ເນເຫມີຢາ 13:7 - ພຣະຄຳພີສັກສິ

⁷ ຕໍ່ມາ​ບໍ່​ດົນ ຂ້າພະເຈົ້າ​ກໍໄດ້​ຮັບ​ອະນຸຍາດ​ຈາກ​ເພິ່ນ ໃຫ້​ກັບຄືນ​ມາ​ນະຄອນ​ເຢຣູຊາເລັມ. ຢູ່​ທີ່​ນະຄອນ​ເຢຣູຊາເລັມ​ນີ້ ຂ້າພະເຈົ້າ​ຕົກ​ຕະລຶງ​ເມື່ອ​ເຫັນ​ວ່າ ເອລີອາຊິບ​ໄດ້​ອະນຸຍາດ​ໃຫ້​ໂຕບີຢາ ໃຊ້​ຫ້ອງ​ໃນ​ວິຫານ​ຂອງ​ພຣະເຈົ້າ.

ເນເຫມີຢາ 13:7 Jak'a apnaqawi uñst'ayäwi

1 ຂ່າວຄາວ 3:24

ເອລີໂອນາຍ ມີ​ລູກຊາຍ​ເຈັດ​ຄົນ​ດັ່ງນີ້: ໂຮດາວີຢາ, ເອລີອາຊິບ, ເປລາອີຢາ, ອັກກຸບ, ໂຢຮານານ, ເດລາອີຢາ ແລະ​ອານານີ.

ເອຊະຣາ 9:1

ຫລັງຈາກ​ທຸກສິ່ງ​ໄດ້​ສຳເລັດ​ແລ້ວ ກໍ​ມີ​ພວກຜູ້ນຳ​ຂອງ​ຊາວ​ອິດສະຣາເອນ​ບາງຄົນ​ໄດ້​ມາ​ຫາ​ຂ້າພະເຈົ້າ ແລະ​ບອກ​ວ່າ, “ປະຊາຊົນ ບັນດາ​ປະໂຣຫິດ ແລະ​ຊາວ​ເລວີ​ບໍ່ໄດ້​ຮັກສາ​ຕົວ​ຄື: ບໍ່​ແຍກ​ອອກ​ຈາກ​ປະຊາຊົນ​ທີ່​ຢູ່​ໃນ​ປະເທດ​ໃກ້ຄຽງ​ນີ້ ເຊັ່ນ: ອຳໂມນ, ໂມອາບ ແລະ​ເອຢິບ​ຫລື​ຈາກ​ຊາວ​ການາອານ, ຮິດຕີ, ເປຣີຊີ, ເຢບຸດ ແລະ​ອາໂມ. ພວກເຂົາ​ໄດ້​ເຮັດ​ໃນ​ສິ່ງ​ທີ່​ໜ້າກຽດຊັງ​ເໝືອນກັນ​ກັບ​ພວກ​ນີ້​ໄດ້​ເຮັດ.

ເນເຫມີຢາ 13:1

ເມື່ອ​ກຳລັງ​ອ່ານ​ກົດບັນຍັດ​ຂອງ​ໂມເຊ​ດ້ວຍ​ສຽງ​ອັນ​ດັງ​ໃຫ້​ປະຊາຊົນ​ຟັງ​ຢູ່​ນັ້ນ ພວກເຂົາ​ກໍ​ອ່ານ​ມາ​ຮອດ​ຕອນ​ທີ່​ໄດ້​ກ່າວ​ວ່າ ບໍ່ມີ​ຊາວ​ອຳໂມນ ຫລື​ຊາວ​ໂມອາບ​ໃດໆ ໄດ້​ຮັບ​ອະນຸຍາດ​ໃຫ້​ເຂົ້າ​ຮ່ວມ​ກັບ​ປະຊາຊົນ​ຂອງ​ພຣະເຈົ້າ.

ເນເຫມີຢາ 13:5

ເພິ່ນ​ໄດ້​ອະນຸຍາດ​ໃຫ້​ໂຕບີຢາ​ໃຊ້​ຫ້ອງ​ໃຫຍ່​ຫ້ອງ​ໜຶ່ງ ຊຶ່ງ​ແຕ່​ກ່ອນ​ໄດ້​ໃຊ້​ມ້ຽນເຄື່ອງ​ຖວາຍ​ໂດຍ​ສະເພາະ​ເຊັ່ນ: ພືດຜົນ​ເປັນເມັດ​ກັບ​ເຄື່ອງຫອມ, ເຄື່ອງໃຊ້​ປະຈຳ​ພຣະວິຫານ, ເຄື່ອງ​ຖວາຍ​ຕ່າງໆ​ສຳລັບ​ບັນດາ​ປະໂຣຫິດ ແລະ​ໜຶ່ງສ່ວນສິບ​ຂອງ​ພືດຜົນ​ເປັນເມັດ, ເຫຼົ້າ​ອະງຸ່ນ ແລະ​ນໍ້າມັນ​ໝາກກອກເທດ​ທີ່​ໄດ້​ຖວາຍ​ໃຫ້​ຊາວ​ເລວີ, ໃຫ້​ພວກ​ນັກຮ້ອງ ແລະ​ໃຫ້​ພວກ​ຄົນເຝົ້າຍາມ.

ເພງ^ຄໍ່າຄວນ 1:10

ພວກ​ສັດຕູ​ເຂົ້າ​ມາ​ປຸ້ນ​ມາ​ລັກ​ເອົາ ຊັບສົມບັດ​ທັງໝົດ​ທີ່​ນາງ​ມີ​ຢູ່​ນັ້ນ. ນາງ​ໄດ້​ເຫັນ​ພວກ​ສັດຕູ​ເຂົ້າ​ໄປ​ໃນ​ພຣະວິຫານ ທີ່​ພຣະເຈົ້າ​ຫ້າມປາມ​ບໍ່​ໃຫ້​ຄົນຕ່າງຊາດ​ເຂົ້າ.

1 ໂກຣິນໂທ 1:11

ພີ່ນ້ອງ​ທັງຫລາຍ​ເອີຍ, ເພາະ​ມີ​ບາງຄົນ ຈາກ​ກຸ່ມ​ຂອງ​ນາງ​ຂະໂລເອ ໄດ້​ເລົ່າ​ໃຫ້​ເຮົາ​ຟັງ​ວ່າ, ໄດ້​ເກີດ​ມີ​ການ​ຜິດຂ້ອງ​ຕ້ອງຖຽງ​ກັນ​ໃນ​ທ່າມກາງ​ພວກເຈົ້າ.