ລູກາ 20:11 - ພຣະຄຳພີສັກສິ

¹¹ ດັ່ງນັ້ນ ເພິ່ນ​ຈຶ່ງ​ໃຊ້​ຄົນ​ຮັບໃຊ້​ຜູ້​ອື່ນ​ໄປ​ອີກ, ແຕ່​ພວກ​ຄົນ​ເຊົ່າສວນ​ໄດ້​ທຸບຕີ​ລາວ​ຄື​ກັນ​ທັງ​ໄດ້​ປ້ອຍດ່າ​ລາວ ແລະ​ທັງ​ຂັບໄລ່​ກັບຄືນ​ເມືອ​ມື​ເປົ່າ.

ພຣະຄຳພີລາວສະບັບສະໄໝໃໝ່

¹¹ ເພິ່ນ​ຈຶ່ງ​ສົ່ງ​ຜູ້ຮັບໃຊ້​ຄົນ​ອື່ນ​ໄປ​ອີກ, ພວກເຂົາ​ກໍ​ຂ້ຽນຕີ​ຜູ້ຮັບໃຊ້​ຄົນ​ນັ້ນ​ເຮັດ​ໃຫ້​ອັບອາຍ​ຂາຍ​ໜ້າ ແລະ ສົ່ງ​ລາວ​ກັບ​ໄປ​ມື​ເປົ່າ​ອີກ.

ລູກາ 20:11 Jak'a apnaqawi uñst'ayäwi

ໂຮເສອາ 10:1

ປະຊາຊົນ​ອິດສະຣາເອນ​ເປັນ​ດັ່ງ​ເຄືອ​ອະງຸ່ນ​ທີ່​ມີ​ໝາກ​ດົກ. ພວກເຂົາ​ຮັ່ງມີ​ຫລາຍ​ຂຶ້ນ​ເທົ່າໃດ ພວກເຂົາ​ກໍ​ກໍ່ສ້າງ​ແທ່ນບູຊາ​ຫລາຍ​ຂຶ້ນ​ເທົ່ານັ້ນ. ດິນແດນ​ຂອງ​ພວກເຂົາ​ຜະລິດ​ຜົນ​ດີ​ຂຶ້ນ​ເທົ່າໃດ ພວກເຂົາ​ກໍ​ກໍ່ສ້າງ​ເສົາ​ສັກສິດ​ສຳລັບ​ຂາບໄຫວ້​ໃຫ້​ງາມ​ຂຶ້ນ​ເທົ່ານັ້ນ.

ມາຣະໂກ 12:4

ແລ້ວ​ເຈົ້າ​ຂອງ​ສວນ​ກໍ​ໃຫ້​ຄົນ​ຮັບໃຊ້​ຄົນ​ໜຶ່ງ​ໄປ​ອີກ ພວກ​ຄົນ​ເຊົ່າ​ສວນ​ກໍ​ທຸບຕີ​ເຂົາ​ຈົນ​ຫົວ​ມີ​ບາດແຜ ແລະ​ປ້ອຍດ່າ​ດູຖູກ​ເຂົາ​ອີກ​ດ້ວຍ.

ລູກາ 20:10

ພໍ​ເຖິງ​ເວລາ​ເກັບ​ໝາກ​ອະງຸ່ນ​ມາ​ຮອດ ເຈົ້າຂອງ​ສວນ​ນັ້ນ​ກໍ​ໃຫ້​ຄົນ​ຮັບໃຊ້​ຜູ້ໜຶ່ງ​ໄປ​ຫາ​ພວກ​ເຊົ່າສວນ ເພື່ອ​ຮັບ​ເອົາ​ສ່ວນ​ແບ່ງ​ຜົນລະປູກ​ຂອງຕົນ​ຈາກ​ພວກເຂົາ, ແຕ່​ພວກ​ຄົນ​ເຊົ່າ​ສວນ​ໄດ້​ທຸບຕີ​ຄົນ​ຮັບໃຊ້​ຜູ້​ນັ້ນ ແລະ​ຂັບໄລ່​ລາວ​ກັບຄືນ​ເມືອ​ມື​ເປົ່າ.

ລູກາ 20:12

ແລ້ວ​ເພິ່ນ​ກໍ​ໃຊ້​ຄົນ​ຮັບໃຊ້​ຜູ້​ທີ​ສາມ​ໄປ​ອີກ ພວກ​ຄົນ​ເຊົ່າ​ສວນ​ໄດ້​ທຸບຕີ​ລາວ​ຈົນ​ບາດເຈັບ ແລະ​ໂຍນ​ລາວ​ຖິ້ມ​ອອກ​ນອກ​ສວນ.

ກິດຈະການ 7:52

ມີ​ຜູ້ທຳນວາຍ​ຄົນ​ໃດ​ແດ່ ທີ່​ບັນພະບຸລຸດ​ຂອງ​ພວກເຈົ້າ​ບໍ່ໄດ້​ຂົ່ມເຫັງ? ພວກເຂົາ​ໄດ້​ຂ້າ​ບັນດາ​ຄົນ​ທີ່​ນຳ​ຖ້ອຍຄຳ​ຂອງ​ພຣະເຈົ້າ​ມາ​ໃຫ້ ຄື​ຄົນ​ທີ່​ໄດ້​ປະກາດ​ລ່ວງໜ້າ​ວ່າ ພຣະ​ຜູ້ຮັບໃຊ້​ອົງ​ຊອບທຳ​ຈະ​ມາ, ບັດນີ້ ເຈົ້າ​ທັງຫລາຍ​ໄດ້​ເປັນ​ຜູ້​ມອບ​ພຣະອົງ​ໄວ້ ແລະ​ສັງຫານ​ພຣະອົງ​ເສຍ.

1 ເທສະໂລນິກ 2:2

ພວກເຈົ້າ​ກໍ​ຮູ້​ແລ້ວ​ວ່າ ພວກເຮົາ​ໄດ້​ຮັບ​ການ​ຂົ່ມເຫັງ ແລະ​ການ​ປະຈານ​ຢ່າງ​ໃດ ໃນ​ເມືອງ​ຟີລິບປອຍ ກ່ອນ​ທີ່​ພວກເຮົາ​ມາ​ຫາ​ພວກເຈົ້າ​ໃນ​ເມືອງ​ເທສະໂລນິກ ເຖິງ​ແມ່ນ​ວ່າ​ມີ​ການ​ຕໍ່ຕ້ານ​ຢ່າງ​ຫລວງຫລາຍ​ຢູ່​ໃນ​ທີ່ນັ້ນ​ກໍຕາມ ພຣະເຈົ້າ​ຂອງ​ພວກເຮົາ​ກໍໄດ້​ປະທານ​ໃຈ​ກ້າຫານ​ແກ່​ພວກເຮົາ ເພື່ອ​ປະກາດ​ຂ່າວປະເສີດ​ທີ່​ມາ​ຈາກ​ພຣະອົງ​ແກ່​ພວກເຈົ້າ.