ຈົດບັນຊີ 13:33 - ພຣະຄຳພີສັກສິ

³³ ແລະ​ຄົນ​ຮູບຮ່າງ​ໃຫຍ່​ສູງ​ທີ່​ເປັນ​ເຊື້ອສາຍ​ຂອງ​ຊາວ​ອານາກີມ​ກໍ​ອາໄສ​ຢູ່​ໃນ​ບ່ອນນັ້ນ. ພວກເຮົາ​ເລີຍ​ເບິ່ງ​ເປັນ​ດັ່ງ​ຕັກແຕນ​ໃນ​ສາຍ​ຕາ​ຂອງ​ຄົນ​ເຫຼົ່ານັ້ນ.”

ຈົດບັນຊີ 13:33 Jak'a apnaqawi uñst'ayäwi

ປະຖົມມະການ 6:4

ໃນ​ສະໄໝ​ນັ້ນ ແລະ​ທັງ​ສະໄໝ​ຕໍ່ມາ ມີ​ຄົນ​ຮູບຮ່າງ​ໃຫຍ່​ທີ່​ເທິງ​ແຜ່ນດິນ​ໂລກ. ຄົນ​ພວກ​ນີ້​ເກີດ​ຈາກ​ຜູ້ຍິງ​ກັບ​ລູກຊາຍ​ທັງຫລາຍ​ຂອງ​ພຣະເຈົ້າ. ພວກເຂົາ​ເປັນ​ຄົນ​ເກັ່ງກ້າ​ສາມາດ​ຫລາຍ ແລະ​ເປັນ​ຄົນ​ທີ່​ມີ​ຊື່ສຽງ​ດີ​ໃນ​ສະໄໝ​ບູຮານ.

1 ຂ່າວຄາວ 11:23

ລາວ​ໄດ້​ຂ້າ​ຊາວ​ເອຢິບ​ຄົນ​ໜຶ່ງ ສູງ​ປະມານ​ສອງ​ແມັດ​ເຄິ່ງ ທີ່​ຖື​ຫອກ​ເທົ່າ​ກັບ​ໄມ້​ກຳພັ້ນ​ຫູກ. ເບນາອີຢາ​ໄດ້​ໃຊ້​ໄມ້ຄ້ອນ​ສູ້ຮົບ ເພື່ອ​ຍາດ​ເອົາ​ຫອກ​ຈາກ​ມື​ຂອງ​ຄົນ​ເອຢິບ ແລະ​ໃຊ້​ຫອກ​ນັ້ນ​ຂ້າ​ຄົນ​ເອຢິບ​ຜູ້​ນັ້ນ.

ເອຊາຢາ 40:22

ພຣະອົງ​ທີ່​ນັ່ງ​ເທິງ​ບັນລັງ​ຂອງ​ພຣະອົງ ຢູ່​ເໜືອ​ແຜ່ນດິນ​ໂລກ​ເຮົາ ແລະ​ຢູ່​ເທິງ​ທ້ອງຟ້າ; ພຣະອົງ​ໄດ້​ສ້າງ​ໂລກນີ້​ດ້ວຍ​ສີມື​ຂອງ​ພຣະອົງ​ເອງ ພຣະອົງ​ຫລຽວເຫັນ​ມະນຸດ​ຄື​ໂຕ​ຕັກແຕນ​ຢູ່​ເທິງ​ໂລກ. ພຣະອົງ​ກາງ​ຟ້າ​ສະຫວັນ​ດັ່ງ​ກາງ​ຜ້າກັ້ງ​ອອກ​ມາ ດັ່ງ​ຄົນ​ກາງ​ຜ້າເຕັນ​ເພື່ອ​ຈະ​ອາໄສ​ຢູ່.

ຈົດບັນຊີ 13:22

ພວກເຂົາ​ໄດ້​ໄປ​ທາງ​ເຂດໃຕ້​ຂອງ​ດິນແດນ​ກ່ອນ ແລະ​ຈຶ່ງ​ມາ​ເຖິງ​ເມືອງ​ເຮັບໂຣນ ບ່ອນ​ທີ່​ຕະກຸນ​ຕ່າງໆ​ຂອງ​ອາຮີມານ, ເຊຊາຍ ແລະ​ຕານໄມ ຊຶ່ງ​ເປັນ​ເຊື້ອສາຍ​ຂອງ​ຊົນຊາດ​ຮູບຮ່າງ​ໃຫຍ່​ອາໄສ​ຢູ່​ເອີ້ນ​ວ່າ, ອານາກີມ. (ເມືອງ​ເຮັບໂຣນ​ໄດ້​ຕັ້ງ​ຂຶ້ນ​ກ່ອນ​ເມືອງ​ໂຊອານ​ໃນ​ປະເທດ​ເອຢິບ​ເຈັດ​ປີ.)

ຈົດບັນຊີ 13:28

ແຕ່​ປະຊາຊົນ​ທີ່​ອາໄສ​ຢູ່​ໃນ​ທີ່ນັ້ນ​ມີ​ກຳລັງ​ແຂງແຮງ​ຫລາຍ ແລະ​ເມືອງ​ຂອງ​ພວກເຂົາ​ກໍ​ໃຫຍ່ ທັງ​ມີ​ປ້ອມ​ປ້ອງກັນ​ເມືອງ​ເປັນ​ຢ່າງດີ. ນອກເໜືອ​ໄປຈາກນີ້ ພວກເຮົາ​ຍັງ​ໄດ້​ເຫັນ​ເຊື້ອສາຍ​ຂອງ​ອານາກີມ​ຄົນ​ຮູບຮ່າງ​ໃຫ່ຍ​ຢູ່​ທີ່ນັ້ນ​ດ້ວຍ.

ຈົດບັນຊີ 14:1

ປະຊາຊົນ​ຕ່າງ​ກໍ​ຮ້ອງໄຫ້​ດ້ວຍ​ຄວາມທຸກໃຈ​ຕະຫລອດ​ທັງຄືນ.

ພຣະບັນຍັດສອງ 1:28

ພວກເຮົາ​ຈະ​ເຂົ້າ​ໄປ​ໃນ​ດິນແດນ​ນັ້ນ​ເຮັດ​ຫຍັງ? ພວກເຮົາ​ຢ້ານ ເພາະ​ນັກສືບ​ສອດແນມ​ທີ່​ພວກເຮົາ​ໄດ້​ສົ່ງ​ໄປ​ນັ້ນ ມາ​ລາຍງານ​ວ່າ​ຄົນ​ໃນ​ດິນແດນ​ນັ້ນ​ໂຕ​ໃຫຍ່​ສູງ ແລະ​ແຂງແຮງ​ລື່ນ​ພວກເຮົາ. ພວກເຂົາ​ອາໄສ​ຢູ່​ໃນ​ເມືອງ​ຕ່າງໆ​ທີ່​ມີ​ກຳແພງ​ສູງ​ຈຸ​ຟ້າ. ພວກເຂົາ​ໄດ້​ເຫັນ​ພວກ​ອານາກີມ​ຢູ່​ທີ່​ນັ້ນ.’

ພຣະບັນຍັດສອງ 2:10

ແຕ່​ກ່ອນ ມີ​ຄົນ​ຊາດ​ໜຶ່ງ​ທີ່​ມີ​ອຳນາດ​ແລະ​ຮູບຮ່າງ​ໃຫຍ່​ສູງ ຊື່​ວ່າ ເອມິມ. ເຂົາ​ເຄີຍ​ອາໄສ​ຢູ່​ທີ່​ເມືອງ​ອາຣະ. ພວກ​ນີ້​ມີ​ຮູບຮ່າງ​ໃຫຍ່​ສູງ​ເທົ່າ​ກັບ​ພວກ​ອານາກີມ ຊຶ່ງ​ເປັນ​ຄົນ​ຮູບຮ່າງ​ສູງ​ອີກ​ຊາດ​ໜຶ່ງ.

ພຣະບັນຍັດສອງ 3:11

ເຈົ້າໂອກ​ແມ່ນ​ກະສັດ​ຄົນ​ສຸດທ້າຍ​ຂອງ​ຊາວ​ເຣຟາອິມ. ບ່ອນ​ໃສ່​ສົບ ຂອງ​ເພິ່ນ​ເຮັດ​ດ້ວຍ​ຫີນ ຍາວ 4 ແມັດ ແລະ​ກວ້າງ​ປະມານ 2 ແມັດ ຊຶ່ງ​ຍັງ​ມີ​ຄົນ​ເຫັນ​ຢູ່​ໃນ​ເມືອງ​ຣັບບາ​ຂອງ​ຊາວ​ອຳໂມນ.)”

ພຣະບັນຍັດສອງ 9:2

ປະຊາຊົນ​ມີ​ຕົວ​ສູງ​ແລະ​ແຂງແຮງ ພວກເຂົາ​ມີ​ຮູບຮ່າງ​ໃຫຍ່​ເປັນ​ລູກຫຼານ​ຂອງ​ພວກ​ອານາກີມ ແລະ​ພວກເຈົ້າ​ກໍ​ໄດ້​ຍິນ​ມາ​ແລ້ວ​ວ່າ ບໍ່ມີ​ຜູ້ໃດ​ຕໍ່ສູ້​ກັບ​ພວກເຂົາ​ໄດ້​ນັ້ນ.

ໂຢຊວຍ 11:21

ໃນ​ເທື່ອ​ນີ້ ໂຢຊວຍ​ໄດ້​ຍົກທັບ​ອອກ​ໄປ​ທຳລາຍ​ຄົນ​ຮ່າງ​ໃຫຍ່​ພວກ​ໜຶ່ງ ຊື່​ວ່າ ອານາກີມ. ຄົນ​ພວກ​ນີ້​ໄດ້​ອາໄສ​ຢູ່​ຕາມ​ເນີນພູ​ຕ່າງໆ ດັ່ງນີ້: ເຮັບໂຣນ, ເດບີ, ອານາບ, ແລະ​ຕາມ​ເນີນພູ​ທັງໝົດ​ຂອງ​ຢູດາ​ແລະ​ເນີນພູ​ທັງໝົດ​ຂອງ​ອິດສະຣາເອນ. ໂຢຊວຍ​ໄດ້​ທຳລາຍ​ພວກເຂົາ​ແລະ​ເມືອງ​ຂອງ​ພວກເຂົາ​ຈົນກ້ຽງ.

ໂຢຊວຍ 14:12

ບັດນີ້ ຂໍ​ທ່ານ​ຈົ່ງ​ມອບ​ດິນແດນ​ທາງ​ເຂດ​ເນີນພູ​ໃຫ້​ຂ້າພະເຈົ້າ​ສາ ເພາະ​ພຣະເຈົ້າຢາເວ​ໄດ້​ສັນຍາ​ໄວ້​ກັບ​ຂ້າພະເຈົ້າ ໃນ​ມື້​ທີ່​ຂ້າພະເຈົ້າ​ແລະ​ຄົນ​ຂອງ​ຂ້າພະເຈົ້າ​ໄດ້​ລາຍງານ. ໃນ​ສະໄໝ​ນັ້ນ ພວກ​ຂ້າພະເຈົ້າ​ໄດ້​ບອກ​ທ່ານ​ແລ້ວ​ວ່າ ມີ​ເຊື້ອຊາດ​ຂອງ​ຄົນ​ຮ່າງໃຫຍ່​ຊື່​ວ່າ, ອານາກີມ ໄດ້​ຢູ່​ໃນ​ເມືອງ​ທີ່​ມີ​ປ້ອມ​ປ້ອງກັນ. ຖ້າ​ວ່າ​ພຣະເຈົ້າຢາເວ​ສະຖິດ​ຢູ່​ນຳ​ຂ້າພະເຈົ້າ​ແທ້ ຂ້າພະເຈົ້າ​ຈະ​ຂັບໄລ່​ພວກເຂົາ​ອອກ​ໄປ ຕາມ​ທີ່​ພຣະເຈົ້າຢາເວ​ໄດ້​ບອກ​ໄວ້​ນັ້ນ.”

ໂຢຊວຍ 15:14

ສ່ວນ​ກາເລັບ​ກໍໄດ້​ຂັບໄລ່​ເຊື້ອສາຍ​ຂອງ​ອານາກ ຄື​ຕະກຸນ​ເຊຊາຍ, ອາຮີມານ ແລະ​ຕານໄມ​ອອກ​ໄປ​ຈາກ​ເມືອງ.

1 ຊາມູເອນ 17:24

ເມື່ອ​ພວກ​ອິດສະຣາເອນ​ຫລຽວເຫັນ​ໂກລີອາດ ພວກເຂົາ​ກໍ​ແລ່ນ​ປົບໜີ​ດ້ວຍ​ຄວາມ​ຢ້ານກົວ​ທີ່ສຸດ.

1 ຊາມູເອນ 17:42

ເມື່ອ​ເບິ່ງ​ດາວິດ​ຄັກໆ​ແລ້ວ ລາວ​ຈຶ່ງ​ຄິດ​ດູຖູກ​ໃນໃຈ ເພາະ​ດາວິດ​ຍັງ​ເປັນ​ບ່າວນ້ອຍ​ທີ່​ງາມ​ແລະ​ໜ້າຮັກ.