ເນເຫມີຢາ 8:1 - ພຣະຄຳພີສັກສິ

¹ ເມື່ອ​ເຖິງ​ເດືອນ​ທີ​ເຈັດ ປະຊາຊົນ​ອິດສະຣາເອນ​ກໍໄດ້​ຕັ້ງ​ຖິ່ນຖານ ຢູ່​ຕາມ​ບ້ານເກີດ​ເມືອງນອນ​ຂອງຕົນ​ໝົດ​ທຸກ​ຄົນ. ໃນ​ວັນ​ທີ​ໜຶ່ງ​ຂອງ​ເດືອນ​ນັ້ນ ພວກເຂົາ​ທັງໝົດ​ໄດ້​ມາ​ເຕົ້າໂຮມ​ກັນ​ຢູ່​ທີ່​ນະຄອນ​ເຢຣູຊາເລັມ ຄື​ທີ່​ສີ່ແຍກ​ກາງເມືອງ​ຢູ່​ຕໍ່ໜ້າ​ປະຕູນໍ້າ. ພວກເຂົາ​ຂໍຮ້ອງ​ເອຊະຣາ ຜູ້​ທີ່​ເປັນ​ປະໂຣຫິດ ແລະ​ເປັນ​ນັກຮຽນ​ຮູ້​ດ້ານ​ກົດບັນຍັດ ຊຶ່ງ​ພຣະເຈົ້າຢາເວ​ໄດ້​ມອບ​ໃຫ້​ແກ່​ປະຊາຊົນ​ອິດສະຣາເອນ​ຜ່ານ​ທາງ​ໂມເຊ ນຳ​ໜັງສື​ກົດບັນຍັດ​ອອກ​ມາ.

ເນເຫມີຢາ 8:1 Jak'a apnaqawi uñst'ayäwi

2 ກະສັດ 23:2

ແລ້ວ​ກະສັດ​ກໍໄດ້​ເຂົ້າໄປ​ທີ່​ວິຫານ​ຂອງ​ພຣະເຈົ້າຢາເວ ຕິດຕາມ​ໂດຍ​ພວກ​ປະໂຣຫິດ​ແລະ​ພວກ​ຜູ້ທຳນວາຍ ແລະ​ປະຊາຊົນ​ທຸກຄົນ​ທັງ​ຜູ້​ຮັ່ງມີ ແລະ​ຜູ້​ຍາກຈົນ. ກະສັດ​ໄດ້​ອ່ານ​ທຸກ​ຖ້ອຍຄຳ​ໃນ​ປື້ມ​ພັນທະສັນຍາ ທີ່​ໄດ້​ພົບ​ໃນ​ວິຫານ​ຂອງ​ພຣະເຈົ້າຢາເວ​ນັ້ນ​ຊ້ອງໜ້າ​ພວກເຂົາ​ທຸກຄົນ.

2 ຂ່າວຄາວ 34:15

ເພິ່ນ​ໄດ້​ກ່າວ​ແກ່​ຊາຟານ​ວ່າ, “ເຮົາ​ໄດ້​ພົບ​ໜັງສື​ກົດບັນຍັດ​ນີ້​ຢູ່​ໃນ​ວິຫານ​ຂອງ​ພຣະເຈົ້າຢາເວ.” ເພິ່ນ​ໄດ້​ມອບ​ໜັງສື​ນັ້ນ​ໃຫ້​ຊາຟານ

2 ຂ່າວຄາວ 34:30

ແລະ​ໄດ້​ພ້ອມ​ກັນ​ໄປ​ທີ່​ວິຫານ​ຂອງ​ພຣະເຈົ້າຢາເວ​ຕິດຕາມ​ດ້ວຍ​ພວກ​ປະໂຣຫິດ​ຊາວ​ເລວີ ແລະ​ປະຊາຊົນ​ຜູ້​ຮັ່ງມີ​ແລະ​ຍາກຈົນ. ກະສັດ​ໄດ້​ອ່ານ​ໜັງສື​ພັນທະສັນຍາ ຊຶ່ງ​ໄດ້​ພົບ​ໃນ​ວິຫານ​ຂອງ​ພຣະເຈົ້າຢາເວ​ນັ້ນ​ດ້ວຍ​ສຽງດັງ ຕໍ່ໜ້າ​ພວກເຂົາ​ທັງໝົດ.

ເອຊະຣາ 7:1

ຫລາຍ​ປີ​ຕໍ່ມາ ເມື່ອ​ອາກຕາເຊເຊັດ​ເປັນ​ກະສັດ​ແຫ່ງ​ເປີເຊຍ ໄດ້​ມີ​ຊາຍ​ຄົນ​ໜຶ່ງ​ຊື່​ວ່າ ເອຊະຣາ. ລາວ​ສືບ​ເຊື້ອສາຍ​ມາ​ຈາກ​ມະຫາ​ປະໂຣຫິດ​ອາໂຣນ ຕາມ​ດັ່ງນີ້: ເອຊະຣາ​ເປັນ​ລູກຊາຍ​ຂອງ​ເສຣາອີຢາ, ເສຣາອີຢາ​ເປັນ​ລູກຊາຍ​ຂອງ​ອາຊາຣີຢາ, ອາຊາຣີຢາ​ເປັນ​ລູກຊາຍ​ຂອງ​ຮິນກີຢາ,

ເອຊະຣາ 7:10

ເອຊະຣາ​ໄດ້​ອຸທິດ​ຊີວິດ​ຂອງຕົນ ສຶກສາ​ຮໍ່າຮຽນ​ກົດບັນຍັດ​ຂອງ​ພຣະເຈົ້າຢາເວ ປະຕິບັດ​ຕາມ​ກົດບັນຍັດ​ນັ້ນ ແລະ​ໄດ້​ສອນ​ກົດບັນຍັດ​ແລະ​ລະບຽບ​ການ​ທັງໝົດ​ໃຫ້​ແກ່​ປະຊາຊົນ​ອິດສະຣາເອນ.

ເອຊະຣາ 7:11

ກະສັດ​ອາກຕາເຊເຊັດ​ໄດ້​ມອບ​ຈົດໝາຍ​ໃຫ້​ເອຊະຣາ ປະໂຣຫິດ​ແລະ​ນັກຮຽນ​ຮູ້​ຜູ້​ທີ່​ມີ​ຄວາມ​ຮອບຮູ້​ດ້ານ​ກົດບັນຍັດ ແລະ​ຂໍ້ຄຳສັ່ງ​ທີ່​ພຣະເຈົ້າຢາເວ​ໄດ້​ມອບ​ໃຫ້​ແກ່​ຊາດ​ອິດສະຣາເອນ. ຈົດໝາຍ​ນັ້ນ​ມີ​ຖ້ອຍຄຳ​ດັ່ງ​ຕໍ່ໄປນີ້:

ເອຊະຣາ 7:6

ເອຊະຣາ​ເປັນ​ຜູ້​ຮອບຮູ້​ດ້ານ​ກົດບັນຍັດ ຊຶ່ງ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ໄດ້​ມອບ​ໃຫ້​ໂມເຊ. ຍ້ອນ​ເອຊະຣາ​ເປັນ​ຜູ້​ມີ​ພຣະພອນ​ຂອງ​ພຣະເຈົ້າຢາເວ ພຣະເຈົ້າ​ຂອງເພິ່ນ ກະສັດ​ຈຶ່ງ​ໃຫ້​ທຸກສິ່ງ​ຕາມ​ທີ່​ລາວ​ຂໍຮ້ອງ. ໃນ​ຣາຊການ​ປີ​ທີ​ເຈັດ​ຂອງ​ກະສັດ​ອາກຕາເຊເຊັດ ເອຊະຣາ​ໄດ້​ເດີນທາງ​ຈາກ​ບາບີໂລນ​ມາ​ສູ່​ນະຄອນ​ເຢຣູຊາເລັມ ພ້ອມ​ທັງ​ຊາວ​ອິດສະຣາເອນ​ພວກ​ໜຶ່ງ ທີ່​ປະກອບ​ດ້ວຍ​ບັນດາ​ປະໂຣຫິດ​ຊາວ​ເລວີ, ພວກ​ນັກດົນຕຼີ​ປະຈຳ​ວິຫານ, ພວກ​ເຝົ້າຍາມ​ພຣະວິຫານ ແລະ​ພວກ​ຄົນງານ.

ເນເຫມີຢາ 12:26

ປະຊາຊົນ​ເຫຼົ່ານີ້​ໄດ້​ມີ​ຊີວິດ​ຢູ່​ໃນ​ສະໄໝ​ຂອງ​ໂຢອີອາກິມ​ລູກຊາຍ​ຂອງ​ເຢຊູອາ​ຫລານຊາຍ​ຂອງ​ໂຢຊາດັກ ແລະ​ໃນ​ສະໄໝ​ຂອງ​ຜູ້ປົກຄອງ​ເນເຫມີຢາ ແລະ​ສະໄໝ​ຂອງ​ເອຊະຣາ​ຜູ້​ທີ່​ເປັນ​ປະໂຣຫິດ​ທັງ​ເປັນ​ນັກຮຽນ​ຮູ້​ດ້ານ​ກົດບັນຍັດ.

ເນເຫມີຢາ 12:37

ເມື່ອ​ມາ​ຮອດ​ປະຕູ​ນໍ້າພຸ ພວກເຂົາ​ຂຶ້ນ​ຂັ້ນໄດ​ທີ່​ນຳ​ໄປ​ສູ່​ເມືອງ​ຂອງ​ດາວິດ ຜ່ານ​ວັງ​ຂອງ​ກະສັດ​ດາວິດ ແລະ​ກໍ​ກັບ​ມາ​ທາງ​ກຳແພງ​ຂອງ​ປະຕູ​ນໍ້າ ທາງດ້ານ​ທິດ​ຕາເວັນອອກ​ຂອງ​ຕົວເມືອງ.

ເນເຫມີຢາ 8:16

ດັ່ງນັ້ນ ປະຊາຊົນ​ຈຶ່ງ​ອອກ​ໄປ​ເອົາ​ງ່າ​ໄມ້​ມາ​ເຮັດ​ຕູບ​ຢູ່ ຕາມ​ຫລັງຄາ​ພຽງ​ເທິງ​ເຮືອນ​ຂອງ​ພວກເຂົາ, ຕາມ​ເດີ່ນ​ຫຍ້າ, ຕາມ​ເດີ່ນ​ຂອງ​ວິຫານ​ຂອງ​ພຣະເຈົ້າ ແລະ​ຕາມ​ສີ່​ແຍກ​ໃນ​ກາງເມືອງ​ໃກ້​ປະຕູ​ນໍ້າ ແລະ​ໃກ້​ປະຕູ​ຂອງ​ເອຟຣາອິມ.

ເນເຫມີຢາ 8:3

ໃນ​ສີ່ແຍກ​ທີ່​ປະຕູ​ນັ້ນ ເພິ່ນ​ໄດ້​ອ່ານ​ກົດບັນຍັດ​ສູ່​ພວກເຂົາ​ຟັງ​ແຕ່​ເຊົ້າ​ມືດ​ຈົນເຖິງ​ທ່ຽງ ແລະ​ພວກເຂົາ​ທຸກຄົນ​ກໍ​ຟັງ​ຢ່າງ​ຕັ້ງອົກ​ຕັ້ງໃຈ.

ເອຊາຢາ 8:20

ພວກເຈົ້າ​ຕ້ອງ​ຕອບ​ພວກເຂົາ​ວ່າ, “ຈົ່ງ​ຟັງ​ສິ່ງ​ທີ່​ອົງພຣະ​ຜູ້​ເປັນເຈົ້າ​ກຳລັງ​ສັ່ງສອນ​ພວກເຈົ້າ ຢ່າ​ສູ່​ຟັງຄວາມ​ຂອງ​ໝໍ​ຜີ ເພາະ​ສິ່ງ​ທີ່​ເຂົາ​ບອກ​ພວກເຈົ້າ​ໃຫ້​ເຮັດ​ນັ້ນ​ມັນ​ບໍ່​ດີ.”

ລະບຽບ^ພວກເລວີ 9:5

ພວກເຂົາ​ໄດ້​ນຳ​ທຸກໆ​ສິ່ງ​ທີ່​ໂມເຊ​ໄດ້​ສັ່ງ​ນັ້ນ​ມາ​ທາງໜ້າ​ຫໍເຕັນ​ບ່ອນ​ຊຸມນຸມ ແລະ​ຊຸມຊົນ​ທັງປວງ​ເຕົ້າໂຮມ​ກັນ​ຫຍັບ​ເຂົ້າມາ​ໃກ້ ແລະ​ໄດ້ຢືນ​ຕໍ່ໜ້າ​ພຣະເຈົ້າຢາເວ.

ມາລາກີ 4:4

“ຈົ່ງ​ຈົດຈຳ​ກົດບັນຍັດ​ຕ່າງໆ​ຂອງ​ໂມເຊ​ຄົນ​ຮັບໃຊ້​ຂອງເຮົາ ຄື​ກົດບັນຍັດ​ທັງຫລາຍ​ແລະ​ຂໍ້ຄຳສັ່ງ​ຕ່າງໆ ຊຶ່ງ​ເຮົາ​ໄດ້​ມອບ​ໃຫ້​ລາວ​ທີ່​ເທິງ​ພູເຂົາ​ຊີນາຍ ເພື່ອ​ໃຫ້​ປະຊາຊົນ​ອິດສະຣາເອນ​ທຸກຄົນ​ປະຕິບັດ​ຕາມ.

ມັດທາຍ 13:52

ດັ່ງນັ້ນ ພຣະອົງ​ຈຶ່ງ​ກ່າວ​ແກ່​ພວກເພິ່ນ​ວ່າ, “ດ້ວຍເຫດນັ້ນ​ທຳມະຈານ​ທຸກຄົນ ທີ່​ໄດ້​ຮຽນຮູ້​ເຖິງ​ຣາຊອານາຈັກ​ສະຫວັນ ກໍ​ເໝືອນ​ເຈົ້າ​ຂອງ​ເຮືອນ​ຜູ້ໜຶ່ງ​ທີ່​ເອົາ​ຂອງ​ໃໝ່ ແລະ​ຂອງ​ເກົ່າ​ອອກ​ມາ​ຈາກ​ສາງ​ຂອງຕົນ.”

ມັດທາຍ 23:13

“ວິບັດ​ແກ່​ເຈົ້າ ພວກ​ທຳມະຈານ​ແລະ​ພວກ​ຟາຣີຊາຍ​ເອີຍ ຄົນ​ໜ້າຊື່​ໃຈຄົດ ພວກເຈົ້າ​ອັດ​ປະຕູ​ອານາຈັກ​ສະຫວັນ​ຕັນ​ມະນຸດ, ທີ່​ຈິງ​ແລ້ວ​ພວກເຈົ້າ​ເອງ​ກໍ​ບໍ່​ເຂົ້າ​ໄປ, ແຕ່​ຍັງ​ກັ້ນກາງ​ຜູ້​ທີ່​ຢາກ​ເຂົ້າ​ໄປ. [

ມັດທາຍ 23:2

“ພວກ​ທຳມະຈານ​ແລະ​ພວກ​ຟາຣີຊາຍ ມີ​ຄວາມ​ຊຳນິ​ຊຳນານ​ທາງ​ດ້ານ​ກົດບັນຍັດ​ຂອງ​ໂມເຊ.

ມັດທາຍ 23:34

ເພາະສະນັ້ນ ເຮົາ​ຈຶ່ງ​ໃຊ້​ພວກ​ຜູ້ທຳນວາຍ, ພວກ​ຜູ້​ມີ​ປັນຍາ ແລະ​ທຳມະຈານ​ທັງຫລາຍ​ມາ​ຫາ​ພວກເຈົ້າ, ເພື່ອ​ພວກເຈົ້າ​ຈະ​ຂ້າ​ບາງຄົນ​ແດ່, ຄຶງ​ບາງຄົນ​ທີ່​ໄມ້ກາງແຂນ​ແດ່, ຂ້ຽນຕີ​ບາງຄົນ​ໃນ​ທຳມະສາລາ​ຂອງ​ພວກເຈົ້າ​ແດ່ ແລະ​ຂົ່ມເຫັງ​ພວກເຂົາ​ໄລ່​ຈາກ​ເມືອງ​ນີ້​ໄປ​ເມືອງ​ນັ້ນ​ແດ່.

ພຣະບັນຍັດສອງ 31:11

ເມື່ອ​ພວກ​ອິດສະຣາເອນ​ທັງໝົດ​ມາ​ຢູ່​ຕໍ່ໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຂົາ​ໃນ​ບ່ອນ​ທີ່​ພຣະອົງ​ເລືອກໄວ້. ເຈົ້າ​ຈົ່ງ​ອ່ານ​ກົດບັນຍັດ​ນີ້​ຕໍ່ໜ້າ​ປະຊາຊົນ​ອິດສະຣາເອນ​ໃຫ້​ຫູ​ຂອງ​ພວກເຂົາ​ໄດ້​ຍິນ.

ພວກ^ຜູ້ປົກຄອງ 20:1

ດັ່ງນັ້ນ ຊາວ​ອິດສະຣາເອນ​ທຸກຄົນ​ຈາກ​ເມືອງ​ດານ​ທາງ​ພາກເໜືອ ຈົນເຖິງ​ເບເອນເຊບາ​ທາງ​ພາກໃຕ້ ຕະຫລອດ​ທັງ​ພວກ​ທີ່​ມາ​ຈາກ​ດິນແດນ​ກີເລອາດ ທາງພາກ​ຕາເວັນອອກ​ຈຶ່ງ​ໄດ້​ຕອບສະໜອງ​ຄຳ​ຮຽກຮ້ອງ. ພວກເຂົາ​ໄດ້​ມາ​ເຕົ້າໂຮມ​ກັນ​ເປັນ​ນໍ້າໜຶ່ງໃຈດຽວ ຊ້ອງໜ້າ​ພຣະເຈົ້າຢາເວ​ທີ່​ເມືອງ​ມີຊະປາ.

ພວກ^ຜູ້ປົກຄອງ 20:8

ໂດຍ​ຄວາມເຫັນ​ພ້ອມພຽງ​ກັນ ທຸກຄົນ​ຈຶ່ງ​ຢືນ​ຂຶ້ນ​ປະຕິຍານ​ວ່າ, “ໃນ​ຈຳນວນ​ພວກເຮົາ​ທັງໝົດ ບໍ່​ວ່າ​ຜູ້​ທີ່​ຢູ່​ໃນ​ຜ້າເຕັນ​ຫລື​ຢູ່​ໃນ​ເຮືອນ​ຂອງຕົນ​ກໍດີ ຈະ​ບໍ່ໄດ້​ກັບ​ເມືອ​ເຮືອນ​ຂອງຕົນ.