ຈົດບັນຊີ 10:35 - ພຣະຄຳພີສັກສິ

³⁵ ທຸກ​ເທື່ອ​ທີ່​ພວກເຂົາ​ຍົກຍ້າຍ​ຫີບ​ພັນທະສັນຍາ​ອອກ​ເດີນທາງ​ໄປ​ນັ້ນ ໂມເຊ​ຕ້ອງ​ໄດ້​ກ່າວ​ວ່າ, “ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ລຸກ​ຂຶ້ນ​ເທີ້ນ ໂຜດ​ບັນດານ​ໃຫ້​ເຫຼົ່າ​ສັດຕູ​ຂອງ​ພຣະອົງ​ແຕກ​ກະຈັດ​ກະຈາຍ ແລະ​ໃຫ້​ຜູ້​ທີ່​ກຽດຊັງ​ພຣະອົງ​ປົບໜີ.”

ຈົດບັນຊີ 10:35 Jak'a apnaqawi uñst'ayäwi

ເພງ^ສັນລະເສີນ 132:8

ຂ້າແດ່​ພຣະເຈົ້າຢາເວ ຂໍ​ຊົງ​ສະເດັດ​ມາ​ທີ່​ພຣະວິຫານ ພ້ອມ​ກັບ​ຫີບ​ພັນທະສັນຍາ ຊຶ່ງ​ເປັນ​ສັນຍາລັກ​ແຫ່ງ​ຣິດອຳນາດ​ຂອງ​ພຣະອົງ ແລະ​ສະຖິດ​ຢູ່​ບ່ອນ​ນີ້​ຕະຫລອດໄປ​ເປັນນິດ.

ເພງ^ສັນລະເສີນ 3:8

ພຣະເຈົ້າຢາເວ​ເທົ່ານັ້ນ ທີ່​ໃຫ້​ຂ້ານ້ອຍ​ໄດ້​ໄຊຊະນະ ຂໍ​ຊົງ​ໂຜດ​ອວຍພອນ​ປະຊາຊົນ​ຂອງ​ພຣະອົງ​ເທີ້ນ.

ເພງ^ສັນລະເສີນ 9:19

ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ດຳເນີນການ​ເຖີດ ຢ່າ​ປ່ອຍ​ໃຫ້​ມະນຸດ​ທ້າທາຍ​ພຣະອົງ​ໄດ້ ໂຜດ​ນຳ​ຄົນ​ບໍ່​ນັບຖື​ພຣະເຈົ້າ​ມາ​ຢູ່​ຊ້ອງໜ້າ​ພຣະອົງ ແລະ​ປະກາດ​ການຕັດສິນ​ລົງໂທດ​ເຂົາເຈົ້າ.

ເພງ^ສັນລະເສີນ 94:16

ແມ່ນ​ໃຜ​ໄດ້​ຢືນ​ຕໍ່ຕ້ານ​ຄົນຊົ່ວຮ້າຍ​ແທນ​ຂ້າພະເຈົ້າ? ແມ່ນ​ໃຜ​ໄດ້​ເຂົ້າຂ້າງ​ຂ້າພະເຈົ້າ​ຕໍ່ສູ້​ຄົນ​ເຮັດ​ຊົ່ວ?

ເອຊາຢາ 51:9

ຂ້າແດ່​ພຣະເຈົ້າຢາເວ ຈົ່ງ​ຕື່ນ​ຂຶ້ນ​ຊ່ວຍເຫຼືອ​ພວກ​ຂ້ານ້ອຍ​ແດ່ ຈົ່ງ​ໃຊ້​ຣິດທານຸພາບ​ຊ່ວຍຊູ​ແດ່ທ້ອນ ດັ່ງ​ທີ່​ພຣະອົງ​ໄດ້​ເຮັດ​ໃນ​ສະໄໝ​ບູຮານ ພຣະອົງ​ໄດ້​ຕັດ​ຣາຮາບ ໃນ​ທະເລ​ຂາດ​ເປັນ​ຕ່ອນໆ.

ພຣະບັນຍັດສອງ 32:41

ເຮົາ​ຈະ​ຝົນ​ດາບ​ໃຫ້​ເຫລື້ອມ​ເປັນ​ແສງ​ຄົມ​ມັບໆ ແລະ​ມື​ຂອງ​ເຮົາ​ຢຶດ​ການ​ຕັດສິນ​ໄວ້. ເຮົາ​ຈະ​ແກ້ແຄ້ນ​ບັນດາ​ເຫຼົ່າ​ສັດຕູ ແລະ​ເຮົາ​ຈະ​ລົງໂທດ​ທັນ​ຜູ້​ທີ່​ກຽດຊັງ​ເຮົາ​ນັ້ນ.

ພຣະບັນຍັດສອງ 7:10

ແຕ່​ພຣະອົງ​ຈະ​ບໍ່​ລັ່ງເລ​ໃຈ​ທີ່​ຈະ​ລົງໂທດ​ພວກ​ທີ່​ກຽດຊັງ​ພຣະອົງ.

1 ຊາມູເອນ 4:3

ເມື່ອ​ພວກ​ທີ່​ລອດ​ຕາຍ​ກັບຄືນ​ມາ​ຄ້າຍ ພວກ​ຜູ້ນຳ​ຊາວ​ອິດສະຣາເອນ​ຈຶ່ງ​ເວົ້າ​ວ່າ, “ເປັນຫຍັງ​ມື້ນີ້​ພຣະເຈົ້າຢາເວ​ຈຶ່ງ​ໃຫ້​ພວກ​ຟີລິດສະຕິນ​ຊະນະ​ພວກເຮົາ? ຈົ່ງ​ໄປ​ເອົາ​ຫີບ​ພັນທະສັນຍາ​ຂອງ​ພຣະເຈົ້າຢາເວ​ມາ​ຈາກ​ເມືອງ​ຊີໂລ ເພື່ອ​ວ່າ​ພຣະອົງ ຈະ​ສະຖິດ​ຢູ່​ກັບ​ພວກເຮົາ ແລະ​ຊ່ວຍ​ພວກເຮົາ​ໃຫ້​ພົ້ນ​ຈາກ​ເງື້ອມມື​ສັດຕູ​ຂອງ​ພວກເຮົາ.”