ມີກາ 2:1 - ພຣະຄຳພີສັກສິ

¹ ຜູ້​ທີ່​ນອນ​ຄິດ​ວາງແຜນ​ເຮັດ​ຊົ່ວ ຈະ​ໄດ້​ຮັບ​ໄພພິບັດ​ຫລາຍ​ສໍ່າໃດ​ນໍ ເມື່ອ​ຮຸ່ງເຊົ້າ​ມາ ພໍ​ໄດ້​ໂອກາດ ພວກເຂົາ​ກໍ​ເຮັດ​ຊົ່ວ​ຕາມ​ທີ່​ໄດ້​ວາງແຜນ​ໄວ້​ນັ້ນ.

ມີກາ 2:1 Jak'a apnaqawi uñst'ayäwi

ປະຖົມມະການ 31:29

ຂ້ອຍ​ມີ​ສິດ​ທີ່​ຈະ​ທຳຮ້າຍ​ເຈົ້າ, ແຕ່​ຄືນ​ນີ້​ພຣະເຈົ້າ​ຂອງ​ພໍ່​ເຈົ້າ​ໄດ້​ບອກ​ຂ້ອຍ ບໍ່​ໃຫ້​ຂູ່ເຂັນ​ເຈົ້າ​ແຕ່​ປະການ​ໃດ.

1 ກະສັດ 21:7

ນາງ​ເຢເຊເບນ​ຕອບ​ວ່າ, “ອ້າຍ​ເປັນ​ກະສັດ​ບໍ່ແມ່ນ​ບໍ? ລຸກ​ຂຶ້ນ​ຈາກ​ຕຽງ​ດຽວນີ້ ເຮັດ​ໃຫ້​ໃຈ​ສະບາຍ​ແລະ​ກິນ​ເຂົ້າ​ສາ. ນ້ອງ​ຈະ​ເອົາ​ສວນອະງຸ່ນ​ຂອງ​ນາໂບດ​ຊາວ​ຢິດຊະເຣນ​ໃຫ້​ອ້າຍ​ດອກ.”

ເອສະເທີ 3:8

ຮາມານ​ຈຶ່ງ​ບອກ​ກະສັດ​ເຊເຊັດ​ວ່າ, “ຍັງ​ມີ​ຄົນ​ຊາດ​ໜຶ່ງ​ທີ່​ກະຈັດ​ກະຈາຍ​ຢູ່​ທົ່ວ​ໄປ ຕາມ​ທຸກ​ແຂວງ​ໃນ​ອານາຈັກ​ຂອງທ່ານ. ພວກເຂົາ​ຢຶດຖື​ປະເພນີ​ທີ່​ບໍ່​ຄື​ກັບ​ຄົນອື່ນໆ. ຍິ່ງ​ໄປ​ກວ່າ​ນີ້​ອີກ ພວກເຂົາ​ບໍ່ໄດ້​ປະຕິບັດ​ຕາມ​ກົດໝາຍ​ຂອງ​ອານາຈັກ; ດັ່ງນັ້ນ ຈຶ່ງ​ບໍ່​ເປັນ​ຜົນ​ດີ​ທີ່​ທ່ານ​ຕ້ອງ​ອົດທົນ​ກັບ​ຄົນ​ເຫຼົ່ານີ້.

ເອສະເທີ 5:14

ດັ່ງນັ້ນ ເມຍ​ຂອງ​ລາວ​ພ້ອມທັງ​ໝູ່ເພື່ອນ​ຈຶ່ງ​ແນະນຳ​ວ່າ, “ເປັນຫຍັງ​ທ່ານ​ຈຶ່ງ​ບໍ່​ໃຫ້​ເຂົາ​ສ້າງ​ບ່ອນ​ແຂວນຄໍ​ຂຶ້ນ​ສູງ 22 ແມັດ? ແລະ​ໃນ​ມື້ອື່ນ​ເຊົ້າ ໃຫ້​ທ່ານ​ຂໍ​ນຳ​ກະສັດ​ແຂວນຄໍ​ມໍເດໄກ​ໃສ່​ຫັ້ນ ແລ້ວ​ຈຶ່ງ​ໄປ​ໃນ​ງານ​ກິນລ້ຽງ​ດ້ວຍ​ຄວາມ​ສະບາຍ​ໃຈ.” ຮາມານ​ຄິດ​ວ່າ​ເປັນ​ຄວາມຄິດ​ທີ່ດີ; ສະນັ້ນ ລາວ​ຈຶ່ງ​ໃຫ້​ເຂົາ​ສ້າງ​ບ່ອນ​ແຂວນຄໍ​ຂຶ້ນ.

ເອສະເທີ 9:25

ແຕ່​ເອສະເທີ​ໄດ້​ເຂົ້າ​ໄປ​ຫາ​ກະສັດ ແລະ​ກະສັດ​ໄດ້​ອອກ​ຄຳສັ່ງ​ເປັນ​ລາຍລັກອັກສອນ ໃຫ້​ຮາມານ​ໄດ້​ຮັບ​ໂທດ​ດ້ວຍ​ເຄາະກຳ​ທີ່​ລາວ​ໄດ້​ວາງ​ແຜນການ​ໄວ້​ສຳລັບ​ຊາວຢິວ ຄື​ລາວ​ພ້ອມ​ດ້ວຍ​ລູກຊາຍ​ສິບ​ຄົນ​ຂອງ​ລາວ​ຖືກ​ແຂວນຄໍ​ເທິງ​ຫລັກ.

ພຣະທຳ​ໂຢບ 15:35

ພວກເຂົາ​ສ້າງ​ແຜນການ​ໃຫ້​ເກີດ​ຄວາມ​ເດືອດຮ້ອນ ແລະ​ກະທຳ​ໃນ​ສິ່ງ​ຊົ່ວຊ້າ ໃນ​ຈິດໃຈ​ຂອງ​ພວກເຂົາ​ນັ້ນ ເຕັມໄປ​ດ້ວຍ​ການ​ຫລອກລວງ​ແລະ​ຕົວະຕົ້ມ.”

ພຣະທຳ​ໂຢບ 24:14

ຕອນເຊົ້າ ຄາດຕະກອນ​ລຸກ​ຂຶ້ນ​ໄປ​ຂ້າ​ຄົນຈົນ ແລະ​ຕອນ​ກາງຄືນ ພວກເຂົາ​ກໍ​ອອກ​ໄປ​ຫາຊອກ​ປຸ້ນຈີ້.

ເພງ^ສັນລະເສີນ 36:4

ເມື່ອ​ພວກເຂົາ​ນອນ​ຢູ່​ເທິງ​ຕຽງ ພວກເຂົາ​ກໍ​ວາງ​ແຜນການ​ຊົ່ວຊ້າ ພວກເຂົາ​ບໍ່ເຄີຍ​ກະທຳ​ດີ​ແລະ​ບໍ່ເຄີຍ​ປະຕິເສດ​ສິ່ງ​ທີ່​ຊົ່ວຮ້າຍ.

ເພງ^ສັນລະເສີນ 36:5

ຂ້າແດ່​ພຣະເຈົ້າຢາເວ ພຣະຄຸນ​ຄວາມດີ​ຂອງ​ພຣະອົງ​ຢຽດສູງ​ສູ່​ຟ້າ​ສະຫວັນ ຄວາມສັດຊື່​ຂອງ​ພຣະອົງ​ກໍ​ແຜ່​ໄປ​ສູ່​ທ້ອງຟ້າ.

ເພງ^ສັນລະເສີນ 58:3

ຄົນຊົ່ວຮ້າຍ​ເຮັດ​ຜິດ​ຕະຫລອດ​ຊີວິດ​ຂອງ​ພວກເຂົາ ພວກເຂົາ​ເວົ້າຕົວະ​ຕະຫລອດ​ມາ​ຕັ້ງແຕ່​ມື້​ພວກເຂົາ​ເກີດ.

ສຸພາສິດ 12:2

ພຣະເຈົ້າຢາເວ​ພໍໃຈ​ນຳ​ຄົນດີ, ແຕ່​ພຣະອົງ​ກ່າວໂທດ​ຄົນ​ທີ່​ວາງແຜນ​ອັນ​ຊົ່ວຮ້າຍ.

ສຸພາສິດ 14:22

ຜູ້​ທີ່​ເຮັດ​ດີ​ຍ່ອມ​ມີ​ຄົນ​ນັບຖື​ແລະ​ວາງໃຈເຊື່ອ, ແຕ່​ຜູ້​ທີ່​ເຮັດ​ຊົ່ວ​ພາ​ຕົວ​ສູນເສຍ​ໄປ.

ສຸພາສິດ 3:27

ຢ່າ​ເກັບ​ຄວາມດີ​ໄວ້​ຈາກ​ຜູ້​ທີ່​ສົມຄວນ​ຈະ​ໄດ້​ຮັບ ໃນ​ເມື່ອ​ສິ່ງນີ້​ຢູ່​ໃນ​ອຳນາດ​ຂອງເຈົ້າ​ທີ່​ຈະ​ກະທຳ​ໄດ້.

ສຸພາສິດ 4:16

ຄົນຊົ່ວ​ບໍ່​ຫ່ອນ​ນອນ​ຫລັບ​ໄດ້​ຈົນກວ່າ​ພວກເຂົາ​ໄດ້​ໄປ​ເຮັດ​ຜິດ​ມາ. ພວກເຂົາ​ນອນ​ມືນ​ຕາ ຈົນກວ່າ​ໄດ້​ທຳຮ້າຍ​ຄົນ​ແລ້ວ​ຈຶ່ງ​ນອນ​ຫລັບ​ໄດ້.

ເອຊາຢາ 29:20

ມັນ​ຈະ​ເປັນ​ຄາວ​ສຸດທ້າຍ​ຂອງ​ພວກ​ທີ່​ກົດຂີ່​ຄົນອື່ນ ແລະ​ດູໝິ່ນ​ປະໝາດ​ພຣະເຈົ້າ. ຄົນບາບ​ທຸກຄົນ​ຈະ​ຖືກ​ກຳຈັດ​ໃຫ້​ໝົດສິ້ນໄປ.

ເອຊາຢາ 3:14

ພຣະເຈົ້າຢາເວ​ກຳລັງ​ນຳ​ຄົນ​ເຫຼົ່ານີ້​ມາ​ຕັດສິນ ຄື​ບັນດາ​ເຖົ້າແກ່​ແລະ​ບັນດາ​ຜູ້ນຳ​ປະຊາຊົນ​ຂອງ​ພຣະອົງ. ພຣະອົງ​ກ່າວ​ຟ້ອງ​ດັ່ງນີ້: “ພວກເຈົ້າ​ໄດ້​ປຸ້ນ​ເອົາ​ສວນອະງຸ່ນ ແລະ​ໃນ​ເຮືອນ​ຂອງ​ພວກເຈົ້າ​ກໍ​ເຕັມ​ໄປ​ດ້ວຍ​ສິ່ງຂອງ ທີ່​ພວກເຈົ້າ​ໄດ້​ຢຶດເອົາ​ມາ​ຈາກ​ຄົນ​ຍາກຈົນ.

ເອຊາຢາ 32:7

ຄົນໂງ່ຈ້າ​ນັ້ນ​ຊົ່ວຊ້າ ແລະ​ເຮັດ​ແຕ່​ສິ່ງ​ທີ່​ບໍ່​ດີ; ລາວ​ວາງແຜນ​ລ້າງຜານ​ຄົນ​ຍາກຈົນ ໂດຍ​ເວົ້າຕົວະ​ແລະ​ກີດກັ້ນ​ພວກເຂົາ ບໍ່​ໃຫ້​ໄດ້​ຮັບ​ສິດທິ​ທີ່​ພວກເຂົາ​ຄວນ​ໄດ້​ຮັບ.

ເອຊາຢາ 5:8

ວິບັດ​ເປັນ​ຂອງ​ພວກເຈົ້າ​ສາແລ້ວ ພວກເຈົ້າ​ຊື້​ເຮືອນ​ຕື່ມ​ອີກ​ຫລາຍ​ຫລັງ ແລະ​ຊື້​ນາ​ຕື່ມ​ອີກ​ຫລາຍ​ທົ່ງ ເພີ່ມ​ກັບ​ສິ່ງ​ທີ່​ພວກເຈົ້າ​ມີ​ຢູ່. ບໍ່​ດົນ​ກໍ​ຈະ​ບໍ່ມີ​ບ່ອນ​ສຳລັບ​ຄົນອື່ນ​ຢູ່ ແລະ​ແມ່ນ​ພວກເຈົ້າ​ເທົ່ານັ້ນ​ທີ່​ຈະ​ຢູ່​ໃນ​ດິນແດນ.

ເອຊາຢາ 59:3

ພວກເຈົ້າ​ເຮັດ​ຜິດ​ໃນ​ຖານ​ເວົ້າຕົວະ, ເຮັດ​ຮຸນແຮງ ແລະ​ຂ້າ​ຄົນ.

ເຢເຣມີຢາ 18:18

ແລ້ວ​ປະຊາຊົນ​ກໍໄດ້​ເວົ້າ​ວ່າ, “ໃຫ້​ພວກເຮົາ​ກຳຈັດ​ເຢເຣມີຢາ​ສາ​ເທາະ ພວກເຮົາ​ມີ​ພວກ​ປະໂຣຫິດ​ໃຫ້​ຄຳແນະນຳ, ມີ​ພວກ​ນັກປາດ​ໃຫ້​ຄຳ​ປຶກສາ ແລະ​ມີ​ພວກ​ຜູ້ທຳນວາຍ ປະກາດ​ຖ້ອຍຄຳ​ຂອງ​ພຣະເຈົ້າ​ຢູ່​ສະເໝີ. ໃຫ້​ພວກເຮົາ​ຫາເລື່ອງ​ໃສ່​ລາວ ແລະ​ຢ່າ​ຟັງ​ສິ່ງ​ທີ່​ລາວ​ເວົ້າ​ນັ້ນ.”

ເອເຊກຽນ 11:2

ພຣະເຈົ້າ​ໄດ້​ກ່າວ​ແກ່​ຂ້າພະເຈົ້າ​ວ່າ, “ມະນຸດ​ເອີຍ ຄົນ​ເຫຼົ່ານີ້​ວາງ​ແຜນການ​ຊົ່ວຮ້າຍ ແລະ​ໃຫ້​ຄຳແນະນຳ​ແນວ​ບໍ່​ດີ​ໃນ​ເມືອງ​ນີ້.

ເອເຊກຽນ 33:26

ພວກເຈົ້າ​ເພິ່ງ​ດາບ​ຂອງຕົນ. ການກະທຳ​ຂອງ​ພວກເຈົ້າ​ເປັນ​ທີ່​ໜ້າກຽດຊັງ. ທຸກຄົນ​ຫລີ້ນຊູ້​ສູ່ຜົວເມຍ​ເຂົາ. ແມ່ນຫຍັງ​ເຮັດ​ໃຫ້​ພວກເຈົ້າ​ຄິດວ່າ ດິນແດນ​ເປັນ​ຂອງ​ພວກເຈົ້າ?’

ເອເຊກຽນ 38:10

ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ, “ເມື່ອ​ເວລາ​ນັ້ນ​ມາ​ເຖິງ ເຈົ້າ​ຈະ​ເລີ່ມ​ຄິດ​ແຜນການ​ອັນ​ຊົ່ວຮ້າຍ.

ເອເຊກຽນ 46:18

ເຈົ້າຊາຍ​ຜູ້ປົກຄອງ​ຈະ​ຕ້ອງ​ບໍ່​ຢຶດເອົາ​ຊັບສົມບັດ​ຢ່າງ​ໃດໆ​ຂອງ​ປະຊາຊົນ. ທີ່ດິນ​ທຸກ​ຕອນ​ຊຶ່ງ​ເພິ່ນ​ມອບ​ໃຫ້​ພວກ​ລູກຊາຍ ຈະ​ຕ້ອງ​ໄດ້​ມາ​ແຕ່​ດິນແດນ​ທີ່​ໄດ້​ຖືກ​ມອບໝາຍ​ໃຫ້​ເພິ່ນ ເພື່ອ​ວ່າ​ເພິ່ນ​ຈະ​ບໍ່​ກົດຂີ່ ແລະ​ຢຶດ​ທີ່ດິນ​ຂອງ​ປະຊາຊົນ​ຂອງເຮົາ​ສ່ວນ​ໜຶ່ງ​ສ່ວນ​ໃດ.”

ມີກາ 6:12

ພວກເຈົ້າ​ຄົນຮັ່ງມີ​ຫາ​ຜົນປະໂຫຍດ​ນຳ​ຄົນ​ຍາກຈົນ ແລະ​ພວກເຈົ້າ​ທຸກຄົນ​ລ້ວນແຕ່​ເປັນ​ຄົນ​ຂີ້ຕົວະ.

ນາຮູມ 1:11

ນີເນເວ​ເອີຍ ຈາກ​ເຈົ້າ​ນັ້ນ​ໄດ້​ມີ​ຄົນ​ໜຶ່ງ ທີ່​ເຕັມ​ໄປ​ດ້ວຍ​ແຜນການ​ອັນ​ຊົ່ວຮ້າຍ ຄື​ຜູ້​ທີ່​ໄດ້​ກະບົດ​ຕໍ່ສູ້​ພຣະເຈົ້າຢາເວ.

ເຊກາຣີຢາ 7:10

ຢ່າ​ຂົ່ມເຫັງ​ແມ່ໝ້າຍ, ລູກກຳພ້າ, ຄົນຕ່າງດ້າວ ທີ່​ອາໄສ​ຢູ່​ທ່າມກາງ​ພວກເຈົ້າ ຫລື​ຄົນອື່ນໆ​ທີ່​ຢູ່​ໃນ​ຄວາມ​ຂັດສົນ. ແລະ​ຢ່າ​ວາງ​ແຜນການ​ປະຫັດ​ປະຫານ​ຊຶ່ງກັນແລະກັນ.’

ມາຣະໂກ 15:1

ພໍ​ຮຸ່ງ​ເຊົ້າ​ມາ ບັນດາ​ຫົວໜ້າ​ປະໂຣຫິດ, ພວກ​ເຖົ້າແກ່, ພວກ​ທຳມະຈານ ແລະ​ບັນດາ​ສະມາຊິກ​ສະພາ​ໄດ້​ປຶກສາ​ຫາລື​ກັນ​ແລ້ວ ພວກເຂົາ​ໄດ້​ມັດ​ພຣະເຢຊູເຈົ້າ ແລະ​ພາ​ໄປ​ມອບ​ໃຫ້​ປີລາດ.

ລູກາ 20:19

ຝ່າຍ​ພວກ​ທຳມະຈານ ແລະ ພວກ​ຫົວໜ້າ​ປະໂຣຫິດ​ຮູ້​ຢູ່​ວ່າ, ພຣະອົງ​ຊົງ​ກ່າວ​ຄຳອຸປະມາ​ນີ້​ຕໍ່ສູ້​ພວກເຂົາ ພວກເຂົາ​ຈຶ່ງ​ວາງແຜນ​ຈັບ​ພຣະອົງ ແຕ່​ພວກເຂົາ​ຢ້ານ​ປະຊາຊົນ.

ໂຢຮັນ 19:11

ພຣະເຢຊູເຈົ້າ​ຕອບ​ວ່າ, “ເຈົ້າ​ຈະ​ບໍ່ມີ​ສິດ​ອຳນາດ​ເໜືອ​ເຮົາ​ຈັກ​ປະການ ນອກຈາກ​ອຳນາດ​ນັ້ນ​ຈະ​ປະທານ​ແຕ່​ເບື້ອງ​ເທິງ​ໃຫ້​ແກ່​ເຈົ້າ ເຫດສະນັ້ນ ຜູ້​ທີ່​ມອບ​ເຮົາ​ໄວ້​ກັບ​ເຈົ້າ ກໍ​ມີ​ຄວາມ​ຜິດບາບ​ຫລາຍກວ່າ​ເຈົ້າ.”

ກິດຈະການ 23:12

ພໍ​ເວລາ​ຮຸ່ງ​ເຊົ້າ​ແລ້ວ ພວກ​ຢິວ​ບາງຄົນ​ກໍ​ເຕົ້າໂຮມ​ກັນ​ສົມຮູ້​ຮ່ວມຄິດ ເພື່ອ​ວາງແຜນ​ການ​ປອງຮ້າຍ ພວກເຂົາ​ສາບານ​ຕົວ​ໄວ້​ວ່າ ພວກເຂົາ​ຈະ​ບໍ່​ກິນ​ຫລື​ດື່ມ​ຫຍັງ​ເລີຍ ຈົນກວ່າ​ຈະ​ໄດ້​ຂ້າ​ໂປໂລ​ເສຍ​ກ່ອນ.

ກິດຈະການ 23:15

ບັດນີ້ ຈົ່ງ​ໃຫ້​ພວກທ່ານ​ພ້ອມກັບ​ກອງ​ປະຊຸມ​ຂອງ​ສະພາ​ສູງສຸດ ໄປ​ຂໍ​ອະນຸຍາດ​ນາຍພັນ​ໃຫ້​ນຳ​ໂປໂລ​ມາ ໂດຍ​ອ້າງ​ເຫດຜົນ​ກັບ​ເພິ່ນ​ວ່າ, ພວກທ່ານ​ຕ້ອງການ​ຮູ້​ເລື່ອງ​ຜູ້​ກ່ຽວ​ໃຫ້​ຄັກແນ່​ຕື່ມ​ອີກ, ສ່ວນ​ພວກເຮົາ​ນັ້ນ​ກໍ​ພ້ອມແລ້ວ​ທີ່​ຈະ​ຂ້າ​ລາວ ກ່ອນ​ລາວ​ມາ​ເຖິງ​ທີ່​ນີ້.”

ໂຣມ 1:30

ແລະ​ເວົ້າ​ໃສ່ຮ້າຍ​ປ້າຍສີ​ກັນ, ການ​ກຽດຊັງ​ພຣະເຈົ້າ, ຂີ້ອົ່ງ​ໝິ່ນປະໝາດ, ຈອງຫອງ, ອວດຕົວ, ປະດິດ​ຄິດແຕ່ງ​ການ​ຊົ່ວຊ້າ​ຂຶ້ນ, ບໍ່​ຟັງ​ຄວາມ​ພໍ່​ແມ່,

ພຣະບັນຍັດສອງ 28:32

ລູກຊາຍ​ລູກສາວ​ຂອງ​ພວກເຈົ້າ​ຈະ​ຖືກ​ນຳ​ໄປ​ເປັນ​ຄົນ​ຮັບໃຊ້​ແກ່​ຊາວ​ຕ່າງດ້າວ​ຕໍ່ໜ້າ​ຕໍ່ຕາ. ແຕ່ລະມື້​ແຕ່ລະວັນ​ພວກເຈົ້າ​ລໍຖ້າ​ພວກເຂົາ​ກັບ​ມາ ແຕ່​ກໍ​ສິ້ນຫວັງ.