ລູກາ 2:25 - ພຣະຄຳພີສັກສິ

²⁵ ຂະນະ​ນັ້ນ ຢູ່​ໃນ​ນະຄອນ​ເຢຣູຊາເລັມ ໄດ້​ມີ​ຊາຍ​ຄົນ​ໜື່ງ​ຊື່​ວ່າ ຊີເມໂອນ ເພິ່ນ​ເປັນ​ຄົນ​ສິນທຳ ຢຳເກງ​ພຣະເຈົ້າ ແລະ​ໄດ້​ຄອຍຖ້າ​ຜູ້​ທີ່​ມາ​ໂຜດ​ຊ່ວຍ​ຊາດ​ອິດສະຣາເອນ​ໃຫ້​ພົ້ນ, ພຣະວິນຍານ​ບໍຣິສຸດເຈົ້າ​ຊົງ​ສະຖິດ​ຢູ່​ກັບ​ເພິ່ນ

ພຣະຄຳພີລາວສະບັບສະໄໝໃໝ່

²⁵ ບັດນີ້ ມີ​ຊາຍ​ຄົນ​ໜຶ່ງ​ໃນ​ເຢຣູຊາເລັມ​ຊື່​ວ່າ​ຊີເມໂອນ, ເພິ່ນ​ເປັນ​ຄົນ​ຊອບທຳ ແລະ ຢຳເກງ​ພຣະເຈົ້າ. ເພິ່ນ​ກຳລັງ​ຄອຍຖ້າ​ເວລາ​ທີ່​ປະຊາຊົນ​ອິດສະຣາເອນ​ຈະ​ໄດ້​ຮັບ​ການ​ປອບໃຈ ແລະ ພຣະວິນຍານບໍລິສຸດເຈົ້າ​ກໍ​ຢູ່​ກັບ​ເພິ່ນ.

ລູກາ 2:25 Jak'a apnaqawi uñst'ayäwi

ປະຖົມມະການ 6:9

ປະຫວັດ​ຂອງ​ໂນອາ​ເປັນ​ມາ​ດັ່ງນີ້: ເພິ່ນ​ມີ​ລູກຊາຍ​ຢູ່​ສາມ​ຄົນ​ຄື: ເຊມ, ຮາມ ແລະ​ຢາເຟດ. ໂນອາ​ເປັນ​ຄົນ​ດີ ແລະ​ແມ່ນ​ເພິ່ນ​ຜູ້​ດຽວ​ເທົ່ານັ້ນ​ທີ່​ພຣະເຈົ້າ​ພໍໃຈ​ນຳ ເພາະ​ເພິ່ນ​ໄດ້​ດຳເນີນ​ຊີວິດ​ໃນ​ຄວາມ​ສາມັກຄີທຳ​ຕິດສະໜິດ​ກັບ​ພຣະເຈົ້າ;

ພຣະທຳ​ໂຢບ 1:1

ຢູ່​ໃນ​ດິນແດນ​ອູເຊ ມີ​ຊາຍ​ຜູ້ໜຶ່ງ​ຊື່​ວ່າ ໂຢບ. ລາວ​ນະມັດສະການ​ພຣະເຈົ້າ​ແລະ​ສັດຊື່​ຕໍ່​ພຣະອົງ. ລາວ​ເປັນ​ຄົນດີ​ແລະ​ລະມັດ​ລະວັງຕົວ​ບໍ່​ເຮັດ​ຊົ່ວ.

ພຣະທຳ​ໂຢບ 1:8

ພຣະເຈົ້າຢາເວ​ຖາມ​ມານຊາຕານ​ວ່າ, “ເຈົ້າ​ໄດ້​ສັງເກດ​ເບິ່ງ​ໂຢບ ຜູ້ຮັບໃຊ້​ຂອງເຮົາ​ບໍ? ເທິງ​ແຜ່ນດິນ​ໂລກນີ້​ບໍ່ມີ​ຜູ້ໃດ​ທີ່​ສັດຊື່​ແລະ​ດີ​ເທົ່າ​ກັບ​ລາວ. ລາວ​ຢຳເກງ​ພຣະເຈົ້າ​ແລະ​ລະມັດ​ລະວັງ​ຕົວ​ບໍ່​ເຮັດ​ຊົ່ວ.”

ເອຊາຢາ 25:9

ໃນວັນ​ນັ້ນ ພວກເຂົາ​ກໍ​ຈະ​ເວົ້າ​ວ່າ, “ພຣະອົງ​ເປັນ​ພຣະເຈົ້າ​ຂອງ​ພວກ​ຂ້ານ້ອຍ ພວກ​ຂ້ານ້ອຍ​ລໍຄອຍ​ພຣະອົງ; ສະນັ້ນ ພຣະອົງ​ຈຶ່ງ​ຊ່ວຍ​ເອົາ​ພວກ​ຂ້ານ້ອຍ​ໄວ້. ພຣະອົງ​ແມ່ນ​ພຣະເຈົ້າຢາເວ ອົງທີ່​ພວກ​ຂ້ານ້ອຍ​ລໍຄອຍ​ພຣະອົງ; ພວກ​ຂ້ານ້ອຍ​ຊົມຊື່ນ​ຍິນດີ​ແລະ​ມີ​ຄວາມສຸກ​ຫລາຍ ໃນ​ການຊ່ວຍ​ໃຫ້ພົ້ນ​ຂອງ​ພຣະອົງ.”

ເອຊາຢາ 40:1

ພຣະເຈົ້າ​ຂອງ​ພວກເຮົາ​ກ່າວ​ວ່າ, “ຈົ່ງ​ເລົ້າໂລມ​ປະຊາຊົນ​ຂອງເຮົາ ຈົ່ງ​ເລົ້າໂລມ​ໃຈ​ປະຊາຊົນ​ຂອງເຮົາ​ເຖີດ

ມີກາ 6:8

ບໍ່ແມ່ນ​ດອກ ພຣະເຈົ້າຢາເວ​ໄດ້​ບອກ​ພວກເຮົາ​ວ່າ ແມ່ນ​ຫຍັງ​ເປັນ​ສິ່ງ​ທີ່​ດີ. ສິ່ງ​ທີ່​ພຣະອົງ​ຕ້ອງການ​ຈາກ​ພວກເຮົາ​ນັ້ນ​ແມ່ນ​ດັ່ງນີ້: ເຮັດ​ສິ່ງ​ທີ່​ຖືກຕ້ອງ, ສະແດງ​ຄວາມຮັກ​ອັນ​ໝັ້ນຄົງ ແລະ​ໃຊ້​ຊີວິດ​ໃນ​ຄວາມ​ສາມັກຄີທຳ​ກັບ​ພຣະເຈົ້າ​ຂອງ​ພວກເຮົາ​ດ້ວຍ​ຄວາມ​ຖ່ອມໃຈ.

ຈົດບັນຊີ 11:25

ແລ້ວ​ພຣະເຈົ້າຢາເວ​ກໍໄດ້​ລົງ​ມາ​ໃນ​ກ້ອນ​ເມກ​ແລະ​ກ່າວ​ແກ່​ໂມເຊ. ພຣະອົງ​ໄດ້​ເອົາ​ພຣະວິນຍານ​ທີ່​ພຣະອົງ​ໄດ້​ປະທານ​ໃຫ້​ແກ່​ໂມເຊ​ນັ້ນ ມອບ​ໃຫ້​ແກ່​ຜູ້ນຳ​ເຈັດສິບ​ຄົນ​ດ້ວຍ. ເມື່ອ​ພຣະວິນຍານ​ໄດ້​ລົງ​ມາ​ເທິງ​ພວກເຂົາ​ນັ້ນ ຕ່າງ​ກໍ​ຮ້ອງ​ສຽງດັງ​ເໝືອນ​ດັ່ງ​ຜູ້ທຳນວາຍ ແຕ່​ຫລັງຈາກ​ນັ້ນ​ພວກເຂົາ​ບໍ່ໄດ້​ເຮັດ​ຢ່າງ​ນັ້ນ​ອີກ.

ຈົດບັນຊີ 11:29

ໂມເຊ​ໄດ້ຕອບ​ວ່າ, “ເຈົ້າ​ມາ​ອິດສາ​ຜົນປະໂຫຍດ​ຂອງຂ້ອຍ​ເຮັດ​ຫຍັງ? ຂ້ອຍ​ຢາກ​ໃຫ້​ປະຊາຊົນ​ທຸກໆ​ຄົນ​ຂອງ​ພຣະອົງ​ເປັນ​ຜູ້ທຳນວາຍ ແລະ​ຂໍໃຫ້​ພຣະເຈົ້າຢາເວ​ມອບ​ພຣະວິນຍານ​ຂອງ​ພຣະອົງ​ໃຫ້​ແກ່​ພວກເຂົາ​ເທີ້ນ.”

ມາຣະໂກ 15:43

ໂຢເຊັບ​ໄທ​ອາຣີມາທາຍ ເພິ່ນ​ເປັນ​ສະມາຊິກ​ສະພາ​ສູງສຸດ​ທີ່​ມີ​ກຽດ​ຄົນ​ໜຶ່ງ ເພິ່ນ​ເປັນ​ຜູ້​ທີ່​ຄອງຄອຍ​ຖ້າ ການ​ມາ​ປາກົດ​ແຫ່ງ​ອານາຈັກ​ຂອງ​ພຣະເຈົ້າ ເພິ່ນ​ກ້າ​ເຂົ້າ​ໄປ​ພົບ​ປີລາດ​ເພື່ອ​ຂໍ​ພຣະສົບ​ຂອງ​ພຣະເຢຊູເຈົ້າ.

ລູກາ 1:41

ເມື່ອ​ນາງ​ເອລີຊາເບັດ​ໄດ້ຍິນ​ຄຳ​ທັກທາຍ​ຂອງ​ນາງ​ມາຣີ ລູກ​ໃນ​ທ້ອງ​ກໍ​ເໜັງຕີງ ນາງ​ເອລີຊາເບັດ​ເຕັມ​ໄປ​ດ້ວຍ​ພຣະວິນຍານ​ບໍຣິສຸດເຈົ້າ

ລູກາ 1:6

ສອງ​ຜົວ​ເມຍ​ນີ້​ດຳເນີນ​ຊີວິດ​ຢ່າງ​ຖືກຕ້ອງ​ຕໍ່​ສາຍ​ພຣະເນດ​ຂອງ​ພຣະເຈົ້າ ໂດຍ​ເຊື່ອຟັງ​ກົດບັນຍັດ​ຂອງ​ອົງພຣະ​ຜູ້​ເປັນເຈົ້າ ແລະ​ຂໍ້ຄຳສັ່ງ​ຂອງ​ພຣະອົງ​ຢ່າງ​ບໍ່ມີ​ທີ່ຕິ.

ລູກາ 1:67

ຝ່າຍ​ເຊກາຣີຢາ​ພໍ່​ຂອງ​ໂຢຮັນ ກໍ​ເຕັມ​ໄປ​ດ້ວຍ​ພຣະວິນຍານ​ບໍຣິສຸດເຈົ້າ ຈຶ່ງ​ໄດ້​ທຳນວາຍ​ວ່າ,

ລູກາ 2:38

ໃນ​ເວລາ​ນັ້ນ ນາງ​ກໍໄດ້​ເຂົ້າ​ມາ​ໂມທະນາ​ຂອບພຣະຄຸນ​ພຣະເຈົ້າ ແລະ​ເວົ້າ​ເຖິງ​ພຣະ​ກຸມມານ​ໃຫ້​ແກ່​ທຸກຄົນ ໃນ​ນະຄອນ​ເຢຣູຊາເລັມ​ຟັງ ຊຶ່ງ​ພວກເຂົາ​ກຳລັງ​ຄອຍ​ຖ້າ​ການ​ໄຖ່​ໃຫ້​ພົ້ນ​ນັ້ນ.

ລູກາ 23:51

ເພິ່ນ​ຜູ້​ນີ້​ບໍ່ໄດ້​ເຫັນ​ດີ​ຕາມ​ມະຕິ ແລະ​ການ​ເຮັດ​ຂອງ​ພວກເຂົາ ເພິ່ນ​ເປັນ​ໄທ​ບ້ານ​ອາຣີມາທາຍ ຊຶ່ງ​ເປັນ​ບ້ານ​ຂອງ​ຊາດ​ຢິວ ທັງ​ເປັນ​ຜູ້​ຄອຍ​ຖ້າ​ຣາຊອານາຈັກ​ຂອງ​ພຣະເຈົ້າ.

ກິດຈະການ 10:2

ໂກເນລີໂອ​ເປັນ​ຜູ້​ຖື​ສາສະໜາ​ຢ່າງ​ຖືກຕ້ອງ ແລະ​ທຸກຄົນ​ໃນ​ຄອບຄົວ​ຂອງ​ເພິ່ນ ຕ່າງ​ກໍ​ຢຳເກງ​ພຣະເຈົ້າ ເພິ່ນ​ເຄີຍ​ໃຫ້​ທານ​ຢ່າງ​ຫລວງຫລາຍ ເພື່ອ​ຊ່ວຍ​ຜູ້​ຍາກຈົນ ແລະ​ພາວັນນາ​ອະທິຖານ​ຫາ​ພຣະເຈົ້າ​ຢ່າງ​ສະໝໍ່າ​ສະເໝີ​ບໍ່ໄດ້​ຂາດ.

ກິດຈະການ 10:22

ພວກເຂົາ​ຈຶ່ງ​ຕອບ​ວ່າ, “ນາຍຮ້ອຍ​ໂກເນລີໂອ​ເປັນ​ຄົນ​ສັດຊື່ ແລະ​ຢຳເກງ​ພຣະເຈົ້າ ທັງ​ເປັນ​ຜູ້​ມີ​ຊື່ສຽງ​ດີ​ໃນ​ທ່າມກາງ​ບັນດາ​ຊາວ​ຢິວ ເພິ່ນ​ຜູ້ນັ້ນ​ໄດ້​ຮັບ​ຄຳສັ່ງ​ຈາກ​ເທວະດາ​ບໍຣິສຸດ​ຕົນ​ໜຶ່ງ ໃຫ້​ມາ​ເຊີນ​ທ່ານ​ໄປ​ທີ່​ເຮືອນ​ຂອງເພິ່ນ ເພື່ອ​ຈະ​ໄດ້​ຟັງ​ຖ້ອຍຄຳ​ຈາກ​ທ່ານ.”

ກິດຈະການ 2:5

ຂະນະ​ນັ້ນ ນະຄອນ​ເຢຣູຊາເລັມ​ມີ​ຊາວ​ຢິວ ຈາກ​ທຸກໆ​ປະເທດ​ໃນ​ໂລກ​ມາ​ພັກ​ອາໄສ​ຢູ່ ແລະ​ຊາວ​ຢິວ​ເຫຼົ່ານີ້​ເປັນ​ຄົນ​ຢຳເກງ​ພຣະເຈົ້າ.

ກິດຈະການ 24:16

ດ້ວຍເຫດນີ້ ຂ້ານ້ອຍ​ຈຶ່ງ​ອົດສາ​ປະພຶດ​ຕົນ​ໃຫ້​ມີ​ໃຈ​ສຳນຶກ​ຜິດແລະຊອບ​ອັນ​ເສາະໃສ ຕໍ່ໜ້າ​ພຣະເຈົ້າ​ແລະ​ຕໍ່ໜ້າ​ມະນຸດ​ສະເໝີ​ມາ.”

ພຣະບັນຍັດສອງ 18:15

ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ຈະ​ສົ່ງ​ຜູ້ທຳນວາຍ​ຜູ້ໜຶ່ງ​ເໝືອນ​ດັ່ງ​ຂ້າພະເຈົ້າ​ນີ້ ຈາກ​ປະຊາຊົນ​ໃນ​ຊາດ​ຂອງ​ພວກເຈົ້າ​ເອງ​ມາ​ໃຫ້​ແທນ ແລະ​ພວກເຈົ້າ​ຕ້ອງ​ເຊື່ອຟັງ​ເພິ່ນ.

2 ເປໂຕ 1:21

ເພາະວ່າ ຄຳທຳນວາຍ​ນັ້ນ​ບໍ່ໄດ້​ມາ​ຈາກ​ນໍ້າໃຈ​ຂອງ​ມະນຸດ​ຈັກເທື່ອ, ແຕ່​ມະນຸດ​ໄດ້​ກ່າວ​ຄຳ​ທີ່​ມາ​ຈາກ​ພຣະເຈົ້າ ຕາມ​ທີ່​ພຣະວິນຍານ​ບໍຣິສຸດເຈົ້າ​ຊົງ​ດົນໃຈ.