​ນີ້​ໃຫ້​ຢຶດຖື​ໄວ້​ທຸກຍຸກ​ທຸກສະໄໝ​ສືບ​ໄປ. ໃນ​ວັນ​ທີ​ສິບ​ຂອງ​ເດືອນ​ທີ​ເຈັດ ຊາວ​ອິດສະຣາເອນ​ກັບ​ຊາວ​ຕ່າງດ້າວ​ທີ່​ອາໄສ​ຢູ່​ທ່າມກາງ​ພວກເຈົ້າ ຕ້ອງ​ຖືສິນ​ອົດ​ອາຫານ​ແລະ​ບໍ່​ຕ້ອງ​ເຮັດ​ວຽກ​ທຳງານ​ໃດໆ​ທັງ​ສິ້ນ.

ລະບຽບ^ພວກເລວີ 17:15

ບຸກຄົນ​ໃດໆ ບໍ່​ວ່າ​ຄົນ​ອິດສະຣາເອນ ຫລື​ຄົນ​ຕ່າງດ້າວ​ກໍຕາມ ທີ່​ໄດ້​ກິນ​ຊີ້ນ​ສັດ​ຕາຍ​ເອງ ຫລື​ຖືກ​ສັດປ່າ​ກັດ​ຕາຍ; ລາວ​ຕ້ອງ​ຊັກ​ເຄື່ອງນຸ່ງຫົ່ມ​ຂອງຕົນ, ອາບນໍ້າ​ຊຳລະ​ຮ່າງກາຍ ແລະ​ລາວ​ຈະ​ເປັນ​ມົນທິນ​ຈົນ​ຮອດ​ຄໍ່າ ຈົ່ງ​ອາບນໍ້າ​ຊັກເຄື່ອງ ຫລັງຈາກ​ນັ້ນ ຈຶ່ງ​ຖື​ວ່າ​ຈະ​ບໍ່​ເປັນມົນທິນ​ຕາມ​ກົດບັນຍັດ.

ລະບຽບ^ພວກເລວີ 4:2

ໃຫ້​ບອກ​ຊາວ​ອິດສະຣາເອນ​ວ່າ ຜູ້ໃດ​ຜູ້ໜຶ່ງ​ທີ່​ໄດ້​ເຮັດ​ບາບ ແລະ​ຝ່າຝືນ​ກົດບັນຍັດ​ຂອງ​ພຣະເຈົ້າຢາເວ​ໂດຍ​ບໍ່ຕັ້ງໃຈ ຕ້ອງ​ໃຫ້​ຜູ້ນັ້ນ​ປະຕິບັດ​ຕາມ​ລະບຽບ​ການ​ດັ່ງ​ຕໍ່ໄປນີ້:

ຈົດບັນຊີ 15:15

ໃຫ້​ພວກເຈົ້າ​ເອງ ແລະ​ຄົນ​ຕ່າງດ້າວ​ທີ່​ຢູ່​ນຳ​ພວກເຈົ້າ ປະຕິບັດ​ຕາມ​ແບບ​ດຽວກັນ​ນີ້ ທຸກຍຸກ​ທຸກສະໄໝ​ສືບໄປ. ພວກເຈົ້າ ແລະ​ພວກເຂົາ​ມີ​ຄຸນຄ່າ​ເທົ່າທຽມ​ກັນ ຕໍ່ໜ້າ​ຂອງ​ພຣະເຈົ້າຢາເວ

ຈົດບັນຊີ 15:28

ປະໂຣຫິດ​ຈະ​ເຮັດ​ພິທີ​ຊຳລະ​ບາບ​ໃຫ້​ຜູ້ທີ່​ເຮັດ​ບາບ​ໂດຍ​ບໍ່ຕັ້ງໃຈ​ຕໍ່ໜ້າ​ພຣະເຈົ້າຢາເວ ແລະ​ລາວ​ກໍ​ຈະ​ໄດ້​ຮັບ​ການອະໄພ.

ຈົດບັນຊີ 15:30

ແຕ່​ຖ້າ​ບຸກຄົນ​ໃດ ບໍ່​ວ່າ​ຄົນ​ອິດສະຣາເອນ​ໂດຍ​ກຳເນີດ ຫລື​ຄົນ​ຕ່າງດ້າວ​ທີ່​ໄດ້​ມາ​ອາໄສ​ຢູ່​ນຳ​ກໍດີ ຫາກ​ເຮັດ​ບາບ​ໂດຍ​ຕັ້ງໃຈ​ດູໝິ່ນ​ປະໝາດ​ພຣະເຈົ້າຢາເວ ກໍ​ໃຫ້​ລົງໂທດ​ບຸກຄົນ​ນັ້ນ​ໃຫ້​ເຖິງ​ຕາຍ;

ຈົດບັນຊີ 9:14

ຖ້າ​ຄົນຕ່າງດ້າວ​ທີ່​ອາໄສ​ຢູ່​ທ່າມກາງ​ພວກເຈົ້າ ຫາກ​ຢາກ​ຖື​ປັດສະຄາ​ຂອງ​ພຣະເຈົ້າຢາເວ ເຂົາ​ຕ້ອງ​ຖື​ຕາມ​ລະບຽບ​ການ​ແລະ​ກົດເກນ​ທຸກຢ່າງ. ຈົ່ງ​ໃຊ້​ກົດບັນຍັດ​ນີ້​ສຳລັບ​ທຸກໆ​ຄົນ ບໍ່​ວ່າ​ເປັນ​ຄົນ​ອິດສະຣາເອນ​ຫລື​ຄົນ​ຕ່າງດ້າວ​ກໍຕາມ.”

ລູກາ 12:48

ແຕ່​ຜູ້​ທີ່​ບໍ່​ຮູ້ຈັກ ແລ້ວ​ໄດ້​ເຮັດ​ສິ່ງ​ທີ່​ສົມຄວນ​ຖືກ​ຂ້ຽນ ກໍ​ຈະ​ຕ້ອງ​ຖືກ​ຂ້ຽນ​ໜ້ອຍ ຜູ້ໃດ​ໄດ້​ຮັບ​ຫລາຍ ກໍ​ຈະ​ທວງ​ເອົາ​ກັບ​ຜູ້ນັ້ນ​ຫລາຍ ແລະ​ຜູ້​ທີ່​ຮັບ​ຝາກ​ໄວ້​ຫລາຍ ເພິ່ນ​ກໍ​ຈະ​ທວງ​ເອົາ​ຈາກ​ຜູ້ນັ້ນ​ຫລາຍ.”

ໂຢຊວຍ 8:33

ຊາວ​ອິດສະຣາເອນ​ພ້ອມ​ທັງ​ພວກຜູ້ນຳ, ບັນດາ​ເຈົ້າໜ້າທີ່, ພວກ​ຜູ້ຕັດສິນ, ຕະຫລອດ​ທັງ​ຄົນ​ຕ່າງດ້າວ​ທີ່​ອາໄສ​ຢູ່​ນຳ​ພວກເຂົາ ຕ່າງ​ກໍໄດ້​ຢືນ​ຢູ່​ສອງ​ຟາກ​ຂ້າງ​ຂອງ​ຫີບ​ພັນທະສັນຍາ​ຂອງ​ພຣະເຈົ້າຢາເວ ໂດຍ​ປິ່ນ​ໜ້າ​ໃສ່​ປະໂຣຫິດ​ຊາວ​ເລວີ​ຜູ້​ທີ່​ມີ​ໜ້າທີ່​ຫາມ​ຫີບ. ປະຊາຊົນ​ເຄິ່ງ​ໜຶ່ງ​ໄດ້​ຢືນ​ປິ່ນຫລັງ​ໃສ່​ພູເຂົາ​ເກຣີຊິມ ແລະ​ອີກ​ເຄິ່ງ​ໜຶ່ງ​ໄດ້​ຢືນ​ປິ່ນຫລັງ​ໃສ່​ພູເຂົາ​ເອບານ. ໂມເຊ​ຜູ້ຮັບໃຊ້​ຂອງ​ພຣະເຈົ້າຢາເວ​ໄດ້​ສັ່ງ​ໃຫ້​ພວກເຂົາ​ເຮັດ​ເຊັ່ນນີ້ ເມື່ອ​ເຖິງ​ເວລາ​ທີ່​ພວກເຂົາ​ຈະ​ຮັບ​ພອນ.