ລູກາ 21:1 - ພຣະຄຳພີສັກສິ

¹ ເມື່ອ​ພຣະອົງ​ຊົງ​ເງີຍ​ໜ້າ​ຂຶ້ນ ກໍ​ໄດ້​ເຫັນ​ບັນດາ​ຄົນ​ຮັ່ງມີ ກຳລັງ​ປ່ອນ​ເງິນ​ລົງ​ໃນ​ຫີບຖວາຍ,

ພຣະຄຳພີລາວສະບັບສະໄໝໃໝ່

¹ ເມື່ອ​ພຣະເຢຊູເຈົ້າ​ເງີຍໜ້າ​ຂຶ້ນ, ພຣະອົງ​ເຫັນ​ພວກ​ຄົນຮັ່ງມີ​ກຳລັງ​ເອົາ​ເງິນ​ຖວາຍ​ປ່ອນ​ໃສ່​ໃນ​ຄັງ​ຂອງ​ວິຫານ.

ລູກາ 21:1 Jak'a apnaqawi uñst'ayäwi

1 ກະສັດ 14:26

ເພິ່ນ​ໄດ້​ເອົາ​ຊັບສົມບັດ​ທັງໝົດ​ຈາກ​ວິຫານ​ຂອງ​ພຣະເຈົ້າຢາເວ ແລະ​ຈາກ​ຣາຊວັງ​ໄປ ລວມທັງ​ໂລ້​ຄຳ​ທີ່​ກະສັດ​ໂຊໂລໂມນ​ໄດ້​ເຮັດ​ນັ້ນ.

2 ກະສັດ 12:9

ແລ້ວ​ປະໂຣຫິດ​ເຢໂຮຍອາດາ​ກໍ​ເອົາ​ຫີບ​ໜ່ວຍ​ໜຶ່ງ​ມາ​ເຈາະ​ຮູ​ໃສ່​ຝາ​ຫີບ ແລະ​ນຳ​ເອົາ​ໄປ​ວາງ​ໄວ້​ໃກ້​ກັບ​ແທ່ນບູຊາ​ຢູ່​ເບື້ອງຂວາ​ທາງ​ເຂົ້າ​ວິຫານ​ຂອງ​ພຣະເຈົ້າຢາເວ. ພວກ​ປະໂຣຫິດ​ຜູ້​ມີ​ໜ້າທີ່​ຢູ່​ທາງ​ເຂົ້າ​ນັ້ນ ໄດ້​ເອົາ​ເງິນ​ທັງໝົດ​ຂອງ​ພວກ​ທີ່​ນຳມາ​ວິຫານ​ຂອງ​ພຣະເຈົ້າຢາເວ​ໃສ່​ໄວ້​ໃນ​ຫີບ.

2 ກະສັດ 24:13

ແລະ​ທັງ​ໄດ້​ກວາດລ້າງ​ເອົາ​ຊັບສົມບັດ​ທັງໝົດ​ໃນ​ວິຫານ​ຂອງ​ພຣະເຈົ້າຢາເວ ແລະ​ໃນ​ຣາຊວັງ ໄປ​ທີ່​ນະຄອນ​ບາບີໂລນ ຕາມ​ທີ່​ພຣະເຈົ້າຢາເວ​ໄດ້​ກ່າວ​ໄວ້ ກະສັດ​ເນບູ​ກາດເນັດຊາ​ໄດ້​ທຸບ​ເອົາ​ເຄື່ອງໃຊ້​ທັງໝົດ​ທີ່​ເປັນ​ຄຳ ຊຶ່ງ​ກະສັດ​ໂຊໂລໂມນ​ໄດ້​ເຮັດ​ໄວ້​ໃນ​ພຣະວິຫານ​ຂອງ​ພຣະເຈົ້າຢາເວ.

2 ຂ່າວຄາວ 36:18

ກະສັດ​ແຫ່ງ​ບາບີໂລນ​ໄດ້​ປຸ້ນສະດົມ​ວິຫານ​ຂອງ​ພຣະເຈົ້າ, ຊັບສົມບັດ​ຂອງ​ວິຫານ​ຂອງ​ພຣະເຈົ້າຢາເວ ແລະ​ຊັບສົມບັດ​ຂອງ​ກະສັດ​ຕະຫລອດ​ທັງ​ຂອງ​ພວກ​ຂ້າຣາຊການ ແລະ​ນຳ​ເອົາ​ສິ່ງຂອງ​ທັງໝົດ​ໄປ​ທີ່​ນະຄອນ​ບາບີໂລນ.

ເນເຫມີຢາ 13:13

ຂ້າພະເຈົ້າ​ໄດ້​ແຕ່ງຕັ້ງ​ບຸກຄົນ​ດັ່ງ​ຕໍ່ໄປນີ້​ໃຫ້​ຮັບຜິດຊອບ​ຄັງ​ຂອງ​ພຣະວິຫານ: ປະໂຣຫິດ​ເຊເລມີຢາ; ຊາດົກ​ນັກຮຽນ​ຮູ້​ດ້ານ​ກົດບັນຍັດ ແລະ​ເປດາອີຢາ​ຄົນເລວີ. ຮານານ​ລູກຊາຍ​ຂອງ​ຊັກກູເຣ ແລະ​ຫລານຊາຍ​ຂອງ​ມັດຕານີຢາ ເປັນ​ຜູ້​ຊ່ວຍ​ຂອງ​ພວກເຂົາ. ຂ້າພະເຈົ້າ​ຮູ້ວ່າ ຄົນ​ເຫຼົ່ານີ້​ເປັນ​ທີ່​ໄວ້ວາງໃຈ​ໄດ້ ແລະ​ເປັນ​ຄົນ​ສັດຊື່​ໃນ​ການ​ແຈກ​ຢາຍ​ເຄື່ອງຂອງ​ໃຫ້​ແກ່​ພີ່ນ້ອງ​ທີ່​ເຮັດ​ວຽກ​ດ້ວຍກັນ.

ມັດທາຍ 27:6

ພວກ​ຫົວໜ້າ​ປະໂຣຫິດ​ຈັບ​ເອົາ​ເງິນ​ຫລຽນ​ຂຶ້ນ​ມາ ແລະ​ເວົ້າ​ວ່າ, “ນີ້​ແມ່ນ​ເງິນ​ເລືອດ ແລະ ເປັນ​ການ​ຜິດ​ກົດບັນຍັດ ທີ່​ພວກເຮົາ​ຈະ​ເອົາ​ໄປ​ໄວ້​ໃນ​ຄັງ​ຂອງ​ວິຫານ.”

ລູກາ 20:47

ນອກຈາກນີ້ ພວກເຂົາ​ຍັງ​ສໍ້ໂກງ​ເອົາ​ສິ່ງຂອງ ຂອງ​ພວກ​ແມ່ໝ້າຍ ແລະ​ເຮັດ​ທຳທ່າ​ພາວັນນາ​ອະທິຖານ​ຢ່າງ​ຍືດຍາວ ໂທດ​ຂອງ​ຄົນ​ເຫຼົ່ານີ້​ແມ່ນ​ໜັກ​ທີ່ສຸດ.”

ໂຢຮັນ 8:20

ພຣະເຢຊູເຈົ້າ​ໄດ້​ກ່າວ​ຄຳ​ເຫຼົ່ານີ້ ໃນ​ຂະນະທີ່​ພຣະອົງ​ສັ່ງສອນ​ໃນ​ພຣະວິຫານ ຢູ່​ຫ້ອງ​ບ່ອນ​ທີ່​ວາງ​ຫີບ​ຖວາຍ​ຊັບ, ແຕ່​ບໍ່ມີ​ຜູ້ໃດ​ຈັບ​ພຣະອົງ ເພາະ​ບໍ່​ເຖິງ​ກຳນົດ​ເວລາ​ຂອງ​ພຣະອົງ​ເທື່ອ.

ໂຢຊວຍ 6:19

ສ່ວນ​ເຄື່ອງ​ທຸກຢ່າງ​ທີ່​ເຮັດ​ດ້ວຍ​ເງິນ, ຄຳ, ທອງສຳຣິດ ຫລື​ເຫຼັກ ໃຫ້​ເປັນ​ບໍຣິສຸດ​ສຳລັບ​ພຣະເຈົ້າຢາເວ. ໃຫ້​ເກັບ​ສິ່ງ​ເຫຼົ່ານັ້ນ​ໄວ້​ໃນ​ຄັງ​ຂອງ​ພຣະເຈົ້າຢາເວ.”

ໂຢຊວຍ 6:24

ແລ້ວ​ພວກ​ອິດສະຣາເອນ​ກໍ​ຈູດ​ເຜົາ​ເມືອງ​ຖິ້ມ​ຈົນກ້ຽງ ຕະຫລອດ​ທຸກສິ່ງ​ໃນ​ເມືອງ​ນັ້ນ ເວັ້ນໄວ້ແຕ່​ເຄື່ອງໃຊ້​ທີ່​ເປັນ​ເງິນ, ຄຳ, ທອງສຳຣິດ ແລະ​ເຫຼັກ ທີ່​ພວກເຂົາ​ໄດ້​ຢຶດເອົາ ແລະ​ນຳ​ໄປ​ໄວ້​ໃນ​ວິຫານ​ຂອງ​ພຣະເຈົ້າຢາເວ.