ຈົດບັນຊີ 11:10 - ພຣະຄຳພີສັກສິ

¹⁰ ໂມເຊ​ໄດ້ຍິນ​ປະຊາຊົນ​ທັງໝົດ​ກຳລັງ​ຈົ່ມ​ຕໍ່ວ່າ​ຕໍ່ຂານ ໃນ​ຂະນະທີ່​ພວກເຂົາ​ຢືນ​ຈົ່ມ​ຢູ່​ທີ່​ປະຕູ​ເຂົ້າເຕັນ​ຂອງ​ພວກເຂົາ, ພຣະເຈົ້າຢາເວ​ໄດ້​ໂກດຮ້າຍ​ຢ່າງແຮງ ແລະ​ໂມເຊ​ກໍ​ເປັນທຸກ​ໜັກໃຈ​ຫລາຍ.

ຈົດບັນຊີ 11:10 Jak'a apnaqawi uñst'ayäwi

ເພງ^ສັນລະເສີນ 106:25

ພວກເຂົາ​ອາໄສ​ຜ້າເຕັນ​ຢູ່​ແລະ​ຈົ່ມວ່າ​ຢ່າງ​ບໍ່​ພໍໃຈ ແລະ​ບໍ່​ຍອມ​ຟັງ​ສຽງ​ຂອງ​ພຣະເຈົ້າຢາເວ.

ເພງ^ສັນລະເສີນ 139:21

ຂ້າແດ່​ພຣະເຈົ້າຢາເວ ຂ້ານ້ອຍ​ກຽດຊັງ​ຜູ້​ທີ່​ກຽດຊັງ​ພຣະອົງ​ທີ່ສຸດ ແລະ​ສົມນໍ້າໜ້າ​ຜູ້​ທີ່​ກະບົດ​ຄົດລ້ຽວ​ຕໍ່​ພຣະອົງ.

ເພງ^ສັນລະເສີນ 78:21

ສະນັ້ນ ພຣະເຈົ້າຢາເວ​ຈຶ່ງ​ໂກດຮ້າຍ​ອອກ ເມື່ອ​ພຣະອົງ​ໄດ້ຍິນ​ສຽງ​ຈົ່ມ​ຂອງ​ພວກເຂົາ. ພຣະອົງ​ໄດ້​ໂຈມຕີ​ປະຊາຊົນ​ຂອງ​ພຣະອົງ​ດ້ວຍ​ໄຟ ແລະ​ພຣະອົງ​ໄດ້​ຕໍ່ສູ້​ພວກເຂົາ​ໂດຍ​ຄວາມ​ໂກດຮ້າຍ

ເພງ^ສັນລະເສີນ 78:59

ເມື່ອ​ເຫັນ​ເຊັ່ນນີ້ ພຣະເຈົ້າ​ກໍ​ກິ້ວໂກດ​ຫລາຍ ສະນັ້ນ ພຣະອົງ​ຈຶ່ງ​ປະລະ​ປະຊາຊົນ​ຂອງ​ພຣະອົງ​ໝົດ​ສິ້ນ.

ເອຊາຢາ 5:25

ພຣະເຈົ້າຢາເວ​ໂກດຮ້າຍ​ປະຊາຊົນ​ຂອງ​ພຣະອົງ ແລະ​ຢຽດ​ມື​ອອກ​ລົງໂທດ​ພວກເຂົາ​ສາ​ແລ້ວ. ພູ​ທັງຫລາຍ​ຈະ​ສັ່ນສະເທືອນ ແລະ​ຊາກສົບ​ຂອງ​ຄົນຕາຍ​ກໍ​ຈະ​ຖືກ​ປະປ່ອຍ​ໄວ້​ຕາມ​ຖະໜົນ​ຫົນທາງ​ດັ່ງ​ຂີ້ເຫຍື້ອ. ເຖິງປານນັ້ນ ພຣະອົງ​ກໍ​ຍັງ​ບໍ່​ເຊົາ​ໂກດຮ້າຍ ແຕ່​ຍັງ​ຈະ​ຢຽດ​ມື​ອອກ​ເພື່ອ​ລົງໂທດ​ພວກເຂົາ​ຕໍ່ໄປ.

ເຢເຣມີຢາ 17:4

ພວກເຈົ້າ​ຈະ​ຕ້ອງ​ປ່ອຍປະ ດິນແດນ​ຊຶ່ງ​ເຮົາ​ໄດ້​ມອບ​ໃຫ້​ແກ່​ພວກເຈົ້າ​ນັ້ນ ແລະ​ເຮົາ​ຈະ​ກະທຳ​ໃຫ້​ພວກເຈົ້າ​ໄປ​ຮັບໃຊ້​ເຫຼົ່າ​ສັດຕູ​ຢູ່​ໃນ​ດິນແດນ​ທີ່​ພວກເຈົ້າ​ບໍ່​ຮູ້​ຫຍັງ​ເລີຍ ຍ້ອນ​ຄວາມ​ໂກດຮ້າຍ​ຂອງເຮົາ​ນັ້ນ​ເປັນ​ດັ່ງ​ໄຟ​ທີ່​ຈະ​ໄໝ້​ເຜົາຜານ​ຕະຫລອດໄປ.”

ຈົດບັນຊີ 11:1

ປະຊາຊົນ​ໄດ້​ເລີ່ມ​ຈົ່ມທຸກ​ຕໍ່​ພຣະເຈົ້າຢາເວ​ເຖິງ​ຄວາມ​ເດືອດຮ້ອນ​ຂອງ​ພວກເຂົາ. ເມື່ອ​ພຣະເຈົ້າຢາເວ​ໄດ້ຍິນ​ພວກເຂົາ ພຣະອົງ​ກໍ​ໂກດຮ້າຍ​ແລະ​ສົ່ງ​ໄຟ​ລົງ​ມາ​ເທິງ​ພວກເຂົາ. ໄຟ​ພຣະເຈົ້າຢາເວ​ໄດ້​ລຸກ​ໄໝ້​ຢູ່​ທ່າມກາງ​ພວກເຂົາ ແລະ​ໄດ້​ທຳລາຍ​ສົ້ນ​ໜຶ່ງ​ຂອງ​ຄ້າຍພັກ.

ຈົດບັນຊີ 11:11

ດັ່ງນັ້ນ ໂມເຊ​ຈຶ່ງ​ໄດ້​ກ່າວ​ຕໍ່​ພຣະເຈົ້າຢາເວ​ວ່າ, “ເປັນຫຍັງ​ພຣະອົງ​ຈຶ່ງ​ນຳ​ຄວາມ​ເດືອດຮ້ອນ​ຢ່າງ​ນີ້​ມາ​ຖືກ​ຂ້ານ້ອຍ? ພຣະອົງ​ເຊົາ​ພໍໃຈ​ກັບ​ຂ້ານ້ອຍ​ແລ້ວ​ບໍ? ດ້ວຍເຫດໃດ ພຣະອົງ​ຈຶ່ງ​ໄດ້​ໃຫ້​ຂ້ານ້ອຍ​ຮັບຜິດຊອບ​ຄົນ​ທັງໝົດ​ເຫຼົ່ານີ້.

ຈົດບັນຊີ 12:3

ໂມເຊ​ເປັນ​ຄົນ​ອ່ອນນ້ອມ​ຖ່ອມຕົວ​ທີ່ສຸດ​ກວ່າ​ທຸກໆ​ຄົນ​ໃນ​ເທິງ​ແຜ່ນດິນ​ໂລກ​ນີ້).

ຈົດບັນຊີ 12:9

ພຣະເຈົ້າຢາເວ​ໄດ້​ໂກດຮ້າຍ​ພວກເຂົາ​ຢ່າງ​ຮຸນແຮງ​ແລະ​ຈາກ​ໄປ;

ຈົດບັນຊີ 16:27

ສະນັ້ນ ປະຊາຊົນ​ຈຶ່ງ​ຍ້າຍ​ໜີ​ຈາກ​ເຕັນ​ຂອງ​ໂກຣາ, ດາທານ ແລະ​ອາບີຣາມ. ດາທານ​ແລະ​ອາບີຣາມ​ພ້ອມ​ດ້ວຍ​ເມຍ​ແລະ​ລູກ​ຂອງ​ພວກເຂົາ ໄດ້​ອອກ​ມາ​ຢືນ​ຢູ່​ຕໍ່ໜ້າ​ເຕັນ​ຂອງ​ພວກເຂົາ.

ຈົດບັນຊີ 21:5

ພວກເຂົາ​ໄດ້​ຈົ່ມຮ້າຍ​ຕໍ່​ພຣະເຈົ້າ ແລະ​ຕໍ່​ໂມເຊ​ວ່າ, “ເປັນຫຍັງ​ທ່ານ​ຈຶ່ງ​ນຳພາ​ພວກເຮົາ​ອອກ​ຈາກ​ປະເທດ​ເອຢິບ ມາ​ຕາຍ​ຢູ່​ໃນ​ກາງ​ຖິ່ນ​ແຫ້ງແລ້ງ​ກັນດານ ບ່ອນ​ບໍ່ມີ​ອາຫານ ແລະ​ບໍ່ມີ​ນໍ້າ​ເຊັ່ນນີ້? ພວກເຮົາ​ບໍ່​ອາດ​ທົນ​ກິນ​ອາຫານ​ຕາຍໆ​ເຊັ່ນນີ້​ໄດ້​ດອກ.”

ມາຣະໂກ 10:14

ເມື່ອ​ພຣະເຢຊູເຈົ້າ​ເຫັນ​ດັ່ງນັ້ນ, ພຣະອົງ​ກໍ​ບໍ່​ພໍໃຈ ແລະ​ກ່າວ​ແກ່​ພວກ​ສາວົກ​ວ່າ, “ຈົ່ງ​ປ່ອຍ​ເດັກນ້ອຍ​ໃຫ້​ເຂົ້າ​ມາ​ຫາ​ເຮົາ ແລະ​ຢ່າ​ຫ້າມ​ພວກເຂົາ ເພາະ​ອານາຈັກ​ພຣະເຈົ້າ​ເປັນ​ຂອງ​ຜູ້​ທີ່​ເປັນ​ເໝືອນ​ເດັກນ້ອຍ​ເຫຼົ່ານີ້​ແຫຼະ.

ມາຣະໂກ 3:5

ພຣະອົງ​ຫລຽວ​ເບິ່ງ​ອ້ອມຮອບ​ພວກເຂົາ​ດ້ວຍ​ຄວາມ​ເຄືອງໃຈ ພຣະອົງ​ເປັນທຸກໃຈ​ຫລາຍ ເພາະ​ພວກເຂົາ​ມີ​ໃຈແຂງ​ກະດ້າງ. ສະນັ້ນ ພຣະອົງ​ຈຶ່ງ​ກ່າວ​ແກ່​ຊາຍ​ຄົນ​ນັ້ນ​ວ່າ, “ຈົ່ງ​ຢຽດ​ມື​ຂອງ​ເຈົ້າ​ອອກ.” ລາວ​ຈຶ່ງ​ຢຽດ​ມື​ອອກ ແລະ ມື​ຂອງ​ລາວ​ກໍດີ​ເປັນ​ປົກກະຕິ.

ພຣະບັນຍັດສອງ 32:22

ຄວາມ​ໂກດຮ້າຍ​ຂອງເຮົາ​ຈະ​ລຸກ​ໄໝ້ ເຜົາຜານ​ດັ່ງ​ແປວໄຟ​ລຸກ​ໃຫຍ່ ເຜົາໄໝ້​ທຸກສິ່ງ​ເທິງ​ແຜ່ນດິນ​ໂລກ ຈົນ​ທະລາຍ​ກ້ຽງ​ສິ້ນສູນ​ໝົດ. ມັນ​ຈະ​ເລີຍ​ລຸກ​ໄໝ້​ໄປ​ຮອດ ພື້ນ​ພິພົບ​ປັດຖະພີ ແລະ​ເຜົາຜານ​ທຸກສິ່ງ​ໝົດ ຮອດ​ຮາກໂຄນ​ຂອງ​ພູ​ສູງພຸ້ນ.