ມີກາ 1:4 - ພຣະຄຳພີສັກສິ

⁴ ແລ້ວ​ພູ​ທັງຫລາຍ​ກໍ​ຈະ​ລະລາຍ​ສິ້ນ​ຢູ່​ໃຕ້​ຕີນ​ຂອງ​ພຣະອົງ ດັ່ງ​ຂີ້ເຜິ້ງ​ລະລາຍ​ເມື່ອ​ມັນ​ຖືກ​ໄຟ​ຮ້ອນ. ພູເຂົາ​ທັງຫລາຍ​ນັ້ນ​ຈະ​ເຈື່ອນ​ລົງ​ສູ່​ຮ່ອມພູ​ທັງຫລາຍ ດັ່ງ​ນໍ້າ​ໄຫລລົງ​ມາ​ແຕ່​ເນີນພູ​ແຫ່ງ​ໜຶ່ງ.

ມີກາ 1:4 Jak'a apnaqawi uñst'ayäwi

ເພງ^ສັນລະເສີນ 46:6

ບັນດາ​ຊົນຊາດ​ຕ່າງ​ກໍ​ຫວາດຫວັ່ນ​ຕົກໃຈກົວ ແລະ​ອານາຈັກ​ທັງຫລາຍ​ກໍ​ສັ່ນສະເທືອນ ເມື່ອ​ພຣະອົງ​ສົ່ງ​ສຽງ​ຟ້າຮ້ອງ​ດັງ​ກ້ອງ​ກັງວານ ແຜ່ນດິນ​ໂລກ​ເຮົາ​ກໍ​ຖະຫລົ່ມ​ໄປ​ໝົດສິ້ນ.

ເພງ^ສັນລະເສີນ 68:2

ພຣະອົງ​ໄລ່​ພວກເຂົາ​ໜີໄປ​ດັ່ງ​ຄວັນໄຟ​ຖືກ​ລົມ​ພັດ​ພ່າຍ ເໝືອນ​ຂີ້ເຜິ້ງ​ທີ່​ເປື່ອຍ​ໃນ​ໄຟ ຄົນຊົ່ວ​ກໍ​ຕາຍ​ຢູ່​ຊ້ອງໜ້າ​ພຣະເຈົ້າ.

ເພງ^ສັນລະເສີນ 97:5

ພູ​ເຈື່ອນ​ດັ່ງ​ຂີ້ເຜິ້ງ​ເປື່ອຍ​ຢູ່​ຕໍ່ໜ້າ​ພຣະເຈົ້າຢາເວ ຕໍ່ໜ້າ​ອົງພຣະ​ຜູ້​ເປັນເຈົ້າ​ທົ່ວ​ທັງ​ແຜ່ນດິນ​ໂລກ.

ອາໂມດ 9:5

ອົງພຣະ​ຜູ້​ເປັນເຈົ້າ ພຣະເຈົ້າ​ອົງ​ຊົງ​ຣິດອຳນາດ​ຍິ່ງໃຫຍ່ ພຣະອົງ​ແຕະຕ້ອງ​ແຜ່ນດິນ ໂລກ​ເຮົາ​ກໍ​ຫວັ່ນໄຫວ​ໂລດ ທຸກໆຄົນ​ທີ່​ອາໄສ​ຢູ່​ໃນ​ທີ່ນັ້ນ​ກໍ​ໂສກເສົ້າ​ເສຍໃຈ ທົ່ວ​ທັງໂລກ​ຟົ້ງ​ຂຶ້ນ​ໂຍບລົງ​ດັ່ງ​ແມ່ນໍ້ານິນ​ໃນ​ເອຢິບ​ນັ້ນ.

ນາຮູມ 1:5

ຊ້ອງໜ້າ​ພຣະອົງ ພູເຂົາ​ທັງຫລາຍ​ກໍ​ຫວັ່ນໄຫວ ທັງ​ເນີນພູ​ຕ່າງໆ​ກໍ​ເຈື່ອນ​ລົງ​ໝົດ​ຕໍ່ໜ້າ​ພຣະອົງ; ເມື່ອ​ພຣະອົງ​ປາກົດ​ມາ ແຜ່ນດິນ​ໂລກ​ກໍ​ຫວັ່ນໄຫວ ໂລກ​ທັງ​ຄົນ​ໃນ​ໂລກ ກໍ​ສັ່ນເຊັນ​ດ້ວຍ​ຄວາມຢ້ານ.

ຮາບາກຸກ 3:10

ເມື່ອ​ໜ່ວຍ​ພູ​ໄດ້​ເຫັນ​ພຣະອົງ​ກໍ​ສະທ້ານ​ຫວັ່ນໄຫວ ນໍ້າ​ຝົນ​ກໍໄດ້​ທັ່ງເທ​ລົງ​ມາ​ຈາກ​ທ້ອງຟ້າ ນໍ້າ​ທີ່​ຢູ່​ໃຕ້​ພື້ນ​ພິພົບ​ໄດ້​ຊັດຂຶ້ນ​ຢ່າງ​ສະໜັ່ນ​ຫວັ່ນໄຫວ ຟອງ​ກໍ​ຟົ້ງ​ຂຶ້ນ​ສູງ​ຈົນ​ເຕັມ​ຂະໜາດ.

ຮາບາກຸກ 3:6

ເມື່ອ​ພຣະອົງ​ຢຸດ​ນິ້ງ ໂລກ​ກໍ​ເກີດ​ສະທ້ານ​ຫວັ່ນໄຫວ ພຽງ​ພຣະອົງ​ສົ່ງ​ສາຍຕາ ນາໆຊາດ​ກໍ​ສັ່ນເຊັນ​ຢ້ານ; ພູ​ທັງຫລາຍ​ທີ່​ຕັ້ງໝັ້ນຄົງ​ຢູ່​ກໍ​ແຕກ​ສະຫລາຍ​ໄປ ເນີນພູ​ຕ່າງໆ​ທີ່​ຕັ້ງ​ຢູ່​ຕະຫລອດໄປ​ຕ່າງ​ກໍ​ຍຸບ​ລົງ​ທັງນັ້ນ ຄື​ເນີນພູ​ຕ່າງໆ​ບ່ອນ​ທີ່​ພຣະອົງ​ໄດ້​ຍ່າງ​ໄປມາ ແຕ່​ຄາວ​ສະໄໝ​ດຶກດຳບັນ.

ເຊກາຣີຢາ 14:4

ໃນ​ເວລາ​ນັ້ນ ພຣະອົງ​ຈະ​ຢືນ​ຢູ່​ທີ່​ເທິງ​ພູເຂົາ​ໝາກກອກເທດ ທີ່​ທາງທິດ​ຕາເວັນອອກ​ຂອງ​ນະຄອນ​ເຢຣູຊາເລັມ. ແລ້ວ​ພູເຂົາ​ໝາກກອກເທດ​ກໍ​ຈະ​ຍະ​ອອກ ເປັນ​ສອງ​ສ່ວນ​ຈາກ​ທິດ​ຕາເວັນອອກ​ຫາ​ທິດ​ຕາເວັນຕົກ ໂດຍ​ມີ​ຮ່ອມພູ​ອັນ​ກວ້າງຂວາງ​ຢູ່​ຫວ່າງກາງ. ພູເຂົາ​ເຄິ່ງ​ໜຶ່ງ​ຈະ​ເຄື່ອນ​ໄປ​ທາງ​ທິດເໜືອ ແລະ​ອີກ​ເຄິ່ງ​ໜຶ່ງ​ຈະ​ເຄື່ອນ​ໄປ​ທາງ​ທິດໃຕ້.

ພຣະນິມິດ 20:11

ແລ້ວ​ຂ້າພະເຈົ້າ​ກໍໄດ້​ເຫັນ​ພຣະ​ບັນລັງ​ໃຫຍ່​ສີ​ຂາວ ທັງ​ເຫັນ​ພຣະອົງ​ຜູ້​ທີ່​ນັ່ງ​ຢູ່​ເທິງ​ບັນລັງ​ນັ້ນ. ເມື່ອ​ພຣະອົງ​ຊົງ​ປາກົດ, ແຜ່ນດິນ​ໂລກ ແລະ​ທ້ອງຟ້າ​ກໍ​ພ່າຍ​ໜີ ແລະ​ບ່ອນ​ຢູ່​ສຳລັບ​ແຜ່ນດິນ​ໂລກ ແລະ​ທ້ອງຟ້າ​ນັ້ນ​ກໍ​ບໍ່​ເຫັນ​ອີກ.

ພວກ^ຜູ້ປົກຄອງ 5:4

ຂ້າແດ່​ພຣະເຈົ້າຢາເວ ເມື່ອ​ຊົງ​ຈາກ​ພູ​ເສອີ ເມື່ອ​ພຣະອົງ​ຈາກ​ເຂດແດນ​ເອໂດມ​ມາ​ນັ້ນ ແຜ່ນດິນ​ໄຫວຫວັ່ນ ແລະ​ຟ້າ​ສະຫວັນ​ເທ​ຝົນ​ລົງ​ມາ ແມ່ນແລ້ວ ຝົນ​ລິນ​ລົງ​ມາ​ຈາກ​ກ້ອນເມກ.