ລູກາ 15:8 - ພຣະຄຳພີສັກສິ

⁸ “ແລະ ມີ​ຍິງ​ຄົນ​ໜຶ່ງ​ທີ່​ມີ​ເງິນ​ຢູ່​ສິບ​ຫລຽນ ແລະ​ຫລຽນ​ໜຶ່ງ​ເສຍ​ໄປ ນາງ​ຈະ​ເຮັດ​ຢ່າງ​ໃດ? ນາງ​ຈະ​ບໍ່​ໄຕ້​ໂຄມ, ກວາດ​ເຮືອນ ແລະ​ຄົ້ນ​ຫາ​ຢ່າງ​ຖ້ວນຖີ່ ຈົນກວ່າ​ຈະ​ພົບ​ບໍ?

ພຣະຄຳພີລາວສະບັບສະໄໝໃໝ່

⁸ “ຫລື ສົມມຸດ​ວ່າ​ຍິງ​ຄົນ​ໜຶ່ງ​ມີ​ຫລຽນ​ເງິນ​ຢູ່​ສິບ​ຫລຽນ ແລະ ເສຍ​ໄປ​ໜຶ່ງ​ຫລຽນ. ນາງ​ຈະ​ບໍ່​ໄຕ້​ຕະກຽງ, ກວາດ​ເຮືອນ ແລະ ຄົ້ນຫາ​ຢ່າງ​ຄັກແນ່​ຈົນ​ກວ່າ​ນາງ​ຈະ​ພົບ​ຫລຽນ​ນັ້ນ​ບໍ?

ລູກາ 15:8 Jak'a apnaqawi uñst'ayäwi

ເອເຊກຽນ 34:12

ດັ່ງ​ຜູ້ລ້ຽງ​ເອົາໃຈໃສ່​ເຕົ້າໂຮມ​ແກະ​ທີ່​ໄດ້​ແຕກຝູງ​ໄປ​ນັ້ນ ມາ​ໂຮມເຂົ້າ​ກັນ​ອີກ​ສັນໃດ; ເຮົາ​ກໍ​ຈະ​ນຳ​ເອົາ​ແກະ​ທີ່​ໄດ້​ແຕກຝູງ​ໄປ ໃນ​ຍາມ​ອັນຕະລາຍ​ແລະ​ໃນ​ຍາມ​ອັນ​ມືດມົນ​ກັບຄືນ​ມາ​ຈາກ​ທຸກບ່ອນ​ສັນນັ້ນ.

ມັດທາຍ 5:15

ບໍ່​ຫ່ອນ​ມີ​ຜູ້ໃດ​ເມື່ອ​ໄຕ້​ໂຄມໄຟ​ແລ້ວ​ຈະ​ເອົາ​ເຂົ້າ​ໄວ້​ໃນ​ກະບຸງ, ແຕ່​ເຄີຍ​ຕັ້ງ​ໄວ້​ເທິງ​ທີ່​ສູງ​ເພື່ອ​ໃຫ້​ສ່ອງ​ແຈ້ງ​ໃສ່​ທຸກໆ​ຄົນ​ທີ່​ຢູ່​ໃນ​ເຮືອນ​ນັ້ນ.

ລູກາ 15:7

ໃນທຳນອງ​ດຽວກັນ​ນັ້ນ​ແຫຼະ ເຮົາ​ບອກ​ເຈົ້າ​ທັງຫລາຍ​ວ່າ, ໃນ​ສະຫວັນ​ຈະ​ມີ​ຄວາມ​ຊົມຊື່ນ​ຍິນດີ​ຫລາຍ ທີ່​ຄົນ​ບາບ​ຜູ້ໜຶ່ງ​ຖິ້ມໃຈເກົ່າ​ເອົາໃຈໃໝ່ ຫລາຍກວ່າ​ຄົນ​ສິນທຳ​ເກົ້າສິບເກົ້າ​ຄົນ ທີ່​ບໍ່​ຕ້ອງການ​ຖິ້ມໃຈເກົ່າ​ເອົາໃຈໃໝ່.”

ລູກາ 15:9

ເມື່ອ​ພົບ​ແລ້ວ ນາງ​ກໍ​ເອີ້ນ​ບັນດາ​ມິດ​ສະຫາຍ ແລະ​ເພື່ອນບ້ານ​ຂອງຕົນ​ມາ ແລະ​ເວົ້າ​ວ່າ ‘ຂ້ອຍ​ດີໃຈ​ຫລາຍ ເພາະ​ຂ້ອຍ​ໄດ້​ພົບ​ເງິນ​ຫລຽນ​ຂອງຂ້ອຍ​ທີ່​ເສຍ​ໄປ ຈົ່ງ​ມາ​ຮ່ວມ​ຊົມຊື່ນ​ຍິນດີ​ກັບ​ຂ້ອຍ​ເທີ້ນ.’

ລູກາ 19:10

ດ້ວຍວ່າ, ບຸດ​ມະນຸດ​ໄດ້​ມາ​ເພື່ອ​ຊອກ​ຫາ ແລະ​ໂຜດ​ເອົາ​ຄົນ​ທີ່​ຫລົງ​ເສຍ​ໄປ​ແລ້ວ​ນັ້ນ​ໃຫ້​ລອດພົ້ນ.”

ໂຢຮັນ 10:16

ມີ​ຝູງແກະ​ອື່ນ​ທີ່​ເປັນ​ຝູງແກະ​ຂອງເຮົາ ແຕ່​ບໍ່​ຢູ່​ໃນ​ຄອກ​ນີ້ ເຮົາ​ຈະ​ຕ້ອງ​ພາ​ແກະ​ເຫຼົ່ານັ້ນ​ມາ​ເໝືອນກັນ ພວກເຂົາ​ຈະ​ຟັງ​ສຽງ​ຂອງເຮົາ ເຮົາ​ຈະ​ເຕົ້າໂຮມ​ພວກເຂົາ​ເຂົ້າ​ເປັນ​ຝູງ​ດຽວ​ທີ່​ມີ​ຜູ້​ລ້ຽງ​ແຕ່​ຜູ້​ດຽວ.

ໂຢຮັນ 11:52

ແລະ​ບໍ່ແມ່ນ​ເພື່ອ​ແທນ​ປະເທດ​ຊາດ​ເທົ່ານັ້ນ ແຕ່​ເພື່ອ​ເຕົ້າໂຮມ​ປະຊາຊົນ​ທັງຫລາຍ​ຂອງ​ພຣະເຈົ້າ ທີ່​ໄດ້​ແຕກ​ກະຈັດ​ກະຈາຍ​ກັນ​ໄປ​ນັ້ນ ໃຫ້​ເຂົ້າ​ເປັນ​ອັນໜຶ່ງ​ອັນດຽວ​ກັນ.

ກິດຈະການ 19:19

ຄົນ​ທີ່​ເຄີຍ​ໃຊ້​ເວດມົນ​ຄາຖາ​ໄດ້​ເອົາ​ຕຳລາ​ຂອງຕົນ​ມາ ແລະ​ຈູດ​ໄຟ​ເຜົາ​ຖິ້ມ​ຕໍ່ໜ້າ​ຄົນ​ທັງຫລາຍ, ຕຳລາ​ເຫຼົ່ານີ້ ເມື່ອ​ຕີ​ລາຄາ​ລວມ​ກັນ​ແລ້ວ ທັງໝົດ​ຕົກ​ເປັນ​ເງິນ​ຫ້າໝື່ນ​ຫລຽນ.

ເອເຟໂຊ 2:17

ດັ່ງນັ້ນ ພຣະອົງ​ຈຶ່ງ​ໄດ້​ສະເດັດ​ມາ ແລະ​ໄດ້​ປະກາດ​ຂ່າວປະເສີດ​ເລື່ອງ​ສັນຕິສຸກ​ແກ່​ທຸກຄົນ​ຄື: ແກ່​ພວກເຈົ້າ​ຄົນຕ່າງຊາດ​ຜູ້​ທີ່​ຢູ່​ຫ່າງໄກ​ຈາກ​ພຣະເຈົ້າ ແລະ​ປະກາດ​ສັນຕິສຸກ​ແກ່​ຄົນ​ຜູ້​ທີ່​ຢູ່​ໃກ້​ພຣະອົງ.