ລູກາ 2:4 - ພຣະຄຳພີສັກສິ

⁴ ຝ່າຍ​ໂຢເຊັບ​ກໍ​ອອກ​ເດີນທາງ​ຈາກ​ເມືອງ​ນາຊາເຣັດ​ໃນ​ແຂວງ​ຄາລີເລ ເພື່ອ​ໄປ​ທີ່​ເມືອງ​ເບັດເລເຮັມ​ແຂວງ​ຢູດາຍ​ເມືອງ​ຂອງ​ກະສັດ​ດາວິດ, ເພາະວ່າ​ເພິ່ນ​ເປັນ​ເຊື້ອສາຍ​ຂອງ​ກະສັດ​ດາວິດ.

ພຣະຄຳພີລາວສະບັບສະໄໝໃໝ່

⁴ ດັ່ງນັ້ນ ໂຢເຊັບ​ຈຶ່ງ​ເດີນທາງ​ຈາກ​ເມືອງ​ນາຊາເຣັດ​ໃນ​ແຂວງ​ຄາລີເລ​ຂຶ້ນ​ໄປ​ຍັງ​ເບັດເລເຮັມ​ເມືອງ​ຂອງ​ດາວິດ​ໃນ​ແຂວງ​ຢູດາຍ ເພາະວ່າ​ເພິ່ນ​ເປັນ​ເຊື້ອສາຍ​ຂອງ​ດາວິດ.

ລູກາ 2:4 Jak'a apnaqawi uñst'ayäwi

ປະຖົມມະການ 35:19

ຣາເຊັນ​ໄດ້​ຕາຍໄປ ແລະ​ຢາໂຄບ​ໄດ້​ຝັງສົບ​ຂອງ​ນາງ​ໄວ້ ໃກ້​ແຄມ​ທາງ​ໄປ​ເມືອງ​ເອຟຣາທາ ປັດຈຸບັນ​ນີ້​ແມ່ນ​ເມືອງ​ເບັດເລເຮັມ.

ປະຖົມມະການ 48:7

ພໍ່​ເຮັດ​ດັ່ງນີ້ ເພາະ​ເຫັນ​ແກ່​ຣາເຊັນ​ແມ່​ຂອງ​ເຈົ້າ. ພໍ່​ໂສກເສົ້າ​ຫລາຍ ເມື່ອ​ແມ່​ຂອງ​ເຈົ້າ​ຈາກ​ພໍ່​ໄປ​ໃນ​ການາອານ ຊຶ່ງ​ບໍ່​ຢູ່​ໄກ​ເທົ່າ​ໃດ​ຈາກ​ເອຟຣາທາ. ພໍ່​ໄດ້​ຝັງສົບ​ແມ່​ຂອງ​ເຈົ້າ​ໄວ້​ທີ່​ແຄມ​ທາງ​ໄປ​ສູ່​ເອຟຣາທາ.” (ເອຟຣາທາ​ແມ່ນ​ເມືອງ​ເບັດເລເຮັມ​ໃນ​ປັດຈຸບັນ​ນີ້.)

ມີກາ 5:2

ອົງພຣະ​ຜູ້​ເປັນເຈົ້າ​ກ່າວ​ວ່າ, “ເບັດເລເຮັມ​ເອຟຣາທາ​ເອີຍ ເຈົ້າ​ເປັນ​ເມືອງ​ໜຶ່ງ​ທີ່​ນ້ອຍ​ທີ່ສຸດ ໃນ​ເມືອງ​ທັງຫລາຍ​ຂອງ​ຢູດາຍ ແຕ່​ເຮົາ​ຈະ​ໃຫ້​ມີ​ຜູ້ປົກຄອງ​ຄົນ​ໜຶ່ງ ອອກ​ມາ​ຈາກ​ເຈົ້າ​ສຳລັບ​ຊາດ​ອິດສະຣາເອນ ຊຶ່ງ​ໜໍ່ແນວ​ເຊື້ອສາຍ​ສືບມາ​ຈາກ​ສະໄໝ​ເດີມ.”

ມັດທາຍ 1:20

ແຕ່​ໃນ​ຂະນະ​ທີ່​ໂຢເຊັບ​ຄິດເຖິງ​ເລື່ອງ​ນີ້​ຢູ່ ກໍ​ມີ​ເທວະດາ​ຂອງ​ອົງພຣະ​ຜູ້​ເປັນເຈົ້າ​ຕົນ​ໜຶ່ງ​ໄດ້​ປາກົດ​ຕໍ່​ລາວ​ໃນ​ຄວາມ​ຝັນ ແລະ​ກ່າວ​ວ່າ, “ໂຢເຊັບ ລູກ​ດາວິດ​ເອີຍ ຢ່າ​ສູ່​ຢ້ານ​ທີ່​ຈະ​ຮັບ​ເອົາ​ມາຣີ​ມາ​ເປັນ​ເມຍ​ຂອງ​ເຈົ້າ ການ​ທີ່​ມາຣີ​ຕັ້ງ​ທ້ອງ​ນັ້ນ​ກໍ​ມີ​ໂດຍ​ຣິດເດດ​ຂອງ​ພຣະວິນຍານ​ບໍຣິສຸດເຈົ້າ.

ມັດທາຍ 2:23

ແລະ​ໄປ​ອາໄສ​ຢູ່​ເມືອງ​ໜຶ່ງ​ຊື່​ວ່າ ນາຊາເຣັດ ເຫດການ​ທີ່​ໄດ້​ເກີດຂຶ້ນ​ນີ້ ກໍ​ເພື່ອ​ໃຫ້​ສຳເລັດ​ຕາມ​ທີ່​ຜູ້ທຳນວາຍ​ໄດ້​ກ່າວ​ໄວ້​ວ່າ, “ທ່ານ​ຈະ​ຖືກ​ເອີ້ນ​ວ່າ ໄທ​ນາຊາເຣັດ.”

ລູກາ 2:3

ດັ່ງນັ້ນ ປະຊາຊົນ​ທຸກຄົນ​ຈຶ່ງ​ໄປ​ຈົດ​ທະບຽນ​ສຳມະໂນຄົວ ຕາມ​ບ້ານເກີດ​ເມືອງນອນ​ຂອງ​ໃຜ​ລາວ.

ລູກາ 2:5

ເພິ່ນ​ໄດ້​ໄປ​ຈົດ​ທະບຽນ​ກັບ​ນາງ​ມາຣີ ຄູ່​ໝັ້ນ​ຂອງ​ເພິ່ນ ສ່ວນ​ນາງ​ມາຣີ​ນັ້ນ​ກຳລັງ​ຖືພາ​ຢູ່.

ລູກາ 4:16

ແລ້ວ​ພຣະເຢຊູເຈົ້າ ກໍໄດ້​ມາ​ຍັງ​ນາຊາເຣັດ ຊຶ່ງ​ເປັນ​ເມືອງ​ທີ່​ພຣະອົງ​ໄດ້​ຈະເລີນ​ເຕີບໃຫຍ່​ຂຶ້ນ​ນັ້ນ ແລະ​ໃນ​ວັນ​ຊະບາໂຕ ພຣະອົງ​ໄດ້​ໄປ​ທີ່​ທຳມະສາລາ​ຕາມ​ປົກກະຕິ ພຣະອົງ​ໄດ້​ຢືນ​ຂຶ້ນ​ເພື່ອ​ຈະ​ອ່ານ​ພຣະຄຳພີ.

ໂຢຮັນ 1:46

ນະທານາເອັນ​ຖາມ​ຟີລິບ​ວ່າ, “ມີ​ສິ່ງ​ດີ​ອັນ​ໃດ ມາ​ຈາກ​ນາຊາເຣັດ​ບໍ?” ຟີລິບ​ຕອບ​ວ່າ, “ໃຫ້​ມາ​ເບິ່ງ​ເອົາ.”

ໂຢຮັນ 7:42

ພຣະຄຳພີ​ກ່າວ​ໄວ້​ວ່າ, “ພຣະຄຣິດ​ມາ​ຈາກ​ເຊື້ອວົງ​ຂອງ​ກະສັດ​ດາວິດ ແລະ​ຈະ​ເກີດ​ຢູ່​ໃນ​ເບັດເລເຮັມ ບ້ານເກີດ​ເມືອງນອນ​ຂອງ​ດາວິດ.”

ນາງຣຸດ 1:19

ແລ້ວ​ທັງສອງ​ກໍ​ເດີນທາງ​ຕໍ່ໄປ​ຮອດ​ເມືອງ​ເບັດເລເຮັມ. ເມື່ອ​ເດີນທາງ​ມາ​ເຖິງ ຄົນ​ທັງ​ເມືອງ​ກໍ​ຕື່ນເຕັ້ນ ແລະ​ພວກຜູ້ຍິງ​ໃນ​ທີ່ນັ້ນ​ທ້ວງ​ວ່າ, “ແມ່ນ​ນາໂອມີ​ແທ້​ບໍ?”

ນາງຣຸດ 2:4

ເວລາ​ຕໍ່ມາ ໂບອາດ​ເອງ​ໄດ້​ມາ​ຈາກ​ເມືອງ​ເບັດເລເຮັມ ເພື່ອ​ຖາມ​ຄວາມສຸກ​ທຸກ​ຂອງ​ຄົນງານ. ເພິ່ນ​ເວົ້າ​ວ່າ, “ຂໍ​ພຣະເຈົ້າຢາເວ​ສະຖິດ​ຢູ່​ນຳ​ພວກເຈົ້າ​ເທີ້ນ.” ພວກເຂົາ​ຕອບ​ວ່າ, “ຂໍ​ພຣະເຈົ້າຢາເວ​ອວຍພອນ​ທ່ານ​ເຖີດ.”

ນາງຣຸດ 4:11

ພວກ​ຜູ້ນຳ​ແລະ​ຄົນອື່ນ​ຈຶ່ງ​ຕອບ​ວ່າ, “ແມ່ນແລ້ວ ພວກເຮົາ​ເປັນ​ພະຍານ. ຂໍ​ພຣະເຈົ້າຢາເວ​ໂຜດ​ໃຫ້​ເມຍ​ຂອງ​ເຈົ້າ​ກາຍເປັນ​ດັ່ງ​ນາງ​ຣາເຊັນ​ແລະ​ນາງ​ເລອາ​ເທີ້ນ ຄື​ຜູ້​ທີ່​ມີ​ລູກ​ຫລາຍ​ຄົນ​ກັບ​ຢາໂຄບ. ຂໍ​ໃຫ້​ເຈົ້າ​ເປັນ​ຄົນ​ຮັ່ງມີ​ໃນ​ຕະກຸນ​ເອຟຣັດ ແລະ​ເປັນ​ຜູ້​ທີ່​ມີ​ຊື່ສຽງ​ໃນ​ເມືອງ​ເບັດເລເຮັມ​ດ້ວຍ.

ນາງຣຸດ 4:17

ພວກຜູ້ຍິງ​ບ້ານໃກ້​ເຮືອນຄຽງ​ໄດ້​ໃສ່​ຊື່​ເດັກນີ້​ວ່າ ໂອເບັດ. ພວກເຂົາ​ບອກ​ທຸກຄົນ​ວ່າ, “ເດັກນ້ອຍ​ຜູ້​ນີ້​ເປັນ​ລູກຊາຍ​ຂອງ​ນາງ​ນາໂອມີ.” ໂອເບັດ​ໄດ້​ກາຍເປັນ​ພໍ່​ຂອງ​ເຢຊີ ຜູ້​ທີ່​ເປັນ​ພໍ່​ຂອງ​ດາວິດ.

1 ຊາມູເອນ 16:1

ພຣະເຈົ້າຢາເວ​ໄດ້​ກ່າວ​ຕໍ່​ຊາມູເອນ​ວ່າ, “ເຈົ້າ​ຍັງ​ຈະ​ໂສກເສົ້າ​ເສຍໃຈ​ນຳ​ໂຊນ​ອີກ​ດົນ​ປານໃດ? ເຮົາ​ໄດ້​ປົດ​ລາວ​ອອກ​ຈາກ​ຕຳແໜ່ງ​ກະສັດ​ແລ້ວ, ແຕ່​ບັດນີ້ ຈົ່ງ​ຖື​ນໍ້າມັນ​ສັກສິດ​ໄປ​ທີ່​ເມືອງ​ເບັດເລເຮັມ ແລະ​ຫາ​ຊາຍ​ຄົນ​ໜຶ່ງ​ທີ່​ຊື່​ວ່າ ເຢຊີ ເພາະ​ເຮົາ​ໄດ້​ເລືອກ​ເອົາ​ລູກຊາຍ​ຂອງ​ລາວ​ຄົນ​ໜຶ່ງ​ໃຫ້​ເປັນ​ກະສັດ.”

1 ຊາມູເອນ 16:4

ຊາມູເອນ​ປະຕິບັດ​ຕາມ​ທີ່​ພຣະເຈົ້າຢາເວ​ໄດ້​ສັ່ງ. ເມື່ອ​ເພິ່ນ​ເດີນທາງ​ໄປ​ທີ່​ເມືອງ​ເບັດເລເຮັມ, ພວກ​ເຖົ້າແກ່​ໃນ​ເມືອງ​ໄດ້​ອອກ​ມາ​ຕ້ອນຮັບ​ເພິ່ນ ທັງ​ຢ້ານກົວ​ຈົນ​ຕົວ​ສັ່ນເຊັນ ແລະ​ຖາມ​ວ່າ, “ທ່ານ​ມາ​ຢ້ຽມຢາມ​ພວກ​ຂ້ານ້ອຍ​ຢ່າງ​ສັນຕິ​ຫລື​ບໍ່?”

1 ຊາມູເອນ 17:12

ດາວິດ​ເປັນ​ລູກຊາຍ​ຂອງ​ເຢຊີ​ຜູ້​ທີ່​ເປັນ​ຊາວ​ເອຟະຣາທາ ຈາກ​ເມືອງ​ເບັດເລເຮັມ​ໃນ​ແຂວງ​ຢູດາຍ. ເຢຊີ​ມີ​ລູກຊາຍ​ແປດ​ຄົນ. ໃນ​ສະໄໝ​ທີ່​ໂຊນ​ເປັນ​ກະສັດ ເຢຊີ​ກໍ​ເຖົ້າແກ່​ຫລາຍ​ແລ້ວ.

1 ຊາມູເອນ 17:58

ກະສັດ​ໂຊນ​ຖາມ​ລາວ​ວ່າ, “ຊາຍໜຸ່ມ​ເອີຍ ເຈົ້າ​ເປັນ​ລູກ​ຂອງ​ຜູ້ໃດ?” ດາວິດ​ຕອບ​ວ່າ, “ຂ້ານ້ອຍ​ເປັນ​ລູກ​ຂອງ​ເຢຊີ ຜູ້ຮັບໃຊ້​ຂອງທ່ານ​ຈາກ​ເມືອງ​ເບັດເລເຮັມ.”

1 ຊາມູເອນ 20:6

ເມື່ອ​ພໍ່​ຂອງເຈົ້າ​ສັງເກດ​ເຫັນ​ວ່າ ຂ້ອຍ​ບໍ່ມີ​ໜ້າ​ຢູ່​ໃນ​ທີ່ນັ້ນ ໃຫ້​ເຈົ້າ​ບອກ​ເພິ່ນ​ວ່າ ຂ້ອຍ​ຂໍ​ອະນຸຍາດ​ນຳ​ເຈົ້າ​ຟ້າວ​ເມືອ​ເຮືອນ​ທີ່​ເບັດເລເຮັມ ເພາະ​ເປັນ​ປີ​ທີ່​ບັນດາ​ຄອບຄົວ​ທັງໝົດ​ຖວາຍ​ເຄື່ອງ​ບູຊາ​ປະຈຳ​ປີ.