ມີກາ 4:12 - ພຣະຄຳພີສັກສິ

¹² ແຕ່​ຊົນຊາດ​ເຫຼົ່ານີ້​ບໍ່​ຮູ້ຈັກ​ຄວາມຄິດ​ຂອງ​ພຣະເຈົ້າຢາເວ ພວກເຂົາ​ສຳນຶກ​ບໍ່ໄດ້​ເລີຍ​ວ່າ ພຣະອົງ​ໄດ້​ວາງແຜນ​ທ້ອນໂຮມ ເພື່ອ​ເອົາ​ພວກເຂົາ​ມາ​ລົງໂທດ ເຊັ່ນດຽວ​ກັບ​ໂຮມ​ເອົາ​ມັດ​ເຂົ້າ​ມາ​ຟາດ​ໃນ​ລານ.

ມີກາ 4:12 Jak'a apnaqawi uñst'ayäwi

ເພງ^ສັນລະເສີນ 147:19

ພຣະອົງ​ໃຫ້​ຖ້ອຍຄຳ​ແກ່​ປະຊາຊົນ​ຂອງ​ພຣະອົງ ໃຫ້​ຄຳແນະນຳ ແລະ​ກົດບັນຍັດ​ແກ່​ອິດສະຣາເອນ​ນັ້ນ.

ເພງ^ສັນລະເສີນ 147:20

ພຣະອົງ​ບໍ່ໄດ້​ເຮັດ​ເຊັ່ນນີ້​ສຳລັບ​ຊົນຊາດ​ອື່ນໃດ ພວກເຂົາ​ຈຶ່ງ​ບໍ່ໄດ້​ຮູ້ຈັກ​ກົດບັນຍັດ. ຈົ່ງ​ຍ້ອງຍໍ​ສັນລະເສີນ​ພຣະເຈົ້າຢາເວ​ເຖີດ.

ເອຊາຢາ 10:7

ແຕ່​ຈັກກະພັດ​ອັດຊີເຣຍ​ມີ​ແຜນການ​ອັນ​ຮ້າຍກາດ​ໃນ​ໃຈ​ຂອງຕົນເອງ. ເພິ່ນ​ຕັ້ງໃຈ​ຈະ​ທຳລາຍ​ຫລາຍໆ​ຊົນຊາດ.

ເອຊາຢາ 21:10

ປະຊາຊົນ​ອິດສະຣາເອນ​ຂອງ​ຂ້າພະເຈົ້າ​ເອີຍ ພວກເຈົ້າ​ໄດ້​ຖືກ​ຢຽບຢໍ່າ​ເໝືອນດັ່ງ​ນວດ​ເຂົ້າ ແຕ່​ບັດນີ້ ຂ້າພະເຈົ້າ​ປະກາດ​ຂ່າວ​ດີ​ທີ່​ຂ້າພະເຈົ້າ​ໄດ້ຍິນ ຈາກ​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ພຣະເຈົ້າ​ຂອງ​ຊາດ​ອິດສະຣາເອນ​ໃຫ້​ພວກເຈົ້າ​ຮູ້.

ເອຊາຢາ 29:7

ແລ້ວ​ກອງທັບ​ທັງໝົດ​ຂອງ​ຊົນຊາດ​ຕ່າງໆ ທີ່​ກຳລັງ​ໂຈມຕີ​ນະຄອນ​ແຫ່ງ​ແທ່ນບູຊາ​ຂອງ​ພຣະເຈົ້າ ພ້ອມ​ທັງ​ອາວຸດ​ຍຸດທະພັນ​ທຸກຢ່າງ​ຂອງ​ພວກເຂົາ ກໍ​ຈະ​ສູນຫາຍ​ໄປ​ດັ່ງ​ຄວາມຝັນ ດັ່ງ​ພາບ​ທີ່​ຄົນ​ຄິດຂຶ້ນ​ຫາຍໄປ​ໃນ​ຕອນ​ກາງຄືນ.

ເອຊາຢາ 55:8

ພຣະເຈົ້າຢາເວ​ກ່າວ​ວ່າ, “ຄວາມຄິດ​ເຮົາ​ນັ້ນ ບໍ່​ຄື​ຄວາມຄິດ​ຂອງ​ພວກເຈົ້າ ແລະ​ວິຖີ​ທາງ​ຂອງເຮົາ​ນັ້ນ​ກໍ​ແຕກຕ່າງ​ໃດ ບໍ່​ຄື​ວິຖີ​ທາງ​ຂອງ​ພວກເຈົ້າ.

ເຢເຣມີຢາ 29:11

ເຮົາ​ຜູ້​ດຽວ​ເທົ່ານັ້ນ​ທີ່​ຮູ້​ແຜນການ​ຂອງເຮົາ​ສຳລັບ​ພວກເຈົ້າ,’ ພຣະເຈົ້າຢາເວ​ກ່າວ​ວ່າ, ‘ຄື​ແຜນການ​ທີ່​ນຳ​ຄວາມຈະເລີນ​ຮຸ່ງເຮືອງ​ມາ​ສູ່​ພວກເຈົ້າ ແລະ​ບໍ່ແມ່ນ​ນຳ​ຄວາມ​ຈິບຫາຍ​ມາ​ສູ່​ພວກເຈົ້າ ແຕ່​ເປັນ​ແຜນການ​ທີ່​ນຳ​ຄວາມຫວັງ​ມາ​ສູ່​ອະນາຄົດ​ຂອງ​ພວກເຈົ້າ.

ເຢເຣມີຢາ 51:20

ອົງພຣະ​ຜູ້​ເປັນເຈົ້າ​ກ່າວ​ວ່າ, “ບາບີໂລນ ເຈົ້າ​ຄື​ຄ້ອນຕີ​ຂອງເຮົາ ເປັນ​ທັງ​ອາວຸດ​ທີ່​ໃຊ້​ໄວ້​ເຮັດ​ເສິກ​ຂອງເຮົາ​ດ້ວຍ. ເຮົາ​ໄດ້​ໃຊ້​ເຈົ້າ​ໃຫ້​ຢຽບຢໍ່າ​ຊົນຊາດ​ທັງຫລາຍ ແລະ​ທັງ​ໃຫ້​ທຳລາຍ​ອານາຈັກ​ທັງຫລາຍ​ຖິ້ມ.

ເຢເຣມີຢາ 51:33

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ພຣະເຈົ້າ​ຂອງ​ຊາດ​ອິດສະຣາເອນ​ກ່າວ​ວ່າ, “ໃນ​ບໍ່​ຊ້າ ສັດຕູ​ກໍ​ຈະ​ຟັນ​ແລະ​ຢຽບຢໍ່າ​ພວກເຂົາ​ລົງ ດັ່ງ​ຢຽບ​ເມັດ​ເຂົ້າ​ຢູ່​ທີ່​ລານ​ຟາດເຂົ້າ.”

ໂຢເອນ 3:2

ເຮົາ​ຈະ​ນຳ​ທຸກ​ຊົນຊາດ​ໃຫ້​ມາ​ເຕົ້າໂຮມ​ກັນ ແລະ​ນຳ​ພວກເຂົາ​ໄປ​ສູ່​ຮ່ອມພູ​ແຫ່ງ​ການຕັດສິນ​ນັ້ນ. ແລ້ວ​ໃນ​ທີ່ນັ້ນ​ເຮົາ​ກໍ​ຈະ​ຕັດສິນ​ພວກເຂົາ ຕາມ​ທີ່​ພວກເຂົາ​ທັງໝົດ​ໄດ້​ເຮັດ​ຕໍ່​ປະຊາຊົນ​ຂອງເຮົາ​ນັ້ນ. ພວກເຂົາ​ໄດ້​ໃຫ້​ຊາວ​ອິດສະຣາເອນ​ແຕກຊະ​ໄປ​ແດນ​ອື່ນ​ໄກ ແບ່ງແຍກ​ອິດສະຣາເອນ ດິນແດນ​ຂອງເຮົາ​ດ້ວຍ.

ລູກາ 3:17

ມື​ຂອງ​ເພິ່ນ​ຖື​ກະດົ້ງ​ເພື່ອ​ຕຽມ​ຝັດ​ເຂົ້າ ເພິ່ນ​ຈະ​ເຮັດ​ລານເຂົ້າ​ຂອງຕົນ​ໃຫ້​ກ້ຽງ​ດີ ແລະ​ຮວບຮວມ​ເອົາ​ເຂົ້າ​ເມັດ​ດີ​ຂອງ​ເພິ່ນ ໄວ້​ໃນ​ເລົ້າ​ຂອງຕົນ ສ່ວນ​ເຂົ້າ​ເມັດ​ລີບ​ນັ້ນ ເພິ່ນ​ຈະ​ເອົາ​ເຜົາ​ໄຟ​ທີ່​ໄໝ້​ຢູ່​ເປັນນິດ.”