ເນເຫມີຢາ 7:6 - ພຣະຄຳພີສັກສິ

⁶ ມີ​ຊະເລີຍ​ຫລາຍ​ຄົນ​ໄດ້​ອອກ​ຈາກ​ແຂວງ ແລະ​ກັບຄືນ​ມາ​ສູ່​ນະຄອນ​ເຢຣູຊາເລັມ​ແລະ​ຢູດາຍ; ແຕ່ລະຄົນ​ກັບຄືນ​ໄປ​ສູ່​ບ້ານເກີດ​ເມືອງນອນ​ຂອງ​ໃຜ​ລາວ. ຄອບຄົວ​ຂອງ​ພວກເຂົາ​ໄດ້​ອາໄສ​ຢູ່​ຕ່າງຖິ່ນ​ທີ່​ນະຄອນ​ບາບີໂລນ ຕັ້ງແຕ່​ສະໄໝ​ຂອງ​ກະສັດ​ເນບູ​ກາດເນັດຊາ ໄດ້​ຈັບ​ພວກເຂົາ​ໄປ​ເປັນ​ຊະເລີຍ.

ເນເຫມີຢາ 7:6 Jak'a apnaqawi uñst'ayäwi

2 ກະສັດ 25:11

ແລ້ວ​ເນບູຊາຣາດານ​ກໍ​ຈັບ​ປະຊາຊົນ​ທີ່​ຍັງ​ເຫຼືອ​ຄ້າງ​ຢູ່​ໃນ​ເມືອງ, ພວກ​ຄົນງານ​ທີ່​ມີ​ຝີມື​ດີ ທີ່​ຍັງເຫລືອ​ຢູ່ ແລະ​ພວກ​ທີ່​ມາ​ຍິນຍອມ​ຕໍ່​ພວກ​ບາບີໂລນ ໄປ​ເປັນ​ຊະເລີຍ​ທີ່​ບາບີໂລນ;

ເອຊະຣາ 5:8

ພວກ​ຂ້ານ້ອຍ​ຢາກ​ຂໍຮຽນ​ໃຫ້​ທ່ານ​ຊາບ​ວ່າ, ພວກ​ຂ້ານ້ອຍ​ໄດ້​ໄປ​ທີ່​ແຂວງ​ຢູດາຍ ແລະ​ກໍ​ພົບ​ວ່າ ວິຫານ​ຂອງ​ພຣະເຈົ້າ​ອົງ​ຍິ່ງໃຫຍ່​ໄດ້​ຖືກ​ສ້າງ​ຂຶ້ນ​ອີກ​ແລ້ວ​ດ້ວຍ​ຫີນ​ກ້ອນ​ໃຫຍ່ ແລະ​ດ້ວຍ​ໄມ້​ຂາງ​ທີ່​ກາດ​ເທິງ​ກຳແພງ. ວຽກງານ​ການ​ກໍ່ສ້າງ​ນີ້​ໄດ້​ດຳເນີນ​ໄປ​ດ້ວຍ​ຄວາມ​ພາກພຽນ​ທີ່ສຸດ ແລະ ກ້າວໜ້າ​ໄປ​ໂດຍ​ດີ.

ເອຊະຣາ 6:2

ແລ້ວ​ໜັງສື​ມ້ວນ​ໜຶ່ງ​ກໍ​ຖືກ​ຄົ້ນພົບ​ໃນ​ເມືອງ​ເອັກບາທານາ ແຂວງ​ເມເດຍ ຊຶ່ງ​ມີ​ຖ້ອຍຄຳ​ດັ່ງ​ຕໍ່ໄປນີ້:

ເນເຫມີຢາ 1:3

ພວກເຂົາ​ໄດ້​ບອກ​ຂ້າພະເຈົ້າ​ວ່າ, ພວກ​ທີ່​ລອດຊີວິດ​ກັບ​ມາ​ສູ່​ຖິ່ນຖານ​ເດີມ​ນັ້ນ ໄດ້​ຮັບ​ຄວາມ​ລຳບາກ​ຫລາຍ ແລະ​ຄົນຕ່າງຊາດ​ທີ່​ຢູ່​ໃກ້ຄຽງ​ກໍ​ດູໝິ່ນ​ປະໝາດ​ພວກເຂົາ. ພວກເຂົາ​ຍັງ​ໄດ້​ບອກ​ຂ້າພະເຈົ້າ​ອີກ​ວ່າ, “ກຳແພງ​ຂອງ​ນະຄອນ​ເຢຣູຊາເລັມ​ກໍ​ຍັງ​ພັງ​ທະລາຍ​ຢູ່ ແລະ​ປະຕູ​ຂອງ​ກຳແພງ​ເມືອງ​ກໍ​ຍັງ​ບໍ່​ທັນ​ໄດ້​ຖືກ​ສ້າງ​ຂຶ້ນ​ໃໝ່ ຕັ້ງແຕ່​ສະໄໝ​ຖືກ​ຈູດ​ພຸ້ນ.”

ເນເຫມີຢາ 7:7

ບັນດາ​ຜູ້ນຳ​ຂອງ​ພວກເຂົາ​ມີ​ດັ່ງນີ້: ເສຣຸບບາເບັນ, ເຢຊູອາ, ເນເຫມີຢາ, ອາຊາຣີຢາ, ຣາອາມີຢາ, ນາຮາມານີ, ມໍເດໄກ, ບິນຊານ, ມີຊະເປເຣດ, ບິກໄຫວ, ເນຮຸມ ແລະ​ບາອານາ.