ລູກາ 19:44 - ພຣະຄຳພີສັກສິ

⁴⁴ ພວກເຂົາ​ຈະ​ທຳລາຍ​ເຈົ້າ ແລະ​ລູກ​ທັງຫລາຍ​ທີ່​ຢູ່​ນຳ​ເຈົ້າ​ໃຫ້​ລົງ​ພຽງ​ດິນ. ພວກເຂົາ​ຈະ​ບໍ່​ປະ​ກ້ອນຫີນ​ໃຫ້​ຊ້ອນ​ທັບ​ກັນ​ໄວ້​ພາຍ​ໃນ​ເຈົ້າ ເພາະວ່າ​ເຈົ້າ​ບໍ່​ຮູ້​ເວລາ​ທີ່​ພຣະເຈົ້າ​ໄດ້​ມາ​ຢ້ຽມຢາມ​ເຈົ້າ.”

ພຣະຄຳພີລາວສະບັບສະໄໝໃໝ່

⁴⁴ ພວກເຂົາ​ຈະ​ແກວ່ງ​ເຈົ້າ​ລົງ​ພື້ນດິນ, ເຈົ້າ​ກັບ​ລູກຫລານ​ພາຍ​ໃນ​ກຳແພງ​ຂອງ​ເຈົ້າ ພວກເຂົາ​ຈະ​ບໍ່​ປ່ອຍ​ໃຫ້​ເຫລືອ​ກ້ອນຫີນ​ຊ້ອນ​ທັບ​ກັນ​ຈັກ​ກ້ອນ ເພາະວ່າ​ເຈົ້າ​ບໍ່​ຮູ້ຈັກ​ເວລາ​ທີ່​ພຣະເຈົ້າ​ຈະ​ມາ​ຫາ​ເຈົ້າ”.

ລູກາ 19:44 Jak'a apnaqawi uñst'ayäwi

ເພງ^ສັນລະເສີນ 137:9

ແລະ​ຜູ້​ທີ່​ເອົາ​ພວກ​ລູກນ້ອຍ​ຂອງເຈົ້າ​ໄປ ຈັບ​ຟາດ​ພວກເຂົາ​ໃສ່​ໂງ່ນຫີນ.

ເອຊາຢາ 10:3

ພວກເຈົ້າ​ຈະ​ເຮັດ​ຢ່າງໃດ​ເມື່ອ​ພຣະເຈົ້າ​ລົງໂທດ​ພວກເຈົ້າ? ພວກເຈົ້າ​ຈະ​ເຮັດ​ຢ່າງໃດ ເມື່ອ​ພຣະອົງ​ນຳ​ໄພພິບັດ​ຈາກ​ດິນແດນ​ທີ່​ຫ່າງໄກ​ມາ​ສູ່​ພວກເຈົ້າ? ພວກເຈົ້າ​ຈະ​ແລ່ນ​ໄປ​ຫາ​ຜູ້ໃດ​ໃຫ້​ມາ​ຊ່ວຍເຫລືອ? ພວກເຈົ້າ​ຈະ​ເຊື່ອງ​ຊັບສົມບັດ​ຂອງ​ພວກເຈົ້າ​ໄວ້​ຢູ່​ທີ່ໃດ?

ເອຊາຢາ 29:3

ພຣະເຈົ້າ​ຈະ​ໂຈມຕີ ແລະ​ປິດລ້ອມ​ນະຄອນ​ນີ້​ໄວ້.

ເຢເຣມີຢາ 11:23

ເຮົາ​ໄດ້​ຕັ້ງ​ເວລາ​ໄວ້​ແລ້ວ ເພື່ອ​ນຳ​ເອົາ​ຄວາມ​ຈິບຫາຍ​ມາ​ສູ່​ຊາວ​ອານາທົດ ແລະ​ເມື່ອ​ເວລາ​ນັ້ນ​ມາເຖິງ ຈະ​ບໍ່ມີ​ຜູ້ໃດ​ໃນ​ພວກເຂົາ​ລອດຊີວິດ​ຢູ່​ເລີຍ.”

ເພງ^ຄໍ່າຄວນ 1:8

ກຽດສັກສີ​ທີ່​ເຄີຍ​ມີ​ນັ້ນ​ກໍ​ສູນສິ້ນ​ໝົດໄປ ນາງ​ເປືອຍຕົວ​ແລະ​ຖືກ​ຄົນ​ດູໝິ່ນ​ປະໝາດ. ນາງ​ຄໍ່າຄວນ​ແລະ​ລີ້ໜ້າ​ດ້ວຍ​ຄວາມ​ອັບອາຍ ນະຄອນ​ເຢຣູຊາເລັມ​ເປັນ​ມົນທິນ​ດ້ວຍ​ຕົນ​ເຮັດ​ບາບ.

ດານີເອນ 9:24

ເຈັດ​ເທື່ອ​ເຈັດສິບ​ປີ​ນັ້ນ​ແມ່ນ​ໄລຍະ​ເວລາ ທີ່​ພຣະເຈົ້າ​ໄດ້​ກຳນົດ​ໃຫ້​ປະຊາຊົນ​ແລະ​ເມືອງ​ອັນ​ສັກສິດ​ຂອງ​ເຈົ້າ ເລີກ​ເຮັດ​ບາບ​ແລະ​ເລີກ​ເຮັດ​ຊົ່ວ. ບາບ​ຈະ​ໄດ້​ຮັບ​ການອະໄພ ແລະ​ຄວາມ​ຍຸດຕິທຳ​ອັນ​ຖາວອນ​ຈະ​ປາກົດ​ມີ​ມາ ເພື່ອ​ວ່າ​ນິມິດ ແລະ​ຖ້ອຍຄຳ​ຂອງ​ຜູ້ທຳນວາຍ​ຈະ​ກາຍເປັນຈິງ ແລະ​ເພື່ອ​ພຣະວິຫານ​ອັນ​ສັກສິດ ຈະ​ໄດ້​ຖືກ​ຢຶດ​ຖວາຍ​ຄືນ​ໃໝ່​ໃຫ້​ແກ່​ພຣະເຈົ້າ.

ດານີເອນ 9:26

ໃນ​ບັ້ນປາຍ​ຂອງ​ເວລາ​ນັ້ນ ຜູ້ນຳ​ທີ່​ພຣະເຈົ້າ​ໄດ້​ເລືອກໄວ້ ຈະ​ຖືກ​ຂ້າ​ຢ່າງ​ບໍ່​ຍຸດຕິທຳ. ເມືອງ​ແລະ​ພຣະວິຫານ​ກໍ​ຈະ​ຖືກ​ກອງທັບ​ຂອງ​ພວກ​ເຈົ້ານາຍ​ທີ່​ມີ​ອຳນາດ​ຍິ່ງໃຫຍ່​ຄົນ​ໜຶ່ງ​ບຸກຮຸກ​ທຳລາຍ. ຄາວ​ສິ້ນສຸດ​ນີ້​ຈະ​ມາ​ເໝືອນ​ນໍ້າ​ໄຫລ​ຖ້ວມ ໂດຍ​ນຳ​ເອົາ​ເສິກ​ສົງຄາມ ແລະ​ການທຳລາຍ​ທີ່​ພຣະເຈົ້າ​ໄດ້​ຈັດຕຽມ​ໄວ້​ນັ້ນ​ມາ.

ມີກາ 3:12

ເພາະສະນັ້ນ ຍ້ອນ​ພວກເຈົ້າ ພູເຂົາ​ຊີໂອນ​ຈະ​ຖືກ​ໄຖ​ເໝືອນ​ໄຖ​ນາ ນະຄອນ​ເຢຣູຊາເລັມ​ຈະ​ກາຍເປັນ​ກອງສິ່ງ​ຮົກຮ້າງ​ເພພັງ ແລະ​ເນີນພູ​ບ່ອນ​ທີ່ຕັ້ງ​ພຣະວິຫານ​ກໍ​ຈະ​ກາຍເປັນ​ປ່າ.

ມັດທາຍ 24:2

ພຣະອົງ​ກ່າວ​ແກ່​ພວກເພິ່ນ​ວ່າ, “ພວກເຈົ້າ​ເຫັນ​ສິ່ງ​ທັງໝົດ​ເຫຼົ່ານີ້​ແລ້ວ​ບໍ່ແມ່ນ​ບໍ? ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ຫີນ​ທຸກໆ​ກ້ອນ​ທີ່​ຢອງ​ທັບ​ກັນ​ຢູ່​ນີ້ ຈະ​ຖືກ​ທຳລາຍ​ລົງ​ຈົນ​ບໍ່​ເຫຼືອ​ຈັກ​ກ້ອນ.”

ມາຣະໂກ 13:2

ພຣະເຢຊູເຈົ້າ​ຕອບ​ວ່າ, “ເຈົ້າ​ເຫັນ​ຕຶກ​ແໜ້ນໜາ​ເຫຼົ່ານັ້ນ​ບໍ? ກ້ອນຫີນ​ຢອງ​ທັບ​ກັນ​ຢູ່​ນີ້​ຈະ​ຖືກ​ທຳລາຍ​ລົງ ຈົນ​ບໍ່​ເຫຼືອ​ຈັກ​ກ້ອນ.”

ລູກາ 1:68

“ຈົ່ງ​ສັນລະເສີນ​ອົງພຣະ​ຜູ້​ເປັນເຈົ້າ ພຣະເຈົ້າ​ຂອງ​ອິດສະຣາເອນ ດ້ວຍວ່າ, ພຣະອົງ​ໄດ້​ຊົງ​ຢ້ຽມຢາມ ແລະ ໄດ້​ຊົງ​ໄຖ່​ເອົາ​ພົນລະເມືອງ​ ຂອງ​ພຣະອົງ

ລູກາ 1:78

ດ້ວຍ​ໃຈ​ເມດຕາ​ກະລຸນາ ແຫ່ງ​ພຣະເຈົ້າ​ຂອງ​ພວກເຮົາ ແສງ​ສະຫວ່າງ​ໃນ​ຍາມ​ຮຸ່ງ​ເຊົ້າ​ຈາກ​ທີ່​ສູງ ໄດ້​ມາ​ຢ້ຽມຢາມ​ພວກເຮົາ,

ລູກາ 19:42

ໂດຍ​ຊົງ​ກ່າວ​ວ່າ, “ໃນວັນນີ້ ຖ້າ​ເຈົ້າ​ໄດ້​ຮູ້​ເຖິງ​ສິ່ງ​ທີ່​ເຮັດ​ໃຫ້​ເຈົ້າ​ມີ​ສັນຕິສຸກ​ກໍ​ເປັນ​ການ​ດີ, ແຕ່​ບັດນີ້ ສິ່ງ​ເຫຼົ່ານັ້ນ​ໄດ້​ຖືກ​ປິດບັງ​ໄວ້​ຈາກ​ຕາ​ຂອງ​ເຈົ້າ​ແລ້ວ.

ລູກາ 21:6

ພຣະອົງ​ຈຶ່ງ​ຊົງ​ກ່າວ​ວ່າ, “ເມື່ອ​ວັນ​ເວລາ​ຈະ​ມາ​ເຖິງ ກ້ອນຫີນ ຊຶ່ງ​ພວກເຈົ້າ​ເຫັນ​ຊ້ອນ​ທັບ​ກັນ​ຢູ່​ນີ້​ຈະ​ບໍ່​ເຫຼືອ​ຈັກ​ກ້ອນ​ດຽວ ທຸກສິ່ງ​ຈະ​ຖືກ​ທຳລາຍ​ລົງ​ທັງໝົດ.”

1 ເປໂຕ 2:12

ຈົ່ງ​ດຳເນີນ​ຊີວິດ​ອັນ​ດີງາມ​ຢູ່​ໃນ​ທ່າມກາງ​ຄົນ​ຕ່າງ​ຄວາມເຊື່ອ ເພື່ອ​ວ່າ​ເມື່ອ​ພວກເຈົ້າ​ຖືກ​ກ່າວຫາ​ວ່າ​ເປັນ​ຄົນ​ເຮັດ​ຊົ່ວ​ນັ້ນ, ພວກເຂົາ​ກໍ​ຈະ​ໄດ້​ເຫັນ​ຄຸນຄວາມດີ​ຂອງ​ພວກເຈົ້າ ຈະ​ໄດ້​ສັນລະເສີນ​ພຣະເຈົ້າ ໃນ​ວັນ​ທີ່​ພຣະອົງ​ສະເດັດ​ມາ​ປາກົດ.