ຈົດບັນຊີ 13:29 - ພຣະຄຳພີສັກສິ

²⁹ ຊາວ​ອາມາເຫຼັກ​ອາໄສ​ຢູ່​ທາງທິດໃຕ້​ຂອງ​ດິນແດນ; ຊາວ​ຮິດຕີ, ຊາວ​ເຢບຸດ ແລະ​ຊາວ​ອາໂມ​ອາໄສ​ຢູ່​ເຂດ​ເນີນພູ ແລະ​ຊາວ​ການາອານ​ກໍ​ອາໄສ​ຢູ່​ຕາມ​ຝັ່ງ​ທີ່​ທະເລ​ເມດີແຕຣາເນ​ແລະ​ຝັ່ງ​ແມ່ນໍ້າ​ຈໍແດນ.”

ຈົດບັນຊີ 13:29 Jak'a apnaqawi uñst'ayäwi

ປະຖົມມະການ 14:7

ແລ້ວ​ພວກເຂົາ​ກໍໄດ້​ເຄື່ອນທັບ​ມາ​ເຖິງ​ເມືອງ​ກາເດັດ. (ເມືອງ​ນີ້​ມີ​ຊື່​ອີກ​ວ່າ​ເອນມິດສະປັດ.) ພວກເຂົາ​ໄດ້​ເອົາ​ຊະນະ​ທຸກ​ເມືອງ​ຂອງ​ຊາວ​ອາມາເຫຼັກ ຕະຫລອດ​ທັງ​ຊາວ​ອາໂມ ທີ່​ອາໄສ​ຢູ່​ໃນ​ເມືອງ​ຮາຊາໂຊນຕາມາ.

ເນເຫມີຢາ 9:8

ພຣະອົງ​ຮູ້​ວ່າ​ເພິ່ນ​ສັດຊື່​ຕໍ່​ພຣະອົງ ແລະ​ໄດ້​ຕັ້ງ​ພັນທະສັນຍາ​ໄວ້​ກັບ​ເພິ່ນ. ຄື​ຈະ​ມອບ​ດິນແດນ​ຂອງ​ຊາວ​ການາອານ ຂອງ​ຊາວ​ຮິດຕີ​ແລະ​ຊາວ​ອາໂມ​ດ້ວຍ ຂອງ​ຊາວ​ເປຣີຊີ​ພ້ອມ​ຊາວ​ເຢບຸດ​ແດ່ ແລະ​ຂອງ​ເກີດກາຊີ​ໃຫ້​ເປັນ​ຂອງ​ພວກເພິ່ນ; ຄື​ດິນແດນ​ທີ່​ເຊື້ອສາຍ​ຂອງ​ເພິ່ນ​ຢູ່​ອາໄສ ພຣະອົງ​ຮັກສາ​ຄຳສັນຍາ​ເພາະ​ຊົງ​ສັດຊື່.

ເພງ^ສັນລະເສີນ 83:7

ຊາວ​ເກບານ ຊາວ​ອຳໂມນ ຊາວ​ອາມາເຫຼັກ ແລະ​ຊາວ​ຟີລິດສະຕິນ​ພ້ອມ​ກັບ​ຊາວ​ຕີເຣ.

ອົບພະຍົບ 3:17

ເຮົາ​ຕັດສິນໃຈ​ແລ້ວ​ວ່າ ຈະ​ນຳ​ພວກເຈົ້າ​ອອກ​ໄປ​ຈາກ​ປະເທດ​ເອຢິບ ບ່ອນ​ທີ່​ພວກເຈົ້າ​ທົນທຸກ​ຢູ່​ນີ້ ແລະ​ເຮົາ​ຈະ​ນຳພາ​ພວກເຈົ້າ​ເຂົ້າ​ໄປ​ສູ່​ດິນແດນ​ທີ່​ອຸດົມສົມບູນ ແລະ​ຮັ່ງມີ​ຄື: ດິນແດນ​ຂອງ​ຊາວ​ການາອານ, ຊາວ​ຮິດຕີ, ຊາວ​ອາໂມ, ຊາວ​ເປຣີຊີ, ຊາວ​ຮີວີ ແລະ​ຊາວ​ເຢບຸດ.’

ອົບພະຍົບ 3:8

ສະນັ້ນ ເຮົາ​ຈຶ່ງ​ລົງ​ມາ​ຊ່ວຍກູ້​ພວກເຂົາ​ໃຫ້​ພົ້ນ​ຈາກ​ການ​ທາລຸນ​ຂອງ​ຊາວ​ເອຢິບ; ເພື່ອ​ນຳພາ​ພວກເຂົາ​ໄປ​ສູ່​ດິນແດນ​ທີ່​ອຸດົມສົມບູນ ແລະ​ຮັ່ງມີ​ບ່ອນ​ທີ່​ຊາວ​ການາອານ, ຮິດຕີ, ອາໂມ, ເປຣີຊີ, ຮີວີ ແລະ​ຊາວ​ເຢບຸດ​ອາໄສ​ຢູ່​ໃນ​ເວລາ​ນີ້.

ຈົດບັນຊີ 13:17

ເມື່ອ​ໂມເຊ​ສົ່ງ​ພວກ​ສອດແນມ​ອອກ​ໄປ​ນັ້ນ ເພິ່ນ​ໄດ້​ບອກ​ພວກເຂົາ​ວ່າ, “ໃຫ້​ຂຶ້ນ​ໄປ​ທິດເໜືອ ແລະ​ເຂົ້າ​ໄປ​ທາງທິດໃຕ້​ຂອງ​ດິນແດນ​ການາອານ ແລະ​ໄປ​ສູ່​ເຂດ​ເນີນພູ.

ຈົດບັນຊີ 13:30

ແຕ່​ກາເລັບ​ໄດ້​ບອກ​ປະຊາຊົນ​ທີ່​ກຳລັງ​ຈົ່ມຮ້າຍ ໃສ່​ໂມເຊ​ນັ້ນ​ໃຫ້​ພວກເຂົາ​ມິດ ແລ້ວ​ລາວ​ກໍ​ເວົ້າ​ຕໍ່ໄປ​ວ່າ, “ໃຫ້​ພວກເຮົາ​ເຂົ້າ​ໂຈມຕີ​ດຽວ​ນີ້​ໂລດ​ແລະ​ຢຶດເອົາ​ດິນແດນ ພວກເຮົາ​ມີ​ກຳລັງ​ເຂັ້ມແຂງ​ພໍ​ທີ່​ຈະ​ຕີ​ຊະນະ​ພວກເຂົາ​ໄດ້.”

ຈົດບັນຊີ 14:25

ຊຶ່ງ​ເປັນ​ຮ່ອມພູ​ທີ່​ຊາວ​ອາມາເຫຼັກ​ກັບ​ຊາວ​ການາອານ​ອາໄສ​ຢູ່​ໃນ​ເວລານີ້. ໃນ​ມື້ອື່ນ ພວກເຈົ້າ​ຈົ່ງ​ກັບຄືນ​ໄປ​ໃນ​ຖິ່ນ​ແຫ້ງແລ້ງ​ກັນດານ​ຕາມ​ສາຍ​ທາງ​ໄປ​ສູ່​ອ່າວ​ອາກາບາ.”

ຈົດບັນຊີ 14:43

ເມື່ອ​ພວກເຈົ້າ​ປະເຊີນ​ໜ້າ​ກັບ​ຊາວ​ອາມາເຫຼັກ ແລະ​ຊາວ​ການາອານ​ໃນ​ທີ່ນັ້ນ ພວກເຈົ້າ​ຈະ​ຕາຍ​ຢູ່​ໃນ​ສະໜາມຮົບ; ເພາະວ່າ​ພວກເຈົ້າ​ບໍ່​ຍິນຍອມ​ເຮັດ​ຕາມ​ຄຳສັ່ງ​ຂອງ​ພຣະເຈົ້າຢາເວ, ພຣະເຈົ້າຢາເວ​ຈະ​ບໍ່​ສະຖິດ​ຢູ່​ນຳ​ພວກເຈົ້າ.”

ຈົດບັນຊີ 14:45

ແລ້ວ​ພວກ​ອາມາເຫຼັກ​ແລະ​ພວກ​ການາອານ​ທີ່​ຢູ່​ໃນ​ທີ່ນັ້ນ​ກໍໄດ້​ໂຈມຕີ​ຄືນ ແລະ​ຂັບໄລ່​ພວກເຂົາ​ໃຫ້​ພ່າຍແພ້​ຢ່າງ​ສິ້ນເຊີງ​ທີ່​ເມືອງ​ໂຮມາ.

ຈົດບັນຊີ 24:20

ຕໍ່ມາ ໃນ​ນິມິດ​ນັ້ນ​ບາລາອາມ​ກໍ​ເຫັນ​ຊາວ​ອາມາເຫຼັກ ແລ້ວ​ເພິ່ນ​ກໍ​ທຳນວາຍ​ດັ່ງນີ້: “ອາມາເຫຼັກ​ແມ່ນ​ຊົນຊາດ ທີ່​ມີ​ອຳນາດ​ກວ່າ​ທຸກ​ຊາດ​ອື່ນໃດ ແຕ່​ໃນ​ບັ້ນປາຍ ຈະ​ຈິບຫາຍ​ໄປ​ຕະຫລອດ.”

ພຣະບັນຍັດສອງ 20:17

ຈົ່ງ​ທຳລາຍ​ໝົດ​ທຸກຄົນ​ຕາມ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ສັ່ງ​ໄວ້​ດັ່ງນີ້: ຊາວ​ຮິດຕີ, ຊາວ​ອາໂມ, ຊາວ​ການາອານ, ຊາວ​ເປຣີຊີ, ຊາວ​ຮີວີ ແລະ​ຊາວ​ເຢບຸດ.

ພຣະບັນຍັດສອງ 7:1

“ເມື່ອ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ນຳພາ​ພວກເຈົ້າ​ໄປ​ສູ່​ດິນແດນ​ທີ່​ພວກເຈົ້າ​ກຳລັງ​ຈະ​ເຂົ້າ​ໄປ​ຄອບຄອງ ແລະ​ພຣະອົງ​ຈະ​ຂັບໄລ່​ຫລາຍ​ຊົນຊາດ​ໃຫ້​ອອກ​ໜີໄປ. ເມື່ອ​ພວກເຈົ້າ​ບຸກ​ເຂົ້າ​ໄປ​ນັ້ນ ພຣະອົງ​ຈະ​ຂັບໄລ່​ເຈັດ​ຊົນຊາດ​ໃຫຍ່ ແລະ​ມີ​ອຳນາດ​ກວ່າ​ພວກເຈົ້າ​ອອກ​ໄປ ດັ່ງນີ້: ຊາວ​ຮິດຕີ, ກີກາຊີ, ອາໂມ, ການາອານ, ເປຣີຊີ, ຮີວີ ແລະ​ເຢບຸດ.

ໂຢຊວຍ 10:5

ຝ່າຍ​ກະສັດ​ຂອງ​ຊາວ​ອາໂມ​ທັງ​ຫ້າ​ຄົນ​ນັ້ນ​ຄື: ກະສັດ​ແຫ່ງ​ເຢຣູຊາເລັມ, ເຮັບໂຣນ, ຢາຣະມຸດ, ລາກິດ ແລະ​ເອກໂລນ ກໍໄດ້​ຮ່ວມ​ກຳລັງ​ກັນ​ຍົກທັບ​ມາ​ອ້ອມ ແລະ​ເຂົ້າ​ບຸກໂຈມຕີ​ເມືອງ​ກີເບໂອນ.

ໂຢຊວຍ 10:6

ຊາວ​ກີເບໂອນ​ຈຶ່ງ​ໄດ້​ຟ້າວ​ສົ່ງ​ຄົນ​ໄປ​ຫາ​ໂຢຊວຍ ທີ່​ຄ້າຍພັກ​ໃນ​ເມືອງ​ກິນການ​ວ່າ, “ທ່ານເອີຍ ກະສັດ​ທັງໝົດ​ຂອງ​ຊາວ​ອາໂມ​ທີ່​ຢູ່​ຕາມ​ເນີນພູ​ຂອງ​ດິນແດນ​ນີ້ ໄດ້​ພາກັນ​ມາ​ຕໍ່ສູ້​ພວກ​ຂ້ານ້ອຍ. ຈົ່ງ​ຟ້າວ​ມາ​ຊ່ວຍ​ພວກ​ຂ້ານ້ອຍ​ແດ່ທ້ອນ ຢ່າ​ປະຖິ້ມ​ພວກ​ຂ້ານ້ອຍ​ເລີຍ.”

ໂຢຊວຍ 3:10

ເມື່ອ​ພວກເຈົ້າ​ບຸກໜ້າ​ເຂົ້າ​ໄປ ພຣະອົງ​ຈະ​ຂັບໄລ່​ຄົນ​ເຫຼົ່ານີ້​ອອກ​ໄປ ເຊັ່ນ: ຊາວ​ການາອານ, ຊາວ​ຮິດຕີ, ຊາວ​ຮີວີ, ຊາວ​ເປຣີຊີ, ຊາວ​ກີກາຊີ, ຊາວ​ອາໂມ ແລະ​ຊາວ​ເຢບຸດ. ພວກເຈົ້າ​ຈະ​ໄດ້​ຮູ້​ວ່າ ພຣະເຈົ້າ​ອົງ​ຊົງ​ຊີວິດ​ຢູ່​ສະຖິດ​ໃນ​ທ່າມກາງ​ພວກເຈົ້າ;

ໂຢຊວຍ 5:1

ເມື່ອ​ກະສັດ​ທັງໝົດ​ຂອງ​ຊາວ​ອາໂມ ທີ່​ທາງ​ທິດ​ຕາເວັນຕົກ​ຂອງ​ແມ່ນໍ້າ​ຈໍແດນ ແລະ​ກະສັດ​ທັງໝົດ​ຂອງ​ຊາວ​ການາອານ ທີ່​ຢູ່​ໃກ້​ທະເລ​ເມດີແຕຣາເນ​ໄດ້ຍິນ​ວ່າ ພຣະເຈົ້າຢາເວ​ໄດ້​ເຮັດ​ໃຫ້​ແມ່ນໍ້າ​ຈໍແດນ​ແຫ້ງ ຈົນ​ປະຊາຊົນ​ອິດສະຣາເອນ​ຂ້າມ​ໄປ​ໄດ້; ກະສັດ​ເຫຼົ່ານີ້​ຕ່າງ​ກໍ​ຢ້ານກົວ​ແລະ​ເສຍຂວັນ​ຍ້ອນ​ຊາວ​ອິດສະຣາເອນ.

ໂຢຊວຍ 9:1

ໄຊຊະນະ​ຂອງ​ຊາວ​ອິດສະຣາເອນ ໄດ້​ຊ່າລື​ໄປ​ຈົນເຖິງ​ກະສັດ​ທັງໝົດ ທີ່​ທາງພາກ​ຕາເວັນຕົກ​ຂອງ​ແມ່ນໍ້າ​ຈໍແດນ ດັ່ງນີ້: ພວກ​ທີ່​ຢູ່​ຕາມ​ເນີນພູ, ຕາມ​ຕີນ​ພູ, ຕາມ​ທົ່ງ​ຮາບພຽງ ແລະ​ຕາມ​ຝັ່ງ​ທະເລ​ເມດີແຕຣາເນ​ທາງເໜືອ​ຈົນເຖິງ​ເລບານອນ. ພວກ​ນີ້​ແມ່ນ​ກະສັດ​ຂອງ​ຊາວ​ຮິດຕີ, ຊາວ​ອາໂມ, ຊາວ​ການາອານ, ຊາວ​ເປຣີຊີ, ຊາວ​ຮີວີ ແລະ​ຊາວ​ເຢບຸດ.

ພວກ^ຜູ້ປົກຄອງ 3:5

ດ້ວຍເຫດນີ້ ປະຊາຊົນ​ອິດສະຣາເອນ​ຈຶ່ງ​ໄດ້​ຕັ້ງ​ຖິ່ນຖານ​ຢູ່​ທ່າມກາງ​ຊາວ​ການາອານ, ຊາວ​ຮິດຕີ, ຊາວ​ອາໂມ, ຊາວ​ເປຣີຊີ, ຊາວ​ຮີວີ ແລະ​ຊາວ​ເຢບຸດ.

ພວກ^ຜູ້ປົກຄອງ 6:3

ເທື່ອໃດ​ທີ່​ຊາວ​ອິດສະຣາເອນ​ຫວ່ານ​ເຂົ້າ ຊາວ​ມີດີອານ​ພ້ອມ​ດ້ວຍ​ຊາວ​ອາມາເຫຼັກ ແລະ​ຄົນ​ໃນ​ເຜົ່າ​ຕ່າງໆ​ທີ່​ຢູ່​ຕາມ​ຖິ່ນ​ແຫ້ງແລ້ງ​ກັນດານ ກໍ​ມາ​ບຸກໂຈມຕີ​ພວກເຂົາ​ເທື່ອນັ້ນ.

1 ຊາມູເອນ 14:48

ເພິ່ນ​ສູ້ຮົບ​ຢ່າງ​ອົງອາດ​ກ້າຫານ ແລະ​ເອົາ​ຊະນະ​ພວກ​ອາມາເຫຼັກ. ເພິ່ນ​ຊ່ວຍ​ຊາວ​ອິດສະຣາເອນ​ໃຫ້​ພົ້ນ​ຈາກ​ການ​ບຸກຮຸກ​ໂຈມຕີ​ຂອງ​ເຫຼົ່າ​ສັດຕູ​ທຸກໆ​ຄັ້ງ.

1 ຊາມູເອນ 27:8

ໃນ​ສະໄໝ​ນັ້ນ ດາວິດ​ກັບ​ທະຫານ​ຂອງ​ເພິ່ນ​ກໍໄດ້​ໂຈມຕີ​ຊາວ​ເກຊູ, ຊາວ​ກີຣິຊີ ແລະ​ຊາວ​ອາມາເຫຼັກ ຊຶ່ງ​ເປັນ​ພວກ​ທີ່​ຢູ່​ໃນ​ດິນແດນ​ນັ້ນ​ດົນນານ​ມາ​ແລ້ວ. ເພິ່ນ​ໄດ້​ຫລອນ​ໂຈມຕີ​ດິນແດນ​ຂອງ​ພວກເຂົາ ໄປ​ຈົນເຖິງ​ເມືອງ​ຊູເຣ​ແລະ​ລົງ​ໄປ​ເຖິງ​ດິນແດນ​ປະເທດ​ເອຢິບ.

1 ຊາມູເອນ 30:1

ສອງ​ມື້​ຕໍ່ມາ ດາວິດ​ພ້ອມ​ກັບ​ຄົນ​ທັງຫລາຍ​ຂອງຕົນ​ກໍໄດ້​ກັບຄືນ​ມາ​ຮອດ​ເມືອງ​ຊິກລັກ. ພວກ​ອາມາເຫຼັກ​ໄດ້​ມາ​ຫລອນ​ປຸ້ນ​ທາງ​ພາກໃຕ້​ຂອງ​ຢູດາຍ ແລະ​ໂຈມຕີ​ເມືອງ​ຊິກລັກ. ພວກເຂົາ​ໄດ້​ຈູດ​ເມືອງ​ຖິ້ມ

1 ຊາມູເອນ 7:14

ທຸກ​ເມືອງ​ຕັ້ງແຕ່​ເມືອງ​ເອັກໂຣນ​ຈົນ​ຮອດ​ເມືອງກາດ ຊຶ່ງ​ພວກ​ຟີລິດສະຕິນ​ຢຶດເອົາ​ໄປ​ນັ້ນ ກໍໄດ້​ຄືນ​ມາ​ເປັນ​ຂອງ​ພວກ​ອິດສະຣາເອນ ດັ່ງນັ້ນ ຊາວ​ອິດສະຣາເອນ​ຈຶ່ງ​ໄດ້​ດິນແດນ​ທີ່​ຖືກ​ຢຶດ​ໄປ​ນັ້ນ​ຄືນມາ​ໝົດ. ຄວາມ​ສະຫງົບສຸກ​ໄດ້​ເກີດ​ມີ​ລະຫວ່າງ​ຊາວ​ອິດສະຣາເອນ​ແລະ​ຊາວ​ການາອານ​ຄືກັນ.