ເນເຫມີຢາ 6:1 - ພຣະຄຳພີສັກສິ

¹ ສານບັນລັດ, ໂຕບີຢາ, ເກເຊມ​ຊາວ​ອາຣັບ ແລະ​ເຫຼົ່າ​ສັດຕູ​ອື່ນໆ​ຮູ້​ຂ່າວ​ວ່າ ພວກເຮົາ​ໄດ້​ສ້າງ​ກຳແພງ​ເມືອງ​ສຳເລັດ​ແລ້ວ ແລະ​ບໍ່ມີ​ປ່ອງ​ບໍ່ມີ​ຮູ​ເຫຼືອ​ຢູ່​ເລີຍ; ເຖິງແມ່ນ​ວ່າ​ພວກເຮົາ​ຍັງ​ບໍ່​ທັນ​ໄດ້​ຕັ້ງ​ປະຕູ​ຂຶ້ນ​ຕາມ​ວົງ​ຂອງ​ມັນ​ກໍຕາມ.

ເນເຫມີຢາ 6:1 Jak'a apnaqawi uñst'ayäwi

ເນເຫມີຢາ 13:4

ປະໂຣຫິດ​ເອລີອາຊິບ ຜູ້​ທີ່​ຮັບຜິດຊອບ​ຄັງ​ມ້ຽນ​ເຄື່ອງຂອງ​ພຣະວິຫານ ໄດ້​ມີ​ຄວາມ​ສຳພັນ​ທີ່​ດີ​ກັບ​ໂຕບີຢາ​ເປັນ​ເວລາ​ດົນນານ.

ເນເຫມີຢາ 2:10

ແຕ່​ສານບັນລັດ​ຊາວ​ໂຮໂຣນ ແລະ​ໂຕບີຢາ​ຂ້າຣາຊການ​ຄົນ​ໜຶ່ງ​ຂອງ​ແຂວງ​ອຳໂມນ ໄດ້ຍິນ​ຂ່າວ​ວ່າ, ມີ​ບາງຄົນ​ມາ​ເຮັດ​ວຽກ​ເພື່ອ​ຫາ​ຄວາມສຸກ​ສະບາຍ​ໃຫ້​ຊາວ​ອິດສະຣາເອນ; ສະນັ້ນ ພວກເຂົາ​ຈຶ່ງ​ບໍ່​ພໍໃຈ​ຢ່າງຍິ່ງ.

ເນເຫມີຢາ 2:19

ເມື່ອ​ສານບັນລັດ​ຊາວ​ໂຮໂຣນ, ໂຕບີຢາ​ຊາວ​ອຳໂມນ ແລະ​ເກເຊມ​ຊາວ​ອາຣັບ​ໄດ້ຍິນ​ສິ່ງ​ທີ່​ພວກເຮົາ​ກຳລັງ​ວາງແຜນ​ຈະ​ກະທຳ​ນັ້ນ ພວກເຂົາ​ຕ່າງ​ກໍ​ຫົວ​ເຍາະເຍີ້ຍ​ພວກເຮົາ ແລະ​ເວົ້າ​ວ່າ, “ພວກເຈົ້າ​ກຳລັງ​ຄິດ​ຈະ​ເຮັດ​ຫຍັງ​ກັນ? ພວກເຈົ້າ​ກຳລັງ​ຈະ​ກະບົດ​ຕໍ່​ກະສັດ​ຊັ້ນບໍ?”

ເນເຫມີຢາ 3:1

ຕໍ່ໄປນີ້​ແມ່ນ​ເລື່ອງ​ການ​ສ້າງ​ກຳແພງ​ເມືອງ​ຂຶ້ນ​ໃໝ່. ມະຫາ​ປະໂຣຫິດ​ເອລີອາຊິບ​ກັບ​ເພື່ອນ​ປະໂຣຫິດ​ຄົນອື່ນໆ ໄດ້​ສ້າງ​ປະຕູ​ຄອກ​ແກະ​ຂຶ້ນ​ໃໝ່ ເພື່ອ​ອຸທິດ​ຖວາຍ ແລະ​ຕັ້ງ​ປະຕູ​ໃນ​ບ່ອນ​ຂອງ​ມັນ. ພວກເຂົາ​ໄດ້​ອຸທິດ​ຖວາຍ​ກຳແພງ​ເມືອງ ຊຶ່ງ​ຍາວ​ອອກ​ໄປ​ຈົນຮອດ​ຫໍຄອຍ​ໜຶ່ງຮ້ອຍ ແລະ​ຫໍຄອຍ​ຂອງ​ຮານາເນນ.

ເນເຫມີຢາ 3:3

ຕະກຸນ​ຂອງ​ຮັດເສນາຢາ​ໄດ້​ສ້າງ​ສ່ວນ​ຂອງ​ປະຕູ​ປາ. ພວກເຂົາ​ໄດ້​ຕັ້ງ​ວົງກົບ, ໃສ່​ບານປະຕູ​ໃນ​ບ່ອນ​ຂອງ​ມັນ ແລະ​ໃຊ້​ເຫລັກແທ່ງ​ເປັນ​ໄລຄັດ.

ເນເຫມີຢາ 3:6

ໂຢອີອາດາ​ລູກຊາຍ​ຂອງ​ປາເສຢາ ແລະ​ເມຊຸນລຳ​ລູກຊາຍ​ຂອງ​ເບໂສເດອີຢາ ໄດ້​ສ້າງ​ປະຕູ​ຂອງ​ເຢຊານາ. ​ຂຶ້ນ​ໃໝ່ ພວກເຂົາ​ໄດ້​ຕັ້ງ​ວົງກົບ, ໃສ່​ບານປະຕູ​ໃນ​ບ່ອນ​ຂອງ​ມັນ ແລະ​ໃຊ້​ເຫລັກແທ່ງ​ເປັນ​ໄລຄັດ.

ເນເຫມີຢາ 4:1

ເມື່ອ​ສານບັນລັດ​ໄດ້ຍິນ​ວ່າ ພວກເຮົາ​ຊາວຢິວ​ໄດ້​ຕັ້ງຕົ້ນ​ສ້າງ​ກຳແພງ​ເມືອງ​ຂຶ້ນ​ໃໝ່ ລາວ​ກໍ​ໂມໂຫ ແລະ​ເວົ້າ​ເຍາະເຍີ້ຍ​ພວກເຮົາ.

ເນເຫມີຢາ 7:1

ມາບັດນີ້ ກຳແພງ​ທີ່ໄດ້​ຖືກ​ສ້າງ​ຂຶ້ນ​ໃໝ່​ກໍ​ສຳເລັດ​ແລ້ວ ປະຕູ​ທັງໝົດ​ໄດ້​ຖືກ​ຕັ້ງ​ຂຶ້ນ​ຕາມ​ບ່ອນ​ຂອງ​ມັນ ແລະ​ຜູ້ເຝົ້າຍາມ​ພຣະວິຫານ, ສະມາຊິກ​ຂອງ​ກຸ່ມ​ຮ້ອງເພງ​ສັນລະເສີນ ແລະ​ຊາວ​ເລວີ​ອື່ນໆ​ກໍໄດ້​ຮັບ​ມອບໝາຍ​ໜ້າວຽກ​ຂອງ​ພວກ​ຕົນ.

ດານີເອນ 9:25

ອັນ​ນີ້​ແມ່ນ​ສິ່ງ​ທີ່​ເຈົ້າ​ຕ້ອງ​ຮູ້​ແລະ​ເຂົ້າໃຈ: ນັບ​ຕັ້ງແຕ່​ເວລາ​ອອກ​ຄຳສັ່ງ​ໃຫ້​ສ້າງ​ນະຄອນ​ເຢຣູຊາເລັມ​ຂຶ້ນ​ໃໝ່ ຈົນເຖິງ​ພຣະເຈົ້າ​ເລືອກເອົາ​ຜູ້ນຳ​ຂຶ້ນ​ມາ ເຈັດ​ອາທິດ​ແລະ​ຫົກສິບສອງ​ອາທິດ ນະຄອນ​ເຢຣູຊາເລັມ​ຈະ​ຖືກ​ສ້າງ​ຂຶ້ນ​ໃໝ່​ຢ່າງ​ເຂັ້ມແຂງ​ພ້ອມ​ດ້ວຍ​ຖະໜົນ​ຫົນທາງ ແລະ​ປ້ອມ​ປ້ອງກັນ​ເມືອງ, ແຕ່​ມັນ​ຈະ​ເປັນ​ເວລາ​ແຫ່ງ​ຄວາມ​ລຳບາກ.