ລູກາ 22:12 - ພຣະຄຳພີສັກສິ

¹² ເຈົ້າຂອງ​ເຮືອນ​ຈະ​ຊີ້​ໃຫ້​ພວກເຈົ້າ​ເຫັນ​ຫ້ອງ​ໂຖງ​ຊັ້ນ​ເທິງ ທີ່​ຕົບແຕ່ງ​ໄວ້​ຮຽບຮ້ອຍ​ແລ້ວ ບ່ອນ​ນັ້ນ​ແຫຼະ ທີ່​ພວກເຈົ້າ​ຈະ​ຈັດຕຽມ​ທຸກສິ່ງ​ໄວ້​ສຳລັບ​ພວກເຮົາ.”

ພຣະຄຳພີລາວສະບັບສະໄໝໃໝ່

¹² ເຈົ້າຂອງ​ເຮືອນ​ຈະ​ໃຫ້​ພວກເຈົ້າ​ເຫັນ​ຫ້ອງ​ໃຫຍ່​ຊັ້ນເທິງ, ເຊິ່ງ​ຕົບແຕ່ງ​ຕຽມ​ໄວ້​ຮຽບຮ້ອຍ​ແລ້ວ. ຈົ່ງ​ຈັດຕຽມ​ປັດສະຄາ​ຢູ່​ບ່ອນ​ນັ້ນ”.

ລູກາ 22:12 Jak'a apnaqawi uñst'ayäwi

ລູກາ 22:11

ແລະ ເວົ້າ​ກັບ​ເຈົ້າ​ຂອງ​ເຮືອນ​ວ່າ, ‘ອາຈານ​ໃຫ້​ຖາມ​ທ່ານ​ວ່າ ຫ້ອງ​ທີ່​ເພິ່ນ​ກັບ​ພວກ​ສາວົກ​ຈະ​ກິນ​ອາຫານ​ປັດສະຄາ​ຢູ່​ໃສ?’

ລູກາ 22:13

ດັ່ງນັ້ນ ທ່ານ​ທັງສອງ​ຈຶ່ງ​ໄປ ແລະ​ພົບ​ທຸກສິ່ງ​ຕາມ​ທີ່​ພຣະອົງ​ຊົງ​ບອກ​ແລ້ວ​ນັ້ນ ພວກເພິ່ນ​ກໍໄດ້​ຈັດຕຽມ​ປັດສະຄາ​ໄວ້.

ໂຢຮັນ 2:25

ພຣະອົງ​ບໍ່​ຕ້ອງການ​ໃຫ້​ຜູ້ໃດ​ບອກ​ພຣະອົງ​ເຖິງ​ເລື່ອງ​ຂອງ​ມະນຸດ ເພາະ​ພຣະອົງ​ເອງ​ຮູ້​ດີ​ວ່າ ມີ​ຫຍັງ​ແດ່​ຢູ່​ໃນ​ໃຈ​ຂອງ​ມະນຸດ.

ໂຢຮັນ 21:17

ແລ້ວ​ພຣະອົງ​ກໍ​ກ່າວ​ແກ່​ເປໂຕ​ເປັນ​ຄັ້ງ​ທີ​ສາມ​ວ່າ, “ຊີໂມນ​ລູກ​ໂຢຮັນ​ເອີຍ ເຈົ້າ​ຮັກ​ເຮົາ​ບໍ?” ເປໂຕ​ທຸກໃຈ​ທີ່​ພຣະເຢຊູເຈົ້າ​ໄດ້​ຖາມ​ຕົນ​ເຖິງ​ສາມ​ເທື່ອ​ວ່າ, “ເຈົ້າ​ຮັກ​ເຮົາ​ບໍ?” ສະນັ້ນ ເປໂຕ​ຈຶ່ງ​ຕອບ​ພຣະອົງ​ວ່າ, “ຂ້າແດ່​ພຣະອົງເຈົ້າ ພຣະອົງ​ຮູ້ຈັກ​ທຸກໆ​ສິ່ງ ພຣະອົງ​ຮູ້ຈັກ​ວ່າ ຂ້ານ້ອຍ​ຮັກ​ພຣະອົງ.” ພຣະເຢຊູເຈົ້າ​ສັ່ງ​ເປໂຕ​ວ່າ, “ຈົ່ງ​ລ້ຽງ​ແກະ​ທັງຫລາຍ​ຂອງເຮົາ​ເດີ.

ກິດຈະການ 1:13

ເມື່ອ​ເຂົ້າ​ໄປ​ໃນ​ນະຄອນ​ແລ້ວ ພວກເພິ່ນ​ກໍ​ຂຶ້ນ​ໄປ​ທີ່​ຫ້ອງ​ຊັ້ນ​ເທິງ ບ່ອນ​ທີ່​ພວກເພິ່ນ​ເຄີຍ​ພັກ​ເຊົາ ໃນ​ພວກເພິ່ນ​ມີ ເປໂຕ, ໂຢຮັນ, ຢາໂກໂບ ແລະ ອັນເດອາ, ຟີລິບ​ກັບ​ໂທມາ, ບາຣະໂທໂລມາຍ ກັບ​ມັດທາຍ, ຢາໂກໂບ​ລູກຊາຍ​ຂອງ​ອາລະຟາຍ, ຊີໂມນ​ຜູ້ຮັກຊາດ ແລະ ຢູດາ ລູກຊາຍ​ຂອງ​ຢາໂກໂບ.

ກິດຈະການ 20:8

ໃນ​ຫ້ອງ​ຊັ້ນ​ເທິງ ເຮືອນ​ບ່ອນ​ທີ່​ພວກເຮົາ​ປະຊຸມ​ກັນ​ນັ້ນ ມີ​ໂຄມໄຟ​ຫລາຍ​ໜ່ວຍ.