ມີກາ 6:2 - ພຣະຄຳພີສັກສິ

² ພູເຂົາ​ທັງຫລາຍ​ເອີຍ ເຈົ້າ​ຊຶ່ງ​ເປັນ​ຮາກຖານ​ອັນ​ຕະຫລອດໄປ​ຂອງ​ແຜ່ນດິນ​ໂລກ​ນີ້ ຈົ່ງ​ຟັງ​ຄະດີ​ຂອງ​ພຣະເຈົ້າຢາເວ​ເຖີດ ພຣະເຈົ້າຢາເວ​ມີ​ຄະດີ​ຕໍ່ສູ້​ປະຊາຊົນ​ຂອງ​ພຣະອົງ. ພຣະອົງ​ກຳລັງ​ກ່າວໂທດ​ຕໍ່ສູ້​ປະຊາຊົນ​ອິດສະຣາເອນ.

ມີກາ 6:2 Jak'a apnaqawi uñst'ayäwi

2 ຊາມູເອນ 22:16

ພື້ນ​ມະຫາສະໝຸດ​ກໍ​ເປີດແປນ ຮາກຖານ​ແຜ່ນດິນ​ກໍ​ບໍ່ມີ​ຫຍັງ​ຫຸ້ມ​ໄວ້ ເມື່ອ​ພຣະເຈົ້າຢາເວ​ນາບຂູ່​ເຫຼົ່າ​ສັດຕູ ແລະ​ຮ້ອງ​ຂູ່​ໃສ່​ພວກເຂົາ​ຢ່າງ​ໂກດຮ້າຍ.

2 ຊາມູເອນ 22:8

ແລ້ວ​ແຜ່ນດິນ​ໂລກ​ກໍ​ສະທ້ານ​ຫວັ່ນໄຫວ ຮາກຖານ​ຟ້າ​ສະຫວັນ​ກໍ​ສັ່ນສະເທືອນ ທັງ​ສັ່ນ​ໄປມາ ເພາະ​ພຣະອົງ​ຊົງ​ໂກດຮ້າຍ​ໃຫຍ່

ເພງ^ສັນລະເສີນ 104:5

ພຣະອົງ​ຕັ້ງ​ແຜ່ນດິນ​ໂລກ​ເທິງ​ຮາກຖານ​ອັນ​ໝັ້ນຄົງ ແລະ​ຈະ​ບໍ່​ຖືກ​ເຄື່ອນຍ້າຍ​ໄປ​ສູ່​ທີ່​ໃດ​ຈັກເທື່ອ.

ສຸພາສິດ 8:29

ແລະ​ວາງ​ຂອບເຂດ​ໃຫ້​ນໍ້າ​ໃນ​ທ້ອງ​ທະເລ ເພື່ອ​ບໍ່​ໃຫ້​ຂຶ້ນ​ກາຍ​ຕາມ​ທີ່​ພຣະອົງ​ໄດ້​ສັ່ງ​ໄວ້. ເຮົາ​ໄດ້​ຢູ່​ໃນ​ທີ່ນັ້ນ​ແລ້ວ​ແຕ່​ໃດໆ​ມາ ເວລາ​ທີ່​ຊົງ​ວາງ​ຮາກຖານ​ແຜ່ນດິນ​ໂລກ.

ເອຊາຢາ 1:18

ພຣະເຈົ້າຢາເວ​ກ່າວ​ວ່າ, “ບັດນີ້ ຈົ່ງ​ມາ​ຕົກລົງ​ເລື່ອງລາວ​ກັນເທາະ. ເຖິງ​ແມ່ນ​ວ່າ​ບາບ​ຂອງ​ພວກເຈົ້າ​ນັ້ນ​ເປັນ​ສີແດງເຂັ້ມ ແຕ່​ເຮົາ​ກໍ​ຈະ​ຊຳລະ​ໃຫ້​ຂາວ​ສະອາດ​ດັ່ງ​ຫິມະ ເຖິງ​ແມ່ນ​ວ່າ​ຮອຍ​ເປິເປື້ອນ​ຈະ​ແດງເຂັ້ມ ພວກເຈົ້າ​ກໍ​ຈະ​ຂາວ​ສະອາດ​ດັ່ງ​ຂົນແກະ.

ເອຊາຢາ 3:13

ພຣະເຈົ້າຢາເວ​ພ້ອມແລ້ວ​ທີ່​ຈະ​ກ່າວ​ຄະດີ​ຂອງ​ພຣະອົງ; ພຣະອົງ​ພ້ອມ​ແລ້ວ​ທີ່​ຈະ​ຕັດສິນ​ປະຊາຊົນ​ຂອງ​ພຣະອົງ.

ເອຊາຢາ 43:26

ຈົ່ງ​ໄປ​ສານ​ແລະ​ເອົາ​ຄຳ​ກ່າວຫາ​ໄປ​ນຳ ໃຫ້​ສະເໜີ​ຄະດີ​ເພື່ອ​ພິສູດ​ວ່າ​ເປັນ​ຝ່າຍ​ຖືກ

ເອຊາຢາ 5:3

ສະນັ້ນ ເພື່ອນ​ຂອງຂ້ອຍ​ຈຶ່ງ​ເວົ້າ​ວ່າ, “ພວກເຈົ້າ​ທີ່​ຢູ່​ໃນ​ນະຄອນ​ເຢຣູຊາເລັມ ແລະ​ຢູດາຍ​ເອີຍ ຈົ່ງ​ຕັດສິນ​ລະຫວ່າງ​ຂ້ອຍ​ກັບ​ສວນອະງຸ່ນ​ເບິ່ງດູ.

ເຢເຣມີຢາ 2:9

ສະນັ້ນ ເຮົາ​ຈຶ່ງ​ຈະ​ກ່າວ​ຄະດີ​ຕໍ່​ປະຊາຊົນ​ຂອງເຮົາ ເຮົາ​ຈະ​ນຳ​ຂໍ້​ກ່າວຟ້ອງ​ເຊື້ອສາຍ​ຂອງ​ພວກເຈົ້າ ພຣະເຈົ້າຢາເວ​ກ່າວ​ດັ່ງນີ້ແຫຼະ.

ເຢເຣມີຢາ 25:31

ສຽງ​ທີ່​ໄດ້ຍິນ ຈະ​ດັງ​ສະໜັ່ນ​ຈົນ​ໄປ​ສຸດ​ແຜ່ນດິນ ພຣະເຈົ້າຢາເວ​ມີ​ຄະດີ​ຕໍ່ສູ້​ນາໆ​ປະເທດ. ພຣະອົງ​ຈະ​ນຳ​ຄົນຊົ່ວ​ຂຶ້ນ​ສານ ໃຫ້​ຖືກ​ສັງຫານ​ໝົດ.”’ ພຣະເຈົ້າຢາເວ​ກ່າວ​ດັ່ງນີ້ແຫຼະ.

ເຢເຣມີຢາ 31:37

ພຣະເຈົ້າຢາເວ​ກ່າວ​ວ່າ, “ຖ້າ​ວັນ​ໜຶ່ງ ຈັກກະວານ​ຖືກ​ວັດແທກ​ໄດ້​ໃຫ້​ເຫັນ ແລະ​ຮາກຖານ​ແຜ່ນດິນ​ໂລກ​ຖືກ​ຄົ້ນຄວ້າ​ໄດ້ ເມື່ອນັ້ນ​ເຮົາ​ຈະ​ປະຖິ້ມ​ຍ້ອນ​ພວກເຂົາ​ຊົ່ວຊ້າ.” ພຣະເຈົ້າຢາເວ​ກ່າວ​ດັ່ງນີ້ແຫຼະ.

ໂຮເສອາ 12:2

ພຣະເຈົ້າຢາເວ​ມີ​ຄຳ​ກ່າວ​ຟ້ອງ​ປະຊາຊົນ​ຢູດາ; ພຣະອົງ​ຍັງ​ຈະ​ລົງໂທດ​ຊາດ​ອິດສະຣາເອນ ຍ້ອນ​ວິທີ​ປະພຶດ​ຂອງ​ປະຊາຊົນ. ພຣະອົງ​ຈະ​ໃຫ້​ຜົນ​ກຳ​ນຳ​ສະໜອງ​ພວກເຂົາ.

ໂຮເສອາ 12:3

ຢາໂຄບ ບັນພະບຸລຸດ​ຂອງ​ພວກເຂົາ ໄດ້​ຕໍ່ສູ້​ກັບ​ເອຊາວ​ອ້າຍ​ແຝດ​ຂອງຕົນ ໃນ​ຂະນະທີ່​ທັງສອງ​ຍັງ​ຢູ່​ໃນ​ທ້ອງ​ແມ່; ເມື່ອ​ຢາໂຄບ​ໃຫຍ່​ຂຶ້ນ​ມາ ລາວ​ກໍໄດ້​ຕໍ່ສູ້​ພຣະເຈົ້າ

ໂຮເສອາ 4:1

ພຣະເຈົ້າຢາເວ​ມີ​ຄະດີ​ກ່າວ​ຟ້ອງ​ຕໍ່ສູ້​ປະຊາຊົນ ທີ່​ອາໄສ​ຢູ່​ໃນ​ດິນແດນ​ນີ້. ຊາວ​ອິດສະຣາເອນ​ເອີຍ ຈົ່ງ​ຟັງ​ຖ້ອຍຄຳ​ທີ່​ພຣະເຈົ້າຢາເວ​ກ່າວ: “ຄວາມ​ສັດຊື່​ຫລື​ຄວາມຮັກ​ບໍ່ມີ​ຢູ່​ໃນ​ດິນແດນ​ນີ້ ແລະ​ບໍ່​ມີ​ຄວາມ​ຮັບຮູ້​ພຣະເຈົ້າ.

ມີກາ 6:1

ຈົ່ງ​ຟັງ​ພຣະເຈົ້າຢາເວ​ສູ້​ຄວາມ​ກັບ​ຊາດ​ອິດສະຣາເອນ. ຈົ່ງ​ລຸກຂຶ້ນ​ເຖີດ​ແລະ​ສະເໜີ​ຄະດີ​ຂອງ​ພຣະອົງ; ໃຫ້​ພູ​ແລະ​ເນີນພູ​ທັງຫລາຍ​ຟັງ​ພຣະອົງ​ກ່າວ.

ພຣະບັນຍັດສອງ 32:22

ຄວາມ​ໂກດຮ້າຍ​ຂອງເຮົາ​ຈະ​ລຸກ​ໄໝ້ ເຜົາຜານ​ດັ່ງ​ແປວໄຟ​ລຸກ​ໃຫຍ່ ເຜົາໄໝ້​ທຸກສິ່ງ​ເທິງ​ແຜ່ນດິນ​ໂລກ ຈົນ​ທະລາຍ​ກ້ຽງ​ສິ້ນສູນ​ໝົດ. ມັນ​ຈະ​ເລີຍ​ລຸກ​ໄໝ້​ໄປ​ຮອດ ພື້ນ​ພິພົບ​ປັດຖະພີ ແລະ​ເຜົາຜານ​ທຸກສິ່ງ​ໝົດ ຮອດ​ຮາກໂຄນ​ຂອງ​ພູ​ສູງພຸ້ນ.

ພຣະບັນຍັດສອງ 4:26

ຖ້າ​ເປັນ​ເຊັ່ນນັ້ນ ຂ້າພະເຈົ້າ​ຂໍ​ໃຫ້​ສະຫວັນ​ກັບ​ແຜ່ນດິນ​ໂລກ ຈົ່ງ​ເປັນ​ພະຍານ​ຕໍ່ສູ້​ພວກເຈົ້າ​ໃນ​ວັນນີ້ ແລະ​ພວກເຈົ້າ​ຈະ​ດັບສູນ​ຈາກ​ດິນແດນ​ນີ້​ໃນບໍ່ຊ້າ. ພວກເຈົ້າ​ຈະ​ບໍ່ໄດ້​ຢູ່​ຍາວນານ​ໃນ​ດິນແດນ​ທີ່​ພວກເຈົ້າ​ກຳລັງ​ຈະ​ຂ້າມ​ແມ່ນໍ້າ​ຈໍແດນ​ໄປ​ຢຶດຄອງ​ນັ້ນ ແລະ​ພວກເຈົ້າ​ຈະ​ຖືກ​ທຳລາຍ​ຈົນ​ໝົດ​ສິ້ນ.