ເນເຫມີຢາ 13:11 - ພຣະຄຳພີສັກສິ

¹¹ ຂ້າພະເຈົ້າ​ຈຶ່ງ​ຕິຕຽນ​ບັນດາ​ຂ້າຣາຊການ​ທີ່​ໄດ້​ລະເລີຍ​ຕໍ່​ວິຫານ​ຂອງ​ພຣະເຈົ້າ. ແລ້ວ​ຂ້າພະເຈົ້າ​ກໍ​ເຕົ້າໂຮມ​ເອົາ​ຊາວ​ເລວີ​ແລະ​ພວກ​ນັກຮ້ອງ ໃຫ້​ກັບຄືນ​ມາ​ປະຈຳ​ໜ້າທີ່​ຂອງ​ພວກເຂົາ​ອີກ ແລະ​ໃຫ້​ພວກເຂົາ​ປະຕິບັດ​ໜ້າທີ່​ຄືນໃໝ່.

ເນເຫມີຢາ 13:11 Jak'a apnaqawi uñst'ayäwi

ເນເຫມີຢາ 10:39

ປະຊາຊົນ​ຊາວ​ອິດສະຣາເອນ ແລະ​ຊາວ​ເລວີ​ຈະ​ຕ້ອງ​ບໍລິຈາກ​ພືດຜົນ​ເປັນເມັດ, ເຫຼົ້າ​ອະງຸ່ນ ແລະ​ນໍ້າມັນ​ໝາກກອກເທດ ໄວ້​ໃນ​ຄັງ​ບ່ອນ​ມ້ຽນ​ເຄື່ອງໃຊ້​ປະຈຳ​ພຣະວິຫານ ໃນ​ບ່ອນ​ທີ່​ບັນດາ​ປະໂຣຫິດ​ປະຈຳການ, ໃນ​ບ່ອນ​ພວກ​ຄົນເຝົ້າຍາມ ແລະ​ໃນ​ບ່ອນ​ທີ່​ສະມາຊິກ​ກຸ່ມ​ນັກຮ້ອງ​ອາໄສ​ຢູ່. ພວກ​ຂ້ານ້ອຍ​ຈະ​ບໍ່​ລະເລີຍ​ຕໍ່​ວິຫານ​ຂອງ​ພຣະເຈົ້າ​ຂອງ​ພວກ​ຂ້ານ້ອຍ.”

ເນເຫມີຢາ 13:17

ຂ້າພະເຈົ້າ​ໄດ້​ກ່າວ​ປະນາມ​ບັນດາ​ຜູ້ນຳ​ຊາວຢິວ ໂດຍ​ບອກ​ພວກເຂົາ​ວ່າ, “ເບິ່ງ​ຄວາມ​ຊົ່ວຊ້າ​ທີ່​ພວກເຈົ້າ​ກຳລັງ​ເຮັດ​ດູ ພວກເຈົ້າ​ກຳລັງ​ເຮັດ​ໃຫ້​ວັນ​ຊະບາໂຕ​ຂາດ​ຄວາມ​ສັກສິດ.

ເນເຫມີຢາ 13:25

ຂ້າພະເຈົ້າ​ໄດ້​ກ່າວ​ປະນາມ​ພວກ​ຜູ້ຊາຍ​ເຫຼົ່ານັ້ນ ໂດຍ​ໄດ້​ສາບແຊ່ງ, ຕົບຕີ ແລະ​ດືງ​ຜົມ​ຂອງ​ພວກເຂົາ. ແລ້ວ​ຂ້າພະເຈົ້າ​ກໍ​ໃຫ້​ພວກເຂົາ​ສາບານ​ໃນ​ນາມ​ຂອງ​ພຣະເຈົ້າ​ວ່າ ພວກເຂົາ ຫລື​ລູກຫລານ​ຂອງ​ພວກເຂົາ​ຈະ​ແຕ່ງງານ​ກັບ​ຄົນຕ່າງຊາດ​ອີກ​ບໍ່ໄດ້​ຈັກເທື່ອ.

ພຣະທຳ​ໂຢບ 31:34

ຂ້ອຍ​ບໍ່ເຄີຍ​ຄິດ​ຢ້ານ​ຕໍ່​ສິ່ງໃດໆ​ເລີຍ ຄື​ສິ່ງ​ທີ່​ຄົນ​ມັກ​ເວົ້າ​ເລົ່າລືກັນ​ນັ້ນ; ຂ້ອຍ​ບໍ່ເຄີຍ​ມິດງຽບ ຫລື​ອັດ​ປະຕູ​ຂັງ​ຕົວເອງ ເພາະ​ຢ້ານກົວ​ຕໍ່​ຄຳເວົ້າ​ສຽດສີ​ນິນທາ​ນັ້ນ.

ສຸພາສິດ 28:4

ຜູ້​ທີ່​ບໍ່​ນັບຖື​ກົດໝາຍ​ກໍ​ກາຍເປັນ​ຝ່າຍ​ຂອງ​ຄົນ​ຊົ່ວຮ້າຍ, ແຕ່​ຜູ້​ທີ່​ນັບຖື​ກົດໝາຍ​ກໍ​ກາຍເປັນ​ຝ່າຍ​ຕໍ່ຕ້ານ​ເຂົາເຈົ້າ.

1 ຊາມູເອນ 2:17

ບາບ​ຂອງ​ພວກ​ລູກຊາຍ​ຂອງ​ເອລີ​ນີ້​ໜັກ​ທີ່ສຸດ​ຕໍ່​ສາຍຕາ​ຂອງ​ພຣະເຈົ້າຢາເວ ເພາະ​ພວກເຂົາ​ໝິ່ນປະໝາດ​ເຄື່ອງ​ບູຊາ​ທີ່​ໄດ້​ຖືກ​ນຳ​ມາ​ຖວາຍ​ແກ່​ພຣະເຈົ້າຢາເວ.