ເນເຫມີຢາ 2:5 - ພຣະຄຳພີສັກສິ

⁵ ແລ້ວ​ກໍ​ໄດ້ຕອບ​ກະສັດ​ວ່າ, “ຖ້າ​ທ່ານ​ພໍໃຈ​ນຳ​ຂ້ານ້ອຍ ແລະ​ຈະ​ອະນຸຍາດ​ໃຫ້​ຕາມ​ຄຳ​ຂໍຮ້ອງ​ຂອງ​ຂ້ານ້ອຍ​ແລ້ວ ຂໍ​ໃຫ້​ຂ້ານ້ອຍ​ກັບຄືນ​ໄປ​ແຂວງ​ຢູດາຍ ຄື​ໄປ​ເມືອງ​ທີ່​ບັນພະບຸລຸດ​ຂອງ​ຂ້ານ້ອຍ​ໄດ້​ຖືກ​ຝັງ​ໄວ້​ນັ້ນ ເພື່ອ​ວ່າ​ຂ້ານ້ອຍ​ຈະ​ໄດ້​ສ້າງ​ບ້ານເມືອງ​ຂຶ້ນ​ໃໝ່.”

ເນເຫມີຢາ 2:5 Jak'a apnaqawi uñst'ayäwi

2 ຊາມູເອນ 14:22

ໂຢອາບ​ຂາບລົງ​ຕໍ່ໜ້າ​ກະສັດ​ດາວິດ​ດ້ວຍ​ຄວາມນັບຖື ທັງກ່າວ​ວ່າ, “ຂ້າແດ່​ພະຣາຊາ ຂໍ​ໃຫ້​ພຣະເຈົ້າ​ອວຍພອນ​ທ່ານ​ເຖີດ. ບັດນີ້ ຂ້ານ້ອຍ​ຮູ້​ແລ້ວ​ວ່າ​ທ່ານ​ພໍໃຈ​ໃນ​ຕົວ​ຂ້ານ້ອຍ ເພາະ​ທ່ານ​ໄດ້​ຕອບ​ຄຳ​ຮ້ອງ​ຂໍ​ຂອງ​ຂ້ານ້ອຍ.”

ເອຊະຣາ 5:17

ບັດນີ້ ຖ້າ​ທ່ານ​ເຫັນຊອບ ຂໍ​ໃຫ້​ທຳການ​ຄົ້ນເບິ່ງ​ເອກະສານ​ຂອງ​ບັນດາ​ກະສັດ​ທີ່​ນະຄອນ​ບາບີໂລນ ເພື່ອ​ຈະ​ໄດ້​ຮູ້​ວ່າ​ກະສັດ​ໄຊຣັດ​ໄດ້​ອອກ​ຄຳສັ່ງ​ໃຫ້​ສ້າງ​ວິຫານ​ຂອງ​ພຣະເຈົ້າ​ນີ້​ຂຶ້ນ​ໃໝ່​ຫລື​ບໍ່ ແລ້ວ​ຂໍ​ທ່ານ​ບອກ​ໃຫ້​ຂ້ານ້ອຍ​ຮູ້​ດ້ວຍວ່າ ຄວາມປະສົງ​ຂອງທ່ານ​ກ່ຽວກັບ​ເລື່ອງນີ້​ຄື​ອັນໃດ.”

ເນເຫມີຢາ 2:4

ກະສັດ​ຖາມ​ວ່າ, “ເຈົ້າ​ຕ້ອງການ​ຫຍັງ?” ຂ້າພະເຈົ້າ​ພາວັນນາ​ອະທິຖານ​ຕໍ່​ພຣະເຈົ້າ​ແຫ່ງ​ສະຫວັນ

ເນເຫມີຢາ 2:6

ກະສັດ​ກັບ​ຣາຊີນີ​ທີ່ນັ່ງ​ຢູ່​ຄຽງ​ຂ້າງ​ເພິ່ນ ກໍ​ຕົກລົງ​ຕາມ​ຄຳ​ຂໍຮ້ອງ​ນັ້ນ. ເພິ່ນ​ຖາມ​ຂ້າພະເຈົ້າ​ວ່າ, “ຈະ​ໄປ​ດົນນານ​ປານໃດ ແລະ​ເຫິງ​ປານໃດ​ຈຶ່ງ​ຈະ​ກັບ​ມາ?” ແລະ​ຂ້າພະເຈົ້າ​ກໍ​ບອກ​ກຳນົດ​ແກ່​ເພິ່ນ.

ເອສະເທີ 1:19

ຂ້າແດ່​ພະຣາຊາ ຖ້າ​ທ່ານ​ພໍໃຈ ຂໍ​ຈົ່ງ​ອອກ​ດຳລັດ​ປະກາດ​ເປັນ​ທາງການ​ວ່າ ຣາຊີນີ​ວາຊະຕີ​ຈະ​ເຂົ້າ​ມາ​ຫາ​ກະສັດ​ບໍ່ໄດ້​ອີກ​ຕໍ່ໄປ. ຈົ່ງ​ຂຽນ​ຄຳ​ປະກາດ​ນີ້​ໄວ້​ໃນ​ກົດໝາຍ​ຂອງ​ເປີເຊຍ​ແລະ​ເມເດຍ ເພື່ອ​ວ່າ​ຈະ​ບໍ່ມີ​ການ​ລົບລ້າງ​ໄດ້​ຈັກເທື່ອ. ແລ້ວ​ໃຫ້​ຍົກ​ຕຳແໜ່ງ​ຣາຊີນີ​ແກ່​ຍິງ​ອື່ນ​ທີ່​ດີກວ່າ​ນາງ.

ເອສະເທີ 5:8

ຖ້າ​ພະຣາຊາ​ເມດຕາ ພໍ​ທີ່​ຈະ​ໃຫ້​ຕາມ​ຄຳ​ຂໍຮ້ອງ​ຂອງ​ຂ້ານ້ອຍ​ໄດ້​ແລ້ວ ຂ້ານ້ອຍ​ຢາກ​ໃຫ້​ທ່ານ​ກັບ​ຮາມານ​ມາ​ເປັນ​ແຂກ​ໃນ​ງານ​ກິນລ້ຽງ ທີ່​ຂ້ານ້ອຍ​ຈະ​ຈັດຂຶ້ນ​ອີກ​ສຳລັບ​ທ່ານ​ໃນ​ມື້ອື່ນ. ໃນ​ເວລາ​ນັ້ນ ຂ້ານ້ອຍ​ຈຶ່ງ​ຈະ​ບອກ​ທ່ານ​ວ່າ ຂ້ານ້ອຍ​ຕ້ອງການ​ຫຍັງ.”

ເອສະເທີ 7:3

ແລ້ວ​ຣາຊີນີ​ເອສະເທີ​ກໍ​ຕອບ​ວ່າ, “ຖ້າ​ພະຣາຊາ​ພໍໃຈ​ອະນຸຍາດ​ໃຫ້ ຕາມ​ຄຳ​ຂໍຮ້ອງ​ຢ່າງ​ຖ່ອມຕົວ​ຂອງ​ຂ້ານ້ອຍ​ນີ້​ແລ້ວ ຄວາມ​ປາຖະໜາ​ຂອງ​ຂ້ານ້ອຍ​ກໍ​ຄື​ວ່າ: ໃຫ້​ຂ້ານ້ອຍ​ກັບ​ປະຊາຊົນ​ຂອງ​ຂ້ານ້ອຍ​ມີ​ຊີວິດ​ຢູ່.

ເອສະເທີ 8:5

“ຂ້າແດ່​ພະຣາຊາ ຖ້າ​ທ່ານ​ພໍໃຈ ແລະ​ເປັນຫ່ວງ​ຂ້ານ້ອຍ ແລະ​ຖ້າ​ທ່ານ​ເຫັນ​ວ່າ​ເປັນ​ການ​ຖືກຕ້ອງ ກໍ​ຂໍ​ທ່ານ​ອອກ​ຄຳສັ່ງ​ເປັນ​ທາງການ ເພື່ອ​ກີດກັ້ນ​ບໍ່​ໃຫ້​ຄຳສັ່ງ​ຂອງ​ຮາມານ​ຖືກ​ນຳ​ໄປ​ປະຕິບັດ ຄື​ຄຳສັ່ງ​ຂອງ​ລູກຊາຍ​ຂອງ​ຮາມເມດາທາ ຜູ້​ທີ່​ເປັນ​ເຊື້ອສາຍ​ຂອງ​ອາກັກ ເພື່ອ​ທຳລາຍ​ລ້າງຜານ​ຊາວຢິວ​ທຸກຄົນ​ໃນ​ອານາຈັກ​ນີ້.

ສຸພາສິດ 3:4

ຖ້າ​ເຈົ້າ​ເຮັດ​ເຊັ່ນນີ້ ທັງ​ພຣະເຈົ້າ​ແລະ​ມະນຸດ​ກໍ​ຈະ​ພໍໃຈ​ນຳ.

ດານີເອນ 9:25

ອັນ​ນີ້​ແມ່ນ​ສິ່ງ​ທີ່​ເຈົ້າ​ຕ້ອງ​ຮູ້​ແລະ​ເຂົ້າໃຈ: ນັບ​ຕັ້ງແຕ່​ເວລາ​ອອກ​ຄຳສັ່ງ​ໃຫ້​ສ້າງ​ນະຄອນ​ເຢຣູຊາເລັມ​ຂຶ້ນ​ໃໝ່ ຈົນເຖິງ​ພຣະເຈົ້າ​ເລືອກເອົາ​ຜູ້ນຳ​ຂຶ້ນ​ມາ ເຈັດ​ອາທິດ​ແລະ​ຫົກສິບສອງ​ອາທິດ ນະຄອນ​ເຢຣູຊາເລັມ​ຈະ​ຖືກ​ສ້າງ​ຂຶ້ນ​ໃໝ່​ຢ່າງ​ເຂັ້ມແຂງ​ພ້ອມ​ດ້ວຍ​ຖະໜົນ​ຫົນທາງ ແລະ​ປ້ອມ​ປ້ອງກັນ​ເມືອງ, ແຕ່​ມັນ​ຈະ​ເປັນ​ເວລາ​ແຫ່ງ​ຄວາມ​ລຳບາກ.

ມັດທາຍ 23:27

“ວິບັດ​ແກ່​ເຈົ້າ ພວກ​ທຳມະຈານ​ແລະ​ພວກ​ຟາຣີຊາຍ​ເອີຍ ຄົນ​ໜ້າຊື່​ໃຈຄົດ ພວກເຈົ້າ​ເປັນ​ເໝືອນ​ອຸບມຸງ​ຝັງສົບ​ທີ່​ທາ​ດ້ວຍ​ປູນຂາວ ຊຶ່ງ​ເບິ່ງ​ຂ້າງ​ນອກ​ງົດງາມ, ແຕ່​ຂ້າງ​ໃນ​ແລ້ວ​ພັດ​ເຕັມ​ໄປ​ດ້ວຍ​ກະດູກ​ຄົນ​ຕາຍ ແລະ​ສິ່ງ​ສາລະພັດ​ຂີ້ດຽດ​ສົກກະປົກ.

ນາງຣຸດ 2:13

ນາງຣຸດ​ຕອບ​ວ່າ, “ທ່ານເອີຍ ທ່ານ​ດີ​ຕໍ່​ຂ້ານ້ອຍ​ຢ່າງ​ເຫລືອຫລາຍ. ທ່ານ​ເວົ້າຈາ​ອ່ອນຫວານ​ກັບ​ຂ້ານ້ອຍ ຊຶ່ງ​ເຮັດ​ໃຫ້​ຂ້ານ້ອຍ​ມີ​ກຳລັງໃຈ​ຂຶ້ນ ເຖິງ​ແມ່ນ​ວ່າ​ຂ້ານ້ອຍ​ເອງ​ບໍ່ມີ​ຄຸນຄ່າ​ເທົ່າທຽມ​ກັບ​ຄົນ​ຮັບໃຊ້​ຜູ້ໜຶ່ງ​ຂອງທ່ານ​ກໍຕາມ.”