ມີກາ 3:3 - ພຣະຄຳພີສັກສິ

³ ພວກເຈົ້າ​ກືນກິນ​ປະຊາຊົນ​ຂອງເຮົາ. ພວກເຈົ້າ​ລອກ​ໜັງ​ຂອງ​ພວກເຂົາ​ອອກ​ຫັກ​ກະດູກ​ຂອງ​ພວກເຂົາ ແລະ​ຕັດ​ເປັນ​ຕ່ອນໆ​ເໝືອນ​ຊີ້ນ​ຢູ່​ໃນ​ໝໍ້.

ມີກາ 3:3 Jak'a apnaqawi uñst'ayäwi

ເພງ^ສັນລະເສີນ 14:4

ພຣະເຈົ້າຢາເວ​ຖາມ​ວ່າ, “ພວກເຂົາ​ບໍ່ມີ​ປັນຍາ​ຫລືນີ້? ຄົນຊົ່ວຊ້າ​ເຫຼົ່ານີ້​ໂງ່ຈ້າ​ກັນ​ໝົດ​ຫລືນີ້? ພວກເຂົາ​ມີ​ຊີວິດ​ຢູ່​ເພື່ອ​ປຸ້ນຈີ້​ປະຊາຊົນ​ຂອງເຮົາ ແລະ​ບໍ່ເຄີຍ​ພາວັນນາ​ອະທິຖານ​ຫາ​ເຮົາ​ຈັກເທື່ອ.”

ເພງ^ສັນລະເສີນ 27:2

ເມື່ອ​ຄົນຊົ່ວ​ໂຈມຕີ​ທັງ​ຫາ​ທາງ​ທີ່​ຈະ​ສັງຫານ ພວກເຂົາ​ກໍ​ຈະ​ຖືກ​ຕ້ານທານ​ໂດຍ​ເຕະ​ສະດຸດ​ລົ້ມ.

ສຸພາສິດ 30:14

ຜູ້​ທີ່​ເອົາ​ປຽບ​ຢ່າງ​ໂຫດຫ້ຽມ​ຕໍ່​ຄົນທຸກ​ແລະ​ຄົນ​ຂັດສົນ​ນັ້ນ ຄື​ວິທີ​ໃຊ້​ຊີວິດ​ຂອງ​ເຂົາ ຄົນ​ຢ່າງນີ້​ກໍມີ.

ເອຊາຢາ 3:14

ພຣະເຈົ້າຢາເວ​ກຳລັງ​ນຳ​ຄົນ​ເຫຼົ່ານີ້​ມາ​ຕັດສິນ ຄື​ບັນດາ​ເຖົ້າແກ່​ແລະ​ບັນດາ​ຜູ້ນຳ​ປະຊາຊົນ​ຂອງ​ພຣະອົງ. ພຣະອົງ​ກ່າວ​ຟ້ອງ​ດັ່ງນີ້: “ພວກເຈົ້າ​ໄດ້​ປຸ້ນ​ເອົາ​ສວນອະງຸ່ນ ແລະ​ໃນ​ເຮືອນ​ຂອງ​ພວກເຈົ້າ​ກໍ​ເຕັມ​ໄປ​ດ້ວຍ​ສິ່ງຂອງ ທີ່​ພວກເຈົ້າ​ໄດ້​ຢຶດເອົາ​ມາ​ຈາກ​ຄົນ​ຍາກຈົນ.

ເອຊາຢາ 3:15

ພວກເຈົ້າ​ບໍ່ມີ​ສິດ​ທີ່​ຈະ​ຢຽບຢໍ່າ​ປະຊາຊົນ​ຂອງເຮົາ ແລະ​ເອົາລັດ​ເອົາປຽບ​ຄົນ​ຍາກຈົນ.” ອົງພຣະ​ຜູ້​ເປັນເຈົ້າ ພຣະເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່​ໄດ້​ກ່າວ​ດັ່ງນີ້ແຫລະ.

ເອເຊກຽນ 11:3

ພວກເຂົາ​ເວົ້າ​ວ່າ, ‘ພວກເຮົາ​ຈະ​ປຸກ​ເຮືອນ​ຂຶ້ນ​ອີກ ໃນ​ໄວໆ​ນີ້. ເມືອງ​ນີ້​ເປັນ​ດັ່ງ​ໝໍ້​ຄົວກິນ​ແລະ​ພວກເຮົາ​ກໍ​ເປັນ​ດັ່ງ​ຊີ້ນ​ໃນ​ໝໍ້.’

ເອເຊກຽນ 24:4

ຈົ່ງ​ເອົາ​ຊີ້ນ​ດີທີ່ສຸດ​ໃສ່​ລົງ​ໃນ​ໝໍ້ຂາງ ຊີ້ນ​ຂາໂຕ້ ຊີ້ນ​ສັນຂາ ເລືອກ​ກະດູກ​ແນວ​ດີໆ​ດ້ວຍ.

ອາໂມດ 8:4

ຈົ່ງ​ຟັງ​ເລື່ອງ​ນີ້​ເຖີດ ພວກ​ທີ່​ຢຽບຢໍ່າ​ຄົນ​ຂັດສົນ​ແລະ​ພະຍາຍາມ​ທຳລາຍ​ຄົນ​ຍາກຈົນ​ຢູ່​ໃນ​ປະເທດ. ພວກເຈົ້າ​ເວົ້າ​ກັບ​ຕົນເອງ​ວ່າ, “ພວກເຮົາ​ລໍຖ້າ​ຢາກ​ໃຫ້​ວັນ​ເດືອນ​ຂຶ້ນ​ໃໝ່​ເຫຼົ່ານີ້​ຜ່ານ​ພົ້ນ​ໄປ​ເກືອບ​ບໍ່ໄຫວ ເພາະ​ພວກເຮົາ​ຢາກ​ຂາຍ​ເຂົ້າ​ສາລີ.

ມີກາ 2:8

ອົງພຣະ​ຜູ້​ເປັນເຈົ້າ​ຕອບ​ຄືນ​ວ່າ, “ພວກເຈົ້າ​ໂຈມຕີ​ປະຊາຊົນ​ຂອງເຮົາ ຄື​ກັບ​ວ່າ​ພວກເຂົາ​ເປັນ​ສັດຕູ. ພວກ​ຜູ້ຊາຍ​ທີ່​ກັບ​ມາ​ແຕ່​ສະໜາມຮົບ ກໍ​ຄິດ​ວ່າ​ທີ່​ເຮືອນ​ຕົນ​ປອດໄພ​ແລ້ວ, ແຕ່​ພວກເຈົ້າ​ຊໍ້າພັດ​ລໍຄອຍ​ຢູ່​ທີ່​ນັ້ນ ເພື່ອ​ລັກ​ເອົາ​ແມ່ນແຕ່​ເສື້ອ​ຊັ້ນນອກ​ຂອງ​ພວກເຂົາ​ໄປ.

ເຊຟານີຢາ 3:3

ບັນດາ​ຂ້າຣາຊການ​ໃນ​ເມືອງນີ້​ເປັນ​ດັ່ງ​ຝູງ​ສິງ​ທີ່​ຮ້ອງ​ຄຳຣາມ; ບັນດາ​ຜູ້​ຕັດສິນ​ຄວາມ​ກໍ​ເປັນ​ດັ່ງ​ໝາປ່າ​ທີ່​ອຶດຫິວ​ໃນ​ຕອນ​ກາງຄືນ ໂລພາ​ໂພດ​ຈົນ​ບໍ່​ຍອມ​ປະ​ກະດູກ​ໃຫ້​ເຖິງ​ຕອນເຊົ້າ.