ລູກາ 23:16 - ພຣະຄຳພີສັກສິ

¹⁶ ດັ່ງນັ້ນ ເຮົາ​ຈຶ່ງ​ສັ່ງ​ໃຫ້​ຂ້ຽນ​ລາວ​ແລ້ວ​ປ່ອຍ​ລາວ​ໄປ.” [

ພຣະຄຳພີລາວສະບັບສະໄໝໃໝ່

¹⁶ ເຫດສະນັ້ນ, ເຮົາ​ຈະ​ລົງໂທດ​ລາວ ແລະ ປ່ອຍ​ລາວ​ໄປ”.

ລູກາ 23:16 Jak'a apnaqawi uñst'ayäwi

ເອຊາຢາ 53:5

ແຕ່​ຍ້ອນ​ການບາບ​ຂອງ​ພວກເຮົາ​ນັ້ນ​ທ່ານ​ຈຶ່ງ​ໄດ້​ຮັບ​ບາດເຈັບ ຖືກ​ຂ້ຽນ​ຖືກ​ຕີ​ຍ້ອນ​ການ​ຊົ່ວຮ້າຍ​ຂອງ​ພວກເຮົາ. ພວກເຮົາ​ໄດ້​ຮັບ​ການ​ປິ່ນປົວ​ໃຫ້​ດີ ຍ້ອນ​ໂທດກຳ​ທີ່​ທ່ານ​ຮັບ ດີ​ປົກກະຕິ​ຍ້ອນ​ການ​ຕົບຕີ​ທີ່​ທ່ານ​ຮັບ​ເອົາ.

ມັດທາຍ 27:26

ແລ້ວ​ປີລາດ​ກໍ​ປ່ອຍ​ບາຣາບາ​ໃຫ້​ພວກເຂົາ ແລະ​ເມື່ອ​ໃຫ້​ພວກເຂົາ​ຂ້ຽນ​ພຣະເຢຊູເຈົ້າ​ແລ້ວ ເພິ່ນ​ໄດ້​ມອບ​ພຣະອົງ​ໃຫ້​ຄຶງ​ໄວ້​ທີ່​ໄມ້ກາງແຂນ.

ມາຣະໂກ 15:15

ປີລາດ​ຕ້ອງການ​ເອົາໃຈ​ປະຊາຊົນ ເພິ່ນ​ຈຶ່ງ​ປ່ອຍ​ບາຣາບາ​ໃຫ້​ພວກເຂົາ. ເມື່ອ​ເພິ່ນ​ໄດ້​ສັ່ງ​ໃຫ້​ເຂົາ​ຂ້ຽນ​ພຣະເຢຊູເຈົ້າ​ແລ້ວ ກໍ​ມອບ​ພຣະອົງ​ໃຫ້​ຖືກ​ຄຶງ​ໄວ້​ທີ່​ໄມ້ກາງແຂນ.

ລູກາ 23:17

ດ້ວຍວ່າ, ໃນ​ງານ​ເທດສະການ​ນັ້ນ ເພິ່ນ​ຕ້ອງ​ປ່ອຍ​ຄົນ​ໜຶ່ງ​ໃຫ້​ພວກເຂົາ.]

ລູກາ 23:22

ປີລາດ​ເວົ້າ​ກັບ​ປະຊາຊົນ​ເປັນ​ເທື່ອ​ທີ​ສາມ​ວ່າ, “ເປັນຫຍັງ​ຈຶ່ງ​ຄຶງ ຜູ້​ນີ້​ໄດ້​ເຮັດ​ຜິດ​ຫຍັງ? ເຮົາ​ບໍ່​ພົບ​ລາວ​ເຮັດ​ຜິດ​ຫຍັງ​ທີ່​ສົມຄວນ​ຕ້ອງ​ຕາຍ ສະນັ້ນ ເມື່ອ​ເຮົາ​ສັ່ງ​ໃຫ້​ຂ້ຽນ​ແລ້ວ ກໍ​ຈະ​ປ່ອຍ​ລາວ​ໄປ.”

ລູກາ 6:37

“ຢ່າ​ຕັດສິນ​ຄົນອື່ນ ແລະ​ພຣະເຈົ້າ​ຈະ​ບໍ່​ຕັດສິນ​ພວກເຈົ້າ ຢ່າ​ກ່າວໂທດ​ຄົນອື່ນ​ເພື່ອ​ພຣະເຈົ້າ​ຈະ​ບໍ່​ກ່າວໂທດ​ພວກເຈົ້າ ຈົ່ງ​ຍົກໂທດ​ໃຫ້​ຄົນອື່ນ​ເພື່ອ​ພຣະເຈົ້າ​ຈະ​ຍົກໂທດ​ໃຫ້​ພວກເຈົ້າ.

ກິດຈະການ 16:37

ແຕ່​ໂປໂລ​ກ່າວ​ຕໍ່​ພວກ​ເຈົ້າໜ້າທີ່​ວ່າ, “ພວກເຂົາ​ໄດ້​ຂ້ຽນ​ເຮົາ​ຜູ້​ເປັນ​ສັນຊາດ​ໂຣມ ຕໍ່ໜ້າ​ມະຫາຊົນ ກ່ອນ​ຈະ​ຕັດສິນ​ຄວາມ ແລ້ວ​ພວກເຂົາ​ກໍ​ຈັບ​ພວກເຮົາ​ຂັງ​ໄວ້​ໃນ​ຄຸກ, ມາບັດນີ້ ພວກເຂົາ​ຢາກ​ສົ່ງ​ພວກເຮົາ​ໃຫ້​ໜີໄປ​ຢ່າງ​ປິດ​ລັບ​ຊັ້ນບໍ? ເຮັດ​ຢ່າງ​ນີ້​ບໍ່ໄດ້ ພວກ​ຜູ້ປົກຄອງ​ຕ້ອງ​ມາ​ທີ່​ນີ້ ແລະ​ໃຫ້​ພວກເຂົາ​ເອງ​ພາ​ພວກເຮົາ​ອອກ​ໄປ.”