ຈົດບັນຊີ 12:9 - ພຣະຄຳພີສັກສິ

⁹ ພຣະເຈົ້າຢາເວ​ໄດ້​ໂກດຮ້າຍ​ພວກເຂົາ​ຢ່າງ​ຮຸນແຮງ​ແລະ​ຈາກ​ໄປ;

ຈົດບັນຊີ 12:9 Jak'a apnaqawi uñst'ayäwi

ປະຖົມມະການ 17:22

ເມື່ອ​ພຣະເຈົ້າ​ກ່າວ​ແກ່​ອັບຣາຮາມ​ແລ້ວໆ ພຣະອົງ​ກໍ​ຈາກ​ເພິ່ນ​ໄປ.

ປະຖົມມະການ 18:33

ຫລັງຈາກ​ພຣະເຈົ້າຢາເວ​ໄດ້​ສົນທະນາ​ກັບ​ອັບຣາຮາມ​ສິ້ນສຸດ​ລົງ​ແລ້ວ ພຣະອົງ​ກໍ​ຈາກ​ໄປ ແລະ​ອັບຣາຮາມ​ກໍ​ກັບຄືນ​ເມືອ​ສູ່​ທີ່ພັກ​ຂອງຕົນ.

ໂຮເສອາ 5:15

ເຮົາ​ຈະ​ປະຖິ້ມ​ປະຊາຊົນ​ຂອງເຮົາ​ຍ້ອນ​ການບາບ​ຂອງ​ພວກເຂົາ ຈົນກວ່າ​ພວກເຂົາ​ໄດ້​ທົນທຸກ​ທໍລະມານ​ພຽງພໍ ແລະ​ມາ​ຊອກ​ສະແຫວງ​ຫາ​ເຮົາ. ແລ້ວ​ບາງທີ​ຍ້ອນ​ຄວາມທຸກ​ທໍລະມານ​ນັ້ນ ພວກເຂົາ​ຈະ​ພະຍາຍາມ​ຊອກ​ຫາ​ເຮົາ​ກໍໄດ້.”

ຈົດບັນຊີ 11:1

ປະຊາຊົນ​ໄດ້​ເລີ່ມ​ຈົ່ມທຸກ​ຕໍ່​ພຣະເຈົ້າຢາເວ​ເຖິງ​ຄວາມ​ເດືອດຮ້ອນ​ຂອງ​ພວກເຂົາ. ເມື່ອ​ພຣະເຈົ້າຢາເວ​ໄດ້ຍິນ​ພວກເຂົາ ພຣະອົງ​ກໍ​ໂກດຮ້າຍ​ແລະ​ສົ່ງ​ໄຟ​ລົງ​ມາ​ເທິງ​ພວກເຂົາ. ໄຟ​ພຣະເຈົ້າຢາເວ​ໄດ້​ລຸກ​ໄໝ້​ຢູ່​ທ່າມກາງ​ພວກເຂົາ ແລະ​ໄດ້​ທຳລາຍ​ສົ້ນ​ໜຶ່ງ​ຂອງ​ຄ້າຍພັກ.

ຈົດບັນຊີ 11:10

ໂມເຊ​ໄດ້ຍິນ​ປະຊາຊົນ​ທັງໝົດ​ກຳລັງ​ຈົ່ມ​ຕໍ່ວ່າ​ຕໍ່ຂານ ໃນ​ຂະນະທີ່​ພວກເຂົາ​ຢືນ​ຈົ່ມ​ຢູ່​ທີ່​ປະຕູ​ເຂົ້າເຕັນ​ຂອງ​ພວກເຂົາ, ພຣະເຈົ້າຢາເວ​ໄດ້​ໂກດຮ້າຍ​ຢ່າງແຮງ ແລະ​ໂມເຊ​ກໍ​ເປັນທຸກ​ໜັກໃຈ​ຫລາຍ.