ຈົດບັນຊີ 10:10 - ພຣະຄຳພີສັກສິ

¹⁰ ໃນ​ໂອກາດ​ມ່ວນຊື່ນ​ເບີກບານ​ເຊັ່ນ: ວັນ​ສະຫລອງ​ເທດສະການ​ຕ່າງໆ​ແລະ​ເດືອນ​ອອກ​ໃໝ່ ເມື່ອ​ພວກເຈົ້າ​ຖວາຍ​ເຄື່ອງ​ບູຊາ​ດ້ວຍ​ໄຟ ແລະ​ຖວາຍ​ເພື່ອ​ຄວາມ​ສາມັກຄີທຳ ກໍ​ໃຫ້​ເປົ່າແກ​ສຽງດັງ​ກ້ອງສະໜັ່ນ. ການ​ສະຫລອງ​ເທດສະການ​ຕ່າງໆ​ນັ້ນ​ຈະ​ເປັນ​ທີ່​ລະນຶກ​ຄິດເຖິງ​ພວກເຈົ້າ​ຕໍ່ໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ເຮົາ​ແມ່ນ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ.”

ຈົດບັນຊີ 10:10 Jak'a apnaqawi uñst'ayäwi

2 ກະສັດ 4:23

ຜົວ​ຂອງ​ນາງ​ຖາມ​ວ່າ, “ເປັນຫຍັງ​ເຈົ້າ​ຕ້ອງ​ໄປ​ໃນວັນນີ້? ມັນ​ບໍ່ແມ່ນ​ວັນ​ຊະບາໂຕ ຫລື​ມື້​ເທດສະການ​ເດືອນ​ອອກ​ໃໝ່.” ນາງ​ຕອບ​ວ່າ, “ບໍ່​ເປັນຫຍັງ​ດອກ.”

1 ຂ່າວຄາວ 15:24

ບັນດາ​ປະໂຣຫິດ​ເຊບານີຢາ, ໂຢຊາຟັດ, ເນທາເນນ, ອາມາໄສ, ເຊກາຣີຢາ, ເບນາອີຢາ ແລະ​ເອລີເອເຊ​ໄດ້​ຖືກ​ເລືອກ​ໃຫ້​ເປັນ​ຜູ້​ເປົ່າແກ ນຳ​ໜ້າ​ຫີບ​ພັນທະສັນຍາ​ຂອງ​ພຣະເຈົ້າ. ໂອເບັດເອໂດມ ແລະ​ເຢຮີຢາ ໄດ້​ຖືກ​ຮັບ​ເລືອກ​ໃຫ້​ເປັນ​ຜູ້ເຝົ້າຍາມ​ຫີບ​ພັນທະສັນຍາ​ດ້ວຍ.

1 ຂ່າວຄາວ 15:28

ສະນັ້ນ ຊາວ​ອິດສະຣາເອນ​ທັງໝົດ​ຈຶ່ງ​ແຫ່​ຫີບ​ພັນທະສັນຍາ​ຂອງ​ພຣະເຈົ້າຢາເວ ມາ​ເຖິງ​ນະຄອນ​ເຢຣູຊາເລັມ​ດ້ວຍ​ສຽງ​ໂຮຮ້ອງ​ຊົມຊື່ນ​ຍິນດີ​ພ້ອມ​ທັງ​ເປົ່າແກ, ເປົ່າ​ເຂົາສັດ, ຕົບແສ່ງ ແລະ​ດີດພິນ.

1 ຂ່າວຄາວ 16:42

ເຮມານ​ແລະ​ເຢດູທູນ​ໄດ້​ເຮັດ​ໜ້າທີ່​ເປົ່າແກ, ຕົບແສ່ງ ແລະ​ຫລີ້ນ​ເຄື່ອງ​ດົນຕຼີ​ອື່ນໆ​ເມື່ອ​ຮ້ອງເພງ​ສັນລະເສີນ. ສະມາຊິກ​ໃນ​ຕະກຸນ​ເຢດູທູນ​ໄດ້​ເປັນ​ຜູ້​ເຝົ້າຍາມ​ປະຕູ​ເຂົ້າ.

2 ຂ່າວຄາວ 29:26

ເຄື່ອງ​ດົນຕຼີ​ດັ່ງ​ສະໄໝ​ຂອງ​ກະສັດ​ດາວິດ​ໄດ້​ເຮັດ. ພວກ​ປະໂຣຫິດ​ໄດ້​ຢືນ​ຖື​ແກ​ຕຽມພ້ອມ​ຢູ່​ທີ່​ນັ້ນ​ຄືກັນ.

2 ຂ່າວຄາວ 29:28

ທຸກໆ​ຄົນ​ທີ່​ຢູ່​ໃນ​ທີ່ນັ້ນ​ໄດ້​ເຂົ້າ​ຮ່ວມ​ໃນ​ການ​ນະມັດສະການ ແລະ​ສຽງ​ຮ້ອງ​ພ້ອມ​ສຽງ​ເສບ​ກໍ​ສືບຕໍ່​ກັນ​ໄປ ຈົນກວ່າ​ການ​ຖວາຍບູຊາ​ໄດ້​ສຳເລັດ​ລົງ.

2 ຂ່າວຄາວ 7:6

ບັນດາ​ປະໂຣຫິດ​ໄດ້​ຢືນ​ປະຈຳ​ບ່ອນ​ທີ່​ຖືກ​ມອບໝາຍ​ໃຫ້ ແລະ​ຊື່​ໜ້າ​ພວກເຂົາ​ແມ່ນ​ຊາວ​ເລວີ​ທີ່​ກຳລັງ​ສັນລະເສີນ​ພຣະເຈົ້າຢາເວ ດ້ວຍ​ເຄື່ອງ​ດົນຕຼີ​ຊຶ່ງ​ກະສັດ​ດາວິດ​ໄດ້​ຈັດຫາ​ໃຫ້​ເພື່ອ​ຮ້ອງເພງ​ໂມທະນາ​ຂອບພຣະຄຸນ​ແກ່​ພຣະເຈົ້າຢາເວ ເພາະ​ຄວາມຮັກ​ໝັ້ນຄົງ​ຂອງ​ພຣະອົງ​ດຳລົງ​ຢູ່​ຕະຫລອດໄປ​ເປັນນິດ ຕາມ​ທີ່​ກະສັດ​ດາວິດ​ໄດ້​ມອບໝາຍ​ໃຫ້. ໃນ​ຂະນະທີ່​ປະຊາຊົນ​ທັງໝົດ​ໄດ້​ຢືນ​ຢູ່​ນັ້ນ ພວກ​ປະໂຣຫິດ​ກໍໄດ້​ພາກັນ​ເປົ່າແກ.

ເອຊະຣາ 3:10

ເມື່ອ​ຄົນ​ເຫຼົ່ານີ້​ໄດ້​ເລີ່ມຕົ້ນ​ວາງ​ຮາກຖານ​ພຣະວິຫານ​ຂອງ​ພຣະເຈົ້າຢາເວ, ບັນດາ​ປະໂຣຫິດ​ທີ່​ນຸ່ງ​ເສື້ອຄຸມ ກໍ​ຖື​ແກ​ປະຈຳ​ໜ້າທີ່​ຂອງ​ພວກເຂົາ ສ່ວນ​ພວກເລວີ​ຈາກ​ຕະກຸນ​ອາສັບ​ກໍ​ຖື​ແສ່ງ​ຢືນ​ຢູ່​ທີ່​ນັ້ນ. ພວກເຂົາ​ສັນລະເສີນ​ພຣະເຈົ້າຢາເວ​ຕາມ​ຄຳແນະນຳ ສືບ​ຕໍ່ກັນ​ມາ​ແຕ່​ສະໄໝ​ຂອງ​ກະສັດ​ດາວິດ​ແຫ່ງ​ອິດສະຣາເອນ.

ເນເຫມີຢາ 12:35

ຕໍ່ມາ​ແມ່ນ​ເຊກາຣີຢາ​ລູກຊາຍ​ຂອງ​ໂຢນາທານ​ແລະ​ຫລານຊາຍ​ຂອງ​ເຊມາອີຢາ. (ບັນພະບຸລຸດ​ຂອງ​ເພິ່ນ​ມີ​ດັ່ງນີ້: ມັດຕານີຢາ, ມີກາອີຢາ ແລະ​ຊັກກູເຣ, ຈາກ​ຕະກຸນ​ອາສັບ.)

ເພງ^ສັນລະເສີນ 150:3

ຈົ່ງ​ຍ້ອງຍໍ​ສັນລະເສີນ​ພຣະອົງ​ໂດຍ​ເປົ່າແກ​ສຽງ​ດັງໆ ຈົ່ງ​ຍ້ອງຍໍ​ສັນລະເສີນ​ພຣະອົງ​ໂດຍ​ດີດ​ກິດຕາ​ແລະ​ໝາກ​ກະຈັບປີ່

ເພງ^ສັນລະເສີນ 81:3

ຈົ່ງ​ເປົ່າແກ​ເປັນ​ການ​ສະຫລອງ​ເທດສະການ ເມື່ອ​ຮອດ​ວັນ​ເດືອນ​ອອກ​ໃໝ່​ແລະ​ດວງຈັນ​ເຕັມ​ດວງ.

ເພງ^ສັນລະເສີນ 81:4

ອັນ​ນີ້ ເປັນ​ກົດບັນຍັດ​ຂອງ​ຊາດ​ອິດສະຣາເອນ ເປັນ​ຂໍ້ຄຳສັ່ງ​ແຫ່ງ​ພຣະເຈົ້າ​ຂອງ​ຢາໂຄບ.

ເພງ^ສັນລະເສີນ 89:15

ຂ້າແດ່​ພຣະເຈົ້າຢາເວ ຄວາມສຸກ​ເປັນ​ຂອງ​ຜູ້​ທີ່​ນະມັດສະການ​ພຣະອົງ​ດ້ວຍ​ສຽງ​ເພງ ພວກເຂົາ​ດຳເນີນ​ຢູ່​ໃນ​ຄວາມ​ສະຫວ່າງ ແຫ່ງ​ພຣະເມດຕາ​ຂອງ​ພຣະອົງ.

ອົບພະຍົບ 28:29

ເມື່ອ​ອາໂຣນ​ເຂົ້າ​ໄປ​ສະຖານທີ່​ສັກສິດ ລາວ​ຈະ​ໃສ່​ແຜ່ນ​ປົກເອິກ ຊຶ່ງ​ຈາລຶກ​ຊື່​ຂອງ​ເຜົ່າ​ຕ່າງໆ​ຂອງ​ຊາດ​ອິດສະຣາເອນ ກໍ​ເພື່ອ​ວ່າ​ຈະ​ເປັນ​ທີ່ລະນຶກ​ຕໍ່ໜ້າ​ພຣະເຈົ້າຢາເວ​ສືບໆໄປ.

ອົບພະຍົບ 30:16

ຈົ່ງ​ໂຮມ​ເງິນ​ທັງໝົດ​ທີ່​ໄດ້​ຈາກ​ປະຊາຊົນ​ອິດສະຣາເອນ​ນັ້ນ ນຳ​ມາ​ໃຊ້​ຈ່າຍ​ໃນ​ການ​ບົວລະບັດ​ຫໍເຕັນ​ບ່ອນ​ຊຸມນຸມ. ເພື່ອ​ເປັນທີ່​ລະນຶກເຖິງ​ຊົນຊາດ​ອິດສະຣາເອນ​ຕໍ່ໜ້າ​ພຣະເຈົ້າຢາເວ, ສຳລັບ​ການໄຖ່​ຊີວິດ​ຂອງ​ພວກເຈົ້າ​ທັງຫຼາຍ.”

ເອຊາຢາ 27:13

ເມື່ອ​ວັນ​ນັ້ນ​ມາ​ເຖິງ ສຽງ​ແກ​ຈະ​ດັງ​ຂຶ້ນ ເພື່ອ​ເອີ້ນ​ເອົາ​ພວກ​ອິດສະຣາເອນ​ທັງໝົດ​ທີ່​ໄດ້​ຖືກ​ເນລະເທດ​ໄປ​ນັ້ນ ໃຫ້​ກັບຄືນ​ມາ​ຈາກ​ອັດຊີເຣຍ ແລະ​ປະເທດ​ເອຢິບ. ພວກເຂົາ​ຈະ​ມາ​ນະມັດສະການ​ພຣະເຈົ້າຢາເວ​ຢູ່​ໃນ​ນະຄອນ​ເຢຣູຊາເລັມ ຄື​ທີ່​ເທິງ​ເນີນພູ​ສັກສິດ​ຂອງ​ພຣະອົງ.

ຈົດບັນຊີ 10:9

ເມື່ອ​ອອກ​ໄປ​ເຮັດ​ເສິກ​ໃນ​ດິນແດນ​ຂອງ​ພວກເຈົ້າ​ທີ່​ສັດຕູ​ເຂົ້າ​ມາ​ໂຈມຕີ ຈົ່ງ​ເປົ່າແກ​ນີ້​ເປັນ​ສັນຍານ​ສູ້ຮົບ. ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ຈະ​ລະນຶກ​ຄິດເຖິງ​ພວກເຈົ້າ ແລະ​ຈະ​ຊ່ວຍ​ພວກເຈົ້າ​ໃຫ້​ພົ້ນ​ຈາກ​ເຫຼົ່າ​ສັດຕູ​ທັງຫລາຍ.

ຈົດບັນຊີ 28:11

ໃນ​ວັນ​ທຳອິດ​ຂອງ​ແຕ່ລະ​ເດືອນ ຈົ່ງ​ນຳ​ງົວເຖິກ​ສອງ​ໂຕ, ແບ້ເຖິກ​ໜຶ່ງ​ໂຕ, ລູກແກະເຖິກ​ອາຍຸ​ໜຶ່ງ​ປີ​ເຈັດ​ໂຕ. ເປັນ​ສັດ​ໂຕ​ທີ່​ມີ​ສຸຂະພາບ​ດີ ແລະ​ບໍ່ມີຕຳໜິ​ມາ​ຖວາຍບູຊາ​ດ້ວຍ​ໄຟ​ແກ່​ພຣະເຈົ້າຢາເວ.

ຈົດບັນຊີ 29:1

ໃນ​ວັນ​ທີ​ໜຶ່ງ​ຂອງ​ເດືອນ​ທີ​ເຈັດ ໃຫ້​ພວກເຈົ້າ​ເຕົ້າໂຮມ​ກັນ​ເພື່ອ​ນະມັດສະການ ແລະ​ຢ່າ​ເຮັດ​ວຽກ​ໃດໆ​ທັງສິ້ນ. ໃນວັນນີ້​ຈົ່ງ​ເປົ່າແກ​ໃຫ້​ດັງ​ສະໜັ່ນ.

ມັດທາຍ 11:28

“ບັນດາ​ຜູ້​ທີ່​ເຮັດ​ການ​ໜັກໜ່ວງ​ແລະ​ແບກ​ພາລະ​ໜັກ ຈົ່ງ​ມາ​ຫາ​ເຮົາ ແລະ​ເຮົາ​ຈະ​ໃຫ້​ພວກເຈົ້າ​ໄດ້​ຮັບ​ຄວາມ​ເຊົາເມື່ອຍ.

ກິດຈະການ 10:4

ເມື່ອ​ເພິ່ນ​ເພັ່ງຕາ​ເບິ່ງ​ເທວະດາ​ຕົນ​ນັ້ນ ດ້ວຍ​ຄວາມ​ສະດຸ້ງ​ຕົກໃຈ ຈຶ່ງ​ຖາມ​ວ່າ, “ແມ່ນ​ເລື່ອງ​ຫຍັງ​ນໍ ພຣະອົງເຈົ້າ​ເອີຍ?” ເທວະດາ​ຕອບ​ວ່າ, “ພຣະເຈົ້າ​ພໍໃຈ​ນຳ​ຄຳ​ພາວັນນາ​ອະທິຖານ ແລະ​ການ​ໃຫ້​ທານ​ຂອງ​ເຈົ້າ ທີ່​ໄດ້​ຂຶ້ນ​ໄປ​ເຖິງ​ພຣະອົງ ຈຶ່ງ​ເປັນ​ເຫດ​ໃຫ້​ພຣະອົງ​ລະນຶກເຖິງ​ເຈົ້າ.

1 ໂກຣິນໂທ 15:52

ໃນ​ຊົ່ວ​ຂະນະ​ດຽວ ໃນ​ຊົ່ວ​ພັບຕາ​ດຽວ ເມື່ອ​ເປົ່າແກ​ຄັ້ງ​ສຸດທ້າຍ​ນັ້ນ. ດ້ວຍວ່າ, ຈະ​ມີ​ສຽງ​ແກ ແລະ​ຄົນ​ທີ່​ຕາຍ​ແລ້ວ​ຈະ​ຖືກ​ຊົງ​ບັນດານ​ໃຫ້​ເປັນ​ຄືນ​ຂຶ້ນ​ມາ​ໂດຍ​ບໍ່​ເປື່ອຍເນົ່າ ແລະ​ຝ່າຍ​ພວກເຮົາ​ກໍ​ຈະ​ຖືກ​ປ່ຽນແປງ​ໃໝ່.

1 ເທສະໂລນິກ 4:16

ດ້ວຍວ່າ, ຈະ​ມີ​ສຽງ​ຮ້ອງ​ບັນຊາ​ອັນ​ດັງ, ສຽງ​ຂອງ​ອັກຄະ​ເທວະດາ ສຽງ​ແກ​ຂອງ​ພຣະເຈົ້າ ແລະ​ອົງພຣະ​ຜູ້​ເປັນເຈົ້າ​ເອງ​ຈະ​ສະເດັດ​ລົງ​ມາ​ຈາກ​ສະຫວັນ ພວກ​ທີ່​ເຊື່ອ​ໃນ​ພຣະຄຣິດ​ທີ່​ຕາຍໄປ​ແລ້ວ ກໍ​ຈະ​ເປັນ​ຄືນ​ມາ​ສູ່​ຊີວິດ​ກ່ອນ.

1 ເທສະໂລນິກ 4:18

ດ້ວຍເຫດນີ້ ຈົ່ງ​ເລົ້າໂລມ​ອອຍໃຈ​ຊຶ່ງກັນແລະກັນ ດ້ວຍ​ຂໍ້ຄວາມ​ເຫຼົ່ານີ້​ເທີ້ນ.

ໂຢຊວຍ 4:7

ກໍ​ໃຫ້​ພວກເຈົ້າ​ບອກ​ວ່າ, ເມື່ອ​ຫາມ​ຫີບ​ພັນທະສັນຍາ​ຂອງ​ພຣະເຈົ້າຢາເວ​ຂ້າມ​ແມ່ນໍ້າ​ນັ້ນ ແມ່ນໍ້າ​ຈໍແດນ​ໄດ້​ເຊົາ​ໄຫລ. ກ້ອນຫີນ​ເຫຼົ່ານີ້​ຈະ​ເປັນ​ສິ່ງ​ເຕືອນ​ປະຊາຊົນ​ອິດສະຣາເອນ​ຢູ່​ສະເໝີ ເຖິງ​ເຫດການ​ທີ່​ໄດ້​ເກີດຂຶ້ນ​ນັ້ນ.”

ໂຢຊວຍ 6:4

ຈົ່ງ​ໃຫ້​ປະໂຣຫິດ​ເຈັດ​ຄົນ​ຖື​ແກ​ຜູ້ລະ​ອັນ ຍ່າງ​ອອກ​ໜ້າ​ຫີບ​ພັນທະສັນຍາ. ໃນ​ວັນ​ທີ​ເຈັດ ເຈົ້າ​ແລະ​ພວກ​ທະຫານ​ຂອງ​ເຈົ້າ ຕ້ອງ​ຍ່າງ​ອ້ອມ​ເມືອງ​ເຈັດ​ຮອບ ໂດຍ​ໃຫ້​ມີ​ພວກ​ປະໂຣຫິດ​ເປົ່າແກ​ນຳໜ້າ.

ພຣະນິມິດ 22:17

ຝ່າຍ​ພຣະວິນຍານ ແລະ​ເຈົ້າສາວ​ຊົງ​ກ່າວ​ວ່າ, “ເຊີນມາ.” ໃຫ້​ຜູ້​ໄດ້​ຍິນ​ນັ້ນ​ກ່າວ​ວ່າ, “ເຊີນມາ.” ໃຫ້​ຜູ້​ຫິວນໍ້າ​ເຂົ້າ​ມາ ຜູ້ໃດ​ມີ​ໃຈ​ປາຖະໜາ ກໍ​ໃຫ້​ຜູ້ນັ້ນ​ມາ​ຮັບ​ນໍ້າ​ສຳລັບ​ຊີວິດ ໂດຍ​ບໍ່​ຕ້ອງ​ເສຍຄ່າ.

1 ຊາມູເອນ 20:5

ດາວິດ​ບອກ​ລາວ​ວ່າ, “ມື້ອື່ນ​ນີ້​ເປັນ​ວັນ​ສະຫລອງ​ເດືອນ​ຂຶ້ນ​ໃໝ່ ຂ້ອຍ​ຕ້ອງ​ຮັບປະທານ​ອາຫານ​ຮ່ວມ​ໂຕະ​ກັບ​ກະສັດ, ແຕ່​ຖ້າ​ເຈົ້າ​ເຫັນດີ ຂ້ອຍ​ຈະ​ໄປ​ລີ້​ຢູ່​ໃນ​ທົ່ງນາ​ຈົນເຖິງ​ຕອນ​ຄໍ່າ​ມື້ຮື.