ລູກາ 4:7 - ພຣະຄຳພີສັກສິ

⁷ ດັ່ງນັ້ນ ສິ່ງ​ທັງໝົດ​ເຫຼົ່ານີ້ ຈະ​ເປັນ​ຂອງທ່ານ ຖ້າ​ທ່ານ​ນະມັດສະການ​ເຮົາ.”

ພຣະຄຳພີລາວສະບັບສະໄໝໃໝ່

⁷ ດັ່ງນັ້ນ ຖ້າ​ທ່ານ​ນະມັດສະການ​ເຮົາ ສິ່ງ​ທັງໝົດ​ນີ້​ຈະ​ເປັນ​ຂອງ​ທ່ານ”.

ລູກາ 4:7 Jak'a apnaqawi uñst'ayäwi

ເພງ^ສັນລະເສີນ 72:11

ກະສັດ​ທຸກຄົນ​ຈະ​ກົ້ມ​ຂາບລົງ​ຕໍ່ໜ້າ​ເພິ່ນ ບັນດາ​ຊົນຊາດ​ທັງໝົດ​ຈະ​ຮັບໃຊ້​ເພິ່ນ.

ເອຊາຢາ 45:14

ພຣະເຈົ້າຢາເວ​ກ່າວ​ວ່າ, “ສົມບັດ​ຂອງ​ປະເທດ​ເອຢິບ​ກັບ​ປະເທດ​ເອທີໂອເປຍ​ຈະ​ເປັນ​ຂອງ​ເຈົ້າ ຄົນ​ໃຫຍ່​ສູງ​ແຫ່ງ​ເສບາ​ກໍ​ຈະ​ເປັນ​ທາດຮັບໃຊ້​ເຈົ້າ​ຄືກັນ ພວກເຂົາ​ຈະ​ຍ່າງ​ຕາມ​ເຈົ້າ​ໄປ​ໂດຍ​ຖືກ​ລ່າມໂສ້​ພ້ອມ. ພວກເຂົາ​ຈະ​ກົ້ມຂາບ​ເຈົ້າ ແລະ​ທັງ​ສາລະພາບ​ວ່າ ‘ພຣະເຈົ້າ​ຢູ່​ນຳ​ເຈົ້າ ເປັນ​ພຣະເຈົ້າ​ແຕ່​ອົງດຽວ.

ເອຊາຢາ 46:6

ປະຊາຊົນ​ໄຂ​ກະເປົາ ແລະ​ຖອກ​ຄຳ​ອອກ​ມາ ຊັ່ງ​ເບິ່ງ​ນໍ້າໜັກ​ເງິນ​ໃສ່​ຊິງ​ທີ່​ພວກເຂົາ​ມີ​ນັ້ນ. ພວກເຂົາ​ຈ້າງ​ຊ່າງ​ຫລອມ​ຄຳ​ໃຫ້​ເຮັດ​ເປັນ​ຮູບພະ ແລ້ວ​ກໍ​ຂາບໄຫວ້​ຮູບພະ​ທີ່​ໄດ້​ສ້າງ​ຂຶ້ນ​ມາ.

ມັດທາຍ 2:11

ເມື່ອ​ພວກເຂົາ​ເຂົ້າ​ໄປ​ໃນ​ເຮືອນ​ແລ້ວ ກໍໄດ້​ເຫັນ​ກຸມມານ ແລະ ມາຣີ​ແມ່​ຂອງ​ເພິ່ນ, ແລ້ວ​ພວກເຂົາ​ຈຶ່ງ​ກົ້ມ​ລົງ​ຂາບໄຫວ້​ນະມັດສະການ​ກຸມມານ​ນັ້ນ ແລ້ວ​ກໍ​ໄຂ​ຫີບ​ເອົາ​ຊັບ​ຂອງ​ພວກເຂົາ​ອອກ​ມາ​ຖວາຍ​ແກ່​ກຸມມານ​ມີ​ດັ່ງນີ້: ຄຳ, ກຳຍານ ແລະ ຢາງ​ໄມ້​ຫອມ.

ລູກາ 17:16

ລາວ​ກົ້ມ​ຂາບລົງ​ທີ່​ຕີນ​ຂອງ​ພຣະເຢຊູເຈົ້າ ແລະ​ໂມທະນາ​ຂອບພຣະຄຸນ​ພຣະອົງ ຊາຍ​ຄົນ​ນີ້​ເປັນ​ໄທ​ຊາມາເຣຍ.

ລູກາ 4:6

ມານຮ້າຍ​ໄດ້​ບອກ​ພຣະອົງ​ວ່າ, “ເຮົາ​ຈະ​ໃຫ້​ອຳນາດ​ທັງໝົດ​ນີ້ ກັບ​ສະຫງ່າຣາສີ​ແຫ່ງ​ແຜ່ນດິນ​ທັງໝົດ​ແກ່​ທ່ານ. ເພາະ​ສິ່ງ​ທັງໝົດ​ເຫຼົ່ານັ້ນ​ຖືກ​ມອບ​ໃຫ້​ແກ່​ເຮົາ​ແລ້ວ ແລະ​ເຮົາ​ຢາກ​ມອບ​ໃຫ້​ແກ່​ຜູ້ໃດ​ກໍໄດ້ ຕາມ​ທີ່​ເຮົາ​ຕ້ອງການ.

ລູກາ 4:8

ພຣະເຢຊູເຈົ້າ​ຕອບ​ມັນ​ວ່າ, “ມີ​ຄຳ​ຂຽນ​ໄວ້​ໃນ​ພຣະຄຳພີ​ວ່າ, ‘ຈົ່ງ​ນະມັດສະການ​ອົງພຣະ​ຜູ້​ເປັນເຈົ້າ ພຣະເຈົ້າ​ຂອງ​ເຈົ້າ ແລະ​ບົວລະບັດ​ຮັບໃຊ້​ແຕ່​ພຣະອົງ​ເທົ່ານັ້ນ.”’

ລູກາ 8:28

ເມື່ອ​ຄົນ​ນີ້​ເຫັນ​ພຣະເຢຊູເຈົ້າ ລາວ​ກໍ​ຮ້ອງ​ຂຶ້ນ​ທັງ​ຂາບລົງ​ຕໍ່ໜ້າ​ພຣະອົງ ແລະ​ເວົ້າ​ຂຶ້ນ​ດ້ວຍ​ສຸດສຽງ​ວ່າ, “ເຢຊູ ບຸດ​ຂອງ​ພຣະເຈົ້າ​ອົງ​ສູງສຸດ​ເອີຍ ທ່ານ​ຕ້ອງການ​ຫຍັງ​ຈາກ​ພວກເຮົາ? ພວກເຮົາ​ຂໍຮ້ອງ​ທ່ານ​ຢ່າ​ທໍລະມານ​ພວກເຮົາ​ເລີຍ.”

ພຣະນິມິດ 22:8

ຂ້າພະເຈົ້າ ຄື​ໂຢຮັນ ເປັນ​ຜູ້​ທີ່​ໄດ້ຍິນ​ແລະ​ໄດ້​ເຫັນ​ເຫດການ​ທັງໝົດ​ນີ້. ເມື່ອ​ຂ້າພະເຈົ້າ​ໄດ້ຍິນ​ແລະ​ໄດ້​ເຫັນ​ແລ້ວ ກໍ​ນ້ອມຕົວ​ລົງ​ຈະ​ນະມັດສະການ​ໃກ້​ຕີນ​ຂອງ​ເທວະດາ ຕົນ​ທີ່​ໄດ້​ສຳແດງ​ເຫດການ​ທັງໝົດ​ນີ້​ໃຫ້​ແກ່​ຂ້າພະເຈົ້າ.

ພຣະນິມິດ 4:10

ເມື່ອນັ້ນ ບັນດາ​ຜູ້​ອາວຸໂສ​ຊາວສີ່​ທ່ານ ກໍ​ຂາບລົງ​ຖວາຍ​ບັງຄົມ​ພຣະອົງ ຜູ້​ປະທັບ​ເທິງ​ຣາຊບັນລັງ​ນັ້ນ ນະມັດສະການ​ພຣະອົງ ຜູ້​ຊົງພຣະຊົນ​ຢູ່​ຕະຫລອດ​ຊົ່ວ​ນິຣັນດອນ ແລ້ວ​ຖອດ​ມົງກຸດ​ອອກ​ວາງ​ລົງ​ຕໍ່ໜ້າ​ຣາຊບັນລັງ​ຮ້ອງ​ວ່າ,

ພຣະນິມິດ 5:8

ເມື່ອ​ຮັບ​ເອົາ​ໜັງສື​ມ້ວນ​ນັ້ນ​ແລ້ວ ສິ່ງທີ່ມີ​ຊີວິດ​ທັງ​ສີ່​ພ້ອມ​ກັບ​ພວກ​ຜູ້​ອາວຸໂສ​ຊາວສີ່​ທ່ານ ກໍ​ກົ້ມ​ຂາບລົງ​ແທບ​ຕີນ​ພຣະ​ເມສານ້ອຍ​ນັ້ນ ແຕ່ລະຄົນ​ຖື​ພິນ​ແລະ​ຂັນ​ຄຳ​ທີ່​ເຕັມ​ດ້ວຍ​ເຄື່ອງຫອມ ຊຶ່ງ​ເປັນ​ຄຳ​ພາວັນນາ​ອະທິຖານ​ແຫ່ງ​ໄພ່ພົນ​ທັງປວງ​ຂອງ​ພຣະເຈົ້າ.