ລູກາ 5:10 - ພຣະຄຳພີສັກສິ

¹⁰ ຢາໂກໂບ ແລະ ໂຢຮັນ​ລູກຊາຍ​ຂອງ​ເຊເບດາຍ ຜູ້​ຮ່ວມ​ງານ​ຂອງ​ຊີໂມນ ກໍ​ປະຫລາດ​ໃຈ​ເໝືອນກັນ ແລ້ວ​ພຣະເຢຊູເຈົ້າ​ກໍ​ກ່າວ​ແກ່​ຊີໂມນ​ວ່າ, “ຢ່າ​ສູ່​ຢ້ານ ຕັ້ງແຕ່​ນີ້​ໄປ ເຈົ້າ​ຈະ​ເປັນ​ຜູ້​ຫາ​ຄົນ.”

ພຣະຄຳພີລາວສະບັບສະໄໝໃໝ່

¹⁰ ຢາໂກໂບ ແລະ ໂຢຮັນ​ລູກຊາຍ​ຂອງ​ເຊເບດາຍ ຜູ້​ຮ່ວມງານ​ຂອງ​ຊີໂມນ​ກໍ​ປະຫລາດໃຈ​ເໝືອນກັນ. ແລ້ວ​ພຣະເຢຊູເຈົ້າ​ກໍ​ກ່າວ​ກັບ​ຊີໂມນ​ວ່າ, “ຢ່າ​ຢ້ານ​ເລີຍ, ຕັ້ງແຕ່​ນີ້​ໄປ​ພວກເຈົ້າ​ຈະ​ເປັນ​ຜູ້ຫາຄົນ”.

ລູກາ 5:10 Jak'a apnaqawi uñst'ayäwi

ມັດທາຍ 13:47

“ເຊັ່ນດຽວ​ກັນ ຣາຊອານາຈັກ​ສະຫວັນ​ປຽບ​ເໝືອນ​ກັບ​ມອງ ທີ່​ຖິ້ມ​ລົງ​ໃນ​ທະເລ​ຈັບ​ປາ​ທຸກ​ຊະນິດ.

ມັດທາຍ 14:27

ແຕ່​ພຣະເຢຊູເຈົ້າ​ກ່າວ​ໂດຍ​ທັນທີ “ຈົ່ງ​ດີ​ໃຈ​ເຖີດ ແມ່ນ​ເຮົາ​ເອງ​ຢ່າສູ່ຢ້ານ.”

ມັດທາຍ 20:20

ຕໍ່ມາ ເມຍ​ຂອງ​ເຊເບດາຍ​ກໍ​ມາ​ຫາ​ພຣະເຢຊູເຈົ້າ​ພ້ອມ​ກັບ​ລູກ​ທັງສອງ​ຂອງຕົນ, ພວກເພິ່ນ​ຂາບລົງ​ຕໍ່ໜ້າ​ພຣະອົງ ແລະ​ຂໍຮ້ອງ​ສິ່ງ​ໜຶ່ງ​ຈາກ​ພຣະອົງ.

ມັດທາຍ 4:19

ພຣະເຢຊູເຈົ້າ​ກ່າວ​ແກ່​ພວກເພິ່ນ​ວ່າ, “ຈົ່ງ​ຕາມ​ເຮົາ​ມາ ແລະ​ເຮົາ​ຈະ​ສອນ​ພວກເຈົ້າ​ໃຫ້​ເປັນ​ຜູ້​ຫາ​ຄົນ.”

ມັດທາຍ 4:21

ພຣະເຢຊູເຈົ້າ​ໄດ້​ຍ່າງ​ຕໍ່ໄປ ແລະ​ເຫັນ​ສອງ​ອ້າຍ​ນ້ອງ​ຄື ຢາໂກໂບ​ກັບ​ໂຢຮັນ ລູກຊາຍ​ຂອງ​ເຊເບດາຍ ກຳລັງ​ຝູງ​ມອງ​ຊ່ວຍ​ພໍ່​ຂອງຕົນ​ຢູ່​ໃນ​ເຮືອ. ພຣະເຢຊູເຈົ້າ​ຈຶ່ງ​ເອີ້ນ​ເອົາ​ພວກເພິ່ນ,

ມາຣະໂກ 1:17

ພຣະເຢຊູເຈົ້າ​ຊົງ​ກ່າວ​ແກ່​ພວກເພິ່ນ​ວ່າ, “ຈົ່ງ​ຕາມ​ເຮົາ​ມາ ແລະ​ເຮົາ​ຈະ​ບັນດານ​ພວກເຈົ້າ​ໃຫ້​ເປັນ​ຜູ້​ຫາ​ຄົນ​ແທນ​ຫາ​ປາ.”

ລູກາ 5:7

ພວກເພິ່ນ​ກວັກ​ມື​ເອົາ​ໝູ່ ທີ່​ຢູ່​ເຮືອ​ລຳ​ອື່ນ​ໃຫ້​ມາ​ຊ່ວຍ ພວກເຂົາ​ຈຶ່ງ​ມາ​ຊ່ວຍ ແລະ​ໄດ້​ປາ​ເຕັມ​ເຮືອ​ທັງສອງ​ລຳ ຈົນ​ເຮືອ​ແຊມ​ເກືອບ​ຫລົ້ມ.

ລູກາ 5:9

ເປໂຕ​ກັບ​ໝູ່​ເພື່ອນ​ຄົນອື່ນໆ​ຂອງ​ເພິ່ນ ທີ່​ຢູ່​ນຳ​ກັນ​ໄດ້​ງຶດ​ປະຫລາດ​ໃຈ ທີ່​ພວກເພິ່ນ​ຈັບ​ປາ​ໄດ້​ຢ່າງ​ຫລວງຫລາຍ​ເຊັ່ນ​ນີ້.

ລູກາ 6:14

ຄື​ຊີໂມນ (ທີ່​ພຣະອົງ​ຕັ້ງ​ຊື່​ໃຫ້​ວ່າ, “ເປໂຕ”) ແລະ ອັນເດອາ​ນ້ອງຊາຍ​ຂອງຕົນ, ຢາໂກໂບ ແລະ ໂຢຮັນ, ຟີລິບ ແລະ ບາຣະໂທໂລມາຍ,

ໂຢຮັນ 21:2

ຊີໂມນ​ເປໂຕ, ໂທມາ​ທີ່​ເອີ້ນ​ວ່າ​ຝາແຝດ, ນະທານາເອັນ​ໄທ​ບ້ານ​ການາ ແຂວງ​ຄາລີເລ, ລູກຊາຍ​ທັງສອງ​ຂອງ​ເຊເບດາຍ ແລະ​ສາວົກ​ຂອງ​ພຣະອົງ​ອີກ​ສອງ​ຄົນ​ກໍ​ຢູ່​ພ້ອມ​ໜ້າ​ກັນ.

ກິດຈະການ 2:4

ທຸກຄົນ​ໃນ​ທີ່ນັ້ນ ຈຶ່ງ​ເຕັມ​ໄປ​ດ້ວຍ​ພຣະວິນຍານ​ບໍຣິສຸດເຈົ້າ ແລະ​ເລີ່ມ​ປາກ​ພາສາ​ຕ່າງໆ ຕາມ​ທີ່​ພຣະວິນຍານ​ຊົງ​ໂຜດ​ໃຫ້​ພວກເພິ່ນ​ເວົ້າ.

2 ໂກຣິນໂທ 8:23

ສ່ວນ​ຕີໂຕ​ນັ້ນ ເປັນ​ຜູ້​ເຂົ້າ​ສ່ວນ​ກັບ​ເຮົາ ແລະ​ເປັນ​ຜູ້​ຮ່ວມງານ​ໃນ​ການ​ຮັບໃຊ້​ເຈົ້າ​ທັງຫລາຍ ສ່ວນ​ພວກ​ພີ່ນ້ອງ​ຂອງເຮົາ​ນັ້ນ ກໍ​ເປັນ​ທູດ​ຮັບໃຊ້​ຂອງ​ຄຣິສຕະຈັກ​ທັງຫລາຍ ແລະ​ເປັນ​ພຣະ​ກຽດຕິຍົດ​ຂອງ​ພຣະຄຣິດ.

2 ຕີໂມທຽວ 2:26

ແລະ​ໃຫ້​ພວກເຂົາ​ຮູ້ສຶກ​ຕື່ນຕົວ ຈຶ່ງ​ຫລຸດພົ້ນ​ຈາກ​ບ່ວງແຮ້ວ​ຂອງ​ມານຮ້າຍ ຜູ້​ຊຶ່ງ​ຈັບ​ພວກເຂົາ​ໄວ້​ໃຫ້​ເຮັດ​ຕາມ​ຄວາມປະສົງ​ຂອງ​ມັນ.