ເນເຫມີຢາ 5:4 - ພຣະຄຳພີສັກສິ

⁴ ຍັງ​ມີ​ຄົນອື່ນ​ອີກ​ເວົ້າ​ວ່າ, “ພວກເຮົາ​ຈຳເປັນ​ຕ້ອງ​ໄປ​ຢືມ​ເງິນ ເພື່ອ​ມາ​ເສຍ​ພາສີ​ໄຮ່​ນາ ແລະ​ສວນອະງຸ່ນ​ໃຫ້​ແກ່​ກະສັດ.

ເນເຫມີຢາ 5:4 Jak'a apnaqawi uñst'ayäwi

ເອຊະຣາ 4:13

ຂ້າແດ່​ພະຣາຊາ ຖ້າ​ເມືອງ​ນີ້​ຖືກ​ສ້າງ​ຂຶ້ນ​ໃໝ່​ແລະ​ກຳແພງ​ເມືອງ​ຖືກ​ສ້າງ​ສຳເລັດ​ແລ້ວ​ປະຊາຊົນ​ຈະ​ຢຸດ​ເສຍສ່ວຍ ແລະ​ລາຍໄດ້​ຂອງ​ຫລວງ​ກໍ​ຈະ​ລົດໜ້ອຍ​ຖອຍລົງ.

ເອຊະຣາ 4:20

ບັນດາ​ກະສັດ​ຜູ້​ມີ​ອຳນາດ​ໃຫຍ່​ໄດ້​ຂຶ້ນ​ຄອງ​ຢູ່​ທີ່​ນັ້ນ ແລະ​ໄດ້​ປົກຄອງ​ທົ່ວ​ແຂວງ​ທັງໝົດ​ທາງພາກ​ຕາເວັນຕົກ​ຂອງ​ແມ່ນໍ້າ​ເອີຟຣັດ ໂດຍ​ໃຊ້​ອິດທິພົນ​ເກັບ​ພາສີ ແລະ​ຫາ​ລາຍໄດ້.

ເອຊະຣາ 7:24

ທ່ານ​ບໍ່ຄວນ​ເກັບ​ພາສີ​ຈາກ​ພວກ​ປະໂຣຫິດ, ພວກເລວີ, ພວກ​ນັກດົນຕຼີ, ພວກ​ຄົນເຝົ້າຍາມ, ພວກ​ຄົນງານ ແລະ​ຄົນອື່ນໆ ທີ່​ມີ​ສ່ວນ​ກ່ຽວຂ້ອງ​ກັບ​ວິຫານ​ຂອງ​ພຣະເຈົ້າ​ນີ້.

ເນເຫມີຢາ 5:3

ຄົນອື່ນ​ອີກ​ເວົ້າ​ວ່າ, “ພວກເຮົາ​ຕ້ອງ​ເອົາ​ໄຮ່​ນາ​ພ້ອມ​ທັງ​ສວນໝາກ​ອະງຸ່ນ ແລະ​ເຮືອນ​ຂອງ​ພວກເຮົາ​ໄປ​ຈຳນຳ ເພື່ອ​ຈະ​ມີ​ເຂົ້າ​ກິນ​ພໍ​ບໍ່​ໃຫ້​ອຶດ​ຕາຍ.”

ເນເຫມີຢາ 9:37

ສິ່ງ​ທີ່​ພື້ນດິນ​ຜະລິດ​ກໍ​ຖືກ​ນຳ​ໄປ​ໃຫ້​ກະສັດ ຜູ້​ທີ່​ຢູ່​ເໜືອ ເພາະ​ພວກ​ຂ້ານ້ອຍ​ໄດ້​ເຮັດ​ບາບ ເພິ່ນ​ເຮັດ​ຕາມໃຈ​ຕໍ່​ພວກ​ຂ້ານ້ອຍ​ແລະ​ຝູງສັດ​ຂອງ​ພວກ​ຂ້ານ້ອຍ ພວກ​ຂ້ານ້ອຍ​ຈຶ່ງ​ເປັນທຸກ​ໜັກ​ຫລາຍ​ແທ້ໆ.”

ສຸພາສິດ 22:7

ຄົນ​ຮັ່ງມີ​ປົກຄອງ​ເໜືອ​ຄົນ​ທຸກຈົນ ແລະ​ການ​ເປັນ​ໜີ້ຄົນ​ຍ່ອມ​ເຮັດ​ໃຫ້​ຕົນ​ເປັນ​ທາດຮັບໃຊ້​ໄດ້.

ໂຢຊວຍ 16:10

ແຕ່​ພວກເຂົາ​ບໍ່ໄດ້​ຂັບໄລ່​ພວກ​ການາອານ ທີ່​ຢູ່​ໃນ​ເມືອງ​ເກເຊ​ໃຫ້​ອອກ​ໄປ. ດ້ວຍເຫດນີ້ ພວກ​ການາອານ​ຈຶ່ງ​ຍັງ​ຢູ່​ຮ່ວມ​ກັບ​ພວກ​ເອຟຣາອິມ​ຈົນ​ເຖິງ​ທຸກ​ວັນ​ນີ້. ແຕ່​ພວກ​ເອຟຣາອິມ​ໄດ້​ບັງຄັບ​ພວກເຂົາ​ໃຫ້​ເຮັດ​ວຽກ​ດັ່ງ​ທາດຮັບໃຊ້.