ມີກາ 7:9 - ພຣະຄຳພີສັກສິ

⁹ ພວກເຮົາ​ໄດ້​ເຮັດ​ບາບ​ຕໍ່ສູ້​ພຣະເຈົ້າຢາເວ; ດັ່ງນັ້ນ ບັດນີ້ ພວກເຮົາ​ຈຶ່ງ​ຕ້ອງ​ຍອມ​ອົດທົນ​ຕໍ່​ຄວາມ​ໂກດຮ້າຍ​ຂອງ​ພຣະອົງ ຊົ່ວ​ໄລຍະ​ໜຶ່ງ, ແຕ່​ໃນ​ທີ່ສຸດ ພຣະອົງ​ຈະ​ປ້ອງກັນ​ພວກເຮົາ​ໄວ້ ແລະ​ເຮັດ​ໃຫ້​ຜູ້​ທີ່​ກ່າວ​ຜິດ​ຕໍ່​ພວກເຮົາ​ນັ້ນ​ພ່າຍແພ້​ຄະດີ​ໄປ. ພຣະອົງ​ຈະ​ນຳ​ພວກເຮົາ​ມາ​ສູ່​ແສງ​ສະຫວ່າງ ແລະ​ພວກເຮົາ​ກໍ​ຈະ​ມີ​ຊີວິດ​ຢູ່ ຈົນ​ເຫັນ​ພຣະອົງ​ຊ່ວຍຊູ​ພວກເຮົາ​ໃຫ້​ພົ້ນ.

ມີກາ 7:9 Jak'a apnaqawi uñst'ayäwi

2 ຊາມູເອນ 24:17

ເມື່ອ​ກະສັດ​ດາວິດ​ເຫັນ​ເທວະດາ​ຕົນ​ທີ່​ພວມ​ຂ້າ​ປະຊາຊົນ​ຢູ່​ນັ້ນ ເພິ່ນ​ຈຶ່ງ​ຮ້ອງຂໍ​ຕໍ່​ພຣະເຈົ້າຢາເວ​ວ່າ, “ຂ້ານ້ອຍ​ເປັນ​ຄົນ​ເຮັດ​ຜິດ ພວກ​ທີ່​ໜ້າ​ສັງເວດ​ເຫຼົ່ານີ້​ບໍ່ໄດ້​ເຮັດ​ຫຍັງ​ຜິດ​ເລີຍ. ສະນັ້ນ ຂໍ​ພຣະອົງ ລົງໂທດ​ຂ້ານ້ອຍ​ແລະ​ຄອບຄົວ​ຂອງ​ຂ້ານ້ອຍ​ເຖີດ.”

ພຣະທຳ​ໂຢບ 23:10

ແຕ່​ພຣະເຈົ້າ​ຊົງ​ຮູ້​ທາງ​ທີ່​ຂ້ອຍ​ກ້າວ​ໄປ ເມື່ອ​ພຣະອົງ​ຊົງ​ທົດສອບ​ຂ້ອຍ​ແລ້ວ ພຣະອົງ​ຈະ​ພົບ​ວ່າ​ຂ້ອຍ​ບໍຣິສຸດ​ເໝືອນ​ຄຳ.

ພຣະທຳ​ໂຢບ 35:14

ໂຢບ​ເອີຍ ເຈົ້າ​ວ່າ​ເຈົ້າ​ເບິ່ງ​ພຣະເຈົ້າ​ບໍ່ໄດ້​ເລີຍ ແຕ່​ຈົ່ງ​ອົດທົນ​ລໍຄອຍ​ສູ້​ຄະດີ​ຊ້ອງໜ້າ​ພຣະເຈົ້າ.

ເພງ^ສັນລະເສີນ 119:154

ຂໍ​ຊົງ​ໂຜດ​ເປັນ​ທະນາຍຄວາມ​ແກ້​ຄະດີ​ໃຫ້​ຂ້ານ້ອຍ ແລະ​ປ່ອຍ​ຂ້ານ້ອຍ​ໃຫ້​ເປັນ​ອິດສະຫລະ. ໂຜດ​ຊ່ວຍ​ໃຫ້​ພົ້ນ​ຕາມ​ທີ່​ໄດ້​ສັນຍາ​ໄວ້​ດ້ວຍ.

ເພງ^ສັນລະເສີນ 37:6

ພຣະອົງ​ຈະ​ເຮັດ​ໃຫ້​ຄວາມ​ຊອບທຳ​ຂອງເຈົ້າ​ຈະເລີນ​ຮຸ່ງເຮືອງ​ອອກ​ໄປ ເໝືອນ​ດັ່ງ​ຕາເວັນ​ໃນ​ຍາມ​ທ່ຽງ.

ເພງ^ສັນລະເສີນ 43:1

ຂ້າແດ່​ພຣະເຈົ້າ ໂຜດ​ປະກາດ​ວ່າ​ຂ້ານ້ອຍ​ບໍ່ມີ​ຄວາມຜິດ ຂໍ​ຊົງ​ໂຜດ​ຊ່ວຍ​ແກ້​ຄະດີ​ໃຫ້​ຂ້ານ້ອຍ​ດ້ວຍ ຄົນ​ບໍ່​ເຊື່ອ​ພຣະເຈົ້າ​ໄດ້​ກ່າວ​ຕໍ່ສູ້​ຂ້ານ້ອຍ ໂຜດ​ຊ່ວຍກູ້​ຂ້ານ້ອຍ​ຈາກ​ຄົນ​ຂີ້ຕົວະ​ແລະ​ຊົ່ວຮ້າຍ.

ເພງ^ສັນລະເສີນ 7:6

ຂ້າແດ່​ພຣະເຈົ້າຢາເວ ຈົ່ງ​ລຸກ​ຂຶ້ນ​ເຖີດ ຢືນ​ຕໍ່ສູ້​ສັດຕູ​ຜູ້​ທີ່​ກິ້ວໂກດ​ຂ້ານ້ອຍ​ດ້ວຍ ຂ້າແດ່​ພຣະເຈົ້າ​ຂອງ​ຂ້ານ້ອຍ ຂໍ​ໂຜດ​ລຸກ​ຂຶ້ນ​ຊ່ວຍ​ຂ້ານ້ອຍ​ແດ່ ເພາະ​ຄວາມ​ຍຸດຕິທຳ​ຄື​ສິ່ງ​ທີ່​ພຣະອົງ​ຕ້ອງການ.

ເພງ^ສັນລະເສີນ 94:15

ຄວາມ​ຍຸດຕິທຳ​ນັ້ນ​ຈະ​ກັບ​ໄປ​ຫາ ຄົນ​ຊອບທຳ ແລະ​ຄົນ​ທ່ຽງທຳ​ກໍ​ຈະ​ສະໜັບ​ສະໜູນ​ການນີ້.

ເອຊາຢາ 42:16

ປະຊາຊົນ​ຂອງເຮົາ​ຜູ້​ຕາບອດ ເຮົາ​ຈະ​ນຳພາ ໃຫ້​ເດີນ​ໄປ​ຕາມ​ທາງ​ທີ່​ພວກເຂົາ​ບໍ່​ເຄີຍທຽວ​ຈັກເທື່ອ. ເຮົາ​ຈະ​ປ່ຽນ​ມືດ​ໃຫ້​ເປັນ​ແຈ້ງ​ສຳລັບ​ພວກເຂົາ ທີ່​ຫລຸບ​ທີ່​ໂນນ​ໃຫ້​ເປັນ​ທີ່​ຮາບພຽງ​ແລະ​ອ່ອນນຸ້ມ. ສິ່ງ​ເຫຼົ່ານີ້​ແຫລະ ເປັນ​ຄຳສັນຍາ​ຂອງເຮົາ ເຮົາ​ຈະ​ຮັກສາ​ສິ່ງ​ນັ້ນ​ໄວ້​ຢ່າງ​ແນ່ແທ້.

ເອຊາຢາ 42:7

ເຈົ້າ​ຈະ​ເຮັດ​ໃຫ້​ຄົນ​ຕາບອດ​ໄດ້​ເຫັນຮຸ່ງ ປົດປ່ອຍ​ຄົນ​ໃນ​ຄຸກມືດ​ໃຫ້​ເປັນ​ເສລີ.

ເອຊາຢາ 46:13

ເຮົາ​ພວມ​ນຳ​ມື້​ໄຊຊະນະ​ເຂົ້າ​ມາ​ໃກ້​ທຸກ​ທີ ເປັນ​ໄຊຊະນະ​ທີ່​ບໍ່​ຢູ່​ໄກ​ແຕ່​ຢ່າງໃດ​ຈັກດີ້. ຄວາມມີໄຊ​ຂອງເຮົາ​ຈະ​ບໍ່​ຖືກ​ເຮັດ​ໃຫ້​ຊັກຊ້າ​ໄປ ເຢຣູຊາເລັມ​ແລະ​ອິດສະຣາເອນ ຈະ​ມີ​ຜູ້​ຊ່ວຍ​ທັງ​ໄດ້​ຮັບ​ກຽດ.”

ເອຊາຢາ 51:22

ພຣະເຈົ້າຢາເວ​ຂອງ​ເຈົ້າ​ອົງພຣະ​ຜູ້​ເປັນເຈົ້າ ພຣະເຈົ້າ​ຂອງເຈົ້າ ຜູ້​ທີ່​ປົກປ້ອງ​ຄຸ້ມຄອງ​ເຈົ້າ​ກ່າວ​ດັ່ງນີ້: “ເຮົາ​ກຳລັງ​ເອົາ​ຈອກ​ທີ່​ເຮົາ​ໃຫ້​ເຈົ້າ​ດື່ມ​ໜີໄປ ທີ່​ໃຫ້​ເຈົ້າ​ດື່ມ​ລົງ​ໄປ​ຍ້ອນ​ຄວາມ​ໂກດຮ້າຍ. ເຈົ້າ​ຈະ​ບໍ່ໄດ້​ດື່ມ​ຈາກ​ຈອກ​ນັ້ນ​ອີກ​ຕໍ່ໄປ ເຫຼົ້າ​ອະງຸ່ນ​ທີ່​ເຮັດ​ໃຫ້​ເຈົ້າ​ຍ່າງ​ໂຊເຊ​ນັ້ນ.

ເອຊາຢາ 56:1

ພຣະເຈົ້າຢາເວ​ກ່າວ​ແກ່​ປະຊາຊົນ​ຂອງ​ພຣະອົງ​ວ່າ, “ຈົ່ງ​ເຮັດ​ໃນ​ສິ່ງ​ທີ່​ຍຸດຕິທຳ​ແລະ​ຖືກຕ້ອງ ເພາະ​ໃນ​ໄວໆ​ນີ້​ເຮົາ​ຈະ​ຊ່ວຍ​ພວກເຈົ້າ​ໃຫ້​ພົ້ນ.

ເຢເຣມີຢາ 10:19

ປະຊາຊົນ​ນະຄອນ​ເຢຣູຊາເລັມ​ໄດ້​ຮ້ອງ​ອອກ​ມາ​ວ່າ, “ພວກເຮົາ​ຖືກ​ທຳຮ້າຍ​ໜັກ​ສໍ່າໃດ​ແລ້ວ ບາດແຜ​ຂອງ​ພວກເຮົາ​ນັ້ນ​ຈະ​ປິ່ນປົວ​ບໍ່​ດີ ເປັນ​ຄວາມ​ທົນທຸກ​ທີ່​ພວກເຮົາ​ຄິດວ່າ​ຕ້ອງ​ທົນ​ສູ້.

ເຢເຣມີຢາ 14:7

ປະຊາຊົນ​ຂອງເຮົາ​ນັ້ນ​ຕ່າງ​ກໍ​ຮ້ອງ​ຫາ​ເຮົາ​ວ່າ, ‘ແມ່ນ​ການບາບ​ທີ່​ກ່າວໂທດ​ໃສ່​ພວກ​ຂ້ານ້ອຍ ແຕ່​ໂຜດ​ຊ່ວຍ​ໃຫ້​ພົ້ນ​ດ້ວຍ ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ຊ່ວຍເຫລືອ​ຕາມ​ທີ່​ພຣະອົງ​ໄດ້​ສັນຍາ​ໄວ້. ພວກ​ຂ້ານ້ອຍ​ໄດ້​ຫັນ​ໜີ​ຫລາຍ​ເທື່ອ​ຈາກ​ພຣະອົງ ພວກ​ຂ້ານ້ອຍ​ກະທຳ​ບາບ​ຕໍ່ສູ້​ພຣະອົງ​ສາ​ແລ້ວ.

ເຢເຣມີຢາ 51:10

ພຣະເຈົ້າຢາເວ​ກ່າວ​ວ່າ, “ປະຊາຊົນ​ຂອງເຮົາ​ເອີຍ ຈົ່ງ​ໂຮຮ້ອງ​ຂຶ້ນ​ວ່າ, ‘ພຣະເຈົ້າຢາເວ​ໄດ້​ສຳແດງ​ໃຫ້​ເຫັນ​ວ່າ ພວກເຮົາ​ເປັນ​ຝ່າຍ​ຖືກຕ້ອງ. ຈົ່ງ​ໄປ​ບອກ​ສິ່ງ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ໄດ້​ເຮັດ​ສູ່​ຊາວ​ນະຄອນ​ເຢຣູຊາເລັມ​ຟັງ.”’

ເພງ^ຄໍ່າຄວນ 1:18

ແຕ່​ພຣະເຈົ້າຢາເວ​ຊົງ​ຊອບທຳ ເພາະ​ຂ້ອຍ​ບໍ່ໄດ້​ເຊື່ອຟັງ​ພຣະອົງ​ຈຶ່ງ​ເປັນ​ຢູ່​ຢ່າງນີ້. ຈົ່ງ​ຟັງ​ຂ້ອຍ​ເທີ້ນ ປະຊາຊົນ​ທົ່ວ​ທຸກບ່ອນ​ເອີຍ ຈົ່ງ​ຫລຽວ​ເບິ່ງດູ​ຄວາມ​ເຈັບປວດ​ຂອງຂ້ອຍ. ຊາຍໜຸ່ມ​ແລະ​ຍິງສາວ​ທີ່​ຂ້ອຍ​ມີ​ຢູ່​ທັງໝົດ ກໍ​ຖືກ​ຈັບ​ໄປ​ເປັນ​ຊະເລີຍ​ທັງສິ້ນ.

ລະບຽບ^ພວກເລວີ 26:41

ອັນ​ເປັນ​ຕົ້ນເຫດ​ໃຫ້​ເຮົາ​ຫັນ​ມາ​ຕໍ່ສູ້​ພວກເຂົາ ແລະ​ສົ່ງ​ພວກເຂົາ​ເຂົ້າ​ໄປ​ອາໄສ​ຢູ່​ໃນ​ດິນແດນ​ຂອງ​ເຫຼົ່າ​ສັດຕູ. ໃນທີ່ສຸດ ເມື່ອ​ເຊື້ອສາຍ​ຂອງ​ພວກເຂົາ​ຍອມ​ຖ່ອມຕົວ​ລົງ ແລະ​ຍອມ​ຮັບ​ໂທດ ອັນ​ເນື່ອງ​ມາ​ຈາກ​ການບາບ ແລະ​ການ​ກະບົດ​ຂອງ​ພວກເຂົາ​ນັ້ນ​ແລ້ວ

ມາລາກີ 3:18

ອີກເທື່ອໜຶ່ງ ປະຊາຊົນ​ຂອງເຮົາ​ຈະ​ເຫັນ​ຄວາມ​ແຕກຕ່າງ​ລະຫວ່າງ​ສິ່ງ​ທີ່​ເກີດຂຶ້ນ​ຕໍ່​ຄົນ​ຊອບທຳ​ແລະ​ຄົນ​ອະທຳ ແລະ​ລະຫວ່າງ​ສິ່ງ​ທີ່​ເກີດຂຶ້ນ​ຕໍ່​ຜູ້​ທີ່​ຮັບໃຊ້​ພຣະເຈົ້າ ແລະ​ຕໍ່​ຜູ້​ທີ່​ບໍ່​ຮັບໃຊ້​ພຣະອົງ.”

1 ໂກຣິນໂທ 4:5

ເພາະສະນັ້ນ ພວກເຈົ້າ​ຈຶ່ງ​ບໍ່ຄວນ​ຕັດສິນ​ຄົນ​ໃດ​ຄົນ​ໜຶ່ງ ກ່ອນ​ເຖິງ​ເວລາ​ທີ່​ໄດ້​ກຳນົດ​ໄວ້ ຈົນກວ່າ​ອົງພຣະ​ຜູ້​ເປັນເຈົ້າ​ສະເດັດ​ມາ​ປາກົດ ພຣະອົງ​ຈະ​ຊົງ​ເປີດເຜີຍ​ຄວາມ​ລັບ​ທີ່​ເຊື່ອງ​ໄວ້​ໃນ​ຄວາມມືດ​ນັ້ນ​ໃຫ້​ແຈ່ມແຈ້ງ ແລະ​ພຣະອົງ​ຈະ​ເປີດເຜີຍ​ຄວາມ​ນຶກຄິດ​ອັນ​ເລິກລັບ​ໃນ​ໃຈ​ມະນຸດ, ເມື່ອນັ້ນ​ແຫຼະ ແຕ່ລະຄົນ​ຈະ​ໄດ້​ຮັບ​ການ​ຍ້ອງຍໍ​ຈາກ​ພຣະເຈົ້າ ຕາມ​ທີ່​ຕົນ​ສົມຄວນ​ໄດ້​ຮັບ.

2 ຕີໂມທຽວ 4:8

ແຕ່​ນີ້​ຕໍ່ໄປ ມົງກຸດ​ຄື​ລາງວັນ​ແຫ່ງ​ຄວາມ​ຊອບທຳ ຊົງ​ຈັດ​ໄວ້​ຖ້າ​ເຮົາ​ແລ້ວ ຊຶ່ງ​ອົງພຣະ​ຜູ້​ເປັນເຈົ້າ ຜູ້​ພິພາກສາ​ທີ່​ຍຸດຕິທຳ ຈະ​ຊົງ​ປະທານ​ແກ່​ເຮົາ​ໃນ​ວັນ​ນັ້ນ ແລະ​ບໍ່ແມ່ນ​ແກ່​ເຮົາ​ພຽງ​ຜູ້​ດຽວ ແຕ່​ຈະ​ຊົງ​ປະທານ​ແກ່​ຄົນ​ທັງປວງ ທີ່​ມີ​ໃຈ​ຍິນດີ​ໃນ​ການ​ຊົງ​ສ່ອງ​ສະຫວ່າງ​ມາ​ປາກົດ​ຂອງ​ພຣະອົງ.

ພຣະນິມິດ 18:20

“ໂອ ສະຫວັນ ແລະ​ບັນດາ​ໄພ່ພົນ​ຂອງ​ພຣະເຈົ້າ ໂອ ອັກຄະສາວົກ ແລະ​ຜູ້​ປະກາດ​ພຣະທຳ​ທັງຫລາຍ​ເອີຍ ຈົ່ງ​ຊົມຊື່ນ​ຍິນດີ​ເພາະ​ນະຄອນ​ນັ້ນ. ດ້ວຍວ່າ, ພຣະເຈົ້າ​ໄດ້​ຊົງ​ພິພາກສາ​ລົງໂທດ​ນະຄອນ​ນັ້ນ ເພື່ອ​ເປັນ​ການ​ແກ້ແຄ້ນ​ໃຫ້​ເຈົ້າ​ທັງຫລາຍ​ແລ້ວ.”

1 ຊາມູເອນ 24:15

ພຣະເຈົ້າຢາເວ​ຈະ​ຕັດສິນ​ດອກ​ວ່າ ໃນ​ເຮົາ​ທັງສອງ​ຄົນ​ນີ້​ແມ່ນ​ຜູ້ໃດ​ເປັນ​ຝ່າຍ​ຜິດ. ຂໍ​ໃຫ້​ພຣະອົງ​ພິຈາລະນາ​ເບິ່ງ​ໃນ​ເລື່ອງນີ້​ເພື່ອ​ປ້ອງກັນ​ຂ້ານ້ອຍ ແລະ​ຊ່ວຍຊູ​ຂ້ານ້ອຍ​ໃຫ້​ພົ້ນ​ຈາກ​ກຳມື​ຂອງທ່ານ​ດ້ວຍ​ເທີ້ນ.”

1 ຊາມູເອນ 25:39

ເມື່ອ​ດາວິດ​ຮັບ​ຂ່າວ​ວ່າ​ນາບານ​ໄດ້​ຕາຍໄປ​ແລ້ວ ເພິ່ນ​ຈຶ່ງ​ກ່າວ​ວ່າ, “ສັນລະເສີນ​ພຣະເຈົ້າຢາເວ ພຣະອົງ​ໄດ້​ແກ້ແຄ້ນ​ນາບານ​ເພາະ​ລາວ​ໝິ່ນປະໝາດ​ຂ້ານ້ອຍ ແລະ​ພຣະອົງ​ຮັກສາ​ຂ້ານ້ອຍ​ຜູ້​ທີ່​ເປັນ​ຄົນ​ຮັບໃຊ້​ຂອງ​ພຣະອົງ​ບໍ່​ໃຫ້​ເຮັດ​ຜິດ. ພຣະເຈົ້າຢາເວ​ໄດ້​ລົງໂທດ​ນາບານ​ຍ້ອນ​ຄວາມ​ຊົ່ວຊ້າ​ທີ່​ລາວ​ໄດ້​ເຮັດ.” ແລ້ວ​ດາວິດ​ກໍ​ສົ່ງ​ຄົນ​ໄປ​ສູ່​ຂໍ​ເອົາ​ນາງ​ອາບີກາຍ​ມາ​ເປັນ​ເມຍ​ຂອງຕົນ.

1 ຊາມູເອນ 26:10

ດາວິດ​ໄດ້ກ່າວ​ວ່າ, “ແນ່ນອນ​ພຣະເຈົ້າຢາເວ​ອົງ​ຊົງ​ພຣະຊົນຢູ່, ພຣະເຈົ້າຢາເວ​ເອງ​ຈະ​ເປັນ​ຜູ້​ທີ່​ຂ້າ​ກະສັດ​ໂຊນ, ເມື່ອ​ເວລາ​ມາ​ເຖິງ ເພິ່ນ​ອາດ​ຕາຍ​ຢ່າງ​ທຳມະດາ ຫລື​ຕາຍ​ໃນ​ສະໜາມຮົບ​ກໍໄດ້.

1 ຊາມູເອນ 3:18

ດັ່ງນັ້ນ ຊາມູເອນ​ຈຶ່ງ​ບອກ​ເພິ່ນ​ທຸກຢ່າງ​ໂດຍ​ບໍ່ໄດ້​ປິດບັງ​ຫຍັງ​ໝົດ. ເອລີ​ໄດ້​ເວົ້າ​ວ່າ, “ພຣະອົງ​ເປັນ​ພຣະເຈົ້າຢາເວ; ພຣະອົງ​ຈະ​ກະທຳ​ທຸກຢ່າງ​ຕາມ​ທີ່​ພຣະອົງ​ເຫັນ​ວ່າ​ດີທີ່ສຸດ.”