ລູກາ 8:43 - ພຣະຄຳພີສັກສິ

⁴³ ໃນ​ນັ້ນ ມີ​ຍິງ​ຄົນ​ໜຶ່ງ ທີ່​ເປັນ​ພະຍາດ​ເລືອດຕົກ ໄດ້​ສິບສອງ​ປີ​ແລ້ວ ນາງ​ໄດ້​ຈ່າຍ​ຊັບ​ທັງໝົດ​ທີ່​ຕົນ​ມີ​ໃຫ້​ພວກ​ໝໍ ແຕ່​ບໍ່ມີ​ໝໍ​ຄົນ​ໃດ​ສາມາດ​ຮັກສາ​ນາງ​ໃຫ້​ຫາຍ​ດີ​ໄດ້.

ພຣະຄຳພີລາວສະບັບສະໄໝໃໝ່

⁴³ ໃນ​ທີ່​ນັ້ນ ມີ​ຍິງ​ຄົນ​ໜຶ່ງ​ທີ່​ເປັນ​ພະຍາດ​ເລືອດຕົກ​ຊຳເຮື້ອ​ມາ​ໄດ້​ສິບສອງ​ປີ​ແລ້ວ ແຕ່​ບໍ່​ມີ​ຄົນໃດ​ສາມາດ​ຮັກສາ​ນາງ​ໃຫ້​ຫາຍດີ​ໄດ້.

ລູກາ 8:43 Jak'a apnaqawi uñst'ayäwi

2 ຂ່າວຄາວ 16:12

ໃນ​ຣາຊການ​ປີ​ທີ​ສາມສິບເກົ້າ​ທີ່​ອາສາ​ເປັນ​ກະສັດ, ເພິ່ນ​ໄດ້​ເປັນ​ລ່ອຍ​ເພາະ​ເກີດ​ພະຍາດ​ຢ່າງ​ຮ້າຍແຮງ​ທີ່​ຕີນ, ແຕ່ເຖິງປານນັ້ນ ເພິ່ນ​ບໍ່ໄດ້​ຫັນ​ມາ​ຫາ​ພຣະເຈົ້າຢາເວ, ແຕ່​ຫັນ​ໄປ​ຫາ​ໝໍ​ໃຫ້​ປິ່ນປົວ.

ພຣະທຳ​ໂຢບ 13:4

ພວກເຈົ້າ​ປິດບັງ​ຄວາມໂງ່​ໄວ້ ດ້ວຍ​ຄຳຕົວະ​ຫລາຍຢ່າງ; ພວກເຈົ້າ​ເປັນ​ດັ່ງ​ນາຍໝໍ ທີ່​ປົວ​ຜູ້ໃດ​ໃຫ້​ຫາຍດີ​ບໍ່ໄດ້.

ເພງ^ສັນລະເສີນ 108:12

ໂຜດ​ຊ່ວຍ​ຕໍ່ສູ້​ເຫຼົ່າ​ສັດຕູ​ແດ່ ມະນຸດ​ບໍ່​ສາມາດ​ຊ່ວຍ​ໄດ້​ເລີຍ.

ເອຊາຢາ 2:22

ຢ່າ​ເຊື່ອໝັ້ນ​ຕາຍໃຈ​ໃນ​ມະນຸດ​ທີ່​ຕາຍເປັນ. ພວກເຂົາ​ມີ​ຄ່າ​ຫຍັງ​ແດ່?

ມາຣະໂກ 12:44

ເພາະ​ຄົນອື່ນ​ນັ້ນ​ໄດ້​ເອົາ​ເງິນ​ທີ່​ເຂົາ​ເຫຼືອ​ໃຊ້​ມາ​ປ່ອນ​ລົງ, ແຕ່​ສ່ວນ​ຍິງ​ຜູ້​ນີ້​ຍາກຈົນ​ທີ່ສຸດ ກໍ​ຍັງ​ເອົາ​ເງິນ​ທີ່​ຕົນ​ມີ​ຢູ່​ສຳລັບ​ລ້ຽງ​ຊີວິດ​ຂອງຕົນ ມາ​ປ່ອນ​ລົງ​ຈົນ​ໝົດ ຄື​ນາງ​ໄດ້​ຖວາຍ​ທຸກສິ່ງ​ທີ່​ນາງ​ມີ​ສຳລັບ​ລ້ຽງຊີບ.”’

ມາຣະໂກ 9:18

ເມື່ອ​ມັນ​ເຂົ້າ​ສິງ​ລາວ​ເທື່ອໃດ ມັນ​ກໍ​ເຮັດ​ໃຫ້​ລາວ​ລົ້ມ​ຊັກດິ້ນ​ເທື່ອນັ້ນ ແລະ​ມີ​ນໍ້າລາຍ​ຟູມ​ປາກ​ທັງ​ຂົບ​ແຂ້ວ ແລະ​ຕົວ​ແຂງ​ໄປ​ໝົດ​ທັງ​ຮ່າງກາຍ ຂ້ານ້ອຍ​ຂໍ​ໃຫ້​ພວກ​ສາວົກ​ຂອງທ່ານ​ຂັບໄລ່​ຜີຮ້າຍ​ນັ້ນ​ອອກ ແຕ່​ພວກເພິ່ນ​ເຮັດ​ບໍ່ໄດ້.”

ລູກາ 13:11

ໃນ​ທີ່ນັ້ນ ມີ​ຍິງ​ຄົນ​ໜຶ່ງ​ທີ່​ຜີຊົ່ວຮ້າຍ​ເຂົ້າ​ສິງ ມັນ​ເຮັດ​ໃຫ້​ນາງ​ເຈັບໂຊ​ມາ​ໄດ້​ສິບແປດ​ປີ​ແລ້ວ ນາງ​ເປັນ​ຫລັງ​ກົ່ງ​ແລະ​ຢືນ​ຊື່​ບໍ່ໄດ້.

ລູກາ 13:16

ສ່ວນ​ຍິງ​ຄົນ​ນີ້ ກໍ​ເປັນ​ລູກຫລານ​ຂອງ​ອັບຣາຮາມ ທີ່​ມານຊາຕານ​ຜູກມັດ​ໄວ້​ເປັນ​ເວລາ​ສິບແປດ​ປີ​ແລ້ວ ບໍ່​ສົມຄວນ​ບໍ ທີ່​ຕ້ອງ​ແກ້​ນາງ​ໃຫ້​ຫລຸດ​ຈາກ​ເຄື່ອງ​ຜູກ​ມັດ​ນີ້ ໃນ​ວັນ​ຊະບາໂຕ?”

ລູກາ 8:27

ເມື່ອ​ພຣະເຢຊູເຈົ້າ​ກ້າວ​ຂຶ້ນ​ໄປ​ເທິງ​ບົກ ກໍ​ມີ​ຊາຍ​ຄົນ​ໜຶ່ງ​ຈາກ​ເມືອງ​ນີ້​ມາ​ພົບ​ພຣະອົງ ຊາຍ​ຄົນ​ນີ້​ມີ​ຜີມານຮ້າຍ​ຫລາຍ​ໂຕ​ສິງ​ຢູ່ ເປັນ​ເວລາ​ດົນນານ​ແລ້ວ​ທີ່​ລາວ​ບໍ່ໄດ້​ນຸ່ງ​ເຄື່ອງ ແລະ​ບໍ່ໄດ້​ຢູ່​ໃນ​ເຮືອນ ແຕ່​ອາໄສ​ຢູ່​ຕາມ​ອຸບມຸງ​ຝັງສົບ.

ລູກາ 8:42

ເພາະ​ລູກສາວ​ຄົນ​ດຽວ​ຂອງ​ລາວ​ອາຍຸ​ສິບສອງ​ປີ ປ່ວຍ​ໃກ້​ຈະ​ສິ້ນ​ໃຈ​ຕາຍ​ແລ້ວ, ຂະນະທີ່​ພຣະເຢຊູເຈົ້າ​ກຳລັງ​ໄປ​ນັ້ນ ກໍ​ມີ​ປະຊາຊົນ​ບຽດ​ພຣະອົງ​ໄປ​ຢ່າງ​ໜາແໜ້ນ.

ລູກາ 8:44

ນາງ​ຈຶ່ງ​ຫຍັບ​ເຂົ້າ​ມາ​ທາງ​ຫລັງ​ພຣະເຢຊູເຈົ້າ ແລະ​ບາຍ​ແຄມ​ເສື້ອຄຸມ​ຂອງ​ພຣະອົງ ແລະ​ພະຍາດ​ເລືອດ​ຕົກ​ນັ້ນ​ກໍ​ຢຸດ​ທັນທີ.

ໂຢຮັນ 9:1

ເມື່ອ​ພຣະເຢຊູເຈົ້າ​ກຳລັງ​ຍ່າງ​ອອກ​ໄປ​ນັ້ນ ພຣະອົງ​ເຫັນ​ຊາຍ​ຄົນ​ໜຶ່ງ​ຕາບອດ​ມາ​ແຕ່​ເກີດ.

ໂຢຮັນ 9:21

ບັດນີ້ ພວກ​ຂ້ານ້ອຍ​ບໍ່​ຮູ້​ວ່າ ລາວ​ເຫັນຮຸ່ງ​ໄດ້​ຢ່າງ​ໃດ ແລະ​ບໍ່​ຮູ້​ວ່າ​ແມ່ນ​ຜູ້ໃດ​ປິ່ນປົວ​ຕາ​ຂອງ​ລາວ​ໃຫ້​ຫາຍ​ດີ ໃຫ້​ພວກທ່ານ​ຖາມ​ລາວ​ເອງ ເພາະ​ລາວ​ພົ້ນ​ກະສຽນ​ອາຍຸ​ແລ້ວ ແລະ​ຄົງ​ເວົ້າ​ເລື່ອງ​ຂອງ​ຕົນເອງ​ໄດ້.”

ກິດຈະການ 3:2

ທາງ​ເຂົ້າ​ພຣະວິຫານ​ມີ​ຊື່​ວ່າ​ປະຕູ​ງາມ ມີ​ຊາຍ​ຜູ້ໜຶ່ງ​ເປັນ​ຄົນເປ້ຍ​ມາ​ແຕ່​ເກີດ, ແຕ່ລະ​ວັນ ລາວ​ໄດ້​ຖືກ​ຫາມ​ມາ​ວາງ​ໄວ້​ທີ່​ນັ້ນ ເພື່ອ​ຂໍທານ​ນຳ​ຄົນ​ທີ່​ເຂົ້າ​ໄປ​ໃນ​ພຣະວິຫານ.

ກິດຈະການ 4:22

ຊາຍ​ຜູ້​ທີ່​ຖືກ​ຮັກສາ​ໃຫ້​ຫາຍ​ດີ​ຍ້ອນ​ການ​ອັດສະຈັນ​ນີ້ ມີ​ອາຍຸ​ເກີນ​ກວ່າ​ສີ່ສິບ​ປີ​ແລ້ວ.