ເນເຫມີຢາ 6:2 - ພຣະຄຳພີສັກສິ

² ດັ່ງນັ້ນ ສານບັນລັດ ແລະ​ເກເຊມ​ຈຶ່ງ​ສົ່ງ​ຈົດໝາຍ​ສະບັບ​ໜຶ່ງ​ມາ​ຫາ​ຂ້າພະເຈົ້າ ໂດຍ​ຊັກຊວນ​ໃຫ້​ຂ້າພະເຈົ້າ​ລົງ​ໄປ​ພົບ​ພວກເຂົາ ໃນ​ທົ່ງພຽງ​ແຫ່ງ​ໜຶ່ງ​ຂອງ​ໝູ່ບ້ານ​ທີ່​ເມືອງ​ໂອໂນ. ອັນ​ນີ້ ເປັນ​ກົນອຸບາຍ​ຂອງ​ພວກເຂົາ​ເພື່ອ​ທຳຮ້າຍ​ຂ້າພະເຈົ້າ.

ເນເຫມີຢາ 6:2 Jak'a apnaqawi uñst'ayäwi

2 ຊາມູເອນ 20:9

ໂຢອາບ​ເວົ້າ​ກັບ​ອາມາສາ​ວ່າ, “ສະຫາຍ​ເອີຍ ສະບາຍດີ​ບໍ່?” ລາວ​ເອົາ​ມື​ເບື້ອງຂວາ​ຈັບ​ໜວດ​ຂອງ​ອາມາສາ ເໝືອນ​ກັບ​ວ່າ​ຈະ​ຈູບ​ລາວ

2 ຊາມູເອນ 3:27

ເມື່ອ​ອັບເນ​ມາ​ເຖິງ​ເມືອງ​ເຮັບໂຣນ ໂຢອາບ​ຈຶ່ງ​ພາ​ລາວ​ຫລີກ​ໄປ​ທາງ​ປະຕູ​ເມືອງ​ໂດຍ​ທຳທ່າ​ວ່າ​ຢາກ​ເວົ້າ​ກັບ​ລາວ​ເປັນ​ທາງ​ສ່ວນຕົວ. ໃນ​ທີ່ນັ້ນ ໂຢອາບ​ໄດ້​ໃຊ້​ມີດ​ແທງ​ທີ່​ທ້ອງ​ຂອງ​ລາວ. ອັບເນ​ຖືກ​ລອບ​ສັງຫານ​ເຊັ່ນນີ້ ເພາະ​ລາວ​ໄດ້​ຂ້າ​ອາສາເຮນ​ນ້ອງຊາຍ​ໂຢອາບ.

1 ຂ່າວຄາວ 8:12

ເອນປາອານ​ມີ​ລູກຊາຍ​ສາມ​ຄົນ ດັ່ງນີ້: ເອເບ, ມີຊາມ ແລະ​ເຊເມັດ. ແມ່ນ​ເຊເມັດ​ນີ້​ເອງ​ທີ່​ເປັນ​ຜູ້​ສ້າງ​ເມືອງ​ຕ່າງໆ​ຂອງ​ໂອໂນ​ແລະ​ໂລດ ຕະຫລອດ​ທັງ​ໝູ່​ບ້ານ​ຕ່າງໆ​ທີ່​ຢູ່​ອ້ອມແອ້ມ​ນັ້ນ.

ເນເຫມີຢາ 11:35

ໂລດ ແລະ​ໂອໂນ ແລະ​ໃນ​ຮ່ອມພູ​ຂອງ​ພວກ​ຊ່າງສີມື.

ເນເຫມີຢາ 3:22

ບັນດາ​ປະໂຣຫິດ​ເຫຼົ່ານີ້ ທີ່​ໄດ້​ສ້າງ​ກຳແພງ​ເມືອງ​ຕໍ່ໄປ​ຫລາຍ​ສ່ວນ​ຂຶ້ນ​ໃໝ່ ມີ​ດັ່ງນີ້: ບັນດາ​ປະໂຣຫິດ​ຈາກ​ອ້ອມແອ້ມ​ບໍລິເວນ​ນະຄອນ​ເຢຣູຊາເລັມ​ໄດ້​ສ້າງ​ສ່ວນ​ຕໍ່ໄປ;

ເນເຫມີຢາ 6:3

ຂ້າພະເຈົ້າ​ຈຶ່ງ​ສົ່ງ​ຜູ້ນຳຂ່າວ​ໄປ​ບອກ​ພວກເຂົາ​ວ່າ, “ຂ້າພະເຈົ້າ​ກຳລັງ​ເຮັດ​ວຽກ​ທີ່​ສຳຄັນ ແລະ​ຂ້າພະເຈົ້າ​ໄປ​ທີ່​ນັ້ນ​ບໍ່ໄດ້. ຂ້າພະເຈົ້າ​ຈະ​ບໍ່ຍອມ​ຢຸດ​ວຽກ ພຽງແຕ່​ເພື່ອ​ໄປ​ຫາ​ພວກທ່ານ​ໄດ້​ດອກ.”

ເພງ^ສັນລະເສີນ 12:2

ທຸກຄົນ​ຕ່າງ​ກໍ​ກ່າວ​ຄຳຕົວະ​ຕໍ່​ກັນແລະກັນ ພວກເຂົາ​ຫລອກລວງ​ຊຶ່ງກັນແລະກັນ​ດ້ວຍ​ຄຳ​ປະຈົບ​ປະແຈງ.

ເພງ^ສັນລະເສີນ 37:12

ຄົນຊົ່ວຮ້າຍ​ວາງ​ອຸບາຍ​ເພື່ອ​ປອງຮ້າຍ​ຄົນ​ຊອບທຳ ພວກເຂົາ​ກຶ້ງຕາ​ເບິ່ງ​ລາວ​ດ້ວຍ​ຄວາມ​ກຽດຊັງ​ຍິ່ງ.

ເພງ^ສັນລະເສີນ 37:32

ຄົນຊົ່ວຮ້າຍ​ຕັ້ງໜ້າ​ຊອມເບິ່ງ​ຄົນ​ຊອບທຳ ທັງ​ຊອກຫາ​ທາງ​ທີ່​ຈະ​ຂ້າ​ລາວ​ຖິ້ມ

ປັນຍາຈານ 4:4

ຂ້າພະເຈົ້າ​ໄດ້​ຄົ້ນພົບ​ເຊັ່ນດຽວ​ກັນ​ວ່າ ເປັນຫຍັງ​ມະນຸດ​ຈຶ່ງ​ເຮັດ​ວຽກ​ຢ່າງ​ໜັກ​ເພື່ອ​ຈະ​ປະສົບ​ຜົນ​ສຳເລັດ ເພາະ​ລາວ​ຢາກ​ມີ​ລື່ນ​ເພື່ອນບ້ານ​ຂອງຕົນ, ແຕ່​ມັນ​ກໍ​ອະນິຈັງ ເປັນ​ດັ່ງ​ກຳລັງ​ແລ່ນ​ໄລ່​ໄປ​ຕາມ​ລົມ.

ເຢເຣມີຢາ 41:2

ອິດຊະມາເອນ​ແລະ​ທະຫານ​ສິບ​ຄົນ​ທີ່​ມາ​ນຳ​ຕົນ ກໍ​ຊັກ​ດາບ​ອອກ ແລະ​ຂ້າ​ເກດາລີຢາ​ລູກຊາຍ​ຂອງ​ອາຮີກຳ​ຫຼານຊາຍ​ຂອງ​ຊາຟານ.

ເອເຊກຽນ 33:31

ສະນັ້ນ ປະຊາຊົນ​ຂອງເຮົາ​ຈຶ່ງ​ຫລັ່ງໄຫລ​ກັນ​ມາ​ຟັງ​ສິ່ງ​ທີ່​ເຈົ້າ​ຕ້ອງ​ກ່າວ, ແຕ່​ພວກເຂົາ​ບໍ່ໄດ້​ເຮັດ​ຕາມ. ພວກເຂົາ​ຖື​ຄຳເວົ້າ​ຂອງເຈົ້າ​ນັ້ນ​ເປັນ​ດັ່ງ​ບົດເພງ​ງ່າຍໆ ແລະ​ພວກເຂົາ​ຍັງ​ສືບຕໍ່​ໂລບມາກ​ໂລພາ.