ມາລາກີ 1:4 - ພຣະຄຳພີສັກສິ

⁴ ຖ້າ​ເຊື້ອສາຍ​ຂອງ​ເອຊາວ ຊາວ​ເອໂດມ ເວົ້າ​ວ່າ, “ຕົວເມືອງ​ຕ່າງໆ​ຂອງ​ພວກເຮົາ​ໄດ້​ຖືກ​ທຳລາຍ ແຕ່​ພວກເຮົາ​ຈະ​ສ້າງ​ເມືອງ​ເຫຼົ່ານັ້ນ​ຂຶ້ນ​ໃໝ່.” ແລ້ວ​ພຣະເຈົ້າຢາເວ​ອົງ​ຊົງ​ຣິດອຳນາດ​ຍິ່ງໃຫຍ່​ກໍ​ຈະ​ຕອບ​ຄືນ​ວ່າ, “ປ່ອຍ​ໃຫ້​ພວກເຂົາ​ສ້າງ​ຂຶ້ນ​ໃໝ່ ແລະ​ເຮົາ​ຈະ​ທຳລາຍ​ລົງ​ອີກ. ປະຊາຊົນ​ຈະ​ເອີ້ນ​ມັນ​ວ່າ, ‘ເມືອງ​ເຄາະຮ້າຍ’ ແລະ ‘ຊົນຊາດ​ທີ່​ພຣະເຈົ້າຢາເວ​ໂກດຮ້າຍ​ຕະຫລອດໄປ.”’

ມາລາກີ 1:4 Jak'a apnaqawi uñst'ayäwi

ພຣະທຳ​ໂຢບ 12:14

ເມື່ອ​ພຣະອົງ​ມ້າງລົງ​ແລ້ວ ມີ​ຜູ້ໃດ​ເດ​ຈະ​ກໍ່​ຂຶ້ນ​ໃໝ່​ໄດ້​ແດ່? ແລະ​ຜູ້​ທີ່​ພຣະອົງ​ຄຸມຂັງ ໃຜ​ຈະ​ປົດປ່ອຍ​ໄດ້?

ພຣະທຳ​ໂຢບ 34:29

ຖ້າ​ພຣະເຈົ້າ​ຕັດສິນໃຈ​ບໍ່​ເຮັດ​ສິ່ງໜຶ່ງ​ສິ່ງໃດ ກໍ​ບໍ່ມີ​ຜູ້ໃດ​ຕິຕຽນ​ວ່າ​ກ່າວ​ພຣະອົງ​ໄດ້. ຖ້າ​ພຣະອົງ​ເຊື່ອງ​ໜ້າ ມະນຸດ​ກໍ​ຂາດ​ທີ່​ເພິ່ງພາ​ອາໄສ ແຕ່​ພຣະອົງ​ບັງຄັບ​ທຸກ​ຊາດ ແລະ​ທຸກ​ພາສາ​ໄດ້.

ພຣະທຳ​ໂຢບ 9:4

ພຣະເຈົ້າ​ແສນ​ສະຫລາດ​ແລະ​ຊົງ​ຣິດອຳນາດ​ຍິ່ງ ບໍ່ມີ​ມະນຸດ​ຄົນໃດ​ສູ້​ຄະດີ​ກັບ​ພຣະອົງ​ໄດ້​ດອກ.

ເພງ^ສັນລະເສີນ 127:1

ຖ້າ​ພຣະເຈົ້າຢາເວ​ບໍ່​ກໍ່​ບ້ານ ສ້າງ​ເຮືອນ​ຊານ, ວຽກການ​ຄົນ​ກໍ່ສ້າງ​ທັງໝົດ​ກໍ​ໄຮ້ປະໂຫຍດ. ຖ້າ​ພຣະເຈົ້າຢາເວ​ບໍ່​ປ້ອງກັນ​ບ້ານເມືອງ, ທະຫານ​ຢືນ​ຍາມ​ກໍ​ໃຊ້​ການ​ຫຍັງ​ບໍ່ໄດ້.

ເພງ^ສັນລະເສີນ 137:7

ຂ້າແດ່​ພຣະເຈົ້າຢາເວ ຂໍ​ຈົ່ງ​ຈົດຈຳ​ສິ່ງ​ທີ່​ຊາວ​ເອໂດມ​ໄດ້​ເຮັດ ໃນ​ມື້​ທີ່​ນະຄອນ​ເຢຣູຊາເລັມ​ໄດ້​ຖືກ​ຢຶດ​ນັ້ນ. ຂໍ​ຈົ່ງ​ຈົດຈຳ​ຖ້ອຍຄຳ​ທີ່​ພວກເຂົາ​ເວົ້າກັນ​ຢູ່​ສະເໝີ​ວ່າ, “ຈົ່ງ​ທຳລາຍ​ມັນ​ຖິ້ມ​ໃຫ້​ດັບສູນ”.

ເພງ^ສັນລະເສີນ 33:10

ພຣະເຈົ້າຢາເວ​ມ້າງ​ຈຸດປະສົງ​ຊົນຊາດ​ທັງຫລາຍ ພຣະອົງ​ກີດກັ້ນ​ພວກເຂົາ​ບໍ່​ໃຫ້​ວາງແຜນ​ອອກ​ໄດ້.

ສຸພາສິດ 21:30

ຄວາມ​ເຂົ້າໃຈ​ຄວາມ​ຫລັກແຫລມ​ແຖມ​ປັນຍາ ກໍ​ບໍ່ມີ​ຄຸນຄ່າ ຖ້າ​ພຣະເຈົ້າຢາເວ​ຕໍ່ສູ້​ເຂົາ.

ເອຊາຢາ 10:4

ພວກເຈົ້າ​ຈະ​ຖືກ​ຂ້າ​ໃນ​ສະໜາມຮົບ ຫລື​ຈະ​ຖືກ​ແກ່​ໄປ​ເປັນ​ຊະເລີຍເສິກ. ເຖິງ​ປານນັ້ນ​ກໍຕາມ ຄວາມ​ໂກດຮ້າຍ​ຂອງ​ພຣະອົງ​ກໍ​ຈະ​ບໍ່​ສິ້ນສຸດ​ເປັນ; ແຕ່​ມື​ພຣະອົງ​ຍັງ​ຢຽດ​ອອກ​ຢູ່​ເພື່ອ​ລົງໂທດ​ພວກເຈົ້າ.

ເອຊາຢາ 11:14

ພວກເຂົາ​ຈະ​ໂຈມຕີ​ຊາວ​ຟີລິດສະຕິນ​ທາງ​ທິດ​ຕາເວັນຕົກ ແລະ​ປຸ້ນສະດົມ​ປະຊາຊົນ​ທາງທິດ​ຕາເວັນອອກ. ພວກເຂົາ​ຈະ​ຕີ​ຊະນະ​ຊາວ​ເອໂດມ​ແລະ​ຊາວ​ໂມອາບ ແລະ​ຊາວ​ອຳໂມນ​ກໍ​ຈະ​ເຊື່ອຟັງ​ພວກເຂົາ.

ເອຊາຢາ 34:10

ມັນ​ຈະ​ໄໝ້​ເຜົາຜານ​ທັງເວັນ​ທັງຄືນ ແລະ​ຄວັນ​ຈະ​ພຸ່ງ​ຂຶ້ນ​ຈາກ​ທີ່​ນັ້ນ​ຕະຫລອດໄປ. ດິນແດນ​ຈະ​ຖືກ​ປະ​ເປົ່າລ້າ​ທຸກຍຸກ​ທຸກສະໄໝ ແລະ​ທັງ​ຈະ​ບໍ່ມີ​ຜູ້ໃດ​ທ່ອງທ່ຽວ​ໄປມາ​ຜ່ານ​ທີ່ນັ້ນ​ອີກ​ຈັກເທື່ອ.

ເອຊາຢາ 34:5

ພຣະເຈົ້າຢາເວ​ໄດ້​ຈັດຕຽມ​ດາບ​ຂອງ​ພຣະອົງ​ໄວ້​ໃນ​ຟ້າ​ສະຫວັນ; ບັດນີ້ ພຣະອົງ​ຈະ​ໃຊ້​ດາບ​ນັ້ນ​ຟັນ​ເມືອງ​ເອໂດມ ຄື​ຟັນ​ປະຊາຊົນ​ເຫຼົ່ານັ້ນ​ທີ່​ພຣະອົງ​ລົງໂທດ​ໄປ​ສູ່​ຄວາມ​ຈິບຫາຍ.

ເຢເຣມີຢາ 31:17

ພຣະເຈົ້າຢາເວ​ກ່າວ​ວ່າ, ຄວາມຫວັງ​ຂ້າງໜ້າ​ຂອງເຈົ້າ ຄື​ລູກໆ​ຂອງເຈົ້າ​ຈະ​ກັບ​ມາ.”

ເຢເຣມີຢາ 49:20

ສະນັ້ນ ຈົ່ງ​ຟັງ​ແຜນການ​ທີ່​ພຣະເຈົ້າຢາເວ​ກະທຳ​ຕໍ່ສູ້​ປະຊາຊົນ​ເອໂດມ ແລະ​ສິ່ງ​ທີ່​ພຣະອົງ​ຕັ້ງໃຈ​ກະທຳ​ຕໍ່​ຊາວ​ເຕມານ. ແມ່ນແຕ່​ລູກ​ຂອງ​ພວກເຂົາ​ກໍ​ຈະ​ຖືກ​ລາກ​ໄປ ແລະ​ທຸກຄົນ​ຈະ​ຢ້ານກົວ​ໃຫຍ່.

ເຢເຣມີຢາ 49:7

ຕໍ່ໄປນີ້​ແມ່ນ​ສິ່ງ​ທີ່​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ໄດ້​ກ່າວ​ເຖິງ​ເອໂດມ​ວ່າ, “ປະຊາຊົນ​ເມືອງ​ເຕມານ​ໝົດ​ປັນຍາ​ແລ້ວ​ບໍ? ບັນດາ​ທີ່ປຶກສາ​ຂອງ​ພວກເຂົາ​ບໍ່ໄດ້​ບອກ​ວ່າ ຄວນ​ເຮັດ​ຢ່າງໃດ​ບໍ? ສະຕິປັນຍາ​ຂອງ​ພວກເຂົາ​ໄປ​ໃສ​ໝົດແລ້ວ?

ເຢເຣມີຢາ 49:8

ປະຊາຊົນ​ເດດານ ຈົ່ງ​ອ່ວາຍໜ້າ​ແລ່ນ​ໜີໄປ​ສາ ຈົ່ງ​ລີ້ແມ ເຮົາ​ກຳລັງ​ຈະ​ທຳລາຍ​ເຊື້ອສາຍ​ຂອງ​ເອຊາວ ເພາະ​ເຖິງ​ເວລາ​ແລ້ວ​ທີ່​ເຮົາ​ຈະ​ຕ້ອງ​ລົງໂທດ​ພວກເຂົາ.

ເຢເຣມີຢາ 5:17

ພວກເຂົາ​ຈະ​ກິນ​ຜົນລະປູກ ແລະ​ອາຫານ​ຂອງ​ພວກເຈົ້າ​ຈົນ​ໝົດກ້ຽງ; ພວກເຂົາ​ຈະ​ຂ້າ​ລູກ​ຊາຍ​ຍິງ​ທັງຫລາຍ​ຂອງ​ພວກເຈົ້າ. ພວກເຂົາ​ຈະ​ຂ້າ​ຝູງແກະ​ແລະ​ຝູງງົວ ທັງ​ຈະ​ທຳລາຍ​ຕົ້ນອະງຸ່ນ ແລະ​ກົກ​ໝາກເດື່ອເທດ​ຂອງ​ພວກເຈົ້າ​ດ້ວຍ. ເມືອງ​ທີ່​ມີ​ປ້ອມ​ປ້ອງກັນ​ຊຶ່ງ​ພວກເຈົ້າ​ໄວ້ວາງໃຈ​ນັ້ນ ກໍ​ຈະ​ຖືກ​ທຳລາຍ​ໂດຍ​ກອງທັບ​ຂອງ​ພວກເຂົາ.”

ເພງ^ຄໍ່າຄວນ 3:37

ບໍ່ມີ​ຜູ້ໃດ​ເຮັດ​ສິ່ງໜຶ່ງ​ສິ່ງໃດ​ໄດ້​ເລີຍ ຖ້າ​ອົງພຣະ​ຜູ້​ເປັນເຈົ້າ​ເອງ​ບໍ່​ປະສົງ​ໃຫ້​ເຮັດ.

ເອເຊກຽນ 11:10

ແລະ​ພວກເຈົ້າ​ກໍ​ຈະ​ຖືກ​ຂ້າ​ໃນ​ສົງຄາມ​ທີ່​ປະເທດ​ຂອງ​ພວກເຈົ້າ​ເອງ. ແລ້ວ​ທຸກຄົນ​ກໍ​ຈະ​ໄດ້​ຮູ້ວ່າ​ເຮົາ​ແມ່ນ​ພຣະເຈົ້າຢາເວ.

ເອເຊກຽນ 25:13

ບັດນີ້ ອົງພຣະ​ຜູ້​ເປັນເຈົ້າ ພຣະເຈົ້າ​ປະກາດ​ວ່າ ເຮົາ​ຈະ​ລົງໂທດ​ເອໂດມ ແລະ​ຂ້າ​ທຸກຄົນ​ແລະ​ສັດ​ທຸກ​ໂຕ​ຢູ່​ໃນ​ທີ່ນັ້ນ. ຕັ້ງແຕ່​ເມືອງ​ເຕມານ ຫາ​ເມືອງ​ເດດານ ເຮົາ​ຈະ​ເຮັດ​ໃຫ້​ເປັນ​ບ່ອນ​ຮົກຮ້າງ​ຫວ່າງເປົ່າ ແລະ​ປະຊາຊົນ​ກໍ​ຈະ​ຖືກ​ຂ້າ​ໃນ​ສະໜາມຮົບ.

ເອເຊກຽນ 25:14

ຊາດ​ອິດສະຣາເອນ​ປະຊາຊົນ​ຂອງເຮົາ ຈະ​ແກ້ແຄ້ນ​ດິນແດນ​ເອໂດມ​ໃຫ້​ເຮົາ; ແລະ​ພວກເຂົາ​ຈະ​ເຮັດ​ໃຫ້​ເອໂດມ​ໄດ້​ຊີມ​ຣິດ​ແຫ່ງ​ຄວາມ​ໂກດຮ້າຍ​ອັນ​ຫ້ຽມໂຫດ​ຂອງເຮົາ. ເອໂດມ​ຈະ​ຮູ້ວ່າ​ການ​ຕົກ​ເປັນ​ເປົ້າ​ແຫ່ງ​ການ​ແກ້ແຄ້ນ​ຂອງເຮົາ​ນັ້ນ ໝາຍຄວາມວ່າ​ຢ່າງໃດ.” ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.

ເອເຊກຽນ 26:14

ເຮົາ​ຈະ​ປະ​ໄວ້​ແຕ່​ດານຫີນ​ທີ່​ຊາວ​ຫາປາ​ໃຊ້​ຕາກ​ມອງ​ຂອງ​ພວກເຂົາ. ເມືອງ​ຕີເຣ​ນີ້​ຈະ​ບໍ່ໄດ້​ຖືກ​ສ້າງ​ຂຶ້ນ​ອີກ​ຈັກເທື່ອ. ເຮົາ​ຄື​ພຣະເຈົ້າຢາເວ​ໄດ້​ບອກ​ໄວ້​ແລ້ວ.” ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.

ເອເຊກຽນ 35:4

ເຮົາ​ຈະ​ປະປ່ອຍ​ໃຫ້​ເມືອງ​ຂອງ​ເຈົ້າ​ທັງຫລາຍ ກາຍເປັນ​ດິນແດນ​ທີ່​ເພພັງ​ແລະ​ຮ້າງເປົ່າ ແລະ​ດິນແດນ​ຂອງເຈົ້າ​ຈະ​ງຽບເຫງົາ​ເປົ່າປ່ຽວ ແລ້ວ​ເຈົ້າ​ກໍ​ຈະ​ຮູ້ວ່າ​ເຮົາ​ແມ່ນ​ພຣະເຈົ້າຢາເວ.

ເອເຊກຽນ 35:9

ເຮົາ​ຈະ​ປະ​ໃຫ້​ເຈົ້າ​ເປົ່າປ່ຽວ​ຕະຫລອດໄປ ແລະ​ຈະ​ບໍ່ມີ​ຜູ້ໃດ​ອາໄສ​ຢູ່​ໃນ​ເມືອງ​ຕ່າງໆ​ຂອງ​ເຈົ້າ​ອີກ. ແລ້ວ​ພວກເຈົ້າ​ກໍ​ຈະ​ຮູ້ວ່າ​ເຮົາ​ແມ່ນ​ພຣະເຈົ້າຢາເວ.

ອາໂມດ 1:11

ພຣະເຈົ້າຢາເວ​ກ່າວ​ວ່າ, “ປະຊາຊົນ​ຊາວ​ເອໂດມ​ໄດ້​ເຮັດ​ບາບ​ຕື່ມ​ຂຶ້ນ​ຢູ່​ເລື້ອຍໆ; ດັ່ງນັ້ນ ເຮົາ​ຈຶ່ງ​ຈະ​ລົງໂທດ​ພວກເຂົາ​ຢ່າງ​ແນ່ນອນ. ພວກເຂົາ​ໄດ້​ຕາມລ່າ​ຊາວ​ອິດສະຣາເອນ ອ້າຍ​ເອື້ອຍ​ນ້ອງ​ຂອງ​ພວກຕົນ ໂດຍ​ບໍ່ມີ​ໃຈ​ເມດຕາ​ຕໍ່​ພວກເຂົາ​ເລີຍ. ຄວາມ​ໂກດຮ້າຍ​ຂອງ​ພວກເຂົາ​ບໍ່ມີ​ຂອບເຂດ​ຈຳກັດ ແລະ​ພວກເຂົາ​ບໍ່ເຄີຍ​ປະ​ຄວາມ​ໂກດຮ້າຍ​ນັ້ນ​ໃຫ້​ສູນສິ້ນ​ໄປ​ຈັກເທື່ອ.

ອາໂມດ 3:15

ເຮົາ​ຈະ​ທຳລາຍ​ຫໍພັກ​ໃນ​ລະດູໜາວ ແລະ​ຫໍພັກ​ໃນ​ລະດູຮ້ອນ. ຫໍ​ທີ່​ຕົບແຕ່ງ​ດ້ວຍ​ງາ​ຊ້າງ​ຈະ​ຮົກຮ້າງ​ເພພັງ; ຫໍໂຮງ​ທຸກ​ຫລັງ​ຈະ​ຖືກ​ທຳລາຍ.” ພຣະເຈົ້າຢາເວ​ກ່າວ​ດັ່ງນີ້ແຫຼະ.

ອາໂມດ 5:11

ພວກເຈົ້າ​ຂົ່ມເຫັງ​ຄົນ​ຍາກຈົນ ແລະ​ລັກ​ເອົາ​ເຂົ້າຂອງ​ຂອງ​ພວກເຂົາ. ເພາະສະນັ້ນ ພວກເຈົ້າ​ຈຶ່ງ​ຈະ​ບໍ່ໄດ້​ຢູ່​ໃນ​ເຮືອນ​ຫລັງ​ງາມໆ​ທີ່​ພວກເຈົ້າ​ສ້າງ​ຂຶ້ນ​ມາ​ດ້ວຍ​ຫີນ ຫລື​ຈະ​ບໍ່ໄດ້​ດື່ມ​ເຫຼົ້າ​ອະງຸ່ນ​ຈາກ​ສວນ​ອັນ​ສວຍງາມ​ທີ່​ພວກເຈົ້າ​ໄດ້​ເຮັດ​ໄວ້.

ອາໂມດ 6:11

ເມື່ອ​ພຣະເຈົ້າຢາເວ​ອອກ​ຄຳສັ່ງ​ແລ້ວ ເຮືອນ​ໃຫຍ່​ນ້ອຍ​ທັງຫລາຍ​ຈະ​ຖືກ​ເພພັງ​ລົງ​ເປັນ​ທ່ອນໆ.

ອາໂມດ 6:2

ຈົ່ງ​ໄປ​ເບິ່ງ​ສິ່ງ​ທີ່​ເກີດຂຶ້ນ​ຢູ່​ໃນ​ເມືອງ​ການເນ. ແລ້ວ​ຈົ່ງ​ໄປ​ທີ່​ເມືອງ​ໃຫຍ່​ຮາມັດ ແລະ​ລົງ​ໄປ​ທີ່​ເມືອງກາດ ເມືອງ​ຂອງ​ພວກ​ຟີລິດສະຕິນ. ເມືອງ​ເຫຼົ່ານີ້​ດີກວ່າ​ອານາຈັກ​ຢູດາຍ ແລະ​ອິດສະຣາເອນ​ຫລື? ແລະ​ເຂດແດນ​ຂອງ​ເມືອງ​ເຫຼົ່ານີ້​ໃຫຍ່ກວ່າ​ຂອງ​ພວກເຈົ້າ​ບໍ?

ໂອບາດີຢາ 1:1

ຕໍ່ໄປນີ້​ແມ່ນ​ຄຳທຳນວາຍ​ຂອງ​ໂອບາດີຢາ ຄື​ສິ່ງ​ທີ່​ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ເຖິງ​ຊົນຊາດ​ເອໂດມ. ແລະ​ສົ່ງ​ຜູ້ນຳຂ່າວ​ໄປ​ຍັງ​ຊົນຊາດ​ທັງຫລາຍ ພວກເຮົາ​ກໍ​ໄດ້​ຍິນ​ຖ້ອຍຄຳ​ຂອງ​ພຣະອົງ​ດັ່ງນີ້: ພວກເຂົາ​ກ່າວ​ແກ່​ກັນແລະກັນ​ວ່າ, “ຈົ່ງ​ຕຽມພ້ອມ ໃຫ້​ພວກເຮົາ​ໄປ​ເຮັດ​ເສິກ​ຕໍ່ສູ້​ເອໂດມ​ເທາະ.”

ໂອບາດີຢາ 1:10

ຍ້ອນ​ວ່າ​ພວກເຈົ້າ​ໄດ້​ລັກ​ແລະ​ສັງຫານ ອ້າຍ​ເອື້ອຍ​ນ້ອງ​ຂອງ​ຕົນເອງ ຄື​ເຊື້ອສາຍ​ຂອງ​ຢາໂຄບ. ພວກເຈົ້າ​ຈຶ່ງ​ຈະ​ຖືກ​ທຳລາຍ​ເຊັ່ນກັນ ຈະ​ຖືກ​ລົດກຽດ​ສັກສີ​ໃຫ້​ສູນສິ້ນ​ຕະຫລອດໄປ.

ມາລາກີ 1:3

ແລະ​ເຮົາ​ຊັງ​ເອຊາວ​ແລະ​ເຊື້ອສາຍ​ຂອງ​ລາວ. ເຮົາ​ໄດ້​ເຮັດ​ໃຫ້​ເຂດ​ເນີນພູ​ຂອງ​ເອຊາວ​ຖືກ​ທຳລາຍ​ລ້າງຜານ ແລະ​ປະ​ໃຫ້​ເປັນ​ຖິ່ນ​ອາໄສ​ຂອງ​ສັດປ່າ.”

ມັດທາຍ 12:30

ຜູ້ໃດ​ບໍ່​ຢູ່​ຝ່າຍ​ເຮົາ ກໍ​ຕໍ່ສູ້​ເຮົາ ແລະ​ຜູ້ໃດ​ບໍ່​ຮ່ວມ​ເຂົ້າ​ກັນ​ກັບ​ເຮົາ ກໍ​ເປັນ​ຜູ້​ເຮັດ​ໃຫ້​ແຕກ​ກະ​ຈາຍ​ໄປ.