ມີກາ 7:8 - ພຣະຄຳພີສັກສິ

⁸ ເຫຼົ່າ​ສັດຕູ​ຂອງ​ພວກເຮົາ​ບໍ່ມີ​ເຫດຜົນ​ຫຍັງ​ທີ່​ຈະ​ເຍາະເຍີ້ຍ​ພວກເຮົາ. ພວກເຮົາ​ລົ້ມລົງ​ແຕ່​ຈະ​ລຸກຂຶ້ນ​ໃໝ່. ເວລາ​ນີ້​ພວກເຮົາ​ຢູ່​ໃນ​ຄວາມມືດ ແຕ່​ພຣະເຈົ້າຢາເວ​ຈະ​ໃຫ້​ຄວາມ​ສະຫວ່າງ​ແກ່​ພວກເຮົາ.

ມີກາ 7:8 Jak'a apnaqawi uñst'ayäwi

ພຣະທຳ​ໂຢບ 31:29

ຂ້ອຍ​ບໍ່ເຄີຍ​ສົມນໍ້າໜ້າ ເມື່ອ​ສັດຕູ​ໄດ້​ທົນທຸກ ຫລື​ພໍໃຈ​ນຳ ທີ່​ພວກເຂົາ​ໄດ້​ປະສົບ​ຄວາມ​ຈິບຫາຍ.

ເພງ^ສັນລະເສີນ 112:4

ແສງ​ສະຫວ່າງ​ສ່ອງແຈ້ງ​ໃນ​ຄວາມມືດ​ສຳລັບ​ຄົນ​ສັດຊື່ ຄື​ພວກຄົນ​ທີ່​ເມດຕາປານີ​ແລະ​ເຮັດ​ຖືກຕ້ອງ.

ເພງ^ສັນລະເສີນ 143:3

ຝ່າຍ​ສັດຕູ​ນັ້ນ​ພວກເຂົາ​ກໍຕາມ​ລ້າງຜານ ແລະ​ຢຽບຢໍ່າ​ຂ້ານ້ອຍ​ຢ່າງ​ທາລຸນ. ພວກເຂົາ​ໄດ້​ກັກຂັງ​ຂ້ານ້ອຍ​ໄວ້​ໃນ​ຄຸກ​ອັນ​ມືດໜາ ຂ້ານ້ອຍ​ເປັນ​ດັ່ງ​ຄົນຕາຍ​ດົນນານ​ມາ​ແລ້ວ.

ເພງ^ສັນລະເສີນ 20:8

ຝ່າຍ​ຄົນ​ເຫຼົ່ານັ້ນ​ກໍ​ຈະ​ລົ້ມ​ຍ້ອນ​ເຕະ​ສະດຸດ ແຕ່​ພວກເຮົາ​ຈະ​ລຸກຢືນ​ຂຶ້ນ​ຢ່າງ​ໜັກແໜ້ນ.

ເພງ^ສັນລະເສີນ 27:1

ພຣະເຈົ້າຢາເວ​ຊົງ​ເປັນ​ຄວາມ​ສະຫວ່າງ ແລະ​ເປັນ​ຜູ້​ຊ່ວຍ​ໃຫ້​ພົ້ນ​ຂອງ​ຂ້ານ້ອຍ ຂ້ານ້ອຍ​ຈະ​ບໍ່​ຢ້ານກົວ​ຜູ້ໃດ​ທັງນັ້ນ ພຣະເຈົ້າຢາເວ​ຊົງ​ຄຸ້ມຄອງ​ຂ້ານ້ອຍ​ຈາກ​ອັນຕະລາຍ​ທຸກຢ່າງ ແລະ​ຂ້ານ້ອຍ​ກໍ​ຈະ​ບໍ່​ຢ້ານກົວ​ແຕ່​ປະການ​ໃດ​ທັງສິ້ນ.

ເພງ^ສັນລະເສີນ 35:19

ຂໍ​ຢ່າ​ໃຫ້​ສັດຕູ​ຄື​ຄົນ​ຂີ້ຕົວະ​ໄດ້​ເອົາ​ຊະນະ​ຂ້ານ້ອຍ; ຂໍ​ຢ່າ​ໃຫ້​ພວກເຂົາ​ຍິກ​ຄິ້ວ​ຫລິ່ວຕາ​ດີໃຈ ເພາະ​ຂ້ານ້ອຍ​ໂສກເສົ້າ.

ເພງ^ສັນລະເສີນ 37:21

ຄົນຊົ່ວຮ້າຍ​ຍືມ​ເງິນ​ໄປ​ແລ້ວ​ບໍ່ເຄີຍ​ສົ່ງ​ຄືນ ແຕ່​ຄົນ​ຊອບທຳ​ມີ​ໃຈ​ສັດທາ​ຮັກ​ໃນ​ການ​ໃຫ້ທານ.

ເພງ^ສັນລະເສີນ 37:24

ເມື່ອ​ພວກເຂົາ​ລົ້ມລົງ ພວກເຂົາ​ຈະ​ບໍ່​ຖືກ​ຢຽບຢໍ່າ ເພາະ​ພຣະອົງ​ຈະ​ຈັບມື​ຖືແຂນ​ຂອງ​ພວກເຂົາ​ໃຫ້​ລຸກຂຶ້ນ​ໃໝ່.

ເພງ^ສັນລະເສີນ 38:16

ຂໍ​ຢ່າ​ໃຫ້​ສັດຕູ​ໄດ້​ສົມນໍ້າໜ້າ​ຂ້ານ້ອຍ​ເລີຍ ຍ້ອນ​ຄວາມ​ໂສກເສົ້າ​ເສຍໃຈ​ທີ່​ມີ​ຢູ່​ນັ້ນ ຂໍ​ຢ່າ​ໃຫ້​ເຂົາເຈົ້າ​ເວົ້າ​ອວດອົ່ງ​ທະນົງ​ຕົວ ເຖິງ​ຄວາມ​ລົ້ມລົງ​ຂອງ​ຂ້ານ້ອຍ​ນັ້ນ

ເພງ^ສັນລະເສີນ 84:11

ພຣະເຈົ້າຢາເວ ພຣະເຈົ້າ​ເປັນ​ຕາເວັນ​ແລະ​ເປັນ​ໂລ້ກຳບັງ ຊົງ​ປະທານ​ພຣະຄຸນ​ແລະ​ສະຫງ່າຣາສີ. ດ້ວຍ​ຄວາມ​ເມດຕາ​ແລະ​ກຽດສັກສີ ພຣະເຈົ້າຢາເວ​ໃຫ້​ຂອງ​ດີ ແກ່​ຜູ້​ທີ່​ເດີນ​ຕາມ​ທາງ​ອັນ​ຊອບທຳ​ຢ່າງ​ບໍ່​ອັ້ນ.

ເພງ^ສັນລະເສີນ 97:11

ແສງ​ສະຫວ່າງ​ສ່ອງແຈ້ງ​ໃສ່​ຄົນ​ຊອບທຳ ຄວາມ​ຊົມຊື່ນ​ຍິນດີ​ກໍ​ມີ​ແກ່​ຄົນດີ​ດ້ວຍ.

ເອຊາຢາ 2:5

ບັດນີ້ ເຊື້ອສາຍ​ຂອງ​ຢາໂຄບ​ເອີຍ ໃຫ້​ພວກເຮົາ​ເດີນ​ໄປ​ໃນ​ຄວາມ​ສະຫວ່າງ ຊຶ່ງ​ພຣະເຈົ້າຢາເວ​ໄດ້​ມອບ​ໃຫ້​ນັ້ນ​ເທີ້ນ.

ເອຊາຢາ 49:9

ເຮົາ​ຈະ​ກ່າວ​ແກ່​ພວກ​ທີ່​ເປັນ​ຊະເລີຍ​ວ່າ, ‘ຈົ່ງ​ພາກັນ​ໄປ​ເປັນ​ອິດສະຫລະ​ເຖີດ’ ແລະ​ກ່າວ​ແກ່​ຜູ້​ທີ່​ຢູ່​ໃນ​ຄວາມມືດ​ວ່າ, ‘ຈົ່ງ​ອອກ​ມາ​ສູ່​ແສງແຈ້ງ​ສາ’ ພວກເຂົາ​ຈະ​ເປັນ​ດັ່ງ​ຝູງແກະ ທີ່​ກິນ​ຫຍ້າ​ຢູ່​ຕາມ​ເນີນພູ​ພຸ້ນ.

ເອຊາຢາ 50:10

ຂໍ​ໃຫ້​ທຸກຄົນ​ຈົ່ງ​ຢຳເກງ​ພຣະເຈົ້າຢາເວ ເຊື່ອຟັງ​ຄຳສັ່ງສອນ​ຂອງ​ຜູ້ຮັບໃຊ້​ພຣະເຈົ້າ ເຖິງ​ວ່າ​ທາງ​ທີ່​ເດີນ​ໄປ​ນັ້ນ​ມືດມົວ​ກໍ​ຈິງ ແຕ່​ຈົ່ງ​ໄວ້ວາງໃຈ​ໃນ​ພຣະນາມ​ແຫ່ງ​ພຣະເຈົ້າຢາເວ ແລະ​ເພິ່ງ​ພຣະເຈົ້າ​ແຫ່ງຕົນ.

ເອຊາຢາ 9:2

ປະຊາຊົນ​ຜູ້​ທີ່​ໃຊ້​ຊີວິດ​ຢູ່​ໃນ​ຄວາມ​ມືດໜາ ກໍໄດ້​ເຫັນ​ແສງແຈ້ງ​ອັນ​ຍິ່ງໃຫຍ່​ສາ​ແລ້ວ. ພວກເຂົາ​ເຄີຍ​ອາໄສ​ຢູ່​ໃນ​ດິນແດນ​ແຫ່ງ​ເງົາ​ມືດມົວ ແຕ່​ບັດນີ້ ແສງແຈ້ງ​ໃສ​ກຳລັງ​ສ່ອງ​ໃສ່​ພວກ​ເຂົາເຈົ້າ.

ເຢເຣມີຢາ 48:27

ໂມອາບ​ເອີຍ ຈື່​ບໍ​ວ່າ​ເຈົ້າ​ໄດ້​ຫົວຂວັນ​ໃສ່​ປະຊາຊົນ​ອິດສະຣາເອນ​ຢ່າງໃດ? ເຈົ້າ​ເຮັດ​ຕໍ່​ພວກເຂົາ​ເໝືອນກັບ​ວ່າ​ພວກເຂົາ​ຖືກ​ຈັບ​ໄດ້​ໃນ​ພວກ​ນັກປຸ້ນ.

ເຢເຣມີຢາ 50:11

ພຣະເຈົ້າຢາເວ​ກ່າວ​ວ່າ, “ປະຊາຊົນ​ແຫ່ງ​ບາບີໂລນ​ເອີຍ ພວກເຈົ້າ​ໄດ້​ປຸ້ນສະດົມ​ຊົນຊາດ​ຂອງເຮົາ. ພວກເຈົ້າ​ມີ​ຄວາມສຸກ ແລະ​ມ່ວນຊື່ນ​ເບີກບານ ດັ່ງ​ງົວແມ່​ທີ່​ກຳລັງ​ຢຽບ​ເຂົ້າ​ຫລື​ດັ່ງ​ມ້າ​ທີ່​ກຳລັງ​ຮ້ອງ

ເຢເຣມີຢາ 8:4

ພຣະເຈົ້າຢາເວ​ໄດ້​ບອກ​ຂ້າພະເຈົ້າ​ໃຫ້​ກ່າວ​ແກ່​ປະຊາຊົນ​ຂອງ​ພຣະອົງ​ວ່າ, “ເມື່ອ​ຜູ້ໜຶ່ງ​ລົ້ມລົງ ຜູ້ນັ້ນ​ຈະ​ບໍ່ມີ​ວັນ​ລຸກຂຶ້ນ​ໄດ້​ບໍ? ຖ້າ​ຜູ້ໜຶ່ງ​ຫລົງທາງ​ໄປ ຜູ້ນັ້ນ​ຈະ​ບໍ່​ກັບຄືນ​ມາ​ອີກ​ບໍ?

ເອເຊກຽນ 25:6

ຕໍ່ໄປນີ້​ແມ່ນ​ສິ່ງ​ທີ່​ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ: ພວກເຈົ້າ​ໄດ້​ຕົບ​ມື​ແລະ​ເຕັ້ນ​ຢ່າງ​ປິຕິ​ຍິນດີ. ພວກເຈົ້າ​ໄດ້​ດູຖູກ​ດິນແດນ​ຂອງ​ຊາດ​ອິດສະຣາເອນ.

ເອເຊກຽນ 35:15

ເໝືອນກັນ​ກັບ​ເຈົ້າ​ໄດ້​ຍິນດີ ເມື່ອ​ຊາດ​ອິດສະຣາເອນ​ຄື​ກຳມະສິດ​ຂອງເຮົາ​ໄດ້​ຖືກ​ໄພພິບັດ. ພູ​ຂອງ​ເສອີ​ຄື​ດິນແດນ​ທັງໝົດ​ຂອງ​ເອໂດມ​ຈະ​ຮ້າງເປົ່າ. ແລ້ວ​ພວກເຂົາ​ກໍ​ຈະ​ຮູ້ວ່າ​ເຮົາ​ແມ່ນ​ພຣະເຈົ້າຢາເວ.”

ເອເຊກຽນ 36:5

ອົງພຣະ​ຜູ້​ເປັນເຈົ້າ ພຣະເຈົ້າ​ໄດ້​ກ່າວ​ອອກ​ໄປ ດ້ວຍ​ຄວາມ​ໂກດຮ້າຍ​ອັນ​ຮ້ອນແຮງ​ຕໍ່ສູ້​ຊົນຊາດ​ທີ່​ຢູ່​ອ້ອມແອ້ມ ແລະ​ສະເພາະ​ຢ່າງຍິ່ງ​ແລ້ວ​ຕໍ່ສູ້​ເອໂດມ. ດ້ວຍ​ຄວາມ​ຍິນດີ ແລະ​ການ​ຫຍໍ້ຫຍັນ ພວກເຂົາ​ໄດ້​ຢຶດຄອງ​ດິນແດນ​ແລະ​ໄດ້​ຄອບຄອງ​ທົ່ງຫຍ້າ​ໃນ​ດິນແດນ​ນັ້ນ.

ອາໂມດ 9:11

“ວັນ​ໜຶ່ງ​ໃກ້​ເຂົ້າ​ມາ​ແລ້ວ ເມື່ອ​ເຮົາ​ຈະ​ສ້າງ​ຫໍເຕັນ​ຂອງ​ດາວິດ​ຂຶ້ນ​ໃໝ່ ຄື​ເປັນ​ດັ່ງ​ເຮືອນ​ຫລັງ​ໜຶ່ງ​ທີ່​ຮົກຮ້າງ​ເພພັງ​ນັ້ນ. ເຮົາ​ຈະ​ສ້ອມແປງ​ກຳແພງ​ອີກ​ໃໝ່ ໃຫ້​ເປັນ​ດັ່ງ​ທີ່​ເຄີຍ​ເປັນ​ມາ​ແຕ່​ດົນນານ​ແລ້ວ.

ໂອບາດີຢາ 1:12

ພວກເຈົ້າ​ບໍ່ຄວນ​ສົມນໍ້າໜ້າ​ອ້າຍ​ເອື້ອຍ​ນ້ອງ​ຂອງ​ຕົນເອງ ຄື​ຊາວ​ຢູດາ​ທັງໝົດ​ທີ່​ໄດ້​ຮັບ​ເຄາະກຳ​ນັ້ນ. ພວກເຈົ້າ​ບໍ່ຄວນ​ຊົມຊື່ນ​ໃນ​ມື້​ທີ່​ພວກເຂົາ​ຫຼົ້ມຈົມ ພວກເຈົ້າ​ບໍ່ຄວນ​ຫຍໍ້ຫຍັນ​ເມື່ອ​ພວກເຂົາ​ຖືກ​ລຳບາກ.

ມີກາ 4:10

ປະຊາຊົນ​ເຢຣູຊາເລັມ​ເອີຍ ຈົ່ງ​ບິດຕົວ​ຮ້ອງ​ຄວນຄາງ ດັ່ງ​ຍິງ​ທີ່​ກຳລັງ​ອອກລູກ​ສາ ເພາະວ່າ​ບັດນີ້​ພວກເຈົ້າ​ຈະ​ຕ້ອງ​ໜີ​ຈາກ​ເມືອງ​ນີ້​ໄປ​ອາໄສ​ຢູ່​ໃນ​ທົ່ງນາ. ພວກເຈົ້າ​ຈະ​ຕ້ອງ​ໄປ​ທີ່​ນະຄອນ​ບາບີໂລນ, ແຕ່​ຢູ່​ໃນ​ທີ່ນັ້ນ ພຣະເຈົ້າຢາເວ​ຈະ​ຊົງໄຖ່​ພວກເຈົ້າ​ໃຫ້​ພົ້ນ​ຈາກ​ກຳມື​ຂອງ​ພວກ​ສັດຕູ​ຂອງເຈົ້າ.

ມີກາ 7:10

ແລ້ວ​ເຫຼົ່າ​ສັດຕູ​ຂອງ​ພວກເຮົາ​ກໍ​ຈະ​ເຫັນ​ສິ່ງນີ້ ແລະ​ໄດ້​ຮັບ​ຄວາມ​ອັບອາຍ​ຂາຍໜ້າ ຄື​ເຫຼົ່າ​ສັດຕູ​ຜູ້​ດຽວກັນ​ທີ່​ເວົ້າ​ທັບຖົມ​ພວກເຮົາ​ວ່າ, “ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ນັ້ນ​ຢູ່​ໃສ?” ພວກເຮົາ​ຈະ​ເຫັນ​ພວກເຂົາ​ພ່າຍແພ້​ຖືກ​ຢຽບຢໍ່າ​ລົງ ເໝືອນ​ດັ່ງ​ຢຽບ​ຂີ້ຕົມ​ຕາມ​ຖະໜົນ​ຫົນທາງ.

ເຊກາຣີຢາ 12:8

ໃນ​ເວລາ​ນັ້ນ ພຣະເຈົ້າຢາເວ​ຈະ​ປົກປ້ອງ​ຜູ້​ທີ່​ຢູ່​ໃນ​ນະຄອນ​ເຢຣູຊາເລັມ ແລະ​ແມ່ນແຕ່​ຜູ້​ອ່ອນແຮງ​ທີ່ສຸດ​ກໍ​ຈະ​ເຂັ້ມແຂງ​ຄື​ກະສັດ​ດາວິດ. ເຊື້ອສາຍ​ຂອງ​ກະສັດ​ດາວິດ​ຈະ​ນຳພາ​ພວກເຂົາ​ດັ່ງ​ເທວະດາ​ຂອງ​ພຣະເຈົ້າຢາເວ ຄື​ເປັນ​ດັ່ງ​ພຣະເຈົ້າ​ເອງ.

ມາລາກີ 4:2

ແຕ່​ສຳລັບ​ພວກ​ທີ່​ຢຳເກງ​ນາມ​ຂອງເຮົາ ເຮົາ​ຈະ​ນຳ​ຄວາມພົ້ນ​ມາ​ໃຫ້​ພວກເຂົາ ດ້ວຍ​ອານຸພາບ​ອັນ​ຮຸ່ງເຮືອງ​ຂອງເຮົາ ດັ່ງ​ດວງຕາເວັນ​ຂຶ້ນ ແລະ​ຈະ​ນຳ​ເອົາ​ການ​ປິ່ນປົວ​ມາ​ສູ່​ພວກເຂົາ ດັ່ງ​ແສງ​ດວງອາທິດ. ພວກເຈົ້າ​ຈະ​ເປັນ​ອິດສະຫລະ​ເສລີ​ແລະ​ມີ​ຄວາມສຸກ ດັ່ງ​ລູກ​ງົວ​ທີ່​ອອກ​ມາ​ຈາກ​ຄອກ.

ມັດທາຍ 4:16

ປະຊາຊົນ​ຜູ້​ທີ່​ໃຊ້​ຊີວິດ​ຢູ່​ໃນ​ຄວາມ​ມືດໜາ ໄດ້​ເຫັນ​ແສງ​ແຈ້ງ​ອັນ​ຍິ່ງໃຫຍ່. ສຳລັບ​ພວກ​ທີ່​ຢູ່​ໃນ​ເງົາ​ແຫ່ງ​ຄວາມຕາຍ ແສງ​ແຈ້ງ​ໃສ​ໄດ້​ສ່ອງ​ໃສ່​ເຂົາເຈົ້າ.”

ໂຢຮັນ 16:20

ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ພວກເຈົ້າ​ຈະ​ຮ້ອງໄຫ້​ຮໍ່າໄຮ ແຕ່​ໂລກນີ້​ຈະ​ຊົມຊື່ນ​ຍິນດີ, ພວກເຈົ້າ​ຈະ​ໂສກເສົ້າ​ຫລາຍ ແຕ່​ຄວາມ​ໂສກເສົ້າ​ຂອງ​ພວກເຈົ້າ​ຈະ​ກາຍເປັນ​ຄວາມ​ຊົມຊື່ນ​ຍິນດີ.

ໂຢຮັນ 8:12

ພຣະເຢຊູເຈົ້າ​ໄດ້​ກ່າວ​ຕໍ່​ພວກ​ຟາຣີຊາຍ​ອີກ​ວ່າ, “ເຮົາ​ນີ້​ແຫຼະ ເປັນ​ຄວາມ​ສະຫວ່າງ​ຂອງ​ໂລກ ຜູ້​ທີ່​ຕາມ​ເຮົາ​ມາ​ຈະ​ມີ​ຄວາມ​ສະຫວ່າງ​ແຫ່ງ​ຊີວິດ ແລະ​ຈະ​ບໍ່​ເດີນ​ຢູ່​ໃນ​ຄວາມມືດ​ຈັກເທື່ອ.”

ກິດຈະການ 26:18

ເຮົາ​ໃຊ້​ເຈົ້າ​ໄປ​ກໍ​ເພື່ອ​ວ່າ ເຈົ້າ​ຈະ​ໄຂ​ຕາ​ຄົນ​ເຫຼົ່ານັ້ນ ແລະ​ເພື່ອ​ວ່າ ເຈົ້າ​ຈະ​ນຳ​ພວກເຂົາ​ອອກ​ຈາກ​ຄວາມມືດ ມາ​ຫາ​ຄວາມ​ສະຫວ່າງ ແລະ​ຈາກ​ອຳນາດ​ຂອງ​ມານຊາຕານ ມາ​ຫາ​ພຣະເຈົ້າ ໂດຍ​ວາງໃຈເຊື່ອ​ໃນ​ເຮົາ​ບາບກຳ​ຂອງ​ພວກເຂົາ​ຈະ​ໄດ້​ຮັບ​ການອະໄພ ແລະ​ຮັບ​ສ່ວນ​ໃນ​ທ່າມກາງ​ປະຊາຊົນ​ທີ່​ພຣະເຈົ້າ​ໄດ້​ເລືອກ​ໄວ້.”’

2 ໂກຣິນໂທ 4:6

ເພາະ​ພຣະເຈົ້າ​ອົງ​ທີ່​ໄດ້​ກ່າວ​ວ່າ, “ໃຫ້​ແສງແຈ້ງ​ສ່ອງ​ອອກ​ຈາກ​ຄວາມມືດ” ເປັນ​ພຣະເຈົ້າ​ອົງ​ທີ່​ສ່ອງ​ແສງ​ສະຫວ່າງ​ເຂົ້າ​ມາ​ໃນ​ຈິດໃຈ​ຂອງ​ພວກເຮົາ ເພື່ອ​ໃຫ້​ພວກເຮົາ​ຮູ້ຈັກ​ເຖິງ​ສະຫງ່າຣາສີ​ຂອງ​ພຣະເຈົ້າ ຊຶ່ງ​ສ່ອງ​ແສງ​ສະຫວ່າງ​ໃນ​ໃບ​ໜ້າ​ຂອງ​ພຣະເຢຊູ​ຄຣິດເຈົ້າ.

2 ໂກຣິນໂທ 4:9

ຖືກ​ຂົ່ມເຫັງ, ແຕ່​ບໍ່​ຖືກ​ປະຖິ້ມ; ຖືກ​ຕີ​ລົ້ມ​ລົງ, ແຕ່​ກໍ​ຍັງ​ບໍ່​ເຖິງ​ຂັ້ນ​ເສຍ​ຊີວິດ.

ພຣະນິມິດ 21:23

ນະຄອນ​ນັ້ນ ບໍ່​ຕ້ອງການ​ແສງ​ສະຫວ່າງ​ຂອງ​ດວງອາທິດ ຫລື​ດວງຈັນ, ເພາະວ່າ​ພຣະ​ຣັດສະໝີ​ຂອງ​ພຣະເຈົ້າ ຊົງ​ເປັນ​ແສງ​ສະຫວ່າງ​ຂອງ​ນະຄອນ​ນັ້ນ ແລະ​ພຣະ​ເມສານ້ອຍ ຊົງ​ເປັນ​ໂຄມໄຟ​ຂອງ​ນະຄອນ​ນັ້ນ.

ພຣະນິມິດ 22:5

ກາງຄືນ​ຈະ​ບໍ່ມີ​ອີກ​ຕໍ່ໄປ ແລະ​ພວກເຂົາ​ຈະ​ບໍ່​ຕ້ອງການ​ແສງ​ໂຄມໄຟ ຫລື​ແສງ​ຕາເວັນ, ເພາະວ່າ​ອົງພຣະ​ຜູ້​ເປັນເຈົ້າ ພຣະເຈົ້າ​ຈະ​ເປັນ​ແສງ​ສະຫວ່າງ​ຂອງ​ພວກເຂົາ ແລະ​ພວກເຂົາ​ຈະ​ປົກຄອງ​ຢູ່​ຕະຫລອດ​ນິຣັນດອນ.