ຈົດບັນຊີ 11:17 - ພຣະຄຳພີສັກສິ

¹⁷ ເຮົາ​ຈະ​ລົງ​ມາ​ກ່າວ​ແກ່​ເຈົ້າ​ຢູ່​ໃນ​ທີ່ນັ້ນ ແລະ​ເຮົາ​ຈະ​ເອົາ​ພຣະວິນຍານ​ບາງສ່ວນ ທີ່​ເຮົາ​ໄດ້​ປະທານ​ໃຫ້​ເຈົ້າ ແລະ​ມອບ​ໃຫ້​ພວກເຂົາ. ແລ້ວ​ພວກເຂົາ​ກໍ​ຈະ​ຊ່ວຍ​ເຈົ້າ​ຮັບຜິດຊອບ​ປະຊາຊົນ​ເຫຼົ່ານີ້ ເພື່ອ​ເຈົ້າ​ຈະ​ບໍ່​ຕ້ອງ​ຮັບ​ພາລະ​ນີ້​ຜູ້​ດຽວ.

ຈົດບັນຊີ 11:17 Jak'a apnaqawi uñst'ayäwi

ປະຖົມມະການ 11:5

ແລ້ວ​ພຣະເຈົ້າຢາເວ​ກໍໄດ້​ລົງ​ມາ ເພື່ອ​ເບິ່ງ​ຕົວເມືອງ​ກັບ​ຫໍຄອຍ​ທີ່​ມະນຸດ​ໄດ້​ສ້າງ​ຂຶ້ນ

ປະຖົມມະການ 17:22

ເມື່ອ​ພຣະເຈົ້າ​ກ່າວ​ແກ່​ອັບຣາຮາມ​ແລ້ວໆ ພຣະອົງ​ກໍ​ຈາກ​ເພິ່ນ​ໄປ.

ປະຖົມມະການ 17:3

ອັບຣາມ​ກົ້ມ​ຂາບລົງ​ທີ່​ພື້ນດິນ ແລະ​ພຣະເຈົ້າ​ກ່າວ​ວ່າ,

ປະຖົມມະການ 18:33

ຫລັງຈາກ​ພຣະເຈົ້າຢາເວ​ໄດ້​ສົນທະນາ​ກັບ​ອັບຣາຮາມ​ສິ້ນສຸດ​ລົງ​ແລ້ວ ພຣະອົງ​ກໍ​ຈາກ​ໄປ ແລະ​ອັບຣາຮາມ​ກໍ​ກັບຄືນ​ເມືອ​ສູ່​ທີ່ພັກ​ຂອງຕົນ.

2 ກະສັດ 2:15

ພວກ​ຜູ້ທຳນວາຍ​ຫ້າສິບ​ຄົນ ຈາກ​ເມືອງ​ເຢຣິໂກ​ເຫັນ​ເພິ່ນ ພວກເຂົາ​ຈຶ່ງ​ເວົ້າ​ວ່າ, “ຣິດອຳນາດ​ຂອງ​ເອລີຢາ​ໄດ້​ຢູ່​ກັບ​ເອລີຊາ​ແລ້ວ.” ພວກນັ້ນ​ໄດ້​ເຂົ້າ​ໄປ​ຫາ​ເພິ່ນ ແລະ​ກົ້ມ​ຂາບລົງ

2 ກະສັດ 2:9

ໃນ​ບ່ອນ​ນັ້ນ ເອລີຢາ​ໄດ້​ກ່າວ​ແກ່​ເອລີຊາ​ວ່າ, “ກ່ອນ​ຂ້ອຍ​ຈະ​ຖືກ​ຮັບ​ຂຶ້ນ​ໄປ ໃຫ້​ເຈົ້າ​ບອກ​ຂ້ອຍ​ມາ​ເບິ່ງ​ວ່າ ເຈົ້າ​ຢາກ​ໃຫ້​ຂ້ອຍ​ເຮັດ​ຫຍັງ​ສຳລັບ​ເຈົ້າ​ແດ່?” ເອລີຊາ​ຕອບ​ວ່າ, “ຂໍ​ໃຫ້​ຂ້ານ້ອຍ​ໄດ້​ຮັບ​ຣິດອຳນາດ​ສອງ​ເທົ່າ ເພື່ອ​ສືບແທນ​ທ່ານ​ແດ່ທ້ອນ.”

ເນເຫມີຢາ 9:20

ດ້ວຍ​ຄຸນງາມ​ຄວາມດີ​ຂອງ​ພຣະອົງ​ນັ້ນ ພຣະອົງ​ຈຶ່ງ​ບອກ​ສິ່ງ​ທີ່​ພວກເພິ່ນ​ຄວນ​ກະທຳ; ພຣະອົງ​ໄດ້​ລ້ຽງດູ​ພວກເພິ່ນ​ດ້ວຍ​ມານາ ແລະ​ໃຫ້​ພວກເພິ່ນ​ໄດ້​ມີ​ນໍ້າ​ດື່ມ.

ອົບພະຍົບ 18:18

ເຈົ້າ​ຈະ​ເຮັດ​ໃຫ້​ເຈົ້າ​ເອງ​ອ່ອນເພຍ​ເສຍ​ກຳລັງ ພ້ອມ​ທັງ​ປະຊາຊົນ​ເຫຼົ່ານີ້​ດ້ວຍ. ວຽກ​ການ​ນີ້​ໜັກ​ເຫຼືອ​ກຳລັງ​ທີ່​ເຈົ້າ​ຜູ້​ດຽວ​ຈະ​ເຮັດ​ໄດ້.

ອົບພະຍົບ 18:22

ໃຫ້​ພວກເຂົາ​ຮັບ​ໜ້າທີ່​ເປັນ​ຜູ້​ຕັດສິນ​ປະຈຳ. ສ່ວນ​ກໍລະນີ​ໃຫຍ່ໆ​ໃຫ້​ເຂົາ​ນຳ​ມາ​ແຈ້ງ​ຕໍ່​ເຈົ້າ, ແຕ່​ສ່ວນ​ຄະດີ​ເລັກນ້ອຍ ໃຫ້​ພວກເຂົາ​ຕັດສິນ​ກັນເອງ. ໃນ​ເມື່ອ​ພວກເຂົາ​ຊ່ວຍ​ຮັບ​ແບກ​ພາລະ​ຮ່ວມ​ກັບ​ເຈົ້າ ວິທີ​ນີ້​ຈະ​ເຮັດ​ໃຫ້​ການງານ​ຂອງ​ເຈົ້າ​ເບົາລົງ.

ອົບພະຍົບ 19:11

ແລະ​ມື້ຮື ໃຫ້​ພວກເຂົາ​ຕຽມພ້ອມ ໃນ​ມື້​ນັ້ນ ພຣະເຈົ້າຢາເວ​ຈະ​ລົງ​ມາ​ເທິງ​ພູເຂົາ​ຊີນາຍ ບ່ອນ​ທີ່​ປະຊາຊົນ​ອິດສະຣາເອນ​ທັງໝົດ​ຈະ​ເຫັນ​ເຮົາ.

ອົບພະຍົບ 19:20

ພຣະເຈົ້າຢາເວ​ໄດ້​ສະເດັດ​ລົງ​ມາ​ເທິງ​ຈອມ​ພູເຂົາ​ຊີນາຍ, ພຣະເຈົ້າຢາເວ​ເອີ້ນ​ໂມເຊ​ໃຫ້​ຂຶ້ນ​ໄປ​ພົບ​ພຣະອົງ ແລະ​ໂມເຊ​ກໍ​ຂຶ້ນ​ໄປ.

ອົບພະຍົບ 34:5

ດັ່ງນັ້ນ ພຣະເຈົ້າຢາເວ​ໄດ້​ລົງ​ມາ​ໃນ​ເມກ​ຢືນ​ຢູ່​ກັບ​ໂມເຊ​ໃນ​ທີ່ນັ້ນ. ພຣະອົງ​ປະກາດ​ນາມຊື່​ອັນ​ສັກສິດ​ຂອງ​ພຣະອົງ​ວ່າ ພຣະເຈົ້າຢາເວ.

ເອຊາຢາ 44:3

ເຮົາ​ຈະ​ໃຫ້​ນໍ້າ​ແກ່​ດິນແດນ​ທີ່​ຫິວກະຫາຍ ຈະ​ໃຫ້​ມີ​ແມ່ນໍ້າ​ໄຫລ​ເທິງ​ພື້ນດິນ​ທີ່​ແຫ້ງແລ້ງ. ເຮົາ​ຈະ​ເທ​ຣິດອຳນາດ​ເທິງ​ລູກໆ​ທັງຫລາຍ​ຂອງ​ເຈົ້າ ແລະ​ເທ​ພອນ​ເຖິງ​ເຊື້ອສາຍ​ຂອງ​ພວກເຈົ້າ.

ເອຊາຢາ 63:11

ແຕ່​ແລ້ວ​ພວກເຂົາ ກໍ​ລະນຶກເຖິງ​ອະດີດ ຄື​ສະໄໝ​ຂອງ​ໂມເຊ​ຜູ້ຮັບໃຊ້​ຂອງ​ພຣະອົງ​ແລະ​ໄດ້​ຖາມ​ວ່າ, “ດຽວ​ນີ້​ອົງພຣະ​ຜູ້​ເປັນເຈົ້າ​ອົງ​ທີ່​ໄດ້​ຊ່ວຍເຫລືອ​ພວກ​ຜູ້ນຳ​ປະຊາຊົນ​ຂອງ​ພຣະອົງ ຂ້າມ​ທະເລ​ນັ້ນ​ຢູ່​ໃສ? ອົງພຣະ​ຜູ້​ເປັນເຈົ້າ​ອົງ​ທີ່​ໄດ້​ໃຫ້​ພຣະວິນຍານ​ແກ່​ໂມເຊ​ນັ້ນ​ຢູ່​ໃສ?

ໂຢເອນ 2:28

ແລ້ວ​ເຮົາ​ຈະ​ເທ​ວິນຍານ​ຂອງເຮົາ​ແກ່​ຄົນ​ທັງປວງ ລູກ​ຊາຍ​ຍິງ​ພວກເຈົ້າ​ຈະ​ປະກາດ​ພຣະທຳ​ຂອງເຮົາ​ໄດ້; ສ່ວນ​ຜູ້ເຖົ້າ​ຈະ​ຝັນ​ເຫັນ​ສິ່ງ​ຕ່າງໆນາໆ ແລະ​ຊາຍໜຸ່ມ​ຍິງສາວ​ກໍ​ຈະ​ເຫັນ​ນິມິດ​ຕ່າງໆ.

ຈົດບັນຊີ 11:25

ແລ້ວ​ພຣະເຈົ້າຢາເວ​ກໍໄດ້​ລົງ​ມາ​ໃນ​ກ້ອນ​ເມກ​ແລະ​ກ່າວ​ແກ່​ໂມເຊ. ພຣະອົງ​ໄດ້​ເອົາ​ພຣະວິນຍານ​ທີ່​ພຣະອົງ​ໄດ້​ປະທານ​ໃຫ້​ແກ່​ໂມເຊ​ນັ້ນ ມອບ​ໃຫ້​ແກ່​ຜູ້ນຳ​ເຈັດສິບ​ຄົນ​ດ້ວຍ. ເມື່ອ​ພຣະວິນຍານ​ໄດ້​ລົງ​ມາ​ເທິງ​ພວກເຂົາ​ນັ້ນ ຕ່າງ​ກໍ​ຮ້ອງ​ສຽງດັງ​ເໝືອນ​ດັ່ງ​ຜູ້ທຳນວາຍ ແຕ່​ຫລັງຈາກ​ນັ້ນ​ພວກເຂົາ​ບໍ່ໄດ້​ເຮັດ​ຢ່າງ​ນັ້ນ​ອີກ.

ຈົດບັນຊີ 12:5

ແລະ​ພຣະເຈົ້າຢາເວ​ໄດ້​ລົງ​ມາ​ໃນ​ເສົາເມກ ໂດຍ​ຢືນ​ຢູ່​ທາງ​ປະຕູເຂົ້າ​ຫໍເຕັນ​ແລະ​ພຣະອົງ​ໄດ້​ເອີ້ນ​ອາໂຣນ​ແລະ​ມີຣີອາມ​ອອກ​ມາ ເຂົາ​ທັງສອງ​ຈຶ່ງ​ກ້າວ​ອອກ​ໄປ​ຂ້າງໜ້າ

ຈົດບັນຊີ 12:8

ດັ່ງນັ້ນ ເຮົາ​ຈຶ່ງ​ກ່າວ​ແກ່​ລາວ​ຕໍ່ໜ້າ​ຢ່າງ​ຈະແຈ້ງ​ແລະ​ຢ່າງ​ບໍ່ມີ​ບັນຫາ; ລາວ​ໄດ້​ເຫັນ​ແມ່ນແຕ່​ຮູບຮ່າງ​ຂອງ​ພຣະເຈົ້າຢາເວ ເຫດໃດ​ພວກເຈົ້າ​ຈຶ່ງ​ກ້າ​ເວົ້າ​ຕໍ່ສູ້​ໂມເຊ ຜູ້ຮັບໃຊ້​ຂອງເຮົາ?”

ຈົດບັນຊີ 27:18

ດັ່ງນັ້ນ ພຣະເຈົ້າຢາເວ​ໄດ້​ກ່າວ​ຕໍ່​ໂມເຊ​ວ່າ, “ຈົ່ງ​ໄປ​ເອົາ​ໂຢຊວຍ​ລູກຊາຍ​ຂອງ​ນູນ​ຜູ້​ທີ່​ມີ​ພຣະວິນຍານ ແລ້ວ​ຈົ່ງ​ວາງ​ມື​ເທິງ​ຫົວ​ລາວ​ແຕ່ງຕັ້ງ​ລາວ.

ຈົດບັນຊີ 7:89

ເມື່ອ​ໂມເຊ​ເຂົ້າ​ໄປ​ກ່າວ​ຕໍ່​ພຣະເຈົ້າຢາເວ​ໃນ​ຫໍເຕັນ​ບ່ອນ​ຊຸມນຸມ ເພິ່ນ​ກໍ​ໄດ້​ຍິນ​ພຣະອົງ​ກ່າວ​ແກ່​ເພິ່ນ​ຈາກ​ເທິງ​ຝາ​ຫີບ​ພັນທະສັນຍາ ລະຫວ່າງ​ເຄຣຸບ.

ໂຢຮັນ 3:13

ບໍ່ມີ​ຜູ້ໃດ​ເຄີຍ​ຂຶ້ນ​ໄປ​ສະຫວັນ ນອກຈາກ​ບຸດ​ມະນຸດ​ຜູ້​ທີ່​ໄດ້​ລົງ​ມາ​ຈາກ​ສະຫວັນ.

ໂຢຮັນ 7:39

ສິ່ງ​ທີ່​ພຣະເຢຊູເຈົ້າ​ໄດ້​ກ່າວ​ນັ້ນ​ໝາຍ​ເຖິງ​ພຣະວິນຍານ ຊຶ່ງ​ຜູ້​ທີ່​ເຊື່ອ​ໃນ​ພຣະອົງ​ຈະ​ໄດ້​ຮັບ ໃນ​ເວລາ​ນັ້ນ ພຣະວິນຍານ​ບໍຣິສຸດເຈົ້າ ຍັງ​ບໍ່ໄດ້​ປະທານ​ໃຫ້​ເທື່ອ ເພາະ​ພຣະເຢຊູເຈົ້າ​ຍັງ​ບໍ່​ທັນ​ໄດ້​ຮັບ​ສະຫງ່າຣາສີ.

ໂຣມ 8:9

ແຕ່​ຖ້າ​ແມ່ນ​ພຣະວິນຍານ​ຂອງ​ພຣະເຈົ້າ ຊົງ​ສະຖິດ​ຢູ່​ໃນ​ເຈົ້າ​ທັງຫລາຍ​ຢ່າງ​ແທ້ຈິງ​ແລ້ວ ພວກເຈົ້າ​ກໍ​ບໍ່​ຢູ່​ຝ່າຍ​ເນື້ອໜັງ ແຕ່​ຢູ່​ຝ່າຍ​ພຣະວິນຍານ ແລະ​ຖ້າ​ຜູ້ໃດ​ບໍ່ມີ​ພຣະວິນຍານ​ຂອງ​ພຣະຄຣິດ​ແລ້ວ ຜູ້ນັ້ນ​ກໍ​ບໍ່​ເປັນ​ຂອງ​ພຣະອົງ.

1 ໂກຣິນໂທ 2:12

ພວກເຮົາ​ບໍ່ໄດ້​ຮັບ​ວິນຍານ​ຂອງ​ໂລກນີ້, ແຕ່​ພວກເຮົາ​ໄດ້​ຮັບ​ພຣະວິນຍານ​ທີ່​ມາ​ຈາກ​ພຣະເຈົ້າ ເພື່ອ​ວ່າ​ພວກເຮົາ​ຈະ​ຮູ້​ທຸກສິ່ງ ທີ່​ພຣະເຈົ້າ​ໄດ້​ຊົງ​ໂຜດ​ປະທານ​ໃຫ້​ແກ່​ພວກເຮົາ​ນັ້ນ.

1 ເທສະໂລນິກ 4:8

ດ້ວຍເຫດນີ້ ຜູ້​ທີ່​ຝ່າຝືນ​ນັ້ນ​ກໍ​ບໍ່​ໄດ້​ຝ່າຝືນ​ຕໍ່​ມະນຸດ ແຕ່​ຝ່າຝືນ​ຕໍ່​ພຣະເຈົ້າ ຜູ້​ຊົງ​ໂຜດ​ປະທານ​ພຣະວິນຍານ​ບໍຣິສຸດເຈົ້າ​ຂອງ​ພຣະອົງ​ໃຫ້​ແກ່​ເຈົ້າ​ທັງຫລາຍ.

1 ເປໂຕ 1:22

ທີ່​ເຈົ້າ​ທັງຫລາຍ​ໄດ້​ຊຳລະ​ຈິດໃຈ​ຂອງຕົນ ໃຫ້​ບໍຣິສຸດ​ດ້ວຍ​ຄວາມ​ເຊື່ອຟັງ​ຄວາມຈິງ ຈົນ​ມີ​ຄວາມຮັກ​ພວກ​ພີ່ນ້ອງ​ຢ່າງ​ຈິງໃຈ ພວກເຈົ້າ​ຈົ່ງ​ຮັກ​ຊຶ່ງກັນແລະກັນ​ດ້ວຍ​ເຕັມໃຈ.

ຢູດາ 1:19

ແມ່ນ​ພວກ​ຄົນ​ເຫຼົ່ານີ້​ແຫຼະ ທີ່​ສ້າງ​ຄວາມ​ແຕກແຍກ, ພວກເຂົາ​ເຮັດ​ຕາມ​ຕັນຫາ​ຝ່າຍ​ເນື້ອໜັງ ແລະ​ບໍ່ມີ​ພຣະວິນຍານ.

1 ຊາມູເອນ 10:6

ໃນ​ທັນໃດນັ້ນ ພຣະວິນຍານ​ຂອງ​ພຣະເຈົ້າຢາເວ​ຈະ​ເຂົ້າ​ຄວບຄຸມ​ເຈົ້າ ແລະ​ເຈົ້າ​ຈະ​ເຂົ້າ​ຮ່ວມ​ກັບ​ພວກເຂົາ​ທຳນວາຍ ແລະ​ເຈົ້າ​ຈະ​ປ່ຽນ​ເປັນ​ຄົນ​ໃໝ່.