ລູກາ 17:21 - ພຣະຄຳພີສັກສິ

²¹ ບໍ່ມີ​ຜູ້ໃດ​ຈະ​ເວົ້າ​ວ່າ, ‘ເບິ່ງແມ! ຢູ່​ທີ່​ນີ້’ ຫລື ‘ຢູ່​ທີ່​ນັ້ນ’ ເພາະ​ອານາຈັກ​ຂອງ​ພຣະເຈົ້າ​ຢູ່​ໃນ​ທ່າມກາງ​ພວກເຈົ້າ.”

ພຣະຄຳພີລາວສະບັບສະໄໝໃໝ່

²¹ ຫລື ຄົນ​ທັງຫລາຍ​ຈະ​ບໍ່​ເວົ້າ​ວ່າ, ‘ອານາຈັກ​ນັ້ນ​ຢູ່​ທີ່​ນີ້’ ຫລື ‘ຢູ່​ທີ່​ນັ້ນ’ ເພາະ​ອານາຈັກ​ຂອງ​ພຣະເຈົ້າ​ຢູ່​ໃນ​ທ່າມກາງ​ພວກເຈົ້າ”.

ລູກາ 17:21 Jak'a apnaqawi uñst'ayäwi

ມັດທາຍ 12:28

ແຕ່​ເຮົາ​ຂັບໄລ່​ຜີມານຮ້າຍ​ອອກ​ດ້ວຍ​ພຣະວິນຍານ​ຂອງ​ພຣະເຈົ້າ. ດັ່ງນັ້ນ ຣາຊອານາຈັກ​ຂອງ​ພຣະເຈົ້າ​ກໍ​ມາ​ເຖິງ​ພວກເຈົ້າ​ແລ້ວ.”

ມາຣະໂກ 13:21

ໃນ​ເວລາ​ນັ້ນ ຖ້າ​ຜູ້ໃດ​ຜູ້ໜຶ່ງ​ເວົ້າ​ແກ່​ເຈົ້າ​ທັງຫລາຍ​ວ່າ, ‘ເບິ່ງແມ! ພຣະຄຣິດ​ຢູ່​ທີ່​ນີ້’ ຫລື​ວ່າ ‘ເບິ່ງດູ ເພິ່ນ​ຢູ່​ທີ່​ນັ້ນ’ ຢ່າ​ໄດ້​ເຊື່ອ.

ລູກາ 17:23

ຄົນ​ຈະ​ບອກ​ເຈົ້າ​ທັງຫລາຍ​ວ່າ, ‘ເບິ່ງແມ! ຢູ່​ພຸ້ນ​ເດ’ ຫລື ‘ເບິ່ງແມ! ຢູ່​ພີ້​ເດ’ ແຕ່​ຢ່າ​ອອກ​ໄປ​ຊອກ​ຫາ.

ລູກາ 21:8

ພຣະອົງ​ໄດ້​ຕອບ​ພວກເຂົາ​ວ່າ, “ຈົ່ງ​ຄອຍ​ເຝົ້າ​ລະວັງ​ໃຫ້​ດີ ຢ່າ​ໃຫ້​ຜູ້ໃດ​ຫລອກລວງ​ພວກເຈົ້າ​ໃຫ້​ຫລົງ​ໄປ ເພາະ​ມີ​ຫລາຍ​ຄົນ​ຈະ​ອ້າງ​ນາມຊື່​ຂອງເຮົາ ໂດຍ​ເວົ້າ​ວ່າ, ‘ຂ້ອຍ​ນີ້​ແຫຼະ ເປັນ​ຜູ້​ນັ້ນ ແລະ​ເວລາ​ກຳນົດ​ໃກ້​ເຂົ້າ​ມາ​ແລ້ວ,’ ພວກເຈົ້າ​ຢ່າ​ຕາມ​ເຂົາ​ໄປ.

ໂຢຮັນ 1:26

ໂຢຮັນ​ຕອບ​ພວກເຂົາ​ວ່າ, “ເຮົາ​ໃຫ້​ຮັບ​ບັບຕິສະມາ​ດ້ວຍ​ນໍ້າ ແຕ່​ມີ​ຜູ້ໜຶ່ງ​ຢືນ​ຢູ່​ທ່າມກາງ​ພວກທ່ານ ທີ່​ພວກທ່ານ​ບໍ່​ຮູ້ຈັກ.

ໂຢຮັນ 18:36

ພຣະເຢຊູເຈົ້າ​ຕອບ​ວ່າ, “ອານາຈັກ​ຂອງເຮົາ​ບໍ່​ເປັນ​ຂອງ​ໂລກນີ້ ຖ້າ​ອານາຈັກ​ຂອງເຮົາ​ເປັນ​ຂອງ​ໂລກນີ້​ແລ້ວ ພວກ​ຜູ້ຮັບໃຊ້​ຂອງເຮົາ​ຄົງ​ຈະ​ໄດ້​ຕໍ່ສູ້​ເອົາ​ເຮົາ​ໄວ້ ຈາກ​ການ​ຖືກ​ມອບ​ໃຫ້​ພວກ​ຢິວ, ແຕ່​ອານາຈັກ​ຂອງເຮົາ​ບໍ່​ເປັນ​ຂອງ​ໂລກນີ້.”

ໂຣມ 14:17

ດ້ວຍວ່າ, ອານາຈັກ​ຂອງ​ພຣະເຈົ້າ ບໍ່ແມ່ນ​ເລື່ອງ​ການ​ກິນ​ແລະ​ການ​ດື່ມ, ແຕ່​ແມ່ນ​ເລື່ອງ​ຄວາມ​ຊອບທຳ, ສັນຕິສຸກ ແລະ​ຄວາມ​ຊົມຊື່ນ​ຍິນດີ ທີ່​ມາ​ຈາກ​ພຣະວິນຍານ​ບໍຣິສຸດເຈົ້າ.

ໂກໂລຊາຍ 1:27

ພຣະເຈົ້າ​ຊົງ​ມີ​ພຣະ​ປະສົງ​ທີ່​ຈະ​ສຳແດງ​ໃຫ້​ໄພ່ພົນ​ເຫຼົ່ານັ້ນ​ຮູ້​ວ່າ ໃນ​ທ່າມກາງ​ຄົນຕ່າງຊາດ ອັນ​ໃດ​ເປັນ​ຄວາມ​ຮັ່ງມີ​ຂອງ​ສະຫງ່າຣາສີ​ແຫ່ງ​ຂໍ້​ເລິກລັບ ຄື​ທີ່​ພຣະຄຣິດ​ຊົງ​ສະຖິດ​ຢູ່​ໃນ​ເຈົ້າ​ທັງຫລາຍ ຊຶ່ງ​ເປັນ​ເຫດ​ໃຫ້​ຫວັງ​ວ່າ​ຈະ​ໄດ້​ເຖິງ​ສະຫງ່າຣາສີ​ນັ້ນ.