ຈົດບັນຊີ 13:26 - ພຣະຄຳພີສັກສິ

²⁶ ພວກ​ນັກສືບ​ສອດແນມ​ຈຶ່ງ​ກັບຄືນ​ມາ​ຫາ​ໂມເຊ, ອາໂຣນ ແລະ​ຊຸມຊົນ​ອິດສະຣາເອນ​ທັງໝົດ​ທີ່​ກາເດັດ ຢູ່​ໃນ​ຖິ່ນ​ແຫ້ງແລ້ງ​ກັນດານ​ປາຣານ. ພວກເຂົາ​ໄດ້​ລາຍງານ​ສິ່ງ​ທີ່​ພວກເຂົາ​ໄດ້​ເຫັນ ແລະ​ໄດ້​ເອົາ​ໝາກໄມ້​ທີ່​ພວກເຂົາ​ໄດ້​ນຳ​ມາ​ນັ້ນ​ໃຫ້​ເບິ່ງ.

ຈົດບັນຊີ 13:26 Jak'a apnaqawi uñst'ayäwi

ປະຖົມມະການ 14:7

ແລ້ວ​ພວກເຂົາ​ກໍໄດ້​ເຄື່ອນທັບ​ມາ​ເຖິງ​ເມືອງ​ກາເດັດ. (ເມືອງ​ນີ້​ມີ​ຊື່​ອີກ​ວ່າ​ເອນມິດສະປັດ.) ພວກເຂົາ​ໄດ້​ເອົາ​ຊະນະ​ທຸກ​ເມືອງ​ຂອງ​ຊາວ​ອາມາເຫຼັກ ຕະຫລອດ​ທັງ​ຊາວ​ອາໂມ ທີ່​ອາໄສ​ຢູ່​ໃນ​ເມືອງ​ຮາຊາໂຊນຕາມາ.

ເພງ^ສັນລະເສີນ 29:8

ສຽງ​ຂອງ​ພຣະເຈົ້າຢາເວ​ສັ່ນ​ຖິ່ນ​ແຫ້ງແລ້ງ​ກັນດານ ພຣະເຈົ້າຢາເວ​ສັ່ນ​ຖິ່ນ​ແຫ້ງແລ້ງ​ກັນດານ​ກາເດັດ​ດ້ວຍ.

ຈົດບັນຊີ 13:25

ຫລັງຈາກ​ໄດ້​ສຳຫລວດ​ດິນແດນ​ເປັນ​ເວລາ​ສີ່ສິບ​ວັນ​ແລ້ວ;

ຈົດບັນຊີ 13:3

ໂມເຊ​ໄດ້​ປະຕິບັດ​ຕາມ​ຄຳສັ່ງ​ຂອງ​ພຣະເຈົ້າຢາເວ ແລະ​ຈາກ​ຖິ່ນ​ແຫ້ງແລ້ງ​ກັນດານ​ປາຣານ ເພິ່ນ​ໄດ້​ສົ່ງ​ພວກ​ຜູ້ນຳ​ອອກ​ໄປ​ດັ່ງນີ້: ເຜົ່າ ຜູ້ນຳ ຣູເບັນ ຊາມມູອາ ລູກຊາຍ​ຂອງ​ຊັກກູເຣ ຊີເມໂອນ ຊາຟັດ ລູກຊາຍ​ຂອງ​ໂຮຣີ ຢູດາ ກາເລັບ ລູກຊາຍ​ຂອງ​ເຢຟຸນເນ ອິດຊາຄາ ອີການ ລູກຊາຍ​ຂອງ​ໂຢເຊັບ ເອຟຣາອິມ ໂຮເຊຢາ ລູກຊາຍ​ຂອງ​ນູນ ເບັນຢາມິນ ປານຕີ ລູກຊາຍ​ຂອງ​ຣາຟູ ເຊບູໂລນ ກາດດີເອນ ລູກຊາຍ​ຂອງ​ໂສດີ ມານາເຊ ກາດດີ ລູກຊາຍ​ຂອງ​ສູສີ ດານ ອາມມີເອນ ລູກຊາຍ​ຂອງ​ເກມາລີ ອາເຊ ເສທູເຣ ລູກຊາຍ​ຂອງ​ມີກາເອນ ເນັບທາລີ ນາບີ ລູກຊາຍ​ຂອງ​ວົບສີ ກາດ ເກອູເອນ ລູກຊາຍ​ຂອງ​ມາກີ

ຈົດບັນຊີ 20:1

ໃນ​ເດືອນ​ທຳອິດ ຊຸມຊົນ​ອິດສະຣາເອນ​ທັງໝົດ​ໄດ້​ມາ​ທີ່​ຖິ່ນ​ແຫ້ງແລ້ງ​ກັນດານ​ຊິນ ແລະ​ຕັ້ງ​ຄ້າຍພັກ​ຢູ່​ທີ່​ກາເດັດ. ນາງ​ມີຣີອາມ​ໄດ້​ຕາຍ​ແລະ​ຖືກ​ຝັງ​ໄວ້​ຢູ່​ທີ່​ນັ້ນ.

ຈົດບັນຊີ 20:14

ແລ້ວ​ໂມເຊ​ກໍ​ໃຊ້​ຜູ້ນຳຂ່າວ​ຈາກ​ເມືອງ​ກາເດັດ ໄປ​ຫາ​ກະສັດ​ແຫ່ງ​ດິນແດນ​ເອໂດມ​ວ່າ, “ຂ່າວ​ນີ້​ແມ່ນ​ສົ່ງ​ມາ​ຈາກ​ຍາດຕິພີ່ນ້ອງ​ຂອງທ່ານ ເຜົ່າ​ຕ່າງໆ​ຂອງ​ຊາດ​ອິດສະຣາເອນ. ທ່ານ​ກໍ​ຮູ້​ເຖິງ​ຄວາມ​ຍາກ​ລຳບາກ​ທີ່​ພວກ​ຂ້າພະເຈົ້າ​ໄດ້​ປະສົບພົບພໍ້​ມາ

ຈົດບັນຊີ 20:16

ແລະ​ພວກ​ຂ້າພະເຈົ້າ​ກໍໄດ້​ຮ້ອງ​ຂໍ​ຕໍ່​ພຣະເຈົ້າຢາເວ​ໃຫ້​ຊ່ວຍເຫລືອ. ພຣະອົງ​ໄດ້ຍິນ​ຄຳ​ຮ້ອງໄຫ້​ຂອງ​ພວກ​ຂ້າພະເຈົ້າ ຈຶ່ງ​ສົ່ງ​ເທວະດາ​ຕົນ​ໜຶ່ງ​ນຳພາ​ພວກ​ຂ້າພະເຈົ້າ​ອອກ​ມາ​ຈາກ​ປະເທດ​ເອຢິບ. ໃນ​ເວລານີ້ ພວກ​ຂ້າພະເຈົ້າ​ພັກ​ຢູ່​ທີ່​ກາເດັດ ເມືອງ​ທີ່​ຢູ່​ໃກ້​ກັບ​ເຂດແດນ​ຂອງທ່ານ​ນີ້ເອງ.

ຈົດບັນຊີ 32:8

ຕອນ​ເມື່ອ​ຂ້າພະເຈົ້າ​ໄດ້​ໃຊ້​ພໍ່​ຂອງ​ພວກເຈົ້າ​ຈາກ​ກາເດັດ​ບາກເນອາ​ໄປ​ສຳຫລວດ​ເບິ່ງ​ດິນແດນ​ນັ້ນ ພວກເຂົາ​ກໍ​ເຮັດ​ຄື​ພວກເຈົ້າ​ນີ້​ແຫຼະ.

ຈົດບັນຊີ 32:9

ເມື່ອ​ໄປ​ຮອດ​ຮ່ອມພູ​ເອັດຊະໂຄນ​ແລະ​ເຫັນ​ດິນແດນ​ແລ້ວ ພວກເຂົາ​ກັບ​ມາ​ເລົ່າ​ເລື່ອງ​ໃຫ້​ປະຊາຊົນ​ທໍ້ຖອຍ​ກຳລັງ​ໃຈ ທີ່​ຈະ​ເຂົ້າ​ໄປ​ຢຶດເອົາ​ດິນແດນ ຊຶ່ງ​ພຣະເຈົ້າຢາເວ​ໄດ້​ມອບ​ໃຫ້​ແກ່​ພວກເຂົາ​ນັ້ນ.

ພຣະບັນຍັດສອງ 1:19

“ພວກເຮົາ​ໄດ້​ປະຕິບັດ​ຕາມ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ໄດ້​ສັ່ງ​ໄວ້. ພວກເຮົາ​ໄດ້​ຈາກ​ພູເຂົາ​ຊີນາຍ​ແລະ​ເດີນທາງ​ຜ່ານ ຖິ່ນ​ແຫ້ງແລ້ງ​ກັນດານ​ອັນ​ກວ້າງໃຫຍ່​ແລະ​ໜ້າຢ້ານ ໄປ​ຕາມ​ທາງ​ສູ່​ເຂດ​ເນີນພູ​ຂອງ​ຊາວ​ອາໂມ. ເມື່ອ​ພວກເຮົາ​ໄດ້​ມາ​ຮອດ​ເມືອງ​ກາເດັດ​ບາກເນອາ

ພຣະບັນຍັດສອງ 1:2

ການ​ເດີນທາງ​ຈາກ​ພູເຂົາ​ຊີນາຍ​ເຖິງ​ເມືອງ​ກາເດັດ​ບາກເນອາ ຜ່ານ​ເຂດ​ພູດອຍ​ໃນ​ດິນແດນ​ເອໂດມ​ໄປ​ນັ້ນ ຕ້ອງ​ໃຊ້​ເວລາ​ເຖິງ​ສິບເອັດ​ວັນ.)

ໂຢຊວຍ 14:6

ມື້ໜຶ່ງ ມີ​ບາງຄົນ​ຈາກ​ເຜົ່າ​ຢູດາ​ໄດ້​ມາ​ຫາ​ໂຢຊວຍ​ທີ່​ເມືອງ​ກິນການ. ກາເລັບ ລູກຊາຍ​ຂອງ​ເຢຟຸນເນ​ຊາວ​ເກນິດ ແມ່ນ​ຜູ້ໜຶ່ງ​ໃນ​ຈຳນວນ​ພວກ​ນີ້. ລາວ​ໄດ້​ກ່າວ​ແກ່​ໂຢຊວຍ​ວ່າ, “ທ່ານ​ກໍ​ຮູ້​ເຖິງ​ເລື່ອງ​ທີ່​ພຣະເຈົ້າຢາເວ​ໄດ້​ກ່າວ​ທີ່​ກາເດັດ​ບາກເນອາ ເລື່ອງ​ຂອງທ່ານ​ແລະ​ຂ້າພະເຈົ້າ​ແກ່​ໂມເຊ​ຄົນ​ຂອງ​ພຣະເຈົ້າ.

ໂຢຊວຍ 14:7

ຄາວ​ທີ່​ໂມເຊ​ຜູ້ຮັບໃຊ້​ຂອງ​ພຣະເຈົ້າຢາເວ​ໄດ້​ໃຊ້​ຂ້າພະເຈົ້າ ຈາກ​ກາເດັດ​ບາກເນອາ​ໄປ​ສຳຫລວດ​ເບິ່ງ​ດິນແດນ​ນັ້ນ ຂ້າພະເຈົ້າ​ມີ​ອາຍຸ​ສີ່ສິບ​ປີ. ຂ້າພະເຈົ້າ​ໄດ້​ກັບ​ມາ​ລາຍງານ​ຕໍ່​ເພິ່ນ​ຕາມ​ຄວາມ​ເປັນຈິງ