ຈົດບັນຊີ 14:23 - ພຣະຄຳພີສັກສິ

²³ ພວກເຂົາ​ຈະ​ບໍ່ໄດ້​ເຂົ້າ​ໄປ​ໃນ​ດິນແດນ ຊຶ່ງ​ເຮົາ​ໄດ້​ສັນຍາ​ໄວ້​ກັບ​ບັນພະບຸລຸດ​ຂອງ​ພວກເຂົາ​ນັ້ນ​ຈັກເທື່ອ. ພວກ​ທີ່​ໝິ່ນປະໝາດ​ເຮົາ​ນັ້ນ ຈະ​ບໍ່ມີ​ຈັກ​ຄົນໜຶ່ງ​ຄົນດຽວ​ທີ່​ໄດ້​ເຂົ້າ​ໄປ​ໃນ​ທີ່ນັ້ນ.

ຈົດບັນຊີ 14:23 Jak'a apnaqawi uñst'ayäwi

ເນເຫມີຢາ 9:23

ພຣະອົງ​ໃຫ້​ພວກເພິ່ນ​ມີ​ລູກຫລານ​ຢ່າງ​ຫລວງຫລາຍ ດັ່ງ​ໝູ່​ດວງດາວ​ຢູ່​ໃນ​ທ້ອງຟ້າ ໃຫ້​ຕີ​ເອົາ​ດິນແດນ​ໄດ້​ຄື​ບ່ອນ​ພວກເພິ່ນ​ອາໄສ​ຢູ່ ທີ່​ຊົງ​ໄດ້​ສັນຍາ​ໄວ້​ກັບ​ບັນພະບຸລຸດ​ຂອງ​ພວກເພິ່ນ.

ເພງ^ສັນລະເສີນ 106:26

ສະນັ້ນ ພຣະອົງ​ຈຶ່ງ​ໃຊ້​ຖ້ອຍຄຳ​ເຕືອນ​ຢ່າງ​ແຂງແຮງ​ວ່າ​ພວກເຂົາ​ຈະ​ຕາຍ ໃນ​ຖິ່ນ​ແຫ້ງແລ້ງ​ກັນດານ​ນັ້ນ

ເພງ^ສັນລະເສີນ 95:11

ສະນັ້ນ ດ້ວຍ​ຄວາມ​ໂກດຮ້າຍ​ເຮົາ​ຈຶ່ງ​ສັນຍາ​ວ່າ ‘ພວກເຈົ້າ​ຈະ​ບໍ່ໄດ້​ເຂົ້າ​ໄປ​ສູ່​ບ່ອນ​ພັກເຊົາ​ຂອງເຮົາ​ຈັກເທື່ອ.”’

ເຢເຣມີຢາ 18:10

ແຕ່​ແລ້ວ​ຊົນຊາດ​ນັ້ນ​ບໍ່​ເຊື່ອຟັງ​ເຮົາ​ແລະ​ຍັງ​ເຮັດ​ຊົ່ວ​ຕໍ່ໄປ ເຮົາ​ກໍ​ຈະ​ບໍ່​ເຮັດ​ຕາມ​ສິ່ງ​ທີ່​ເຮົາ​ໄດ້​ກ່າວ​ນັ້ນ.

ເອເຊກຽນ 20:15

ສະນັ້ນ ເຮົາ​ຈຶ່ງ​ໄດ້​ສັນຍາ​ໄວ້​ໃນ​ຖິ່ນ​ແຫ້ງແລ້ງ​ກັນດານ​ວ່າ ເຮົາ​ຈະ​ບໍ່​ນຳ​ພວກເຂົາ​ເຂົ້າ​ໄປ​ໃນ​ດິນແດນ​ທີ່​ເຮົາ​ໄດ້​ມອບ​ໃຫ້​ແກ່​ພວກເຂົາ ຄື​ດິນແດນ​ໜຶ່ງ​ທີ່​ອຸດົມສົມບູນ​ແລະ​ຮັ່ງມີ​ແລະ​ດີເລີດ.

ຈົດບັນຊີ 26:64

ຕາມ​ບັນຊີ​ທີ່​ໂມເຊ​ແລະ​ປະໂຣຫິດ​ອາໂຣນ​ໄດ້​ຈົດ​ທະບຽນ​ປະຊາຊົນ​ອິດສະຣາເອນ​ເທື່ອ​ທຳອິດ​ໃນ​ຖິ່ນ​ແຫ້ງແລ້ງ​ກັນດານ​ຊີນາຍ​ນັ້ນ ບໍ່ມີ​ຜູ້ຊາຍ​ລຸ້ນ​ກ່ອນ​ແມ່ນແຕ່​ຄົນດຽວ​ທີ່​ມີ​ຊີວິດ​ຢູ່.

ຈົດບັນຊີ 26:65

ເພາະ​ພຣະເຈົ້າຢາເວ​ໄດ້​ກ່າວ​ຕໍ່​ພວກເຂົາ​ໄວ້​ວ່າ, ພວກເຂົາ​ທຸກຄົນ​ຈະ​ຕ້ອງ​ຕາຍ​ໃນ​ຖິ່ນ​ແຫ້ງແລ້ງ​ກັນດານ ແລະ​ກໍໄດ້​ເປັນ​ດັ່ງນັ້ນ​ທຸກປະການ ຍົກເວັ້ນ​ແຕ່​ກາເລັບ​ລູກຊາຍ​ຂອງ​ເຢຟຸນເນ ແລະ​ໂຢຊວຍ​ລູກຊາຍ​ຂອງ​ນູນ.

ຈົດບັນຊີ 32:11

‘ເຮົາ​ຂໍ​ສາບານ​ວ່າ ເພາະ​ພວກເຂົາ​ບໍ່ໄດ້​ສັດຊື່​ຕໍ່​ເຮົາ ບໍ່ມີ​ຊາຍ​ຄົນໃດ​ໃນ​ພວກເຂົາ​ທີ່​ໄດ້​ອອກ​ມາ​ຈາກ​ປະເທດ​ເອຢິບ ທີ່​ມີ​ອາຍຸ​ຊາວ​ປີ​ຂຶ້ນ​ໄປ ຈະ​ໄດ້​ເຂົ້າ​ໄປ​ໃນ​ດິນແດນ​ທີ່​ເຮົາ​ໄດ້​ສັນຍາ​ໄວ້​ກັບ​ອັບຣາຮາມ, ອີຊາກ ແລະ​ຢາໂຄບ.’

ພຣະບັນຍັດສອງ 1:8

ທັງໝົດ​ນີ້​ແມ່ນ​ດິນແດນ​ທີ່​ເຮົາ​ມອບ​ໃຫ້​ພວກເຈົ້າ ຈົ່ງ​ເຂົ້າ​ໄປ​ແລະ​ຢຶດຄອງ​ເອົາ​ຕາມ​ທີ່​ອົງພຣະ​ຜູ້​ເປັນເຈົ້າ​ໄດ້​ສັນຍາ​ໄວ້​ວ່າ ຈະ​ຍົກ​ໃຫ້​ປູ່ຍາຕາຍາຍ​ຂອງ​ພວກເຈົ້າ​ຄື: ອັບຣາຮາມ, ອີຊາກ ແລະ​ຢາໂຄບ, ຕະຫລອດ​ທັງ​ເຊັ່ນ​ລູກຫລານ​ເຫຼັນ​ຂອງ​ພວກເຂົາ.”’

ເຮັບເຣີ 4:3

ດ້ວຍເຫດນັ້ນ ພວກເຮົາ​ຜູ້​ທີ່​ເຊື່ອ​ຈຶ່ງ​ໄດ້​ເຂົ້າ​ສູ່​ການ​ພັກຜ່ອນ​ນັ້ນ ຕາມ​ທີ່​ພຣະເຈົ້າ​ຊົງ​ສັນຍາ​ໄວ້​ແລ້ວ​ວ່າ, “ເຮົາ​ຈຶ່ງ​ໄດ້​ສາບານ​ດ້ວຍ​ຄວາມ​ເຄືອງໃຈ​ກັບ​ພວກເຂົາ​ວ່າ ພວກເຂົາ​ຈະ​ບໍ່ໄດ້​ເຂົ້າ​ໄປ​ໃນ ບ່ອນ​ພັກຜ່ອນ​ຂອງເຮົາ​ຈັກເທື່ອ.” ເຖິງ​ແມ່ນ​ວ່າ ພາລະກິດ​ຂອງ​ພຣະອົງ​ຊົງ​ສຳເລັດ​ແລ້ວ ແຕ່​ຄາວ​ໄດ້​ວາງ​ຮາກ​ສ້າງ​ໂລກ​ພຸ້ນ​ກໍຕາມ.