ເນເຫມີຢາ 2:10 - ພຣະຄຳພີສັກສິ

¹⁰ ແຕ່​ສານບັນລັດ​ຊາວ​ໂຮໂຣນ ແລະ​ໂຕບີຢາ​ຂ້າຣາຊການ​ຄົນ​ໜຶ່ງ​ຂອງ​ແຂວງ​ອຳໂມນ ໄດ້ຍິນ​ຂ່າວ​ວ່າ, ມີ​ບາງຄົນ​ມາ​ເຮັດ​ວຽກ​ເພື່ອ​ຫາ​ຄວາມສຸກ​ສະບາຍ​ໃຫ້​ຊາວ​ອິດສະຣາເອນ; ສະນັ້ນ ພວກເຂົາ​ຈຶ່ງ​ບໍ່​ພໍໃຈ​ຢ່າງຍິ່ງ.

ເນເຫມີຢາ 2:10 Jak'a apnaqawi uñst'ayäwi

ເນເຫມີຢາ 13:1

ເມື່ອ​ກຳລັງ​ອ່ານ​ກົດບັນຍັດ​ຂອງ​ໂມເຊ​ດ້ວຍ​ສຽງ​ອັນ​ດັງ​ໃຫ້​ປະຊາຊົນ​ຟັງ​ຢູ່​ນັ້ນ ພວກເຂົາ​ກໍ​ອ່ານ​ມາ​ຮອດ​ຕອນ​ທີ່​ໄດ້​ກ່າວ​ວ່າ ບໍ່ມີ​ຊາວ​ອຳໂມນ ຫລື​ຊາວ​ໂມອາບ​ໃດໆ ໄດ້​ຮັບ​ອະນຸຍາດ​ໃຫ້​ເຂົ້າ​ຮ່ວມ​ກັບ​ປະຊາຊົນ​ຂອງ​ພຣະເຈົ້າ.

ເນເຫມີຢາ 13:28

ໂຢອີອາດາ​ເປັນ​ລູກຊາຍ​ຂອງ​ມະຫາ​ປະໂຣຫິດ​ເອລີອາຊິບ, ແຕ່​ລູກຊາຍ​ຜູ້ໜຶ່ງ​ຂອງ​ໂຢອີອາດາ​ໄດ້​ແຕ່ງງານ​ກັບ​ລູກສາວ​ຂອງ​ສານບັນລັດ ຈາກ​ເມືອງ​ເບັດ​ໂຮໂຣນ; ດັ່ງນັ້ນ ຂ້າພະເຈົ້າ​ຈຶ່ງ​ໃຫ້​ໂຢອີອາດາ ອອກ​ໄປ​ຈາກ​ນະຄອນ​ເຢຣູຊາເລັມ.

ເນເຫມີຢາ 13:4

ປະໂຣຫິດ​ເອລີອາຊິບ ຜູ້​ທີ່​ຮັບຜິດຊອບ​ຄັງ​ມ້ຽນ​ເຄື່ອງຂອງ​ພຣະວິຫານ ໄດ້​ມີ​ຄວາມ​ສຳພັນ​ທີ່​ດີ​ກັບ​ໂຕບີຢາ​ເປັນ​ເວລາ​ດົນນານ.

ເນເຫມີຢາ 2:19

ເມື່ອ​ສານບັນລັດ​ຊາວ​ໂຮໂຣນ, ໂຕບີຢາ​ຊາວ​ອຳໂມນ ແລະ​ເກເຊມ​ຊາວ​ອາຣັບ​ໄດ້ຍິນ​ສິ່ງ​ທີ່​ພວກເຮົາ​ກຳລັງ​ວາງແຜນ​ຈະ​ກະທຳ​ນັ້ນ ພວກເຂົາ​ຕ່າງ​ກໍ​ຫົວ​ເຍາະເຍີ້ຍ​ພວກເຮົາ ແລະ​ເວົ້າ​ວ່າ, “ພວກເຈົ້າ​ກຳລັງ​ຄິດ​ຈະ​ເຮັດ​ຫຍັງ​ກັນ? ພວກເຈົ້າ​ກຳລັງ​ຈະ​ກະບົດ​ຕໍ່​ກະສັດ​ຊັ້ນບໍ?”

ເນເຫມີຢາ 4:7

ສານບັນລັດ, ໂຕບີຢາ ແລະ​ປະຊາຊົນ​ຊາວ​ອາຣັບ, ຊາວ​ອຳໂມນ ແລະ​ຊາວ​ອາຊະໂດດ ເມື່ອ​ໄດ້ຍິນ​ວ່າ​ພວກເຮົາ​ສ້າງ​ກຳແພງ​ນະຄອນ​ເຢຣູຊາເລັມ​ຄືບໜ້າ ແລະ​ທັງ​ຮູ້​ວ່າ​ປ່ອງ​ທີ່​ແຕກ​ນັ້ນ​ກໍໄດ້​ອັດ​ໝົດ​ແລ້ວ ພວກເຂົາ​ກໍ​ເກີດ​ຄຽດແຄ້ນ​ຫລາຍ​ທີ່ສຸດ.

ເນເຫມີຢາ 6:1

ສານບັນລັດ, ໂຕບີຢາ, ເກເຊມ​ຊາວ​ອາຣັບ ແລະ​ເຫຼົ່າ​ສັດຕູ​ອື່ນໆ​ຮູ້​ຂ່າວ​ວ່າ ພວກເຮົາ​ໄດ້​ສ້າງ​ກຳແພງ​ເມືອງ​ສຳເລັດ​ແລ້ວ ແລະ​ບໍ່ມີ​ປ່ອງ​ບໍ່ມີ​ຮູ​ເຫຼືອ​ຢູ່​ເລີຍ; ເຖິງແມ່ນ​ວ່າ​ພວກເຮົາ​ຍັງ​ບໍ່​ທັນ​ໄດ້​ຕັ້ງ​ປະຕູ​ຂຶ້ນ​ຕາມ​ວົງ​ຂອງ​ມັນ​ກໍຕາມ.

ເນເຫມີຢາ 6:16

ເມື່ອ​ພວກ​ສັດຕູ​ໃນ​ຊົນຊາດ​ອ້ອມແອ້ມ​ໄດ້ຍິນ​ເຊັ່ນນີ້​ແລ້ວ ພວກເຂົາ​ຈຶ່ງ​ຮັບຮູ້​ວ່າ​ພວກຕົນ​ເສຍໜ້າ ເພາະ​ໃນ​ເມື່ອ​ທຸກຄົນ​ຕ່າງ​ກໍ​ຮູ້​ວ່າ ວຽກງານ​ນີ້​ໄດ້​ສຳເລັດ​ລົງ​ໂດຍ​ການ​ຊ່ວຍເຫຼືອ​ຂອງ​ພຣະເຈົ້າ​ຂອງ​ພວກເຮົາ.

ເອສະເທີ 10:3

ມໍເດໄກ ຄົນ​ຢິວ​ຜູ້​ນີ້ ແມ່ນ​ຜູ້​ດຽວ​ເທົ່ານັ້ນ ທີ່​ໄດ້​ຮັບ​ຕຳແໜ່ງ​ເປັນ​ຜູ້​ຮອງ​ຈາກ​ກະສັດ​ເຊເຊັດ. ເພິ່ນ​ໄດ້​ຮັບ​ການ​ຍ້ອງຍໍ​ໃຫ້ກຽດ ແລະ​ເປັນ​ທີ່​ພໍໃຈ​ຂອງ​ພີ່ນ້ອງ​ຊາວຢິວ. ເພິ່ນ​ເຮັດ​ວຽກ​ເພື່ອ​ຜົນປະໂຫຍດ​ຂອງ​ຊົນຊາດ​ຂອງ​ເພິ່ນ ແລະ​ເພື່ອ​ຄວາມ​ປອດໄພ​ຂອງ​ລູກຫລານ​ເຊັ່ນ​ຕໍ່ມາ​ທັງໝົດ​ຂອງ​ເພິ່ນ.

ເພງ^ສັນລະເສີນ 112:10

ເມື່ອ​ຄົນຊົ່ວ​ເຫັນ​ການ​ນີ້​ແລ້ວ​ກໍ​ເກີດ​ຄວາມ​ບໍ່​ພໍໃຈ ຈຶ່ງ​ມີ​ໃຈ​ຢາກ​ຮ້າຍ​ດ້ວຍ​ຄວາມ​ກຽດຊັງ​ຍິ່ງ. ຝ່າຍ​ຄົນຊົ່ວຊ້າ​ນັ້ນ​ຈະ​ສູນຫາຍ​ໄປ​ໃນ​ທີ່ສຸດ ແລະ​ຄວາມ​ປາຖະໜາ​ຂອງ​ພວກເຂົາ​ກໍ​ສູນຫາຍ​ໄປ​ດ້ວຍ.

ສຸພາສິດ 27:4

ຄວາມ​ໂກດຮ້າຍ​ຄື​ການ​ຫ້ຽມໂຫດ​ແລະ​ການ​ທຳລາຍ, ແຕ່​ຄວາມ​ອິດສາ​ບໍ່ມີ​ຫຍັງ​ປຽບປານ​ເທົ່າ.

ສຸພາສິດ 30:22

ທາດຮັບໃຊ້​ກາຍເປັນ​ກະສັດ ຄົນ​ໂງ່ຈ້າ​ທີ່​ມີຢູ່​ມີກິນ​ຕາມໃຈ​ມັກ

ປັນຍາຈານ 10:7

ຂ້າພະເຈົ້າ​ໄດ້​ເຫັນ​ທາດຮັບໃຊ້​ຂີ່​ມ້າ​ໄປ​ດັ່ງ​ເຈົ້ານາຍ ໃນ​ຂະນະທີ່​ເຈົ້ານາຍ​ພັດ​ຍ່າງ​ໄປ​ດັ່ງ​ທາດຮັບໃຊ້.

ເອຊາຢາ 15:5

ຈິດໃຈ​ຂອງຂ້ອຍ​ຮໍ່າຮ້ອງ​ເຖິງ​ດິນແດນ​ໂມອາບ ປະຊາຊົນ​ພາກັນ​ປົບໜີໄປ​ທີ່​ເມືອງ​ໂຊອາ ແລະ​ໄປ​ທີ່​ເມືອງ​ເອັກລາດ-ເຊລິດຊີຢາ. ບາງຄົນ​ຍ່າງ​ຂຶ້ນຄ້ອຍ ຕ່າງ​ຮ້ອງໄຫ້​ໄປ​ທີ່​ເມືອງ​ລູຫິດ; ບາງຄົນ​ປົບໜີໄປ​ທີ່​ເມືອງ​ໂຮໂຣນາອິມ ທັງ​ຄວນຄາງ​ສຽງດັງ​ອຶກກະທຶກ.

ເຢເຣມີຢາ 41:10

ຕໍ່ມາ ລາວ​ໄດ້​ເອົາ​ພວກ​ລູກສາວ​ຂອງ​ກະສັດ​ກັບ​ປະຊາຊົນ​ທັງໝົດ ທີ່​ເຫຼືອ​ຢູ່​ໃນ​ເມືອງ​ມີຊະປາ ຊຶ່ງ​ເນບູຊາຣາດານ​ຜູ້​ບັນຊາການ​ທະຫານ ໄດ້​ມອບ​ໃຫ້​ເກດາລີຢາ​ລູກຊາຍ​ຂອງ​ອາຮີກຳ​ເປັນ​ຜູ້ເບິ່ງແຍງ ໄປ​ເປັນ​ຊະເລີຍເສິກ. ອິດຊະມາເອນ​ໄດ້​ຈັບ​ພວກເຂົາ​ໄປ​ເປັນ​ຊະເລີຍ ແລະ​ອອກ​ເດີນທາງ​ມຸ່ງໜ້າ​ໄປ​ສູ່​ເຂດແດນ​ອຳໂມນ.

ເຢເຣມີຢາ 48:34

ປະຊາຊົນ​ແຫ່ງ​ເມືອງ​ເຮັດຊະໂບນ ແລະ​ເອເລອາເລ​ຮ້ອງ​ອອກ​ມາ ແລະ​ສຽງ​ຮ້ອງ​ຂອງ​ພວກເຂົາ​ກໍ​ໄດ້​ຍິນ​ເຖິງ​ເມືອງ​ຢາຮາດ; ແລະ​ປະຊາຊົນ​ເມືອງ​ໂຊອາ​ກໍ​ໄດ້​ຍິນ ແລະ​ສຽງ​ນັ້ນ​ໄດ້ຍິນ​ໄປ​ຮອດ​ເມືອງ​ໂຮໂຣນາອິມ ແລະ​ເອັກລາດ-ເຊລີຊີຢາ. ແມ່ນແຕ່​ຫ້ວຍນໍ້າ​ນິມຣິມ​ກໍ​ບົກ​ລົງ.

ເຢເຣມີຢາ 48:5

ໄດ້ຍິນ​ບໍ​ສຽງ​ຮ້ອງໄຫ້​ສະອຶກ​ສະອື້ນ​ຂອງ​ພວກເຂົາ ຕາມ​ຫົນທາງ​ຂຶ້ນ​ໄປ​ສູ່​ເມືອງ​ລູຮິດ​ພຸ້ນ ເປັນ​ສຽງ​ຮ້ອງໄຫ້​ຍ້ອນ​ໂສກເສົ້າ​ເສຍໃຈ ຕາມ​ຫົນທາງ​ລົງ​ສູ່​ເມືອງ​ໂຮໂຣນາອິມ​ພຸ້ນ.

ກິດຈະການ 4:2

ພວກເຂົາ​ຂັດເຄືອງ​ໃຈ​ໃນ​ການ​ທີ່​ທ່ານ​ທັງສອງ​ໄດ້​ສັ່ງສອນ ແລະ​ປະກາດ​ແກ່​ພົນລະເມືອງ ເຖິງ​ເລື່ອງ​ການ​ເປັນ​ຄືນ​ມາ​ຈາກ​ຕາຍ ໂດຍ​ອ້າງ​ວ່າ ພຣະເຢຊູເຈົ້າ​ຄືນພຣະຊົນ​ແລ້ວ.

ກິດຈະການ 5:24

ເມື່ອ​ພວກ​ຫົວໜ້າ​ພຣະວິຫານ​ກັບ​ຫົວໜ້າ​ປະໂຣຫິດ​ໄດ້ຍິນ​ດັ່ງນັ້ນ ພວກເຂົາ​ກໍ​ປະຫລາດ​ໃຈ ເຖິງ​ເຫດການ​ທີ່​ໄດ້​ເກີດຂຶ້ນ​ກັບ​ພວກ​ອັກຄະສາວົກ.