ມີກາ 6:1 - ພຣະຄຳພີສັກສິ

¹ ຈົ່ງ​ຟັງ​ພຣະເຈົ້າຢາເວ​ສູ້​ຄວາມ​ກັບ​ຊາດ​ອິດສະຣາເອນ. ຈົ່ງ​ລຸກຂຶ້ນ​ເຖີດ​ແລະ​ສະເໜີ​ຄະດີ​ຂອງ​ພຣະອົງ; ໃຫ້​ພູ​ແລະ​ເນີນພູ​ທັງຫລາຍ​ຟັງ​ພຣະອົງ​ກ່າວ.

ມີກາ 6:1 Jak'a apnaqawi uñst'ayäwi

ເພງ^ສັນລະເສີນ 50:1

ພຣະເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່ ພຣະເຈົ້າຢາເວ​ກ່າວ​ຈາ ພຣະອົງ​ເອີ້ນ​ເອົາ​ຄົນ​ທົ່ວ​ທັງ​ໂລກາ​ຈາກ​ທິດ​ຕາເວັນອອກ ເຖິງ​ທິດ​ຕາເວັນຕົກ.

ເພງ^ສັນລະເສີນ 50:4

ພຣະອົງ​ຊົງ​ຮຽກເອີ້ນ​ຟ້າ​ສະຫວັນ​ເບື້ອງ​ເທິງ​ແລະ​ແຜ່ນດິນ​ໂລກ​ມາ ໃຫ້​ເປັນ​ພະຍານ​ເພື່ອ​ຕັດສິນ​ປະຊາຊົນ​ຂອງ​ພຣະອົງ.

ເອຊາຢາ 1:2

ພຣະເຈົ້າຢາເວ​ໄດ້​ກ່າວ​ວ່າ, “ໂອ ຈັກກະວານ​ແລະ​ແຜ່ນດິນ​ໂລກ​ເອີຍ ຈົ່ງ​ຟັງ​ສິ່ງ​ທີ່​ເຮົາ​ກຳລັງ​ກ່າວ ພວກ​ເດັກນ້ອຍ​ທີ່​ເຮົາ​ລ້ຽງ​ມາ​ຈົນ​ໃຫຍ່​ໄດ້​ກະບົດ​ຕໍ່ສູ້​ເຮົາ.

ເອຊາຢາ 3:13

ພຣະເຈົ້າຢາເວ​ພ້ອມແລ້ວ​ທີ່​ຈະ​ກ່າວ​ຄະດີ​ຂອງ​ພຣະອົງ; ພຣະອົງ​ພ້ອມ​ແລ້ວ​ທີ່​ຈະ​ຕັດສິນ​ປະຊາຊົນ​ຂອງ​ພຣະອົງ.

ເຢເຣມີຢາ 13:15

ປະຊາຊົນ​ອິດສະຣາເອນ​ເອີຍ ພຣະເຈົ້າຢາເວ​ໄດ້​ກ່າວ​ດັ່ງນີ້ແຫລະ ຈົ່ງ​ຖ່ອມຕົວ​ລົງ ແລະ​ເຊື່ອຟັງ​ພຣະອົງ​ສາ​ເຖີດ

ເຢເຣມີຢາ 22:29

ໂອ ດິນແດນ ດິນແດນ ດິນແດນ​ເອີຍ ຈົ່ງ​ຟັງ​ເອົາ ຖ້ອຍຄຳ​ທີ່​ພຣະເຈົ້າຢາເວ​ກ່າວ:

ເອເຊກຽນ 36:1

ອົງພຣະ​ຜູ້​ເປັນເຈົ້າ​ໄດ້​ສັ່ງ​ວ່າ, “ມະນຸດ​ເອີຍ ເຈົ້າ​ຈົ່ງ​ກ່າວ​ແກ່​ພູ​ທັງຫລາຍ​ຂອງ​ຊາດ​ອິດສະຣາເອນ ແລະ​ບອກ​ໃຫ້​ເຊື່ອຟັງ​ຖ້ອຍຄຳ​ຂອງ​ພຣະເຈົ້າຢາເວ

ເອເຊກຽນ 36:8

ແຕ່​ຕາມ​ເທິງ​ພູ​ທັງຫລາຍ​ຂອງ​ຊາດ​ອິດສະຣາເອນ ຕົ້ນໄມ້​ທັງຫລາຍ​ຈະ​ມີ​ໃບ​ອີກ ແລະ​ຈະ​ເກີດ​ໝາກ​ໃຫ້​ພວກເຈົ້າ ປະຊາຊົນ​ອິດສະຣາເອນ​ຂອງເຮົາ​ເອີຍ. ພວກເຈົ້າ​ຈະ​ໄດ້​ກັບຄືນ​ມາ​ສູ່​ເຮືອນ​ໃນ​ບໍ່​ຊ້າ​ນີ້.

ເອເຊກຽນ 37:4

ພຣະອົງ​ໄດ້​ກ່າວ​ຕໍ່​ຂ້າພະເຈົ້າ​ວ່າ, “ຈົ່ງ​ປະກາດ​ພຣະທຳ​ໃຫ້​ກະດູກ​ແຫ້ງ​ທັງຫລາຍ​ນີ້ ແລະ​ກ່າວ​ຕໍ່​ພວກເຂົາ​ວ່າ: ໂອ ກະດູກ​ແຫ້ງ​ທັງຫຼາຍ​ເອີຍ ຈົ່ງ​ຟັງ​ຖ້ອຍຄຳ​ຂອງ​ພຣະເຈົ້າຢາເວ.

ເອເຊກຽນ 6:3

ຈົ່ງ​ບອກ​ພູເຂົາ​ຕ່າງໆ​ຂອງ​ຊາດ​ອິດສະຣາເອນ​ໃຫ້​ຟັງ​ຖ້ອຍຄຳ​ຂອງ​ອົງພຣະ​ຜູ້​ເປັນເຈົ້າ ພຣະເຈົ້າ. ອົງພຣະ​ຜູ້​ເປັນເຈົ້າ ພຣະເຈົ້າ​ບອກ​ພູເຂົາ​ແລະ​ເນີນພູ​ທັງຫລາຍ, ຫ້ວຍ​ກັບ​ຮ່ອມພູ​ທັງຫລາຍ​ວ່າ ເຮົາ​ຈະ​ໃຊ້​ດາບ​ທຳລາຍ​ບ່ອນ​ຕ່າງໆ​ທີ່​ປະຊາຊົນ​ຂາບໄຫວ້​ຮູບເຄົາຣົບ.

ອາໂມດ 3:1

ປະຊາຊົນ​ຊາວ​ອິດສະຣາເອນ​ເອີຍ ຈົ່ງ​ຟັງ​ຖ້ອຍຄຳ​ທີ່​ພຣະເຈົ້າຢາເວ​ໄດ້​ກ່າວ​ເຖິງ​ພວກເຈົ້າ ຄື​ຄົນ​ທັງ​ຊາດ​ທີ່​ພຣະອົງ​ໄດ້​ນຳ​ອອກ​ມາ​ຈາກ​ປະເທດ​ເອຢິບ​ນັ້ນ​ວ່າ,

ມີກາ 1:2

ຈົ່ງ​ຟັງ​ເລື່ອງ​ນີ້​ບັນດາ​ທຸກ​ຊົນຊາດ​ເອີຍ ຈົ່ງ​ຟັງ​ເລື່ອງ​ນີ້​ທຸກຄົນ ທັງ​ທຸກສິ່ງ​ທີ່​ແຜ່ນດິນ​ໂລກ ອົງພຣະ​ຜູ້​ເປັນເຈົ້າ ພຣະເຈົ້າ​ຈະ​ເປັນ​ພະຍານ​ຕໍ່ສູ້​ພວກເຈົ້າ​ໃດ ອົງພຣະ​ຜູ້​ເປັນເຈົ້າ​ຈາກ​ພຣະວິຫານ​ທີ່​ບໍຣິສຸດ​ຂອງ​ພຣະອົງ.

ມີກາ 1:4

ແລ້ວ​ພູ​ທັງຫລາຍ​ກໍ​ຈະ​ລະລາຍ​ສິ້ນ​ຢູ່​ໃຕ້​ຕີນ​ຂອງ​ພຣະອົງ ດັ່ງ​ຂີ້ເຜິ້ງ​ລະລາຍ​ເມື່ອ​ມັນ​ຖືກ​ໄຟ​ຮ້ອນ. ພູເຂົາ​ທັງຫລາຍ​ນັ້ນ​ຈະ​ເຈື່ອນ​ລົງ​ສູ່​ຮ່ອມພູ​ທັງຫລາຍ ດັ່ງ​ນໍ້າ​ໄຫລລົງ​ມາ​ແຕ່​ເນີນພູ​ແຫ່ງ​ໜຶ່ງ.

ມີກາ 5:15

ແລະ​ດ້ວຍ​ຄວາມ​ໂກດຮ້າຍ​ອັນ​ໃຫຍ່​ຂອງເຮົາ ເຮົາ​ຈະ​ແກ້ແຄ້ນ​ຊົນຊາດ​ທັງຫລາຍ​ທີ່​ບໍ່​ເຊື່ອຟັງ​ເຮົາ.”

ມີກາ 6:2

ພູເຂົາ​ທັງຫລາຍ​ເອີຍ ເຈົ້າ​ຊຶ່ງ​ເປັນ​ຮາກຖານ​ອັນ​ຕະຫລອດໄປ​ຂອງ​ແຜ່ນດິນ​ໂລກ​ນີ້ ຈົ່ງ​ຟັງ​ຄະດີ​ຂອງ​ພຣະເຈົ້າຢາເວ​ເຖີດ ພຣະເຈົ້າຢາເວ​ມີ​ຄະດີ​ຕໍ່ສູ້​ປະຊາຊົນ​ຂອງ​ພຣະອົງ. ພຣະອົງ​ກຳລັງ​ກ່າວໂທດ​ຕໍ່ສູ້​ປະຊາຊົນ​ອິດສະຣາເອນ.

ລູກາ 19:40

ພຣະອົງ​ໄດ້​ຕອບ​ພວກເຂົາ​ວ່າ, “ເຮົາ​ບອກ​ເຈົ້າ​ທັງຫລາຍ​ວ່າ ຖ້າ​ຄົນ​ເຫຼົ່ານີ້​ມິດງຽບ ກ້ອນຫີນ​ທັງຫລາຍ​ກໍ​ຈະ​ຮ້ອງ​ຂຶ້ນ.”

ພຣະບັນຍັດສອງ 32:1

“ໂອ ຟ້າ​ສະຫວັນ​ເອີຍ ຈົ່ງ​ງ່ຽງຫູ​ຂອງເຈົ້າ​ຟັງ​ສຽງ​ຂອງຂ້ອຍ ແລະ​ແຜ່ນດິນ​ໂລກ​ເອີຍ ຈົ່ງ​ຟັງ​ຖ້ອຍຄຳ​ຈາກ​ປາກ​ຂອງຂ້ອຍ.

ພຣະບັນຍັດສອງ 4:26

ຖ້າ​ເປັນ​ເຊັ່ນນັ້ນ ຂ້າພະເຈົ້າ​ຂໍ​ໃຫ້​ສະຫວັນ​ກັບ​ແຜ່ນດິນ​ໂລກ ຈົ່ງ​ເປັນ​ພະຍານ​ຕໍ່ສູ້​ພວກເຈົ້າ​ໃນ​ວັນນີ້ ແລະ​ພວກເຈົ້າ​ຈະ​ດັບສູນ​ຈາກ​ດິນແດນ​ນີ້​ໃນບໍ່ຊ້າ. ພວກເຈົ້າ​ຈະ​ບໍ່ໄດ້​ຢູ່​ຍາວນານ​ໃນ​ດິນແດນ​ທີ່​ພວກເຈົ້າ​ກຳລັງ​ຈະ​ຂ້າມ​ແມ່ນໍ້າ​ຈໍແດນ​ໄປ​ຢຶດຄອງ​ນັ້ນ ແລະ​ພວກເຈົ້າ​ຈະ​ຖືກ​ທຳລາຍ​ຈົນ​ໝົດ​ສິ້ນ.

1 ຊາມູເອນ 12:7

ບັດນີ້ ຈົ່ງ​ຢືນ​ຢູ່​ກັບ​ທີ່​ຂອງ​ພວກເຈົ້າ​ນັ້ນ​ແຫຼະ ແລະ​ຂ້າພະເຈົ້າ​ຈະ​ຟ້ອງ​ພວກເຈົ້າ​ຕໍ່​ພຣະເຈົ້າຢາເວ ໂດຍ​ຕັກເຕືອນ​ພວກເຈົ້າ ໃຫ້​ຈົດຈຳ​ພາລະກິດ​ອັນ​ຍິ່ງໃຫຍ່​ທັງໝົດ​ທີ່​ພຣະເຈົ້າຢາເວ​ໄດ້​ກະທຳ​ນັ້ນ ເພື່ອ​ຊ່ວຍ​ພວກເຈົ້າ​ແລະ​ປູ່ຍ່າຕາຍາຍ​ໃຫ້​ພົ້ນ.

1 ຊາມູເອນ 15:16

ຊາມູເອນ​ສັ່ງ​ວ່າ, “ຢຸດ ຂ້າພະເຈົ້າ​ຈະ​ບອກ​ທ່ານ​ເຖິງ​ສິ່ງ​ທີ່​ພຣະເຈົ້າຢາເວ​ໄດ້​ກ່າວ​ກັບ​ຂ້າພະເຈົ້າ​ໃນ​ຄືນນີ້.” ກະສັດ​ໂຊນ​ກ່າວ​ວ່າ, “ບອກ​ຂ້າພະເຈົ້າ​ມາ​ເບິ່ງດູ.”