ລູກາ 18:5 - ພຣະຄຳພີສັກສິ

⁵ ແຕ່​ເພາະ​ແມ່ໝ້າຍ​ຜູ້​ນີ້​ກວນໃຈ​ເຮົາ​ຕະຫລອດ​ມາ ເຮົາ​ຈະ​ໃຫ້​ຄວາມ​ຍຸດຕິທຳ​ແກ່​ນາງ ຖ້າບໍ່​ດັ່ງນັ້ນ, ນາງ​ກໍ​ຈະ​ໝັ່ນ​ມາ​ຫາ​ເລື້ອຍໆ ແລະ​ໃນທີ່ສຸດ ເຮົາ​ກໍ​ຈະ​ລຳບາກ​ໃຈ​ຢູ່​ບໍ່​ເຊົາ.”’

ພຣະຄຳພີລາວສະບັບສະໄໝໃໝ່

⁵ ແຕ່​ເພາະ​ແມ່ໝ້າຍ​ຄົນ​ນີ້​ມາ​ກວນ​ໃຈ​ເຮົາ​ຢູ່​ຕະຫລອດ ເຮົາ​ຈະ​ໃຫ້​ຄວາມຍຸຕິທຳ​ແກ່​ລາວ ເພື່ອ​ລາວ​ຈະ​ບໍ່​ໄດ້​ມາ​ລົບກວນ​ເຮົາ​ອີກ!’”

ລູກາ 18:5 Jak'a apnaqawi uñst'ayäwi

ເນເຫມີຢາ 6:4

ພວກເຂົາ​ຍັງ​ສົ່ງ​ຈົດໝາຍ​ແບບ​ດຽວ​ກັນ​ນັ້ນ ມາ​ຫາ​ຂ້າພະເຈົ້າ​ເຖິງ​ສີ່​ເທື່ອ ແລະ​ທຸກ​ເທື່ອ​ຂ້າພະເຈົ້າ​ກໍໄດ້​ຕອບ​ພວກເຂົາ​ໄປ​ແບບເກົ່າ.

ມັດທາຍ 15:23

ແຕ່​ພຣະອົງ​ບໍ່ໄດ້​ກ່າວ​ຈັກ​ຄຳ​ແກ່​ນາງ, ພວກ​ສາວົກ​ມາ​ຫາ​ພຣະອົງ ແລະ​ຂໍຮ້ອງ​ວ່າ, “ບອກ​ນາງ​ໜີ​ສາ ເພາະ​ນາງ​ຮ້ອງ​ຕາມ​ພວກເຮົາ​ມາ.”

ລູກາ 11:8

ເຮົາ​ບອກ​ພວກເຈົ້າ​ວ່າ, ເຖິງ​ແມ່ນ​ຜູ້​ນັ້ນ ຈະ​ບໍ່​ລຸກ​ຂຶ້ນ​ເອົາ​ເຂົ້າຈີ່​ໃຫ້ ເພາະ​ການ​ເປັນ​ເພື່ອນ​ກັນ​ກໍຕາມ, ແຕ່​ເພາະ​ການ​ໝັ່ນ​ຂໍ​ຂອງ​ຜູ້​ເປັນ​ເພື່ອນ​ນັ້ນ ລາວ​ກໍ​ຈະ​ລຸກ​ຂຶ້ນ​ເອົາ​ໃຫ້​ຕາມ​ທີ່​ເພື່ອນ​ຕ້ອງການ.

ລູກາ 18:3

ໃນ​ເມືອງ​ນັ້ນ ຍັງ​ມີ​ແມ່ໝ້າຍ​ຜູ້ໜຶ່ງ ໝັ່ນ​ມາ​ຫາ​ຕຸລາການ ເພື່ອ​ຂໍຮ້ອງ​ສິດທິ​ຂອງຕົນ​ໂດຍ​ກ່າວ​ວ່າ, ‘ໂຜດ​ໃຫ້​ຄວາມ​ຍຸດຕິທຳ​ແກ່​ຂ້ານ້ອຍ ໃຫ້​ພົ້ນ​ຈາກ​ຄູ່ຄວາມ​ແດ່ທ້ອນ’

ລູກາ 18:39

ຄົນ​ທີ່​ຍ່າງ​ໄປ​ຂ້າງ​ໜ້າ​ຈຶ່ງ​ຫ້າມ​ໄວ້ ແລະ​ບອກ​ໃຫ້​ລາວ​ມິດ, ແຕ່​ລາວ​ແຮ່ງ​ຮ້ອງ​ດັງ​ຂຶ້ນ​ອີກ​ວ່າ, “ບຸດ​ດາວິດ​ເອີຍ ຂໍ​ຊົງ​ໂຜດ​ສົງສານ​ຂ້ານ້ອຍ​ແດ່ທ້ອນ.”

1 ໂກຣິນໂທ 9:27

ແຕ່​ເຮົາ​ທຸບຕີ​ຮ່າງກາຍ​ຂອງເຮົາ​ໃຫ້​ມັນ​ແຂງ​ຢູ່​ຄາ​ມື ເພາະ​ຢ້ານ​ວ່າ​ເມື່ອ​ເຮົາ​ໄດ້​ປະກາດ​ແກ່​ຄົນອື່ນ​ແລ້ວ ເຮົາ​ເອງ​ຈະ​ຖືກ​ຂ້າ​ຊື່​ອອກ​ຈາກ​ການ​ແຂ່ງຂັນ​ນັ້ນ.

ພວກ^ຜູ້ປົກຄອງ 16:16

ນາງ​ເດລີລາ​ໄດ້​ຖາມ​ຢູ່​ທຸກ​ມື້ ຈົນ​ແຊມຊັນ​ເບື່ອໜ່າຍ​ທີ່​ຈະ​ຟັງ ຍ້ອນ​ນາງ​ລົບກວນ.